Un article de Wikipedia, l'enciclopedia liura.
Tir d'un
missil balistic intercontinentau
Titan II
a partir d'un
silo
.
Un
missil balistic
es un
missil
capable de mandar de cargas militaras sus una
trajectoria
balistica, es a dire unicament influenciada per la
gravitat
e la
velocitat
comunicada per una fasa d'
acceleracion
iniciala. Aqueu tipe de missil a sovent una portada importanta e es destinat a tirar d'ogivas
nuclearas
. Son apareguts durant la
Segonda Guerra Mondiala
amb lo
missil
V-2
desvolopat per
Alemanha
. Se generalizeron au comencament de la
Guerra Freja
dins lo quadre de la
dissuasion nucleara
. Pasmens, de models dotats d'una carga convencionala fogueron tanben desvolopats. De concepcion pus simpla, permeton de prolongar l'accion de l'
artilharia
gracias a una portada superiora.
Lo foncionament de basa d'un missil balistics es organizat a l'entorn de tres fasas :
- una fasa d'
acceleracion
realizada amb de
motors
poderos permet de comunicar una
velocitat
iniciala auta au
missil
. L'objectiu es de sortir lo missil dei jac dens de l'
atmosfera
per aumentar sa portada.
- una fasa balistica onte lo missil es generalament somes a la
gravitat
.
- una fasa d'intrada deis ogivas dins l'
atmosfera
.
Lei missils balistics son uei una arma frequenta car la mager part dei
poissancas regionalas
ne'n dispausan. Dins aquo, sa concepcion e son desvolopament demoran l'apanatge dei pais
tecnologicament
avancats.
