Die
Dakar-tydren
(voorheen bekend as die
Parys-Dakar-tydren
) is 'n jaarlikse tydren wat deur die
Amaury Sport Organisation
georganiseer word. Die tydren is oop vir amateur- en professionele jaers, maar amateurs maak gewoonlik tot 80% van jaers uit.
Die Dakar kan eerder as 'n uithourit beskou word as 'n tradisionele tydren, aangesien die landskap waaroor deelnemers jaag baie veeleisender is, terwyl die voertuie eerder ware veldvoertuie is as gemodifiseerde sedans wat in gewone veldwedrenne gebruik word. Behalwe gewone veldwerk wat die voertuie moet verrig, is bykomstige hindernisse die oorsteek van sandduine, modder,
kameelgras
, rotse, ensovoorts. Afstande per dag kan ook tot 'n hele paar honderd kilometers wees, wat uiterste uithouvermoe verg.
Die tydren het ontstaan in 1978, 'n jaar nadat 'n jaer,
Thierry Sabine
, in die woestyn verdwaal het, en gedink het dit is die ideale plek vir 'n jaarlikse uithourit. Aanvanklik het die wedren jaarliks in
Parys
,
Frankryk
, begin en in
Dakar
,
Senegal
, geeindig. As gevolg van politieke en ander faktore het die begin en eindpunt egter later verskil van die oorspronklike. In die
Afrika
-era was die eindpunt met die uitsondering van vier tydrenne in Dakar, maar Parys was net die beginpunt tot in 1995. Tussen 2009 en 2019 is die Dakar-tydren in
Suid-Amerika
aangebied. Sedert 2020 vind dit in
Saoedi-Arabie
plaas.
Volledige lys van vorige roetes
[
wysig
|
wysig bron
]
Die tydren het voorheen (tot 2007) gewoonlik deur
Marokko
,
Wes-Sahara
en daarna na die graslande en woestyne in
Mauritanie
gegaan. Die gedeeltes deur Atar en die sandduine en
canyons
van Mauritanie se Adrar-streek was beskou as die mees uitdagende van alle veldtydrenne.
In 1992 het Hubert Auriol die Dakar in 'n sedanvoertuig gewen nadat hy voorheen die motorfietsafdeling van die kompetisie twee keer gewen het. Dit het hom die eerste jaer gemaak wat in beide die tweewiel- en vierwielafdelings geseevier het.
Die 2008 Dakar-tydren is op 4 Januarie 2008 jammerlik gekanselleer, te midde van vrese oor moontlike terrorisaanvalle in die Sahara. Dit het bygedra tot gerugte deur koerante dat dit die einde van die tydren voorspel.
Chili
en
Argentinie
het hulle landgebied aangebied om die ren te huisves, asook
Tsjeggie
.
Tussen 2009 en 2019 is die Dakar-tydren jaarliks in Suid-Amerika gehou. Sedert 2020 word die Dakar-tydren in
Saoedi-Arabie
gehou.
Die drie vernaamste kompetisieklasse in die Dakar-tydren is
motorfietse
, sedan
motorvoertuie
(enige iets van strand-knortjorre ("beach buggies") tot vragmotors) en groot
vragmotors
. Baie voertuigvervaardigers gebruik die uiterste omstandighede van die tydren om voertuie te toets en die uithouvermoe van hul voertuie ten toon te stel.
Oorspronklik het Europese veeldoeligheidsvoertuie soos die
Land Rover
, die
Range Rover
, die
Mercedes-Benz
G, en die
Pinzgauer
, sowel as die
Japannese
Toyota Land Cruiser
, die tydren oorheers. Ander vervaardigers het gemodifiseerde stadsvoertuie soos die
Rolls-Royce
,
Citroen
,
Peugeot
(405 T16 en 205 T16) en selfs
Porsche
ingeskryf.
In 2002 was voorbeelde van die sedan-motorvoertuigklas die
Mitsubishi Pajero
/Montero, die
Volkswagen Touareg
, en die
Nissan Navara
.
