Late we o nivo di so ekwato, ke roun panorama asou Afrik-a.
Late
(senbol astronomik :
) sa roun
planet
di Sistem soler, trwazyem pli proch di
Soley
e senkyem pli grann, an tay kou an mas, di sa sistem planeter don li sa osi pli masiv de planet telirik.
Late forme so ko i te gen 4,54 milyar di lannen anviron e lavi-a te aparet mwen di roun milyar di lannen plita. Planet-a ka abrite de milyon di lespes vivant, don moun-yan. Byosfe-a di Late te fortman modifye latmostfe-a ke rot karakteristik abyotik di planet-a, ki ka permet proliferasyon-an d'organism aerobi di menm ki formasyon-an di roun kouch d'ozonn, ki asosye o chan magnetik teres, ka bloke oun parti de reyonnman soler, ki ka permet ensi lavi asou Late.
Laj di Late sa jodla estime a 4,54 milyar di lannen. Listwe-a di Late sa divize an kat gran enterval di tan, nonmen eon.
Konparezon de tay de planet telirik ke di gosh a dret : Merkir, Venis, Late ke Mars.
Form-a di Late sa aproche pa roun elipsoyid, oun sfe aplati o pol. Rotasyon-an di Late ka antrene aparisyon-an di roun leje bourle di sort ki djamet a ekwato-a sa 43 kilomet pli lonng ki djamet poler (di pol No o pol Sid).
