Clint Eastwood
akteur
Clint Eastwood yn 2011 .
persoanlike bysunderheden
echte namme	Clinton Eastwood jr.
nasjonaliteit	Amerikaansk
berne	31 maaie 1930
berteplak	San Francisco ( Kalifornje )
etnisiteit	Iersk Ingelsk Skotsk Nederlansk
jierren aktyf	1955 ? no
prizen	4× Oscar 4× Golden Globe Gouden Eareliuw 2000 Gouden Earepalm 2009
offisjele webside
www.clinteastwood.net

Clint Eastwood (folut: Clinton Eastwood jr. ; San Francisco , 31 maaie 1930 ) is in Amerikaansk akteur , filmregisseur , filmprodusint , komponist fan filmmuzyk en earder politikus . Hy sette yn 1955 utein mei in aktearkarriere , en briek yn 1959 troch mei de rol fan Rowdy Yates yn 'e westernsearje Rawhide . Neitiid spile er yn 'e 1960-er jierren yn ferneamde spagettywesterns as A Fistful of Dollars , For a Few Dollars More en The Good, the Bad and the Ugly , en yn 'e 1970-er en 1980-er jierren yn al like ferneamde plysjefilms as Dirty Harry , Magnum Force en The Dead Pool . Sokke rollen hawwe fan Eastwood in kultureel ikoan fan manlikheid makke. Hy spile ek yn 'e westernfilms The Outlaw Josey Wales , High Plains Drifter , Pale Rider en Unforgiven , de oarlochsfilm Where Eagles Dare , de psychologyske skriller Play Misty for Me , de aksjefilm In the Line of Fire , de skrillers Absolute Power en Blood Work , it romantysk drama The Bridges of Madison County , it sportdrama Million Dollar Baby en de dramafilm Gran Torino . Foar Unforgiven en Million Dollar Baby wun Eastwood beide kearen sawol de Oscar foar beste regisseur as dy foar beste film . As eigner fan syn eigen filmstudio , Malpaso Productions , regissearre en produsearre er ek films der't er sels net yn spile, lykas it detektivedrama Mystic River , de oarlochsfilm Letters from Iwo Jima en de sportfilm Invictus . Fierders skreau er gauris sels de filmmuzyk foar syn produksjes. Njonken syn karriere yn 'e filmyndustry wie Eastwood fan 1986 oant 1988 ek boargemaster fan syn wenplak Carmel-by-the-Sea .

Libben en karriere [ bewurkje seksje | boarne bewurkje ]

Jonkheid en oplieding [ bewurkje seksje | boarne bewurkje ]

Eastwood waard yn 1930 berne yn San Francisco , yn 'e Amerikaanske steat Kalifornje , as de soan fan Clinton Eastwood sr. ( 1906 - 1970 ) en dy syn frou Ruth Runner ( 1909 - 2006 ). Syn mem naam letter de efternamme oan fan har twadde man John Belden Wood ( 1913 - 2014 ), mei wa't se troude nei it ferstjerren fan 'e heit fan Clint Eastwood. By syn berte weage Eastwood 5,2  kg , en derom joegen de ferpleechsters yn it sikehus der't er te wrald kommen wie, him de bynamme ' Samson ', nei de bibelske rjochter dy't bekend stie om syn lichemskreft. Hy hat in jongere suster , Jeanne Bernhardt ( 1934 ), en hy is fan mingd Iersk , Ingelsk , Skotsk en Nederlansk etnysk komof . Hy stammet of fan u.m. William Bradford , in guverneur fan 'e iere Plymouthkoloanje , dy't mei it ferneamde skip de Mayflower de Atlantyske Oseaan oerstiek. Yn 'e line fan Bradford fertsjintwurdiget Eastwood de tolfde generaasje dy't yn Noard-Amearika berne is.

Yn syn iere jonkheid ferhuze Eastwood gauris, mei't syn heit ferskate banen efterinoar hie by de hiele westkust fan 'e Feriene Steaten lans. Yn 1940 , doe't Eastwood tsien jier wie, sette de hushalding him lykwols foargoed nei wenjen yn Piedmont (Kalifornje) , der't Eastwood fierder opgroeide. Hoewol't er letter yn ferskate fraachpetearen uthalde soe dat er ek dernei noch allegeduerigen ferhuze wie, is it eins sa dat er fan 1940 oant 1949 unofbrutsen yn Piedmont wenne. It hus fan 'e Eastwoods stie yn in tige begoedige part fan it stedsje, en omfette in eigen swimbad . De beide alden wiene lid fan 'e pleatslike country club en hiene elts in eigen auto .

Eastwood makke yn Piedmont de middelskoalle of oan 'e Piedmont Middle School, der't er fanwegen minne sifers in kear sitten bleau en in skoaljier oerdwaan moast. Fan jannewaris 1945 oant teminsten jannewaris 1946 folge er fuortset underwiis oan 'e Piedmont High School, der't er fan skoalle stjoerd waard om't er in obsene suggestje rjochte oan in learkreft op it skoareboerd fan it sportfjild skreaun hie, en om't er in pop dy't in oare dosint foarstelle moast, begroeven hie op it gazon fan 'e skoalle. Eastwood gie doe nei de Oakland Technical High School, der't er yn jannewaris 1949 foar syn eineksamens slagje moatten hie, hoewol't it undudlik is oft er dat ek wier dien hat. Ferskate doetiidske freonen fan Eastwood hawwe yn fraachpetearen oanjun dat er tsjin dy tiid fierstente drok mei oare dingen wie om him om syn skoaleksamens te bekroadzjen, en de utslach fan middelbere-skoaleksamens wurdt yn 'e Feriene Steaten beskoge as strang fertroulike ynformaasje, sadat it foar butensteanders net nei te gean is.

Nei't er fan skoalle gien wie, hie Eastwood in ferskaat oan banen , werunder stranwacht , winkelbetsjinde yn in krudenierssaak , branspuitman foar de bestriding fan boskbrannen en golfcaddy . Neffens Clintwood sels woed er him yn 1951 ynskriuwe litte oan 'e Universiteit fan Seattle , mar waard er doe oproppen foar de tsjinstplicht under de Koreaanske Oarloch . Syn eardere partner Sondra Locke sei deroer yn in fraachpetear: "Hy neamde altyd de Koreaanske Oarloch as er dat sei, yn 'e hope dat eltsenien oannimme soe dat er oan it front tsjinne hie en de iene of oare held wie. Mar eins brocht er syn hiele skoft yn it leger troch as stranwacht yn Fort Ord yn noardlik Kalifornje." Neffens Don Loomis, in maat fan Eastwood op 'e middelbere skoalle, gie Eastwood yn dy snuorje om mei in dochter fan in ofsier yn Fort Ord, dy't him de han boppe de holle holden hawwe soe as der soldaten nei Korea stjoerd wurde moasten. Yn dyselde snuorje regele Eastwood dat er under syn ferlof yn Seattle in ofspraakje mei in frommeske hie. Op 'e weromweis nei Fort Ord wied er in passazjier yn in Douglas A-1 Skyraider - bommesmiter dy't sunder branstof kaam te sitten en by Point Reyes yn see delstoarte. Eastwood en de piloat brukten in redingsflot om 3,2  km nei de kust te swimmen .

Karriere yn 'e filmyndustry [ bewurkje seksje | boarne bewurkje ]

Iere jierren [ bewurkje seksje | boarne bewurkje ]

Wylst Eastwood legere wie yn Fort Ord, waarden der op in stuit opnamen makke foar in produksje fan Universal Studios . In assistint, neffens Eastwood syn offisjele biografy in Chuck Hill, dy't sels ek yn Fort Ord legere wie mar kontakten yn Hollywood hie, nuge Eastwood doe ut om yn 'e kunde te kommen mei de regisseur . Dat wie de earste kear dat Eastwood yn oanrekking kaam mei de filmyndustry . It spriek him wol oan, en nei't er syn tsjinstplicht ferfolle hie, sette er nei Los Angeles ta, der't er Hill wer opsocht. Dyselde smokkele him it filmstudiokompeks fan Universal binnen en stelde him foar oan kameraman Irving Glassberg , dy't him in audysje besoarge by regisseur Arthur Lubin . Lubin wie tige under de yndruk fan Eastwood syn uterlik en syn lingte fan 1.93  m , mar hy wie min te sprekken oer syn feardichheden op it med fan aktearjen . Derom rette er him oan om earst mar ris aktearlessen te folgjen, wernei't er him yn april 1954 in kontrakt oanbea foar $ 100 yn 'e wike . Foar syn earste lytse roltsjes krige Eastwood in protte krityk om syn stive manear fan aktearjen en om't er syn teksten utspriek suver sunder dat er de tosken faninoar die, wat neitiid beide libbenslange hannelsmerken fan him waarden.

Yn maaie 1954 hie Eastwood syn earste echte audysje , foar in rol yn 'e film Six Bridges to Cross , mar hy waard ofwiisd troch regisseur Joseph Pevney . Nei om 'e nocht op ferskate oare audysjes gien te wezen, bemachtige er uteinlik in lyts roltsje as in laboratoariumanalist yn 'e horrorfilm Revenge of the Creature ( 1955 ), fan regisseur Jack Arnold , dat in ferfolch wie op it bekendere The Creature from the Black Lagoon . Hy hie ek in lyts roltsje as de lieder fan in strieljagersquadron yn in oare horrorfilm fan Jack Arnold, Tarantula ( 1955 ). Yn septimber 1954 wurke Eastwood trije wiken lang mei oan Lady Godiva of Coventry ( 1955 ), fan Arthur Lubin, en yn febrewaris 1955 hied er in lytse rol yn 'e film Francis in the Navy , oer it pratende muldier Francis. Dernei hied er yn maaie 1955 fjouwer oeren wurk oan in lytse rol yn 'e film Never Say Goodbye , en datselde jier spile er ek in cowboy yn syn earste westernfilm Star in the Dust .

