Li Die del matre es un festa-die in li occidental munde por honorar matres e li matrinita. It es festat desde li fine del Unesim Guerre Mundal e origina del Unit States de America .

Li modern fundatora del Die del matre es li US-american femina Anna Marie Jarvis qui etablisset un celebration por matres in li annu 1907 in Grafton . Per un decision del parlament del Unit States de America in li annu 1914 li Die del matre esset etablisset quam festa-die li duesim soledi in li mensu may.

Desde li annu 1917 it esset festat anc in Svissia , desde 1918 in Finland e Norvegia , desde li 1919 in Svedia e desde li annu 1923 in Germania e desde li annu 1924 in Austria .

Un del customes del Die del matre es que li infantes da al matre quelc litt donationes quam flores, chocolate o self-constructet cose.