La
televisioni
(neoluggismu gricizzanti pi "visioni a distanza") e unu di menzi di cumunicazzioni cchiu canusciuti e cchiu utilizzati o munnu, ca cunzisti nta trasmissioni e nta diffusa ricivibbilitati a distanza di mmaggini e soni. E unu di
menzi di cumunicazzioni di massa
.
Cunziddirata cuncittuarmenti n'evuluzzioni da
radiu
, ca putia trasmettiri sulu soni, fu parallilamenti sviluppata di diversi gruppi di travagghiu ‘n diversi paisi (e quinni arduu ndividuari na riali primugginitura), videmma pi finalitati militari (comu spissu succedi pi tanti mminzioni) e fu faciuta dispunibbuli o pubbricu subbutu doppu la fini da Secunna Guerra munniali.
La so simpricitati d'usu e l'attuali vasciu costu la purtaru a aciancari sempri cchiu afficacimenti li
jurnali
e la
radiu
comu funti di nfurmazzioni e, suprattuttu, di svagu, grazzi e nun nummarevuli
film
,
telefilm
e prugrammi di varitati ca sunnu trasmittuti.
Mentri pi l'audiu putia aggivurmenti utilizzarisi la ticnoluggia da radiu, pa riprisa, la trasmissioni e la ricizzioni di mmaggini avianu a studiarisi novi formi tecnichi d’aciancari.
Partennu du
cuncettu
da pirsistenza di mmaggini supra la ritina umana, lu cui principali utilizzu cumunicativu era lu cinema, tannu ‘n marcatu cunzulidamentu, e carculannu di prupurzioni di difinizzioni pi quali l'occhiu umanu nun avissi pututu distinquiri li diffirenzi di diminzioni nfinitesima, si pinzau di renniri supra nu schermu idoniu (
televisuri
) na mmaggini alittronica scannuta di na
telecamera
e ch’e trasmittuta via radiu.
La telecamera, ricarcata pi l’ottichi supra la cineprisa, analizzava alittronicamenti braneddi nfinitisimali da mmaggini nquatrata, usannu nu pinzeddu alittronicu di littura ca scurria la mmaggini pi righi, di manca a dritta, cumpunia nu paccheddu di dati du tipu "lustru/scuru" (analucu a l'accessu/spentu e appoi o 0/1 du sistema binariu) e lu trasmittia urdinatamenti via radiu.
Pi n’autra manu, lu ricivituri dicudificava sti dati attraversu n’autru pinzeddu alittronicu (di scrittura) ca pircurria d’arreri, sempri pi righi alterni, lu schermu e cu nu fasciu d’alittroni addumava di fosfuri ca na vota "eccitati" emittianu luci, lassannu inerti chiddi unni succidia scuru.
Stu fasciu d’alittroni vinia "guidatu" d’un campu alittromagneticu criatu di di bubbini ca s’attrovanu supra lu coddu du tubbu catodicu
Li tempura veru ridutti di scanzioni (25 fotugrammi o secunnu) cunzintianu appoi di renniri li mmaggini ‘n siquenza a ritmi supiriuri a chiddi du cinema, cunzintennu n'uttimali rinnuta du muvimentu.
Pa trasmissioni foru scigghiuti gammi di friquenza ca cunzintissiru n'anchia purtata di dati, li megghi risurtannu nfini chiddi di
VHF
(Very High Frequencies, friquenzi di 30 a 300 MHz)
e
UHF
(Ultra High Frequencies, friquenzi da 300 MHz a 3.0 GHz)
. Pa ricizzioni si fici nicissariu dutari l’apparati riciventi di ntinni cumplessi, capaci di cogghiri cu sufficenti amprificazzioni li vari cumpunenti du signali.
La banna c’ogni canali uccupa e di 7 MHz pi trasmissioni ‘n VHF, 8 MHz pi trasmissioni ‘n UHF.
Cu tempu, e cu prugressu di ticnoluggii alittronichi (ma videmma ca prugrissiva riduzzioni di diminzioni di cumpunenti, grazzi a li transistor), fu pussibbuli iputizzari e rializzari na trasmissioni di mmaggini a culuri, effittuannu analisi e suddivisioni da mmaggini scannuta secunnu li cumpunenti di culuri funnamintali (russu, azzolu e virdi), di ripruduciri ‘n tutta analuggia supra schermi. Li cui fosfuri eranu dividuti ognidunu ‘n 3 fosfuri cchiu nicareddi, unu russu, unu azzolu e unu virdi.
Nto
1977
veni quinni ntruduciuta ‘n
Italia
la
televisioni
a
culuri
, prisenti a l'astiru d’arcuni anni.
Nta l’Italia li primi trasmissioni spirimintali da televisioni foru effittuati a partiri du
1934
, ma nu survizzu di trasmissioni riulari accuminzau surtantu lu 3 di jinnaru di
1954
, a cura da
RAI
, ubbiamenti ‘n jancu e niuru.
Lu signali agghicau supra tuttu lu tirritoriu nazziunali dui anni doppu, e a ddu mumentu l’abbunati eranu ancora rilativamenti picca - 360.000 - a causa du costu elivatu di l’apparecchi.
Di l’
anni Cinquanta
la diffusioni da tv crisciu a ritmi stupifacenti, comu pricidintimenti succidutu supra lu mircatu miricanu.
Nta dd’anni la televisioni era nu beni di lussu ca picca taliani putianu pirmettirisi, tantu ca li bar o li casi di li propi vicini addivintaru lochi pridiletti pi visioni di gruppu, suprattuttu ‘n accasioni di trasmissioni du primu e subbutu pupularissimu
telequiz
talianu, li primi piuneri foru
Mariu Riva
cu
Il Musichiere
, e
Mike Buongiorno
cu pupularissimu
Lascia o raddoppia?