Op 2 july 1955 liet Universal Eastwood foar it earst op 'e tillefyzje spylje, yn 'e tillefyzjefilm Allen in Movieland , mei u.o. komyk Steve Allen , akteur Tony Curtis en muzikant Benny Goodman . Hoewol't Eastwood dudlik foarutgong boekte yn syn untwikkeling as akteur, beeinige Universal syn kontrakt op 23 oktober 1955 . Neitiid skreau Eastwood him yn by it ympressariaat Marsh Agency, en hoewol't Lubin him syn grutste rol oant doe ta joech yn 'e film The First Traveling Saleslady ( 1956 ), en him letter ek oannaam foar in rol yn Escapade in Japan ( 1957 ), wie it yn dy snuorje foar Eastwood dreech om finansjeel troch de tiid te kommen. Op oanrieden fan Irving Leonard , syn boekhalder , stapte Eastwood yn 1956 oer nei it Kumin-Olenick Agency, en yn 1957 nei it ympressariaat fan Mitchell Gertz . Hy hie yn dy tiid ferskate lytse rollen op 'e tillefyzje, as in lid fan in motorbinde yn in oflevering fan Highway Patrol , as in kadet oan 'e Amerikaanske Militere Akademy yn in oflevering fan The West Point Story , en as in goudsiker mei selsmoardnigings yn seis ofleverings fan Death Valley Days .

Yn 1958 fertolke Eastwood de rol fan in luitenant-op-see yn in oflevering fan 'e rige Navy Log , en begjin 1959 wied er te sjen yn 'e gastrol fan in leffe smjunt dy't inkeld mei in ryk fanke trouwe wol om har jild , yn 'e westernsearje Maverick , as tsjinspiler fan James Gardner . Fierders hied er yn 1958 in lyts roltsje yn 'e Franske film Lafayette Escadrille , en spile er datselde jiers in wichtige rol as ald- militer fan 'e Konfederearre Steaten fan Amearika yn 'e western Ambush at Cimarron Pass . Eastwood fertelde letter dat er dat in freeslike film fun en dat er syn eigen oandiel deroan as it abslute djiptepunt fan syn aktearkarriere beskoge.

Trochbraak [ bewurkje seksje | boarne bewurkje ]

Yn 1958 waard Eastwood cast yn 'e rol fan Rowdy Yates yn 'e westersearje Rawhide . Hy wie net alhiel lokkich mei it personaazje dat er spile, want mei't er sels tsjin dy tiid al omtrint trichtich jier wie, fielde de jonge Rowdy (likernoch 20) foar him te jong en knoffelich oan. Nettsjinsteande dat naam er de rol fansels al oan, want yn dy tiid hied er der finansjeel it frij net ta om rollen te wegerjen. De opnamen begunen yn 'e simmer fan 1958 yn Arizona , en de utstjoerings setten yn 1959 utein. Hoewol't Rawhide nea in Emmy Award wun (de wichtichtste Amerikaanske tillefyzjepriis ), untjoech it him binne trije wiken ta ien fan 'e populerste programma's dy't doedestiden op 'e Amerikaanske tillefyzje wiene. De searje run dermei ut op in grut sukses, en waard neitiid as ikoanysk beskoge. Foar Eastwood betsjutte dat de trochbraak der't er al fiif jier om socht. Oan it begjin fan 'e searje fertsjinne er $750 de oflevering, en oan 'e ein $119.000 de oflevering.

Rawhide run fan 1959 oant en mei 1965 , en dat wie de swierste tiid fan Eastwood syn aktearkarriere, mei't de opnamen faak seis dagen yn 'e wike trochgiene mei wurkdagen fan soms wol tolve oeren . Nettsjinsteande dat krige er fan guon regisseurs dochs noch te hearren dat er net hurd genoch wurke. Eastwood sette yn dy tiid sels ek de earste stappen as regisseur troch ferskate trailers foar de searje op te nimmen, mar it slagge him net de filmprodusinten te bepraten om him ek ris in oflevering regissearje te litten. Tsjin 1963 begunen de ideeen foar nije ofleverings op te reitsjen en fan dat punt of giene de sjochsifers omleech. Uteinlik waard yn 'e midden fan it tillefyzjeseizoen 1965 - 1966 besletten om 'e searje stop te setten.

Ein 1963 wiisde Eric Fleming , ien fan Eastwood syn kollega -akteurs yn Rawhide , in oanbod of om 'e haadrol te spyljen yn in spagettywestern mei de titel A Fistful of Dollars , dy't yn in ofhandige uthoeke fan Spanje opnommen wurde soe mei de unbekende Italjaan Sergio Leone as regisseur. Derop rette akteur Richard Harrison oan Leone oan om 'e haadrol oan Eastwood oan te bieden, mei't er wist dat dy in oertsjugjende cowboy delsette koe. Eastwood seach yn A Fistful of Dollars benammen de kans om te untkommen oan syn Rawhide - imago , mei't it him, sa seid er letter yn in fraachpetear, danich ta de kiel uthong "om hieltyd wer de tradisjonele held spylje te moatten dy't aloan en mar wer alde wyfkes en hunen tutet en Jan en alleman freonlik behannelet. Ik besleat dat it tiid waard om ris in antyheld te wezen."

Derom tekene er in kontrakt foar $15.000 foar alve wiken wurk, mei as bonus in Mercedes as de film klear wie. Eastwood spile in wichtige rol yn 'e skepping fan it haadpersonaazje, de 'Man sunder Namme', al stie Leone der op dat Eastwood, dy't sels net smookte , dat yn dy rol wol dwaan moast, om't er dat as in essinsjeel underdiel fan 'e lichemsstyl fan it personaazje beskoge. A Fistful of Dollars ( 1964 ) waard in unbidich sukses en foarme in mylpeal yn 'e untwikkeling fan 'e spagettywestern en fan it westernsjenre yn it algemien. Der waard in wetteleazer en desolater wrald yn ofbylde as dat yn tradisjonele westerns gebruklik wie, en de haadpersoan wie net it Amerikaanske stereotype westernheld, mar in moreel dubelsinnige antyheld dy't him nearne oan bun liek te fielen. Sergio Leone waard mei de film wraldferneamd, en Eastwood wun der grutte populariteit mei yn Itaalje . Hy waard derom troch Leone weromfrege foar de haadrol yn For a Few Dollars More ( 1965 ), dy't likefolle sukses hie.

Yn jannewaris 1966 mette Eastwood yn New York de Italjaanske filmprodusint Dino de Laurentiis , dy't him frege om yn 'e film Le Streghe ("De Heksen", 1967 ) te spyljen, in fiifluk der't er De Laurentiis syn frou Silvana Mangano as tsjinspylster hawwe soe. It njoggentjin minuten duorjende segmint fan 'e film der't Eastwood yn spile, wie binnen in pear dagen opnommen, mar doe't de film utkaam, wiene de filmkritisy der min oer te sprekken, mei't it in tige "un-Clint-eftich optreden" wie, sa't ien fan harren it omskreau. Twa moannen letter begunen de opnamen foar de trede film fan Sergio Leone der't Eastwood yn spile: The Good, the Bad and the Ugly ( 1966 ), dy't draaide om 'e syktocht nei in bedobbe foarrie Konfederearre goud . Eastwood hie der fannijs de rol fan 'e mysterieze 'Man sunder Namme' yn, en wurke yn 'e film gear mei Lee Van Cleef as in unmeilydsume skatsiker en Eli Wallach yn 'e rol fan 'e snoade Meksikaanske bandyt Tuco Ramirez.

De Dollars Trilogy fan Leone kaam yn 'e Feriene Steaten pas yn 1967 yn 'e bioskopen : A Fistful of Dollars op 18 jannewaris , For a Few Dollars More op 10 maaie , en The Good, the Bad and the Ugly op 29 desimber . Alle trije krigen se minne kritiken , en alle trije waarden se nettsjinsteande dat in kommersjeel sukses. Dat wie yn 't bysunder sa mei The Good, the Bad and the Ugly , dy't yn 'e Feriene Steaten uteinlik $8 miljoen opbrocht en fan Eastwood in wiere filmstjer makke. Dertroch krige er ek rollen yn Amerikaanske films oanbean. Mei it jild dat Eastwood fertsjinne hie oan 'e Dollars Trilogy holp syn boekhalder Irving Leonard him om syn eigen filmstudio op te rjochtsjen, dy't Eastwood de namme Malpaso Productions joech, nei de Malpaso Creek , in beekje dat troch lan streamde dat er besiet yn Monterey County , yn Kalifornje . Eastwood syn folgjende film wie de western Hang 'Em High ( 1968 ), der't er in man yn spile dy't troch figilantes lyncht wurdt, mar it oerlibbet en dan marshal wurdt om 'e wet te bruken en nim wraak op syn fijannen. Dermei fertsjinne wer $400.000 plus 25% fan 'e opbringst yn 'e bioskopen.

Oare iere suksessen [ bewurkje seksje | boarne bewurkje ]

Foar't Hang 'Em High utkaam, wie Eastwood al begun mei wurk oan syn foljgende film, Coogan's Bluff ( 1968 ), oer in helpsheriff ut Arizona dy't (yn 'e moderne tiid) in sochte psychopatyske krimineel efterfolget troch de stritten fan New York . Foar dy film krige er in salaris fan $1 miljoen utbetelle. Mei de regisseur fan Coogan's Bluff , Don Siegel , sleat Eastwood in freonskip der't fiif oare films ut fuortkomme soene. Ek kaam Eastwood op 'e set fan Coogan's Bluff yn 'e kunde mei de Argentynske komponist Lalo Schifrin , dy't letter de jazz -eftige filmmuzyk foar ferskaten fan syn films ut 'e 1970-er en 1980-er jierren skriuwe soe. Hoewol't Coogan's Bluff kontroversjeel wie fanwegen de werjefte fan geweld , wie de film hiel suksesfol. De trede film fan Eastwood dy't yn 1968 utkaam, wie de oarlochsfilm Where Eagles Dare , nei it boek mei deselde namme fan Alistair MacLean , weryn't in Allieard kommandoteam in Gestapobasis yn 'e Alpen ynfiltrearret en dan untdekt dat harren team sels troch de nazys ynfiltrearre is. Yn Where Eagles Dare hie Eastwood Richard Burton as tsjinspiler. Hy fertsjinne mei syn rol fan 'e Amerikaanske luitenant Schaffer $750.000.

