La malotia es un procesu i la consecuencia del afeccion dun sel vivu, caracterizau por una alteracion del su estau ontolohicu e salu. L'estau i/o procesu de malotia puei sel provocau pol diversus factoris, tantu intrinsecus como extrinsecus al organismu enfermu: estus factoris se denominan noxas (del griego nosos: ≪enfermeda≫, ≪afeccion dela salu≫).

Heneralmenti s'entiendi la malotia comu una entida opuesta a la salu, cuy efectu negativu es consecuenci duna alteracion o desarmonicacion dun sistema a cualquiera que sea el nivel (moleculal, corporal, mental, emocional, espiritual, etc...) 'el estau fisiolohicu considerau comu normal, equilibrau o armonicu.

Las malotias que afectan a las plantas i algotrus henerus botanicus conciernen a la Fitopatolohia, las malotias delos animalis son 'el domenu dela Ciencia Veterinaria. La malotia umana es el nucleu organicador dela Ciencia Medica, porque gran parti 'el conocimientu medicu esta orientau acia la malotia i la su solucion.

Estrictamenti (dentru 'el campu medicu), las malotias son objetu d'estudiu dela Patolohia ('el gregu παθο?: ≪afeccion≫, ≪sufrimientu≫) que huchea las caracteristicas proprias e ca entida, los sus componentis i el procesu que desarrollan, en relacion conla evidencia morfofisiolohica que s'imprimi en la biolohia 'el organismu enfermu. Nostanti, es la Nosolohia la desciplina encarga de gobernal la definicion i clasificacion las diversas malotias sigun una normativa basa ena caractericacion i identificacion de los componentis i funcionis que definin ca entida nosologica comu algu unicu i discernibili 'el restu. Assin, son estudias nun contestu mas cumpriu, comparativu, i sistematicu, dentru dun esquema global dela patolohia.