, tannu quasi nu dibbuttanti ma ca di dda avissi pigghiatu li mossi pi na stripitusa e lunghissima carrera.
Nta l’anni '60, cu prugressu di l'econumia, lu televisuri divinni accissoriu di sempri maiuri diffusioni, nzinu a junciri macari classi suciali menu aggiati; l'elivatu tassu di
anarfabbitismu
riscuntratu tra chisti suggiriu la mittuta ‘n unna di "Non e mai troppo tarde" (
1959
-
1968
), nu prugramma di nzignamentu elimintari ch’era cunnuciutu du mastru
Alberto Manzi
e ca, fu stimatu, avissi aiutatu quasi un miliuni e menzu d’adulti a cunzequiri la licenza elimintari.
Videmma li tappi succissivi du sviluppu televisivu talianu ndicanu un ritardu rispettu a l’autri paisi europei: sulu nto
1961
nizziaru li trasmissioni di lu secunnu canali RAI, lu culuri agghicau nto
1977
e la terza riti tv tra la fini du
1979
e lu nizziu du
1980
(comu di riforma du 1975), sempri nto stissu annu nasci Telemilano 58 (Canale 5).
Lu dicenniu succissivu vitti l'affirmazzioni di l’emittenti privati di
Silvio Berlusconi
e lu so mmidiatu successu (cu l'aiutu di
Bettino Craxi
, ca c’un dicretu ligalizzau la tv privata, ca prima nun era ligali pu monopoliu di statu
RAI
).
La prulifirazzioni d’emittenti televisivi addumannau a cchiu riprisi ntirventi liggislativi di riulamintazzioni, nuddu di quali nisciu ubbiamenti indenni di pulemichi. L'articulazzioni di prubbrimatichi nnistati e tali di cuimmorciri nta l’argumenti di discussioni dritti custituzziunali e custioni d’uppurtunitati pulitichi, essennusi addirittura sviluppata na jurisprudenza spicialistica (p’asempiu li mai rispittati sintenzi da Corti Custituzziunali). ‘N particulari si riteni ca la situazzioni taliana, bucciata di diversi assuciazzioni suvranazziunali a causa da prisunta cuncintrazzioni di mass-media nte manu di
Silvio Berlusconi
, e ‘n cuntrastu cu funnamintali articulu 21 da Custituzzioni (libbirtati di sprissioni), armenu nto dilicatissimu campu tv.
Cronoluggia di l'evuluzzioni da televisioni nto munnu
[
cancia
|
cancia la surgenti
]
- 1974
: lu
10 di giugnettu
li sintenzi n. 225 e n. 226 stabbiliscinu li cunnizzioni minimi pi cunziddirari lu monopoliu radiutelevisivu pubbricu cunformi a li principi custituzziunali; pigghia lu via la liggittimazzioni di trasmissioni ‘n Italia di prugrammi astiri e di prugrammi via cavu ‘n ammitu lucali.
- 1975
: lu
14 d’aprili
la liggi n. 103 sancisci la riforma da Rai; la tv di Statu passa du cuntrollu du Cuvernu a chiddu du
Parramentu
: nasci ufficiarmenti la
luttizzazzioni
; si pruggetta la custruzzioni di na terza riti pubbrica.
- 1976
: lu
31 di dicemmiru
va ‘n unna l'urtima puntata di Carosello. Accabba quinni la veru siquiuta trasmissioni pubbricitaria di
prima sirata
ca tantu successu avia scutuliatu sia nta fascia adulta ca tra li cchiu nichi
teleutenti
. Ca sintenza n. 202 du
28 di giugnettu
s’agghica a lu supiramentu da liggi di riforma da Rai du 1975 e la liggittimazzioni di l’emittenti privati via eteri ‘n ammitu lucali.
- 1977
: veni ntruduciuti ‘n
Italia
lu culuri, gia prisenti di tempu nta autri paisi (li primi videocameri a culuri, nte
Stati Uniti
, eranu gia ‘n circulazzioni spirimintali duranti la
secunna guerra munniali
).
- 1979
: lu
15 di dicemmiru
nizzianu li trasmissioni di
Raitre
.
- 1980
: nasci
TeleMilanu
, la futura
Canale 5
.
- 1994
: lu furmatu tv passa di li 4/3 (rapportu tra larghizza e autizza) a li 16/9 utilizzati sulitamenti nto
cinema
.
- 1997
: cumpari supra lu mircatu lu primu televisuri a lu
plasma
.
- 2000
: la ticnoluggia
LCD
(
Liquid Crystal Display
), nata pi
monitor
di
personal computer
, veni aduttata videmma nta custruzzioni di l’apparecchi televisivi.
- 2002
: nasci
OrfeoTv
, la prima televisioni di strata -
Telestreet
ca trasmetti lu propiu signali supra nu conu d'ummira du centru di
Bulogna
.
- 2003
: l'
1 di dicemmiru
lu
network televisivu
Mediaset
accumenza li trasmissioni
diggitali
tirrestri.
- 2004
: lu
3 di jinnaru
, cinquant'anni doppu la nascita da televisioni taliana, la RAI nizzia a so vota lu survizzu di
trasmissioni diggitali tirrestri
; lu
6 di frivaru
nasci
Sportitalia
, nu canali televisivu gratuitu ntiramenti didicatu o sport.
- 2005
:
Mediaset
e
La7
lanzanu nu novu survizzu supra lu diggitali tirrestri: la pay-per-view di vari abbinimenti (partiti di seri A, film, cuncerti...).