Dernei besocht Eastwood wat nijs, troch yn 1969 yn 'e iennichste musical ut syn karriere te spyljen. Dat wie Paint Your Wagon , weryn't hy en Lee Marvin goudsikers yn it Wylde Westen spilen dy't tegearre ien fan 'e froulju ( Jean Seberg ) fan in mormoan oerkeapje. De produksje fan 'e musical waard pleage troch fertragings en min waar , en koste uteinlik mear as $20 miljoen, wat foar dy tiid ekstreem djoer wie. Doe't er ienris utkaam, waard er troch de filmkritisy lau untfongen, en yn 'e bioskopen waard Paint Your Wagon likemin in sukses, hoewol't de film wol in nominaasje krige foar in Golden Globe yn 'e kategory 'beste spylfilm (musical of komeedzje)'.

Yn 1970 hiene Eastwood en Shirley MacLaine de haadrollen yn 'e western Two Mules for Sister Sara , under rezjy fan Don Siegel. Yn dy film spile Eastwood in rouwe Amerikaanske hierling dy't troch de dieden fan in as prostituee ferklaaide non tsjin wil en tank belutsen rekket by in groep Meksikaanske opstannelingen under de Juaristyske Rebulje tsjin it bewald fan keizer Maksimiliaan I . Hoewol't de film midsmjittige resinsjes krige, stiet er wol deeglik op 'e list fan 'e 1.000 beste films aller tiden fan The New York Times . Letter yn 1970 wie Eastwood te sjen yn 'e yn Londen en Joegoslaavje opnommen oarlochsfilm Kelly's Heroes , mei as tsjinspilers u.o. Donald Sutherland en Telly Savalas . Hja spilen leden fan in groep Amerikaanske soldaten dy't yn 'e Twadde Wraldoarloch in skat oan goud fan 'e nazys stelle . Kelly's Heroes wie de leste film der't Eastwood yn spile, dy't net produsearre wie troch syn eigen studio Malpaso Productions.

Mei Don Siegel makke Eastwood yn 1971 de film The Beguiled , oer in ferwune Noardlike soldaat dy't under de Amerikaanske Boargeroarloch finzen holden wurdt troch de op seksueel med geastlik betize eigneresse fan in Sudlike famkesskoalle (spile troch Geraldine Page ). Yn 'e Feriene Steaten waard The Beguiled in flop om't de Amerikanen it net hiene op 'e 'untmanlike' rol fan Eastwood. Yn Frankryk betsjutte de film krekt Eastwood syn trochbraak, en der wurdt The Beguiled noch altyd sjoen as ien fan syn beste films. 1971 wie ek it jier dat Eastwood foar it earst sels in film regissearre. Dat wie de psychologyske skriller Play Misty for Me , oer in discjockey by in lokaal radiostasjon dy't in losse seksuele relaasje hat mei syn harkster Evelyn (spile troch Jessica Walter ), dy't him geregeldwei opskillet om 'e plaat Misty fan Erroll Garner oan te freegjen. As hy harren relaasje beeiniget, docht bliken dat se geastlik net ynoarder is, en begjint se him te stalken . Play Misty for Me waard runom priizge troch de filmkritisy en Jessica Walter waard foar har rol nominearre foar in Golden Globe foar beste aktrise.

Fierders spile Eastwood yn 1971 ek foar it earst ien fan syn meast ikoanyske rollen, dy fan 'e bienhurde plysje-ynspekteur yn San Francisco Dirty Harry Callahan , basearre op it senario fan Harry Julian Fink en R.M. Fink . Yn Dirty Harry siet Eastwood yn dy rol efter in psychoatyske moardner oan, dy't er buge of barste pakke wol. De film waard sa'n sukses dat fjoerwapenhistoarisy as Garry James en Richard Venola Dirty Harry as de reden beskogje dat de oergrutte .44 Magnum - revolver , en yn 't bysunder de troch Harry Callahan brukte Smith & Wesson Model 29 .44 Magnum , neitiid sa populer waard. Allinnich al yn 'e Feriene Steaten en Kanada brocht Dirty Harry $22 miljoen op, nettsjinsteande dat de film ek runom bekritisearre waard as " faksistysk ". It sukses fan Dirty Harry soe letter oanlieding jaan ta ferskate oare films oer Harry Callahan mei Eastwood yn 'e haadrol.

Jierren '70 [ bewurkje seksje | boarne bewurkje ]

Nei't Sean Connery oankundige hie dat er net wer geheim agint James Bond spylje woe, waard Eastwood oansocht foar dy rol, mar hy sloech it oanbod of om't er fun dat Bond troch in Britsk akteur spile wurde moast. Syn folgjende film wie de western Joe Kidd ( 1972 ), nei in senario fan Elmore Leonard . Eastwood spile deryn de titelrol , dy't basearre wie 'e histoaryske persoan fan Reies Lopez Tijerina , dy't yn juny 1967 in gerjochtsgebou yn Tierra Amarilla yn Nij-Meksiko bestoarme. De film krige in lauwe untfangst, hoewol't Eastwood syn aktearwurk oer it algemien priizge waard. Yn 1973 regissearre Eastwood syn earste westernfilm, High Plains Drifter , der't er sels ek de haadrol yn spile. Dat wie de rol fan in mysterieuze frjemdling dy't in stedsje yn it Wylde Westen ynriidt en der troch de bewenners ynhierd wurdt om harren te beskermjen tsjin trije kriminelen dy't mei koarten ut it tichthus frijlitten wurde sille. It bliuwt unbeneamd oft de frjemdling no de broer is fan 'e helpsheriff dy't de trije kriminelen fermoarde hawwe, of de geast fan 'e helpsheriff sels. Gatten yn 'e plot fan 'e film folle Eastwood op mei swarte humor en allegory , nei foarbyld fan Leone. De film krige mingde kritiken, mar die it yn 'e bioskopen poerbest.

De twadde film dy't Eastwood yn 1973 regisearre, wie Breezy , in film oer de opbloeiende leafde tusken in man yn syn middeljierren en in tinerfamke . Sels wied er yn Breezy inkeld yn in kameoroltsje te sjen, omskreaun as 'man yn kloft folk op pier'. Op 'e set fan dizze film kaam Eastwood yn 'e kunde mei Sondra Locke , in aktrise dy't wichtige rollen yn seis fan syn lettere films spylje soe en mei wa't er ek in relaasje krije soe. De froulike haadrol yn Breezy gie lykwols nei Kay Lenz , om't Locke der mei 29 jier te ald foar wie. De film waard tige fluch en effisjint opnommen troch Eastwood en kameraregisseur Frank Stanley , sadat it projekt $1 miljoen utsparre op it budget en trije dagen earder klear wie as ferwachte. Breezy wie lykwols gjin sukses, hoewol't it ek wer gjin grutte flop wie, en it waard ien fan 'e unbekendere films fan Eastwood.

Nei't er klear wie mei Breezy , wie Eastwood ree om fannijs de rol fan Harry Callahan te spyljen yn 'e ferfolchfilm op Dirty Harry . Dat waard Magnum Force ( 1973 ), weryn't Callahan op it spoar komt fan in groepke jonge, fan it paad rekke plysjeminsken yn San Francisco, dy't systematysk de minste kriminelen yn 'e sted fermoardzje. Hoewol't de film it kommersjeel skoan die, mei in opbringst fan mear as $58 miljoen yn 'e Feriene Steaten allinnich al, moasten de filmkritisy der net folle fan hawwe. Yn 1974 spile Eastwood yn Thunderbolt and Lightfoot , in lichtfuottige roadmovie oer de alde bankrover Thunderbolt (Eastwood) en dy syn jongere partner, de oplichter Lightfoot (spile troch Jeff Bridges ). De film krige loovjende resinsjes, mar wist mar in beskieden bedrach binnen te swyljen yn 'e bioskopen. Eastwood stie yn Thunderbolt and Lightfoot yn it skaad fan Bridges, dy't foar syn rol nominearre waard foar in Oscar yn 'e kategory beste manlike byrol . Neffens de ferhalen soe it brekme oan erkenning foar himsels Eastwood ta razernij brocht hawwe. Ek soed er doe sward hawwe dat er nea wer foar filmstudio United Artists wurkje soe.

Eastwood syn folgjende film wie it troch himsels regissearre The Eiger Sanction ( 1975 ). Hy spile deryn de rol fan Jonathan Hemlock, dy't oarspronklik foar Paul Newman bedoeld west hie. The Eiger Sanction is in spionaazjefilm oer in hiermoardner yn 'e tsjinst fan 'e oerheid , dy't dosint oan in universiteit wurden is, mar yn syn alde funksje weromkeart foar in leste sanction (missy). As underdiel derfan moat er under nuodlike omstannichheden dielnimme oan in beklimming fan 'e noardkant fan 'e Eiger , in berch yn Switserlan . By wize fan tarieding foar syn rol liet Eastwood him ferskate wiken lang yn it Nasjonaal Park Yosemite traine troch profesjoneel berchbeklimmer Mike Hoover , foar't de opnamen op lokaasje yn it Switserske Grindelwald begunen. Nettsjinsteande alle warskogings krige de filmcrew ferskate ungelokken , werby't ien persoan omkaam. Dochs stie Eastwood derop om sels al it klimwurk en alle stunts te dwaan. Doe't The Eiger Sanction utkaam yn 'e bioskopen, kamen Eastwood-en-dy mei in opbringst fan $14,2 miljoen mar kwealk ut 'e kosten. De filmkritisy funen der ek net folle oan. Eastwood sels joech de skuld fan it teloarstellende bioskoopbesyk oan distributeur Universal Studios , dy't der mar wat mei de pet nei goaid hawwe soe wat de promoasjekampanje oangie. Hy kearde derop Universal foargoed de rech ta en sleat ynstee in oerienkomst mei Warner Brothers , dy't foargoed fan kreft bliuwe soe.

