Dit artikel is gesjreve (of begos) in 't Remunjs . Laes hie wie v'r mit de versjillende saorte Limburgs omgaon.

Tornado's zeen, ondanks haor geweunlik klein middeliene, verinnewerende wervelwinje die in haor krachtigste vorm veurnamelik gedoerende 't raengesezoen op 't vastelandj en de eilenj van Noord- en Centraal-Amerika veurkomme. Geweunlik traeje tornado's es duuster, trechtervormige cyclone op. Ze waere doks door 'n donderbui en duuster wolk veuraafgegange.

Tornado's komme aevel ouch veur in de Benelux , mer hie bereike ze zelje 'n verwoestende krach. Meistal sjprek me hie van 'n windjhoos .

Besjrieving [ bewirk | bron bewerke ]

'nen Tornado is 'n rondjdrejjendje lochkolom die hengk aan 'ne cumulonimbuswouk. Dees lochkolom drejtj hieel snel rondj en raak de oppervlakdje vanne aerd.

Tornado's ontstaon gewuuenlik oet 'nen onwaersstorm. Haor kraf is hieel sterk en kan in uterste vel oploupe toet 'n drejjing van 480 km de oer mit 'n verinnewerendje wirking euver e gebied det 1,6 km breid is en 80 km lank.

De windj in d'n tornado is hieel kreftig en kan zelfs zwaor veurwirpe wie wages, buim en daakplate opzugen inne loch. Lichte veurwirpe wie pepier konne toet 160 km waeren eweggeblaoze.

Klasse [ bewirk | bron bewerke ]