Ene maladeye (on dit eto : on ma ), c' est on disbrolmint do rotaedje des organes d' ene vicante sacwe  : djins , biesses u plantes .

Ene vicante sacwe k' a ene maladeye, on dit k' elle est malade . Po ene djin, si c' est djusse on cmincmint, on dit k' elle est fayeye, sakeye, cacame, halotche, k' ele cove ak.

Les maladeyes des djins sont studieyes pal medcene ; les cenes des biesses pa l' artisyince (syince des artisses , medcene veterinaire); les cenes des plantes pal fitiyatreye .

Situdiaedje d' ene maladeye [ candji | candji l’?code wiki ]

On discrit ene maladeye pa :

• si istwere e malade (et minme e s' famile): anamneze
• si mineyolodjeye (manire k' ele si spad dins ene peuplacion)
• ses cazes ( etiyolodjeye )
• ses senes sol vicante djin, biesse u plante ( semiolodjeye ).
• les damadjes k' on trouve cwand li djin, li biesse, li plante est creveye; l' operacion pi vey coula as djins et as biesses si lome otopseye ou discopecaedje .
• si medyince (totes les manires k' i s' pout del medyi, terapeutike )
• si espaitchance (totes les manires k' i s' pout di l' espaitchi, profilacseye )

Rindjmint des maladeyes [ candji | candji l’?code wiki ]

Gn a des maladeyes di skepiance et des otes k' on-z atrape.

Les maladeyes polet aveur des cazes difoutrinnes u dvintrinnes. Dins les difoutrinnes cazes, on fwait sovint l' diferince inte les cenes vinant d' en adjint fizike, tchimike u boyolodjike. Dins les adjints boyolodjikes, gn a les virusses , les bactereyes , les protozowaires et les formagnants . Come on n' kinoxhe nen todi les cazes, on pout totossu ben rindji les maladeyes sorlon les organes la k' ele si rashiyet.

Hardeyes divintrinnes [ candji | candji l’?code wiki ]

• Maladeyes des djins
• Maladeyes des rodjes biesses (vatches)
• Maladeyes des blankes biesses (bedots)
• Maladeyes des tchvas
• Maladeyes des tchens
• Maladeyes des poyes

I gn a so les cmons Wikipedia des imadjes ou fitchis son a vey avou les maladeyes .