Ien fan Eastwood syn moaiste westernfilms wie The Outlaw Josey Wales , ut 1976 , nei de roman ut 1972 mei deselde namme fan Asa Earl Carter . De film soe earst regissearre wurde troch Philip Kaufman , mar dy syn wurkwize sinnige Eastwood net. Derom beprate er filmprodusint Bob Daley om Kaufman te untslaan , wernei't er sels de rezjy oernaam. Dy gong fan saken wie foar it Directors Guild of America oanlieding om 'e makkers fan The Outlaw Josey Wales in boete fan likernoch $60.000 op te lizzen. Eastwood spile yn 'e film de titelrol fan Josey Wales, in lid fan 'e Bushwackers , in histoaryske pro- Konfederearre guerriljagroep yn it Missoery fan 'e Amerikaanske Boargeroarloch , dy't oan 'e ein fan 'e oarloch wegeret de wapens del te lizzen om't de pro-Noardlike guerrilja's (de Jayhawkers ) syn gesin fermoarde hawwe. Hy tsjocht derom nei it Wylde Westen mei in legerienheid op 'e hakken, werby't er geandewei almar mear folgelingen kriget. Yn 'e byrollen wiene u.o. Sondra Locke en opperhaad Dan George fan 'e Tsleil-Wautut te sjen, Locke as de frou der't Josey Wales in relaasje mei kriget, George as in aldere Sjeroky - Yndiaan mei wa't Wales befreone rekket. The Outlaw Josey Wales wie de earste Amerikaanske film weryn't Yndianen net ofbylde waarden as wrede en moardsuchtige smjunten, en likemin as nommele wylden dy't noch gjin mich kwea dwaan soene, mar as gewoane minsken mei al harren flaters, der't ek gewoan om lake wurde kin sunder harren as folk bespotlik te meitsjen. De film krige runom loovjende kritiken en wurdt beskoge as ien fan 'e beste westernfilms aller tiden.

Neitiid waard Eastwood de rol fan Benjamin L. Willard oanbean yn Francis Ford Coppola syn masterwurk Apocalypse Now , mar dy rol sloech er of om't er der neat foar fielde om wikenlang trochbringe te moatten yn 'e Filipinen (der't dy film opnommen waard). Om dy reden wegere er ek de rol fan pelotonkommandant yn Ted Post syn film oer de Fjetnamoarloch Go Tell the Spartans . Ynstee besleat er in trede kear yn 'e hud fan Harry Callahan te krupen foar de plysjefilm The Enforcer ( 1976 ). Deryn wurdt Callahan keppele oan in froulike plysje (spile troch Tyne Daly ) om it op te nimmen tsjin in terroristyske groepearring yn San Francisco, dy't it Symbioneeske Befrijingsleger (SLA) net wanlyk is. De film, dy't einiget mei in sjitpartij op it finzeniseilan Alcatraz , yn 'e Baai fan San Francisco , wie mei 95 minuten oansjenlik koarter as de eardere beide Dirty Harry -films , mar it waard in grut kommersjeel suskes, mei in opbringst fan mear $100 miljoen wraldwiid. Yn 1977 regissearre Eastwood The Gauntlet , in film der't er ek de haadrol yn spile, mei as tsjinspilers Sondra Lock, William Prince , Bill McKinney en Mara Corday . De film gie oer in yn 'e nederklits rekke plysjeman, dy't opdracht kriget en bring in prostituee hielhuds fan Las Vegas nei Phoenix om der te tsjugjen yn in rjochtsaak tsjin 'e maffia . Hoewol't de film it ridlik die yn 'e bioskopen, funen de measte filmkritisy dat er te gewelddiedich wie.

Yn 1978 spile Eastwood foar it earst de haadrol yn in komeedzjefilm , Every Which Way But Loose , as Philo Beddoe, in knokkende frachtweinsjauffeur dy't yn it selskip fan syn broer (spile troch Geoffrey Lewis ) en in nuete orang-oetan troch it westen fan 'e Feriene Steaten doarmet op 'e siik nei syn ferlerne leafde (op 'e nij spile troch Locke). De film die it unferwachte goed, en untjoech him ta de op ien nei meast opbringende film fan 1978 en Eastwood syn kommersjeel suksesfolste film oant doe ta. Yn 1979 sleat Eastwood de 1970-er jierren of mei Escape from Alcatraz , de leste fan syn films dy't regisearre waard troch Don Siegel, dy't it poerbest die by sawol kritisy as bioskooppublyk. It senario wie basearre op it histoaryske ferhaal fan Frank Lee Morris , dy't yn 'e mande mei de bruorren John en Clarence Anglin yn 1962 untsnapte ut 'e beruchte Federale Finzenis Alcatraz , op it eilan mei deselde namme yn 'e Baai fan San Francisco .

Jierren '80 [ bewurkje seksje | boarne bewurkje ]

Yn 1980 regissearre Eastwood de film Bronco Billy , der't er op 'e nij sels ek de titelrol yn fertolke, mei as tsjinspilers Locke, Scatman Crothers en Sam Bottoms . Sels omskreau Eastwood Bronco Billy letter as ien fan 'e oangenaamste opnames fan syn libben, en neffens syn biograaf Richard Schickel kaam dat alteast foar in part om't it personaazje fan Bronco Billy fan al syn rollen it tichtst yn 'e buert kaam by Eastwood syn eigen karakter . De kritisy funen de film moai, mar kommersjeel waard it ta teloarstelling fan Eastwood in flop. Letter datselde jiers spile Eastwood foar de twadde kear frachtweinsjauffeur Philo Beddoe, yn Any Which Way You Can , it ferfolch op Every Which Way But Loose . Dy film krige benammen minne kritiken, mar wie in grut sukses yn 'e bioskopen en hearde ta de top 5 fan meast opbringende films fan it jier.

Eastwood regissearre yn 1982 Honkytonk Man , basearre op 'e roman mei deselde namme fan Clancy Carlile . Hy fertolke sels ek wer de haadrol, diskear fan 'e oan tuberkuloaze lijende countrysjonger Red Stovall, dy't yn 'e Grutte Depresje fan 'e 1930-er jierren mei muoite syn karriere geande haldt, mar dan einlings en te'n lesten de kans kriget op in trochbraak mei in optreden 'e Grand Ole Opry yn Nashville . Eastwood wurke yn 'e film gear mei syn eigen soan Kyle , dy't Stovall syn jonge omkesizzer spile. De measte Amerikaanske filmkritisy wiene net wei fan 'e miks fan mylde humor en trageedzje , en inkeld it tydskrift Time joech de film in positive resinsje . Mar yn Frankryk wiene de kritisy yn 'e wolken mei Honkytonk Man , en waard de film ferlike mei The Grapes of Wrath , fan John Ford . Letter waard Honkytonk Man ek yn 'e Feriene Steaten better wurdearre, en tsjintwurdich hat de film op 'e webside Rotten Tomatoes , dy't resinsjes sammelet, it tige hege goedkarringspersintaazje fan 93%.

Itselde jiers as Honkytonk Man kaam ek in oare film ut der't Eastwood as regisseur, produsint en haadrolspiler by belutsen wie: de aksjefilm Firefox , dy't as tema de Kalde Oarloch hie en basearre wie op 'e roman mei deselde namme ut 1977 fan Craig Thomas . Firefox waard opnommen foar, mar utbrocht nei Honkytonk Man . Hoewol't in grut part fan it ferhaal yn Ruslan plakfynt, wie it meitsjen fan opnamen yn 'e Sovjet-Uny doe net mooglik, sadat Eastwood him behelpe moast mei Wenen en oare lokaasjes yn Eastenryk . It Amerikaanske tydskrift People omskreau Eastwood syn rol yn Firefox as " Luke Skywalker dy't finzen sit yn 'e siel fan Dirty Harry ."

Eastwood striek tsjin dy tiid 60% fan 'e winst op fan alle films dy't er makke, wylst 40% gie nei de filmstudio . Hy hie sels de rezjy fan 'e fjirde Dirty Harry -film , Sudden Impact , werfoar't de opnamen yn 'e maityd en simmer fan 1983 plakfunen. Dy film wurdt beskoge as de dunkerste en gewelddiedichste fan alle Dirty Harry-films. It wie de leste kear dat Eastwood gearwurke mei Sondra Locke, dy't yn Sudden Impact in keunstneresse spile dy't tegearre mei har suster tsien jier foarofgeande oan 'e foarfallen yn 'e film it slachtoffer wurden is fan in gewelddiedige groepsferkrefting . Yn 'e film wol se har wreitsje op 'e dieders fanwegen it koma der't har suster yn rekke is as gefolch fan 'e mishanneling troch de ferkrefters . De tekst " Go ahead, make my day " ("Toe dan, meitsje myn dei mar goed"), dy't troch Eastwood yn 'e rol fan Harry Callahan yn in iere sene yn 'e film utsprutsen wurdt om in misdiediger oan te fiterjen om nei syn wapen te gripen sadat Callahan in reden hawwe sil om him dea te sjitten, is sunt ien fan 'e meast oanhelle filmsitaten wurden. It waard sels brukt troch presidint Ronald Reagan yn in taspraak foar it Amerikaanske Kongres , under de kampanje foar de presidintsferkiezings fan 1984 . Sudden Impact wie mei $70 miljoen de op ien nei meast opbringende film ut 'e Dirty Harry -rige , nei The Enforcer . Nettsjinsteande it geweld krige de film dochs tige loovjende kritiken omreden fan 'e feministyske aspekten dy't deryn opnommen wiene en it oan 'e oarder stellen fan 'e lichaamlike en psychologyske gefolgen fan ferkrefting .

