San Marino

Ut Wikipedy
Repubblica di San Marino
Flagge fan San Marino Wapen fan San Marino
Flagge Wapen
Lokaasje fan San Marino
Offisjele taal Italjaansk
Haadsted San Marino
Steatsfoarm Republyk
Gebiet
% wetter
61 km²
0­%
Ynwenners ( 2020 ) 34.232
Munt Euro (EUR)
Tiidsone UTC +1
Nasjonale feestdei -
Lankoade SMR
Ynternet .sm
Tillefoan 378

San Marino is in lan in Sud-Jeropa . De haadsted is ek San Marino en de twa Capitani Regenti fan de republyk binne sunt 2014 Valeria Ciavatta en Luca Beccari .

Geografy [ bewurkje seksje | boarne bewurkje ]

Politike geografy [ bewurkje seksje | boarne bewurkje ]

San Marino is ferdield yn 9 ferskate gemeentes ( castelli , meartal castello yn it Italjaansk ). De njoggen gemeentes binne:

Nr. Gemeente Gebiet
km²
Ynwenners
1 Castello di Serravalle 10,53 10.571
2 Castello di Domagnano 6,62 3.256
3 Castello di Faetano 7,75 1.180
4 Castello di Montegiardino 3,31 910
5 Castello di Fiorentino 6,57 2.548
6 Castello di Chiesanouva 5,46 1.087
7 Castello della Citta di San Marino * 7,09 4.214
8 Castello di Acquaviva 4,86 2.096
9 Castello di Borgo Maggiore 9,01 6.609
  San Marino 61,2 32.471

* Haadsted fan San Marino

It grutste plak fan de republyk is Dogana, yn de gemeente Serravalle.

Dizze gemeentes binne fierder underferdield yn frazioni . Dit is de leechste foarm fan bestjoerlike underferdieling fan San Marino. Yn de praktyk binne it lytse doarpkes en buorskippen.

Fysike geografy [ bewurkje seksje | boarne bewurkje ]

San Marino is folslein omklamme troch Itaalje, mei in it noarden de Italjaanske regio Emilia-Romagna en yn it suden de regio Markee . It lan hat in oerflak fan 60,2km2, likernoch like grut as It Amelan , en hat in grinslingte fan 39 kilometer. [1] Nei Fatikaansted en Monako is San Marino it lytste unofhinklike lan fan Europa . [1] San Marino leit op likernoch tsien kilometer fan de Adriatyske See .

San Marino wurdt oerhearske troch it Apeninenberchtme . It heechste punt fan it lan is de top fan de Monte Titano , mei in hichte fan 749 meter boppe de seespegel. Der binne gjin grutte marren of rivieren yn it lan.

Klimaat [ bewurkje seksje | boarne bewurkje ]

Yn San Marino hearsket in Mediterraan klimaat , mei waarme simmers mei in soad sinne en mylde, koele winters . Simmerdeis lizze de temperatueren tusken de 20 °C en 30 °C, yn de winter tusken de -2 °C en 10 °C. De jierlikse trochsneed temperatuer is 16 °C. Yn kalde winters kin der snie falle op de Monte Titano. Delslach falt it heule jier troch, trochstrings 550 milimeter jierliks.

De wyn komt simmerdeis ut it sud-sudeasten, winterdeis blaast de wyn ut noard-noardeastlike rjochting. [2]

Demografy [ bewurkje seksje | boarne bewurkje ]

Befolking [ bewurkje seksje | boarne bewurkje ]

San Marino hat 32.471 ynwenners (desimber 2012). [3] De befolkingstichtens is 533 ynwenners de kante kilometer. It meastepart fan de ynwenners fan San Marino hat de San-Marineeske nasjonaliteit, 83,1%. Der bestiet in grutte minderheid besteande ut Italjanen, hja meitsje 12% fan de befolking ut.

