Thomas Alva Edison
wohr ene Jeschaffsmann un Afender en der
USA
. Jelaav hadd er vum 11. Fabrowa
1847
bes zom 18 Oktohber
1931
en de Houpsaaach om
New York
un drom erom. Ha hadd sejj en jruhße Zahl Saache, Apparahte un Apparatuhre ußjedaach un en de Walt jebraat, di et Lavve ovverall op de Aad verandere dahte. Dohzoh jehure der
Fonnojraf
, de
Fellemkammera
, un de
Lampe
for et elaktresche Leesch. Mer hadd en och ?der Zaubermann vum
Menlo Park
“ jenannt.
Weil ha onger de eetze Antweckler un Afenger wohr, di de Prinzipije vun Maßße-Produxjohn un -Zesammewerke op sing Arbeid aanjewandt han, saat mer em och off noh, ha hatt et eeze
Forschongslabohr
em endustrejalle Schtil bedrevve.
He hadd 1093
Patente
en de USA un och ene Houfe en
Jruhßbretannije
,
Frankrisch
un
Deutschland
jehatt. Ovvertroffe dovun wohr avver wat sing Antdackonge un Afendonge bewerk han.
Elekatrezetahd
un elektresch Leesch, et Faßhallde vun Tohn un der
Fellem
han alle iehr eije Brangsche un e jruhß Jeschaff opjebout. Un dat en de jannze Wallt. Sing Idehje han de Ovverdrahrong vun Enfommazjuhne un der Ußtuusch zwesche de Minsche voraanjebraat un besonders et Tellefohn un de Tellekommunikazjuhn. Dobei wohr ene Nohreeschtedeens for de Borse, meschahnesche Apparahte for Stemme bei Wahle ze zalle, en Battrih for Alaktro'autos, der Schtrohm un de Elatezetaht, Mussik op
Plaate
un Kinno-Felleme.
Sing fottjeschredde Arbeid en da Falder kohm vun singe aanfanglesche Arbeid beim
Tellejraf
ihre. Ha hat sesche e Nazwark ußjedaach for Elaktreztat zu produzehre un ze verdeijle, un zwa aan Huuser met Wonnunge, Jeschaffte, un Fabrekke, wad ene Jrond jelaat hat for de Walt vu de Endußtrie vun hukzedahchs.
Sing eez
Kraffwark
schtund en de Pahleschtrohß (
Pearl Street
) en
Manhattan
en
New York
.