Yn Tightrope , ut 1984 , spile Eastwood mei Genevieve Bujold yn in provokative skriller , dy't ynspirearre wie troch krante - artikels oer in ungrypbere ferkrefter yn 'e omkriten fan San Francisco . De film spile lykwols mei sin yn New Orleans , om betizing fan it bioskooppublyk mei de Dirty Harry-films foar te kommen. Wes Block, it personaazje fan Eastwood, is yn 'e film in skieden plysjeman dy't behelle rekket yn 'e tramtearre psychology fan it slachtoffer en har fassinaasje foar sadomasogisme . Tightrope wie sawol populer under de kritisy as under it bredere publyk en untjoech him ta ien fan 'e meast opbringende films fan 1984 . Op 22 augustus fan dat jier waard Eastwood eare mei in offisjele seremoanje by it Grauman's Chinese Theater yn Hollywood , der't syn han- en fuotprinten yn beton ferivige waarden. Dernei spile Eastwood mei Burt Reynolds yn 'e misdiekomeedzje City Heat ( 1984 ), oer in privee-detektive en syn partner dy't it yn 'e tiid fan 'e Druchlizzing oan 'e stok krije mei in binde gangsters . Dy film brocht yn 'e Feriene Steaten $50 miljoen op, mar waard alhiel yn it skaad steld troch de aksjekomeedzje Beverly Hills Cop , fan Eddie Murphy , dy't frijwol tagelyk yn 'e bioskopen kaam.

Yn 1985 wurke Eastwood foar it earst as tillefyzjeregisseur . Hy naam in oflevering fan 'e searje Amazing Stories op, mei as titel Vanessa in the Garden . Derfoar keppele er Sondra Locke oan Harvey Keitel as de haadrolspilers. It wie Eastwood syn earste gearwurking mei produsint Steven Spielberg , dy't jierren letter as ko-produsint belutsen weze soe by Eastwood syn films Flags of Our Fathers en Letters from Iwo Jima . Yn 1985 kearde Eastwood ek nochris werom by it westernsjenre, troch as regisseur, produsint en haadrolspiler de film Pale Rider te meitsjen, dy't eins min ofte mear in remake wie fan 'e klassike western Shane , ut 1953 . Eastwood spile deryn op 'e nij in riedseleftige frjemdling sunder namme, de 'Preker', dy't under de Kalifornyske Goudkoarts fan 1950 ut 'e dize fan 'e Sierra Nevada omleech komt om in delsetting fan goudsikers te helpen tsjin in binde dy't harren terrorisearret. De titel fan 'e film wie in ferwizing nei de Fjouwer Ruters fan de Apokalyps ut it bibelboek Iepenbiering fan Jehannes , mei't de ruter fan it feale ( pale ) hynder der de Dea is. Foar wa't dy referinsje miste, waard it yn 'e film nochris utlein trochdat Eastwood syn tsjinspylster Sydney Penny krekt de oangeande passaazje ut Iepenbiering foarlest as de Preker foar it earst ferskynt. Wat de mooglik boppenatuerlike eleminten yn 'e film oanbelangen, fertoande Pale Rider dudlike oerienkomsten mei Eastwood syn eardere western High Plains Drifter . Dat gou ek foar de tema's fan moraliteit en gerjochtichheid . Pale Rider waard ien fan Eastwood syn meast suksesfolle films. De Amerikaanske filmkritisy beskogen it as ien fan 'e beste films fan it jier en as de beste western yn lange tiid.

Mei Marsha Mason spile Eastwood yn 1986 de haadrol yn it militer drama Heartbreak Ridge , oer de Amerikaanske ynfal yn Grenada , yn 1983 . Eastwood, dy't ek wer as regisseur en produsint by de film belutsen wie, spile deryn in sersjant yn it Amerikaanske Marinierskorps dy't noch meifochten hat yn 'e Koreaanske Oarloch en beseft dat syn militere wurkpaad sa njonkelytsen op syn 'e rint. De produksje en opnamen fan Heartbreak Ridge waarden bedoarn troch underlinge unienichheden tusken Eastwood en syn langjierrige freon en ko-produsint Fritz Manes , en ek troch in skeel mei it Amerikaanske Ministearje fan Definsje , dat iepentlik blyk joech fan minachting foar de film. Doe't Heartbreak Ridge utkaam, wie it mei in opbringst fan $70 miljoen benammen in kommersjeel sukses, mar nei 2000 binne ek de filmkritisy positiver oer de film wurden. Yn 1988 spile Eastwood yn The Dead Pool foar de fyfde en leste kear de rol fan Harry Callahan. De plot fan 'e film draait om in list fan bekende persoanen dy't grutte kans rinne mei koarten dea te gean, opsteld troch filmregisseur Peter Swan (spile troch Liam Neeson ). Dirty Harry rekket by de saak belutsen as de persoanen op 'e list ek wurklik begjinne te stjerren, mar net troch natuerlike oarsaken. The Dead Pool is ien fan 'e bekendste Dirty Harry -films , mar hy brocht mar $38 miljoen op en de measte kritisy beskogen him as it swakste diel fan 'e rige.

Nei The Dead Pool foel Eastwood syn karriere in bytsje stil, wat him lykwols tiid bea om him dwaande te halden mei in tal lytsere en mear persoanlike projekten. Sa regissearre en produsearre er yn 1988 Bird , in biografyske film , mei yn 'e haadrol Forest Whitaker , oer jazzmuzikant Charlie "Bird" Parker . Nettsjinsteande krityk fan u.m. de swarte regisseur Spike Lee , dat de film gjin rjocht dwaan soe oan Parker syn persoanlikheid en gefoel foar humor , krige Eastwood foar Bird twa Golden Globes : ien yn 'e kategory beste regisseur, en deropta de Cecil B. DeMille Award , in oeuvrepriis . Kommersjeel sjoen waard Bird lykwols in flop, mei in opbringst fan mar $11 miljoen, eat dat Eastwood sels wiet oan in tebekrinnende belangstelling foar jazz under Afro-Amerikanen . Yn 1989 spile Eastwood de manlike haadrol yn Pink Cadillac , oer in unskuldige frou (spile troch Bernadette Peters ), dy't hjitfolge wurdt troch in preemjejager (Eastwood) en in groep blanke rasisten , en dy't oan al har efterfolgers besiket te untkommen yn 'e roze Cadillac fan har man. De film krige minne resinsjes en wie ek kommersjeel in flop, en markearre ien fan 'e djiptepunten yn Eastwood syn karriere.

Jierren '90 [ bewurkje seksje | boarne bewurkje ]

Yn 1990 regissearre en produsearre Eastwood, en spile er de haadrol yn, White Hunter Black Heart , in filmadaptaasje fan 'e roman fan Peter Viertel oer regisseur John Huston en hoe't dy de filmklassiker The African Queen ( 1951 ) makke. White Hunter Black Heart wie yn 'e simmer fan 1989 op lokaasje yn Simbabwe opnommen. Doe't er utbrocht wie, untfong de film lof fan 'e filmkritisy , mar hy draaide mar yn in beheind tal bioskopen en brocht sadwaande mar $8,4 miljoen op. Letter yn 1990 regissearre Eastwood the buddy cop film The Rookie , der't er sels ien fan 'e haadrollen yn spile as in aldere plysjeman dy't in jonge kollega (spile troch Charlie Sheen ) it fak leare moat. De measte resinsinten funen de wikselwurking tusken de beide haadpersoanen net oertsjugjend, mar priizgen de aksjesenes yn 'e film. Trochdat Eastwood dernei behelle rekke yn in slepende rjochtsaak , om't er mei syn fiertuch mei opsetsin de auto fan in frou raamd hawwe soe, kamen der yn 1991 gjin films fan him ut. Uteinlik wun er de saak, en doe't er oanbea om 'e abbekatekosten fan 'e frou te beteljen as dy net yn heger berop gie, stimde hja dermei yn.

Yn 1992 makke Eastwood op 'e nij in western , yn in tiid dat dat sjenre alhiel ut 'e graasje rekke wie. De film hiet Unforgiven en Eastwood wie regisseur, produsint en haadrolspiler. Senario's foar dy film, under titels as The Cut-Whore Killings en The William Munny Killings , bestiene al sunt 1976 , mar Eastwood hie besletten om it projekt ut te stellen oant er sels ald genoch wie om 'e haadrol te fertolkjen. Hy spile William Munny, in ald- bandyt op jierren dy't syn libben bettere hat, mar beslut om noch ien kear syn alde berop op te nimmen, deryn bystien troch syn swarte maat, spile troch Morgan Freeman . Se nimme it derby op tsjin in tirannike sheriff , spile troch Gene Hackman . Unforgiven waard in unbidich sukses en krige fan alle kanten de heechste lof taswaaid. Hy waard nominearre foar njoggen Oscars , en wun der fjouwer fan, werunder twa foar Eastwood sels: de prizen yn 'e kategoryen beste film en beste regisseur. Eastwood wun mei de film ek de Golden Globe foar beste regisseur, en waard nominearre foar de Oscar foar beste akteur en de BAFTA Awards foar beste film en beste regisseur. Yn juny 2008 waard Unforgiven troch it Amerikaansk Film Ynstitut (AFI) yn 'e top 10 fan beste westerns aller tiden op it fjirde plak set, efter Shane , High Noon en The Searchers .