Mercedes-Benz M-klas
,
BMW X5
en
BMW X3
,
Hummer
H1 en Hummer H3 sportveeldoeligheidsvoertuie was ook teenwoordig, maar het nie in die wennersposisies gespog nie. Jean-Louis Schlesser het 'n reeks strandknortjorre gebou vir die tydren wat heelwat wenners opgelewer het. Amerikaanse "Baja" styl vragmotors het ook hul verskyning gemaak, maar selde gewen.
Vragmotors (T4 "Camions" of "Lorries") sluit in
Tatra
,
LIAZ
,
Kamaz
,
Hino
,
MAN
,
DAF
,
PERLINI
, Mercedes-Benz Unimog,
Renault
Kerax,
SCANIA
,
IVECO
en
GINAF
. In die 1980's was daar sterk kompetisie tussen DAF en Mercedes-Benz, wat gelei het tot voertuie met twee enjins wat meer as 1000 perdekrag (hp) (750 kW) uitgestoot het. Later het Tatra, Perlini en Kamaz tot die tydren toegetree.
KTM
is die mees populere en meestal die wenmotorfiets. Die grootste mededingers in die motorvoertuigklas is
MINI
, Volkswagen, Mitsubishi en Nissan, en in die motorfietsklas Yamaha en KTM. Na 2000 het hernude kompetisie begin in die vragmotorklas tussen DAF, Tatra, Mercedes-Benz en Kamaz.
In 1982 het
Mark Thatcher
, seun van die destydse Britse eerste minister
Margaret Thatcher
, en sy Franse medebestuurder, Charlotte Verney en 'n meganikus, vir ses dae verdwyn. Die drietal het op 9 Januarie herstelwerk aangebring en toe die verkeerde pad verder gevolg. 'n Algeriese militere vliegtuig het hulle wit Peugeot 504 50 km van koers af gevind.
In 1986 het die organiseerder van die tydren, Thierry Sabine, dood verongeluk in 'n
helikopterongeluk
.
Ses mense, drie deelnemers en drie plaaslike inwoners, is dood tydens die 1988-wedren. Dit sluit in 'n 10-jarige kind van
Mali
wat die pad oorgesteek het, en 'n kameraspan wat 'n ma-en-dogter in
Mauritanie
doodgery het.
In 2005 is vyf mense, insluitende twee renjaers dood in die tydren, terwyl 'n
Suid-Afrikaner
, Elmar Symons, 'n motorfietsjaer in die 2007-tydren, oorlede is.
Die tydren het reeds kritiek uit verskeie oorde ontvang, meestal as gevolg van die impak van die tydren op die plaaslike bevolkings waardeur gejaag word. Die feit dat Wes-Sahara 'n deurgangspunt is sonder dat die Polisario Front (die aanvaarde verteenwoordiger van die
Sahrawis
-inwoners in Wes-Sahara wat deur Marokko beset word) se mening ingewin is, was nog 'n punt van kritiek. Na hierdie kritiek het die organiseerders van die ren sedert 2000 die Polisario Front se toestemming verkry.
Die
Vatikaan
, Afrika-menseregtegroepe en die Groen Party in Frankryk het ook al beswaar aangeteken teen die tydren weens verskeie redes. Plaaslike gemeenskappe kla dat hulle min voordeel uit die tydren trek, aangesien die deelnemers min geld op plaaslike goedere spandeer, maar mense en diere baie keer sterf in die jaers se pad.
- ↑
(
en
)
"2009 Uitgawe > Die Roete"
. Dakar-tydren.
Geargiveer
vanaf die oorspronklike op 29 Januarie 2016
. Besoek op
29 Januarie
2016
.
- ↑
(
en
)
"Die Roete"
.
2010 Dakar Argentina-Chile
. Dakar-tydren.
Geargiveer
vanaf die oorspronklike op 13 Oktober 2015
. Besoek op
13 Oktober
2015
.
- ↑
(
en
)
"Roete"
. Dakar-tydren.
Geargiveer
vanaf die oorspronklike op 22 Desember 2010
. Besoek op
22 Desember
2010
.
- ↑
(
en
)
"Dakar Retrospective 1979?2009"
(PDF)
.
Official website of the Dakar rally raid
. Amaury Sport Organisation
. Besoek op
19 Julie
2013
.
Hierdie artikel is in sy geheel of gedeeltelik vanuit die
Duitse Wikipedia
vertaal.
|
|