De Mudderdag oder Moderdag is en Fierdag to Ehren vun de Mudder un vun dat Mudder-Ween. He hett sik vun dat 20. Johrhunnert af an in de westliche Welt utbreedt. In Duutschland un de Lanner, wo Plattduutsch snackt warrt, warrt he fiert an'n 2. Sonndag in'n Mai .

Geschicht [ annern | Bornkood annern ]

De Mudderdag kummt an un for sik ut de Froenbewegen in England un de USA her. 1865 versoch Ann Maria Reeves Jarvis unner den Naam Mothers Friendships Day en Mudder-Bewegen to grunnen. Dor hett se so nommte Mothers Day Meetings bi inricht'. Bi dusse Drepen gung dat dor um, datt Mudders tohopenkamen un over aktuelle Fragen mit'nanner snacken konnen. ^[1] 1870 hett Julia Ward Howe unner den Titel peace and motherhood en Mudders-Fredensdag-Aktschoon anfungen. Dor harr se dat dor bi up afsehn, datt de Sohns nich mehr for'n Krieg henslacht weern schollen. ^[2]

Dat geiht los in de USA [ annern | Bornkood annern ]

As de Fro, de mit den hudigen Mudderdag anfungen hett, warrt avers Anna Marie Jarvis ankeken. Se hoor to de Evangeelsche Freekarken vun de Methodisten to. An'n tweeten Johrdag vun den Dood vun ehre Mudder Ann Marie Reeves Jarvis hett se in Grafton in West-Virginia en Memorial Mothers Day Meeting afholen. Dat weer de 12. Mai 1907 . ^[3] Un se hett sik dor denn achter klemmt, datt in dat tokamen Johr wedder an'n 2. Sonndag in'n Mai in de Methodistenkarken in Grafton for all Mudders en Andacht afholen wurrn is. Ut Leevde for ehre dode Mudder hett se an annere Mudders 500 witte Nelken vor de Karken verdelen laten.

Se hett dat vun dor af an as ehren Beroop ansehen, en offiziellen Mudderdag in to richten. Nu gung dat los un se hett an Politikers, Geschaftsluud, Geistlichen un Froenverenen schreven. De Bewegen is slank grotter wurrn. Al 1909 is de Mudderdag in 45 US-Bundsstaaten fiert wurrn. 1912 hefft em de Methodisten in West-Virginia infohrt. An'n 8. Mai 1914 hett de US-Kongress de Joint Resolution Designating the Second Sunday in May as Mother's Day rutgahn laten. Dor stunn binnen, de Prasident scholl tosehn, datt de 2. Sonndag in'n Mai ut Leevde un to Ehren vun de Mudders as Mudderdag fiert weern scholl. De apenlichen Bowarke schollen dor up Befehl vun den Prasidenten de Flaggen hissen. Just so, as de Kongress dat foddert hett, hett US-Prasident Woodrow Wilson dat denn ok noch in datsulvige Johr anordert.

In annere Lanner [ annern | Bornkood annern ]

Al 1912 is en Mother's Day International Association grunnt wurrn. De harr sik dat vornahmen, datt de Mudderdag ok internatschonal utbreedt weern scholl. ^[4] Nadem dat Vereenigte Konigriek den mothering day overnahmen harr, hett sik de Fierdag 1917 in de Swiez , 1918 in Finnland un Norwegen , 1919 in Sweden , vun 1923 af an in Duutschland un 1924 in Oosterriek utbreedt.

Duutschland [ annern | Bornkood annern ]

In Duutschland sund dat de Blomenhokers ween, de den Mudderdag 1922/23 infohrt hefft. Se hefft dormols Plakate in de Schaufinsters uphungen, wo up to lesen stunn: ?Ehret die Mutter“. Toeerst gung dat dor denn dor um, slicht Blomen to verkopen, mit Politik harr dusse Dag in Duutschland eerst gor nix to doon. An'n 13. Mai 1923 is de Mudderdag to'n eersten Mol in Duutschland fiert wurrn. Vun 1926 af an leeg de Warf for den Mudderdag in de Hannen vun de ?Arbeitsgemeinschaft fur Volksgesundheit“. Se scholl sik dor an setten un ?Karken un Scholen winnen un de Regeern dor hen to bringen, den Mudderdag an'n tweeten Sonndag in'n Mai as offiziellen Fierdag fast to leggen.““. ^[5] Richtig vorankamen is de Fieree vun dussen Dag denn in de Nazi -Tiet. Offiziellen Fierdag is de Dag glieks 1933 wurrn un to'n eersten Mol is he an'n 3. Sonndag in'n Mai 1934 as ?Gedenk- un Ehrendag vun de duutschen Mudders“ fiert wurrn. Dormols is ok de Mudderdeenst infohrt wurrn. 1938 keem dor denn noch dat Mudderkruuz to, wat an'n 21. Mai 1939 to'n eersten Mol utgeven wurrn is. ^[6] In de Bundsrepubliek Duutschland is de Mudderdag vun 1949 af an up den 2. Sonndag in'n Mai leggt wurrn. Dor hannelt sik dat nich um en offiziellen (gesetzlichen) Fierdag bi. Blomenhokers droovt ehre Ladens an dussen Sonndag in de meisten Bundslanner den ganzen Dag open holen.

Wonnehr warrt de Mudderdag in de verschedenen Lanner fiert [ annern | Bornkood annern ]

Literatuur [ annern | Bornkood annern ]

• Karin Hausen: Mutter zwischen Geschaftsinteressen und kultischer Verehrung. Der ?Deutsche Muttertag“ in der Weimarer Republik ; in: Gerhard Huck (Rutg.): Sozialgeschichte der Freizeit ; Wupperdaal 1980; S. 249-280
• Max Matter: Entpolitisierung durch Emotionalisierung. Deutscher Muttertag ? Tag der Deutschen Mutter ? Muttertag ; in: Rudiger Voigt (Rutg.): Symbole der Politik, Politik der Symbole ; Opladen 1989; S. 123-135
• Eduard Strubin: Muttertag in der Schweiz . Schweizerisches Archiv fur Volkskunde , Jg. 52, 1956, S. 95-121
• Irmgard Weyrather: Mutterkreuz und Muttertag. Der Kult um die ?deutsche Mutter“ im Nationalsozialismus ; Frankfort/M.: Fischer, 1993; ISBN 3-596-11517-5

Borns [ annern | Bornkood annern ]

1. ↑ Strubin, S. 96.
2. ↑ Mother's Day Proclamation
3. ↑ Strubin, S. 96.
4. ↑ Strubin, S. 99.
5. ↑ Verbandszeitung Deutscher Blumenhandler 13/1926; ziteert nah Hausen (1980)
6. ↑ Meyers Lexikon, 8. Upl., Bd. 8, Sp. 14 Muttertag
7. ↑ El origen del Dia de la Madre Autor: Lic. Pedro Rafael Diaz Figueroa, in "El Nuevo Diario", 27.5. 1999

Weblenken [ annern | Bornkood annern ]

• Sandra Kegel: Zum 100. Jahrestag: Die Muttertagsmaschinerie , FAZ , 11. Mai 2008
• Kritisch: Mudderdag un ?Mudderkruuz“
• Muttertag - Ole Postkarten
• Klassische Gedichte un Zitate to'n Mudderdag ,