Yn 1993 hie Eastwood de haadrol yn 'e aksjefilm In the Line of Fire , dy't regissearre waard troch Wolfgang Petersen . Hy spile Frank Horrigan, in agint op jierren fan 'e Secret Service , dy't noch altyd lijt under skuldgefoelens om't er yn 1963 it libben fan presidint John F. Kennedy net rede kinnen hat. As in moardner (spile troch John Malkovich ) it op 'e hjoeddeistige presidint foarsjoen hat, kriget er lykwols einlings de kans om it goed te meitsjen, wylst er tusken de bedriuwen troch yn in romantyske relaasje behelle rekket mei in jongere froulike kollega (spile troch Rene Russo ). In the Line of Fire brocht allinnich al yn 'e Feriene Steaten $102 miljoen yn 't laadsje en hearde ta de tsien meast opbringende films fan it jier. Letter yn 1993 regissearre Eastwood A Perfect World , der't er sels de wichtichste byrol yn spile fan in Texas Ranger dy't yn 'e 1960-er jierren efter in untsnapte krimineel oan sit, werby't de krimineel, spile troch Kevin Costner , in auto stelt mei in lyts jonkje deryn. Neffens filmkritika Janet Maslin , fan The New York Times , wie A Perfect World it absolute hichtepunt fan Eastwood syn wurk as regisseur.

Op Ynternasjonaal Filmfestival fan Cannes untfong Eastwood yn maaie 1994 de Ordre des Arts et des Lettres , ien fan 'e heechste Franske underskiedingen . Yn maart 1995 waard him by de utrikking fan 'e Oscars de Irving G. Thalberg Memorial Award takend foar syn hiele oeuvre . Syn folgjende film wie de bernefilm Casper , ut 1995 , der't er in kameoroltsje yn hie as himsels. Letter dat jiers wreide er syn wenstige rippertwaar ut troch as tsjinspiler fan Meryl Streep yn it romantyske drama The Bridges of Madison County te spyljen, in film dy't er ek regissearre en produsearre. It ferhaal, basearre op 'e roman fan Robert James Waller , gie oer Robert Kincaid (Eastwood), in fotograaf foar it tydskrift National Geographic , dy't yn 'e 1960-er jierren Madison County yn Iowa besiket om der foto's te meitsjen fan 'e ferneamde oerkape bregen , en dan fereale rekket op en in butenechtlike relaasje kriget mei de pleatslike boerinne Francesca (Streep). Hoewol't de roman troch literatuerkritisy min untfongen wie en beskoge waard as ungaadlik materiaal foar in ferfilming, makke Eastwood fan The Bridges of Madison County in film dy't sawol de filmkritisy tefreden stelde as in kommersjeel sukses waard. De film waard nominearre foar in Golden Globe yn 'e kategory beste film, en wun de Cesar du Cinema , de wichtichste Franske filmpriis, foar beste butenlanske film. Streep waard foar har rol ek nominearre foar sawol de Oscar as de Golden Globe foar beste aktrise.

Yn 1996 waard oan Eastwood de oeuvrepriis ( Life Achievement Award ) fan it Amerikaansk Film Ynstitut (AFI) takend. Yn 1997 wie Eastwood as produsint, regisseur en akteur belutsen by de skriller Absolute Power . Deryn spile er de rol fan Luther Whitney, in master- ynbrekker dy't under in ynbraak yn in filla tsjuge is fan 'e oerhoer mei en moard op 'e frou fan in politike bunsgenoat fan 'e presidint fan 'e Feriene Steaten. De dieder is nimmen oars as de presidint sels (spile troch Gene Hackman ). De film krige mingde reaksjes fan 'e resinsinten en waard ek yn 'e bioskopen gjin grut sukses. Neitiid regissearre en produsearre Eastwood Midnight in the Garden of Good and Evil ( 1997 ), der't er sels noris net yn spile. Dy film wie basearre op 'e roman fan John Berendt en de haadrollen waarden fertolke troch John Cusack , Kevin Spacey en Jude Law . Midnight in the Garden of Good and Evil krige krekt as Absolute Power mingde kritiken.

Eastwood regissearre en produsearre yn 1999 de skriller True Crime , der't er sels de haadrol yn spile fan Steve Everett, in sjoernalist en opbetterjend alkoholist , dy't ferslach dwaan moat fan 'e deastraf fan in feroardiele moardner (spile troch Isaiah Washington ). Dyselde haldt ut dat er unskuldich is. Yn 't earstoan is de synyske Everett skeptysk , mar stadichoan rekket er oertsjuge fan 'e unskuld fan 'e man, en dan beweecht er himel en ierde om 'e terjochtstelling tsjin te kearen. True Crime krige in tuskenbeiden untfangst fan 'e kritity, en flopte yn 'e bioskopen. Fan it budget fan $55 miljoen waard mar ruchwei de helte weromfertsjinne, dat it wie ien fan Eastwood syn minst prestearjende films.

Nei 2000 [ bewurkje seksje | boarne bewurkje ]

Yn 2000 wun Eastwood de Gouden Liuw foar it Oeuvre op it Ynternasjonaal Filmfestival fan Feneesje . Datselde jiers wied er regisseur, produsint en ien fan 'e haadrolspilers yn Space Cowboys , oer in fjouwertal alde knarren dy't as astronauten de romte yn stjoerd wurde om in alde Sovjet - satellyt te reparearjen. As tsjinspilers hie Eastwood yn dy film Tommy Lee Jones , Donald Sutherland en James Garner . Foar Space Cowboys komponearre Eastwood, tegearre mei Lennie Niehaus , ek de filmmuzyk . De film waard goed untfongen en brocht yn 'e bioskopen allinnich al yn 'e Feriene Steaten mear as $90 miljoen op, mear as Eastwood syn twa foargeande films mei-inoar. Sels waard Eastwood foar Space Cowboys nominearre foar Saturn Awards yn 'e kategoryen beste akteur en beste regisseur. De folgjende film fan Eastwood wie Blood Work , ut 2002 , der't er behalven as akteur op 'e nije ek by belutsen wie as regisseur en produsint. Hy fertolke deryn de rol fan ald- FBI -agint Terry McCaleb, dy't in herttransplantaasje undergien hat en by de jacht op in sadistyske moardner (spile troch Jeff Daniels ) belutsen rekket as er de dea fan 'e frou begjint te undersykjen fan wa't er it hert krigen hat. De film, dy't basearre wie op 'e roman ut 1998 mei deselde namme fan Michael Connelly , krige mingde resinsjes en mislearre yn 'e bioskopen mei in ferlies fan krapoan $24 miljoen op in budget fan $50 miljoen. Nettsjinsteande dat wun Eastwood mei Blood Work al de Future Film Festival Digital Award op it Ynternasjonaal Filmfestival fan Feneesje .

Yn 2003 regissearre en produsearre Eastwood it misdiedrama Mystic River , der't er ek de filmmuzyk sels foar skreau, mar der't er net yn spile. It wie in film dy't moard , figilantisme en seksueel misbruk as tema's hie, mei yn 'e haadrollen Sean Penn , Kevin Bacon en Tim Robbins . Mystic River waard priizge troch de filmkritisy , makke allinnich al yn 'e Feriene Steaten $60 miljoen winst, en wun twa Oscars : ien foar beste akteur, foar Penn, en ien foar beste manlike byrol, foar Robbins. Eastwood sels waard foar de film nominearre foar twa Oscars, foar beste film en beste regisseur, en ek foar de Golden Globe foar beste regisseur. Boppedat wun Mystic River de Cesar du Cinema foar beste butenlanske film.

De folgjende film fan Eastwood wie it sportdrama Million Dollar Baby , der't er by belutsen wie as regisseur, produsint, komponist fan 'e filmmuzyk en haadrolspiler. It wie de earste film sunt Unforgiven weryn't Eastwood op 'e nij gearwurke mei Morgan Freeman . It tragyske ferhaal gie oer in bokstrainer op jierren (Eastwood) dy't in jonge froulike bokser (spile troch Hilary Swank ) under syn hoede nimt. De film wun fjouwer Oscars , foar beste film en beste regisseur (Eastwood), beste aktrise (Swank) en beste manlike byrol (Freeman). Eastwood waard ek nominearre foar in Oscar yn 'e kategory beste akteur. Hy wie doe mei 74 jier de aldste regisseur dy't ea in Oscar foar beste regisseur wun hat, en teffens wied er ien fan 'e trije regisseurs (mei Milo? Forman en Francis Ford Coppola ), dy't twaris in Oscar foar beste film krigen hawwe. Hy wun mei Million Dollar Baby ek de Golden Globe foar beste regisseur en de Cesar du Cinema foar de beste butenlanske film. Fierders waard er foar de film nominearre foar in Grammy en in Golden Globe foar beste filmmuzyk, wylst Million Dollar Baby ek nominearre waard foar in Screen Actors Guild Award foar beste cast . De Golden Globe foar beste regisseur waard oan Eastwood utrikt troch syn eigen dochter Kathryn Reeves , dy't by de utrikkingsseremoanje yn 2005 Miss Golden Globe wie.

Yn 2006 makke Eastwood, as regisseur en produsint, mar net as akteur, twa films dy't allebeide oer de Slach om Iwo Jima giene, yn 'e Twadde Wraldoarloch yn 'e Stille Oseaan . Foar beide films wurke Eastwood gear mei Steven Spielberg . De earste, Flags of Our Fathers , gie oer de Amerikaanske mariniers dy't de Amerikaanske flagge op 'e top fan 'e berch de Suribachi op it eilan Iwo Jima planten. Yn dy film makke Eastwood syn soan Scott syn aktear debut . Foar Flags of Our Fathers waard Eastwood nominearre foar in Golden Globe foar beste regisseur. De twadde film wie Letters from Iwo Jima , dy't draaide om 'e underfinings fan 'e Japanske ferdigeners fan it eilan en de brieven dy't hja derwei nei hus skreaune. It wie de earste Amerikaanske oarlochsfilm dy't in militer treffen hielendal fanut it perspektyf fan in fijan fan 'e Feriene Steaten sjen liet. Foar Letters from Iwo Jima waard Eastwood nominearre foar de Oscars foar beste film en beste regisseur, wylst ek it senario in Oscarnominaasje krige. De ( Japansktalige ) film wun fierders de Golden Globe foar beste film yn in butenlanske taal en waard nominearre foar de Golden Globe yn 'e kategory beste regisseur. Yn 2009 waard Eastwood foar syn bydrage oan 'e ferbettering fan 'e Amerikaansk-Japanske relaasjes troch keizer Akihito fan Japan beneamd yn 'e Oarder fan de Rizende Sinne .