Der libje likernoch 13.300 steatsboargers yn it utlan, benammen yn Itaalje (5.724 minsken), mar ek yn de Frankryk (1.881 minsken), de Feriene Steaten (2.910 minsken, benammen yn Detroit ) en Argentynje (1.489 minsken). [4]

De befolkingsopbou fan San Marino sjocht der sa ut: [5]

  • 0-14 jier: 16,9% (werfan manlik 2.635 en froulik 2.452)
  • 15-64 jier: 66,2% (werfan manlik 9.538 en froulik 10.429)
  • 65 jier en alder: 16,9% (werfan manlik 2.188 en froulik 2.925)

De trochsneed libbensferwachting by de berte is 82,95 jier. [5]

Leauwe [ bewurkje seksje | boarne bewurkje ]

It leauwe spilet in wichtige rolle yn it libben fan de San Marinezen. Ynwenners hingje benammen de Roomsk-Katolike Tsjerke oan, der wurdt ruze dat mear as 95% dit leauwe belidet. [6] Likernoch de helte fan de minsken dy’t Katolyk sizze te wezen binne ek praktisearrend leauwige. San Marino heart ta it bisdom San Marino-Montefeltro, wat in suffragaanbisdom is fan it aartsbisdom Ravenna-Cervia.

Njonken Roomsk-Katoliken bestiet der al foar mear as 600 jier in Joadske minderheid yn San Marino. [7]

Taal [ bewurkje seksje | boarne bewurkje ]

De ienichste offisjele taal fan San Marino is it Italjaansk . Under benammen de alderein is it Romaanske dialekt Romagnol noch in soad yn gebruk.

Fanwegen de sterke toeristyske sektor yn it lan binne in soad ynwenners ek in twadde utlanske taal machtich, it giet benammen om it Ingelsk , Dutsk en Fransk .

Polityk [ bewurkje seksje | boarne bewurkje ]

De Consiglio Grande e General , de Heechste en Generale Rie, wurdt alle fiif jier keazen troch de befolking. Dit parlemint kiest ut syn fermidden twa reginten, foar in perioade fan seis moanne. Dy twa reginten foarmje tegearre mei it kabenet de utfierende macht. De Rie kiest ek de Consiglio dei XII , de Rie fan Tolve, dy't foar de sittingtiid fan it parlemint de rjochterlike macht foarmt.

Ekonomy [ bewurkje seksje | boarne bewurkje ]

San Marino hat gjin eigen boaiemskatten. It lan wurdt gebrukt foar de lan- en boskbou. Oant de 1960’er jierren libben de San-Marinesen fan de lanbou, feeteelt en de eksport fan stien. Hjoed de dei linet de ekonomy fan San Marino sterk op it toerisme, bankensektor en it fabrisearjen hanwurk. Jierliks besykje mear as twa miljoen minsken San Marino. Dernjonken eksportearret it lan in soad not, wyn, olieven en fruit. De wichtichste produkten fan de hanwurksektor binne keramyk, tegels, meubels, snobbersguod, drank, farve, tekstyl en klean. Eksportprodukten binne benammen wyn en wol, keunstwurken en postsegels. De steat hellet likernoch 60% fan harren ynkommen binne fia de toeristyske sektor. Ymportprodukten binne benammen einprodukten en konsumintenguod, mar ek goud foar de goudsmitten en juwelieren.

It trochsneed ynkommen leit om en de by de 8.580 euro. 52 prosint fan de befolking wurket yn de tsjinstferliening, 41% yn de yndustry en 7% yn de primere sektor.

De haadhannelspartner is Itaalje.

Boarnen, noaten en referinsjes [ boarne bewurkje ]

Boarnen, noaten en/as referinsjes:
  1. 1,0 1,1 CIA Factbook (sjoen op 18 novimber 2010)
  2. Climate San Marino , San Marino Site (sjoen op 18 novimber 2010)
  3. Statistica.sm
  4. Demografia San Marino Site (sjoen op 19 novimber 2010)
  5. 5,0 5,1 CIA Factbook (sjoen op 18 novimber 2010)
  6. Bevolking , Landenweb.net (sjoen op 18 novimber 2010)
  7. San Marino , Jewish Encyclopedia (sjoen op 18 novimber 2010)