Pandit Jawaharlal Nehru (Allahabad, 14 nuvembri 1889 - Nova Delhi , 27 maghju 1964) he statu un puliticanti indianu , Prima Ministru indianu da u 1947 a u 1964 e una di i parsunalita pulitichi piu in vista di u mondu .

Eredi spirituali di Gandhi , Nehru deti una fisiunumia pulitica a u muvimentu naziunalistu di a nonviulenza di u grandi capu spirituali di l'India, he riisci a cunducia filiciamenti in portu a battaglia par l' indipindenza .

Una volta uttinuta l'indipindenza ( 1947 ), in pulitica estara Nehru presi una pusizioni neutrali, intesa com'e indipindenza sii da u bloccu Uccidintali ch'e da quiddu Uriintali. In 'ssu sensu divinto, incu Gamal Abd el-Nasser e Josip Broz Titu , unu di i capi di i paesi non alliniati chi racogli paesi chi a so ecunumia mostra carattari nutevulamenti distanti sii da u capitalisimu liberali sii da u statalisimu di stampu suvieticu, com'e e par appuntu u casu di l' India e, prima di u so sciuglimentu, di a Iugoslavia .

Successivamenti, paro, Nehru ricunnisci ch'e una pusizioni neutralista in i cunfronti di u cumunisimu internaziunali, di natura espansiunista e aggressiva, era poca realista. L'aggrissioni subita da u so paesi da parti di a China , inoltri, l'indussi a vulta si versi i paesi fendu parti di l' OTAN e a riceda da i so pusizioni neutralisti.

In tema di pulitica interna, Nehru fu partitanu di un forti intarventu statali in materia ecunomica, puri ricunniscendu a l'iniziativa privata a principali funzioni propulsiva par un riali armonicu prugressu ecunomicu e civili.

Primi anni [ mudifica | edita a fonte ]

Jawaharlal Nehru nasci a Allahabad , in l' Uttar Pradesh in una famiglia di Pandit di u Kashmir, in a casta di i Brahmini . U so babbu era Motilal Nehru (1861-1931), indipindintistu indianu e prisidenti di l'Indian National Congress tra u 1919 he u 1920 he u 1928-1929. A so mamma era Swaroop Rani (1863-1954). Fu educatu in India e Gran' Britagna. In Inghilterra fraquinto a scola maschili Harrow e u Trinity College in Cambridge . Duranti u so sughjornu in u Regnu Unitu era cunnisciutu ancu com'e Joe Nehru ^{[1] [2] [3] [4] [5] [6]} .

U 7 frivaghju 1916, Nehru spuso a sedicianninca Kamala Kaul . In u prima annu di matrimoniu, Kamala deti a a luci a so unica figliola, Indira Priyadarshini . L'apprizziamentu di i virtu di a dimucrazia parlamintari, di a laicita e di u libaralisimu, incu a so priaccupazioni par i povari, ani purtatu Nehru a furmula quiddi pulitichi di stampu sucialisti chi ani influinzatu l'India finu a oghji.

Succissori di Gandhi [ mudifica | edita a fonte ]

U 15 ghjinnaghju 1941 Gandhi dissi: "Parechji dicini ch'e Pandit Nehru ed eiu ci erami alluntanati. Ci vurra piu ch'e una diffarenza di upinioni par alluntana ci. No avemu avutu diffarenzi finu da u tempu in u quali principiavami a travaglia insemu e aghju dighja dittu par parechji anni e dicu cusi avali ch'e micca Rajaji, ma Jawaharlal sara u me succissori" ^[7] .

Vita pulitica [ mudifica | edita a fonte ]

Nehru e i so culleghi funi libarati quandu a British Cabinet Mission ghjunsi par prupona i piani par u trasfirimentu di puteri. Una volta elettu, Nehru vido un guvernu a interim chi fu indibulitu da episodii di viulenza cumuna e disordini pulitichi e ancu da l'oppusizioni di a Leia Musulmana di Muhammad Ali Jinnah chi riclamava a criazioni di unu statu siparatu par i musulmani. Dopu tantativi fadditi di furma cualizioni, Nehru, a malincori, accitto a partizioni di l'India, sicondu un programma rializatu da i britannichi u 3 ghjugnu 1947. Nehru divinto prima ministru di l'India in u ghjornu di l'indipindenza, u 15 aostu 1947. U so discorsu inaugurali s'intitulava "Appuntamentu incu u distinu" ( Tryst with destiny ):

" Molti anni fa avemu fissatu un appuntamentu incu u distinu e avali he ghjuntu u mumentu in u quali pudemu riscatta u nosciu impegnu, micca in piena misura, ma in manera moltu cunsistenti. A u chjoccu di mezanotti, quandu u mondu dormi, l'India si svighjara a a vita e a a libarta. Raramenti succedi un mumentu in a storia, quandu iscimu da u vechju e intrimu in u novu, quandu un'ebbica finisci, e quandu l'anima di una nazioni, a longu repressa, trova u puteri di sprima si. He ghjustu ch'e in stu mumentu sulennu pigliemu l'impegnu di dedizioni a u sirviziu di l'India e di u so populu e a a causa sempri piu grandi di l'umanita" ^[8] .