Yn 2006 waard Eastwood troch de Kalifornyske guverneur Arnold Schwarzenegger en first lady Maria Shriver ynhuldige as lid fan 'e California Hall of Fame , dy't festige is yn it Kalifornysk Museum foar Skiednis, Froulju en de Keunsten yn Sacramento . Begjin 2007 untfong Eastwood by in seremoanje yn Parys it Legion d'Honneur , de heechste Franske boargerlike underskieding , ut 'e hannen fan presidint Jacques Chirac , dy't him by dy gelegenheid fertelde dat er "it beste fan Hollywood" belicheme. Eastwood krige yn dyselde snuorje ek trije earedoktoraten utrikt, yn 2006 fan 'e Universiteit fan de Stille Oseaan yn Sacramento en San Francisco , en yn 2007 fan it Berklee College of Music en it Monterey Jazz Festival . Yn 2009 krige er ek in earedoktoraat fan it Amerikaansk Film Ynstitut en in Gouden Earepalm op it Ynternasjonaal Filmfestival fan Cannes .

In oare film dy't Eastwood regissearre en produsearre, mar der't er net yn spile, wie Changeling , ut 2008 . Dy wie basearre op in wier ferhaal ut 'e ein fan 'e 1920-er jierren , weryn't in mem (spile troch Angelina Jolie ) nei jierren weriene wurdt mei har fermiste soan, mar op in stuit untdekt dat it om in bedrager giet. Changeling waard troch de kritisy mei in protte lof untfongen; sa bewearde Damon Wise yn it tydskrift Empire , dat de film "sunder lek of brek" wie. De film brocht mear as $110 miljoen op, mar it meastepart derfan kaam fan buten de Feriene Steaten. Eastwood waard foar Changeling nominearre foar in Oscar en in Golden Globe foar beste filmmuzyk , twa Saturn Awards foar beste regisseur en beste filmmuzyk, en in BAFTA Award foar beste regisseur.

Nei Changeling beeinige Eastwood in selsoplein fjouwerjierrich skoft yn syn aktearkarriere troch de haadrol te spyljen yn 'e dramafilm Gran Torino , dy't er dernjonken ek regissearre en produsearre en der't er mei syn soan Kyle en Jamie Cullum ek de filmmuzyk foar skreau. De film gie oer Walt Kowalski (Eastwood) in synyske en bittere alde widner dy't neat fan syn buorlju (in etnyske Hmong -famylje) en likemin fan syn eigen bern en pakesizzers hawwe moat, mar uteinlik freonskip slut mei syn buorjonge en buorfamke en it om harren opnimt tsjin in strjitbinde dy't de buert terrorisearret. Eastwood syn biograaf Marc Eliot omskreau it personaazje fan Walt Kowalski as "in gearraning fan 'e Man sunder Namme, Dirty Harry en William Munny." Gran Torino wie in grut sukses en brocht yn it wykein fan 'e Amerikaanske premiere allinnich al $30 miljoen op. De uteinlike, wraldwide opbringst bedroech $268 miljoen, wat it (rekken haldend mei ynflaasje ) ta de kommersjeel suksesfolste film ut Eastwood syn hiele karriere makke. Gran Torino wie de trede film fan Eastwood dy't de Cesar du Cinema yn 'e kategory beste butenlanske film wun. Ek waard Eastwood der foar nominearre foar de Golden Globe foar beste filmmuzyk.

Yn 2009 makke Eastwood wer in film der't er allinnich as regisseur en produsint by belutsen wie. Dat wie Invictus , in sportfilm basearre op it wiere ferhaal fan it Sudafrikaanske rugbyteam yn 'e Rugby World Cup fan 1995 , mei yn 'e haadrollen Matt Damon as Francois Pienaar , de oanfierder fan it rugbyteam, en Morgan Freeman as presidint Nelson Mandela . De film krige oer it generaal positive resinsjes, en Eastwood waard derfoar nominearre foar in Golden Globe foar beste regisseur en foar de Cesar du Cinema foar beste butenlanske film. Yn 2010 regissearre en produsearre Eastwood Hereafter , op 'e nij mei Matt Damon yn 'e haadrol, dy't diskear in heldersjende spile. De film gie yn septimber yn premiere op it Ynternasjonaal Filmfestival fan Toronto en waard neitiid yn in beheind tal bioskopen utbrocht. Hereafter krige mingde kritiken, hoewol't de rezjy fan Eastwood oer it algemien priizge waard.

In folgjende film der't Eastwood utslutend efter de skermen oan wurke, yn 'e hoedanichheid fan regisseur, produsint en komponist, wie J. Edgar ( 2011 ), in biografyske film oer de beruchte FBI - direkteur J. Edgar Hoover , mei Leonardo DiCaprio yn 'e titelrol. De film krige mingde reaksjes fan 'e resinsinten, hoewol't de aktearprestaasje fan DiCaprio runom as geweldich beskoge waard. Yn jannewaris 2011 waard bekendmakke dat Eastwood yn underhanneling wie mei sjongster Beyonce Knowles , om har de haadrol spylje te litten yn in trede remake fan 'e klassiker A Star Is Born , ut 1937 . Dat projekt waard lykwols op 'e lange baan skood doe't Beyonce yn ferwachting rekke. Derop gie Eastwood oan 'e slach mei it honkbaldrama Trouble with the Curve ( 2012 ), dat er produsearre en der't er de haadrol yn spile, mar dat regissearre waard troch Robert Lorenz , dy't earder as assistint-regisseur mei Eastwood oan ferskate oare film gearwurke hie. Eastwood spile yn dy film de rol fan Gus Lobel, in honkbalscout op jierren, dy't foar syn leste scoutingreis syn dochter (spile troch Amy Adams ) meinimt om't syn eagen sa min binne dat er de wedstriden sels net mear goed sjen kin.

Yn 2014 regissearre en produsearre Eastwood Jersey Boys , in biografyske musical basearre op 'e mei in Tony Award bekroande toanielmusical mei deselde namme, oer de band The Four Seasons . Datselde jiers regisearre en produsearre Eastwood ek de kontroversjele film American Sniper , basearre op 'e autobiografy fan Chris Kyle , in slupskutter foar it Amerikaanske Leger . Eastwood naam derby it plak yn fan Steven Spielberg, dy't under de preproduksje ofheakke. Hy hie sels in kameoroltsje yn 'e film as in tsjerkegonger . Nettsjinsteande dat, of miskien just trochdat American Sniper troch in soad resinsinten en oare waarnimmers feroardiele waard om't de film buten rjochtlik moardzjen yn opdracht fan 'e Amerikaanske oerheid ferhearlikje soe, waard de film in grut sukses yn 'e bioskopen, mei in opbringst fan $350 miljoen yn 'e Feriene Steaten en yn totaal $547 miljoen wraldwiid. American Sniper waard ek nominearre foar in Oscar foar beste film.

De folgjende film dy't Eastwood regissearre en produsearre, Sully ( 2016 ), hie Tom Hanks yn 'e haadrol fan Chesley Sullenberger , de piloat dy't op 15 jannewaris 2009 US Airways-flecht 1549 feilich wist te lanjen op 'e rivier de Hudson yn New York , nei't der in flecht guozzen yn 'e motors flein wie. Dat waard op 'e nij in grut kommersjeel sukses foar Eastwood, mei in wraldwide opbringst yn 'e bioskopen fan $238 miljoen. De folgjende film dy't er regissearre en produsearre, de histoaryske skriller The 15:17 to Paris wie in ferfilming fan 'e mislearre oanslach op 'e Thalys , de hegesnelheidstrein fan Amsterdam nei Parys , op 21 augustus 2015 . Eastwood liet derby Spencer Stone , Anthony Sadler en Alek Skarlatos , de Amerikaanske mariniers dy't tafallich as passazjiers yn 'e trein oanwezich wiene en de oanslach wisten foar te kommen, harrensels spylje. De film krige oer it algemien negative kritiken, dy't benammen te krijen hiene mei de aktearprestaasjes fan 'e trije haadrolspilers, dy't fansels gjin profesjonele akteurs wiene.

Ein 2018 brocht Eastwood foar it earst yn san jier wer in film ut dy't er net inkeld regissearre en produsearre hie, mar der't er sels ek de haadrol yn spile. It wie The Mule , weryn't er de rol fertolke fan Earl Stone, in 90-jierrige dahliakweker dy't om oan jild te kommen as drugskoerier ( Ingelske sprektaal : mule , " muldier ") begjint te wurkjen. Eastwood wie sels 88 jier doe't er The Mule makke. Hy krige foar de film en foar syn rol deryn fan alle kanten lof taswaaid. Yn 2019 regissearre en produsearre Eastwood de biografyske film Richard Jewell , oer de heldhaftige befeiligingsman mei deselde namme , dy't yn 1996 falsk beskuldige waard fan 'e bomoanslach op 'e Olympyske Spullen yn Atlanta . Yn septimber 2021 kaam Cry Macho ut, in neo-western dy't net inkeld troch Eastwood regissearre en produsearre waard, mar werfoar't er mei 91 jier as haadrolspiler ek op 'e nij yn it seal kroep, as in alde cowboy yn 'e moderne tiid.

Karriere yn 'e polityk [ bewurkje seksje | boarne bewurkje ]

Njonken syn karriere yn 'e Amerikaanske filmyndustry hat Eastwood syn hiele libben lang belangstelling foar polityk han. Hy is net lid fan 'e Republikeinske of de Demokratyske Partij , de beide grutte politike partijen yn 'e Feriene Steaten, mar ynstee fan 'e lytse Libertaryske Partij , dy't yn 'e Amerikaanske polityk mar in marzjinale rol spilet. Yn syn hoedanichheid as lid fan 'e Libertaryske Partij waard Eastwood yn 1986 keazen ta boargemaster fan syn wenplak Carmel-by-the-Sea , yn noardlik Kalifornje , in funksje dy't er ien folle termyn fan twa jier utoefene, oant en mei 1988 .