In l'anni chi suvitani l'indipindenza, Nehru affido a a figliola Indira molti di i so affari parsunali. Incu u so leadership, u Cungressu ottensi una maiuranza enorma in l'alizzioni di u 1952. Indira si tramuto in a risidenza ufficiali di u babbu e l'accumpagnava in i viaghji in India e a l'estaru.

Pulitica ecunomica [ mudifica | edita a fonte ]

Nehru ha prisidutu l'intruduzioni di una virsioni Indiana mudificata di a pianificazioni statali e cuntrollu annantu a l'ecunumia. Criendu a Cummissioni di pianificazioni di l'India , Nehru redighjiti u prima pianu quinquinnali in u 1951, riguardu a l'investimenti guvernativi in l'industria e in l'agricultura. L'obiettivu di Nehru era un'ecunumia mista incu i sittori strategichi com'e i minieri, l'energia elettrica e l'industria pisanti, sottu u cuntrollu di u guvernu e a u sirviziu di l'intaressu pubblicu. Inoltri parsigui a ridistribuzioni di a terra e lancio prugrammi par custruiscia canali di irrigazioni, dighi e diffonda l'usu di fertilizanti par accrescia a pruduzioni agricula. Annantu a u pianu di a pulitica energetica, Nehru prumossi a custruzzioni di dighi (ch'eddu chjamava "i novi tempia di l'India"), opari di irrigazioni e a pruduzioni di energia idrualettrica , u prima ministru lancio ancu u programma indianu par u sfruttamentu di l' energia nucleari .

Sicurezza naziunali e pulitica estara [ mudifica | edita a fonte ]

Nehru vido l'India indipindenti da u 1947 a u 1964, duranti i primi anni di libarta da u duminiu britannicu. Un'allianza incu l'India era un obiettivu cumunu di i Stati Uniti e l' Unioni Suvietica in u corsu di a Guerra freta . Nantu a a scena internaziunali Nehru fu un campionu di pacifisimu e dicisu sustinidori di i Nazioni Uniti . Apri a strada a a pulitica di non alliniamentu e fu co-fundatori di u Muvimentu di i Paesi non Alliniati, a u di fora di a logica USA-URSS. Ricuniscendu a Ripublica Pupulari Chinesa subitu dopu a so fundazioni (a diffarenza di molti di i paesi di u bloccu uccidintali chi cuntinuani par oltri dui dicennii a ave rilazioni incu a Ripublica di China , Nehru sustensi l'ammissioni di Pechinu in i Nazioni Uniti e si ricuso di disigna u vicinu com'e l'aggrissori in u cunflittu curianu ^[9] . Nehru spirava di agiscia com'e intarmidiariu par culma u divariu e i tinsioni tra i stati cumunisti e u bloccu uccidintali.

Noti [ mudifica | edita a fonte ]

1. ↑ Khilnani, Sunil. The Idea of India. Farrar, Straus and Giroux (4 June 1999). p 168.
2. ↑ Tharoor, Shashi. Nehru: The Invention of India. Arcade Publishing: 2003. p 11.
3. ↑ Ghose, Sankar. Jawaharlal Nehru, a Biography. Allied Publishers: 1993. p 8.
4. ↑ Zachariah, Benjamin. Nehru. Routledge: 2004. pp. 17-19 ISBN 0-415-25016-1
5. ↑ Matthew, H.C.G. and Harrison, Br ian Howard. Oxford Dictionary of National Biography: in Association with the British Academy: from the Earliest Times to the Year 2000. Oxford University Press: 2004. p. 344 ISBN 0-19-861411-X
6. ↑ Gopal, Sarvepalli. Jawaharlal Nehru: a Biography. Harvard University Press: 1976. p 20.
7. ↑ "Sommi say Pandit Nehru and I were estranged. It will require much more than difference of opinion to estrange us. We had differences from the time we became co-workers and yet I have said for sommi years and say so now that not Rajaji but Jawaharlal will be my successor" Science & culturi, Vulumu 30 , Indian Science News Association, 1964.
8. ↑ "Long years ago we made a tryst with destiny, and now the time comes when we shall redeem our pledge, not wholly or in full measure, but very substantially. At the stroke of the midnight hour, when the world sleeps, India will awake to life and freedom. a moment comes, which comes but rarely in history, when we step out from the old to the new, when an age ends, and when the soul of q nation, long suppressed, finds utterance. It is fitting that at this solemn moment we take the pledge of dedication to the service of India and her people and to the still larger cause of humanity " Jawaharlal Nehru, Wikisource (PHP), 8 aostu 2006. URL cunsultatu l'8 aostu 2006 .
9. ↑ Robert Sherrod, Nehru:The Great Awakening in ≪The Saturday Evening Post≫, Vol. 236, (2), 19 ghjinnaghju 1963, pp. 60?67.

Da veda dino [ mudifica | edita a fonte ]

• Nehru-Gandhi

Fonti [ mudifica | edita a fonte ]

'Ss'articulu pruveni in parti o in tutalita da l'articulu currispundenti di a wikipedia taliana.