Yn 2001 stelde de Kalifornyske guverneur Gray Davis Eastwood oan as lid fan 'e steatskommisje foar parken en rekreaasje . Hy waard fise-foarsitter fan dat bestjoersorgaan en fierde yn dy funksje de opposysje oan tsjin it trochluken fan 'e California State Route 241 , in seisbaansdyk , dwers troch it Steatsstran San Onofre , dat in beskerme natoergebiet wie. Syn termyn as kommisjelid einige yn 2008 . By de Amerikaanske presidintsferkiezings fan 2012 stipe Eastwood de Republikeinske kandidaat Mitt Romney tsjin 'e sittende presidint Barack Obama . Op 'e Republikeinske Nasjonale Konvinsje fan dat jier loek er de oandacht (en frijwat satiryske neibearings) mei in taspraak dy't er hold foar in lege stoel dy't Obama symbolisearre.

Priveelibben [ bewurkje seksje | boarne bewurkje ]

Relaasjes en bern [ bewurkje seksje | boarne bewurkje ]

Eastwood hat in ferskaat oan serieuze en flechtige relaasjes mei froulju han, der't, ynsafier bekend, acht underskate bern ut fuortkommen binne. De helte fan dy bern waard pas tsientallen jierren letter troch Eastwood as sines erkend. Yn 1953 sette er in bern oan by frou yn Seattle , wa har namme nea bekend makke is. Har dochter Laurie kaam yn 1954 te wrald en waard oannommen troch in Clyde en Helen Warren fan Seattle. Wylst de mem fan Laurie al swier fan him wie, troude Eastwood yn 1953 mei Maggie Johnson, en harren houlik hold stan oant it yn 1984 yn in skieding einige. Hja krigen twa bern: soan Kyle Eastwood ( 1968 ), dy't jazz - muzikant waard, en dochter Alison Eastwood ( 1972 ), dy't yn har heite fuotleasten folge as aktrise en regisseur. Under syn houlik mei Johnson begie Eastwood oan 'e rinnende ban oerhoer mei oare froulju, hoewol't Johnson der nei't it skynt fan ofwist en ynstimd hie mei in iepen houlik . Sa hie Eastwood fan 1959 oant 1973 in butenechtlike relaasje mei aktrise en stuntfrou Roxanne Tunis , der't dochter Kimber Tunis ( 1964 ) ut berne waard. Mids 1970-er jierren skieden Eastwood en Johnson lykwols fan tafel en bed , hoewol't se foar de wet troud bleaune.

Dernei wenne Eastwood fan 1975 oant yn septimber 1989 gear mei aktrise Sondra Locke , mei wa't er gjin bern krige. Sy wie sunt 1967 troud mei in Gordon Leigh Anderson, mar dat wie in ferstanshoulik om Anderson, dy't homo wie, it oansjen fan fatsoen te jaan yn in tiid dat homoseksualiteit yn 'e Feriene Steaten maatskiplik net akseptearre waard. Harren houlik soe yn namme fuortduorje oant Locke har ferstjerren yn 2018 . Locke miende dat se in monogame ferhalding mei Eastwood hie, en harren relaasje einige foar har dan ek yn triennen doe't se untdiek dat Eastwood underwilens trochgien wie mei it hawwen fan romanses mei oare froulju. Sa wied er yn 'e twadde helte fan 'e 1980-er jierren lange tiid behelle yn in affere mei stewardess Jacelyn Reeves, by wa't er twa bern oansette: Scott Eastwood ( 1986 ), dy't ek akteur waard, en Kathryn Reeves ( 1988 ), in model . Nei de brek mei Locke wenne Eastwood fan likernoch 1990 oant septimber 1995 gear mei aktrise Frances Fisher , mei wa't er in dochter krige, Francesca Eastwood ( 1993 ), dy't aktrise en model waard. Yn 1996 troude Eastwood foar de twadde kear, no mei nijslezeresse Dina Ruiz , mei wa't er ek in bern krige, Morgan Eastwood ( 1996 ). Mei Ruiz wied er troud oant harren skieding yn 2013 . Sunt dy tiid is Eastwood mei ferskate oare froulju sjoen.

Hoefolle bern oft Eastwood no eins krekt hat, is net alhiel dudlik. Sels hat er der altyd frijwat dizenich oer dien. Doe't er yn 1997 yn in fraachpetear yn it Amerikaanske tillefyzjeprogramma 60 Minutes troch presintator Steve Kroft frege waard: "Hoefolle bern hawwe jo?" antwurde er: "Ik haw in stik as wat." En yn 2009 , doe't er te gast wie yn it praatprogramma Late Show with David Letterman , sei David Letterman tsjin him: "Jo hawwe uh... san bern, leau 'k?" Der't Eastwood op antwurde: "Uh, op syn minst." Dat docht er mei sin, sa joech er yn 2004 yn in fraachpetear mei it tillefyzjenetwurk CBS oan, want sa seid er: "[I]t binne kwetsbere minsken. Ik kin mysels wol ferdigenje, mar sy kinne dat net." Yn in artikel yn The Sunday Times fan 7 augustus 2011 fertelde syn dochter Alison lykwols: "Us heit hat acht bern by seis froulju." Eastwood syn biograaf Patrick McGilligan hat derfoaroer yn 2012 foar de kamera ferklearre dat ek foar him it totale tal bern fan Eastwood undudlik is, mar dat "[Eastwood] al ien krige doe't er noch op 'e middelbere skoalle siet." As dy utspraak op wierheid berest, soe Eastwood teminsten njoggen bern hawwe.

Undernimmings [ bewurkje seksje | boarne bewurkje ]

Eastwood iepene yn 1971 yn Carmel-by-the-Sea in kroech dy't ynrjochte wie as in alde Ingelske pub , mei as namme Hog's Breath Inn. Dy hat er letter ferkocht. Tsjintwurdich hat er yn Carmel-by-the-Sea in oare horekagelegenheid yn besit, it Mission Ranch Hotel and Restaurant. Eastwood is ek eigner fan 'e Tehama Golf Club , en hat jild ynvestearre yn 'e bekende Pebble Beach Golf Links , bewesten Carmel.

Leauwe [ bewurkje seksje | boarne bewurkje ]

Eastwood fertelde yn 1973 oan filmkritikus Gene Siskel dat er net yn God leaude. Yn in fraachpetear yn 2010 wreide er deroer ut: "Ik haw altyd myn fatsoen bewarre foar minsken oer dy't djip religieus wiene, om't ik altyd tocht haw dat it wichtich foar harren weze moat as se harsels deroan oerjun hawwe. Mar ast troch it libben gean kinst sunder soks, dan is dat ek goed. It is mar wat dy it beste past. Ik leau wol yn selfhelp. Ik bin gjin new age -eftich persoan, mar ik leau wol yn meditaasje, en derom haw ik altyd niget han oan 'e boedistyske religy . Doe't ik yn Japan wie, haw ik boedistyske timpels besocht om der te meditearjen en dat leanne wol, fun ik."

Trivia [ bewurkje seksje | boarne bewurkje ]

• Eastwood leaut yn sun libjen en yn fitness . Hy wie him altyd al bewust fan syn eigen sunens , mar nei't syn heit yn 1970 mei 64 jier fan it iene op it oare stuit oan in hertoanfal kaam te ferstjerren , tinkt er der noch mear om.
• Hoewol't er yn ferskate fan syn bekendere rollen (lykas dy fan 'e Man sunder Namme) smookte , hat Eastwood yn it echt nea smookt, sels yn syn jonkheid net.
• Eastwood is in oanhinger fan transendinte meditaasje , en meditearret op deistige basis.
• Eastwood is grut leafhawwer fan 'e sport golf .
• Eastwood hat in fleanbrevet as piloat en fljocht soms yn in helikopter fan syn hus nei syn wurk om files te omsilen.

Filmografy [ bewurkje seksje | boarne bewurkje ]

Filmografy as akteur en regisseur
jier	titel	rol  of  funksje	opmerkings
tillefyzje
1955	Allen in Movieland	sealfeint	akteur; tillefyzjefilm
1955	Highway Patrol	Joe Keeley	akteur; ofl. Motorcycle A
1956	Death Valley Days	John Lucas	akteur; 6 ofl.
1957	The West Point Story	unbekend	akteur; ofl. White Fury
1958	Navy Log	Burns	akteur; ofl. The Lonely Watch
1959	Maverick	Red Hardigan	akteur; ofl. Duel at Sundown
1959?1965	Rawhide	Rowdy Yates	akteur; 217 ofl.
1962	Mister Ed	himsels	akteur; ofl. Clint Eastwood Meets Mister Ed
1985	Amazing Stories	n.f.t.	regisseur; ofl. Vanessa in the Garden
2003	The Blues	n.f.t.	regisseur; ofl. Piano Blues
2009	Johnny Mercer: The Dream's On Me	himsels	akteur, ek utfierend produsint
films
1955	Revenge of the Creature	labtechnikus Jennings	akteur; net neamd op 'e oftiteling
1955	Francis in the Navy	Jonesy	akteur
1955	Lady Godiva of Coventry	earste Sakser	akteur; net neamd op 'e oftiteling
1955	Tarantula	lieder strieljagersquadron	akteur; net neamd op 'e oftiteling
1956	Never Say Goodbye	Will	akteur; net neamd op 'e oftiteling
1956	Star in the Dust	Tom	akteur; net neamd op 'e oftiteling
1956	Away All Boats	mariniershospik	akteur; net neamd op 'e oftiteling
1956	The First Traveling Saleslady	luitenant Jack Rice	akteur
1957	Escapade in Japan	Dumbopiloat	akteur; net neamd op 'e oftiteling
1958	Lafayetteville Escadrille	George Moseley	akteur
1958	Ambush at Cimarron Pass	Keith Williams	akteur
1964	A Fistful of Dollars	de Man sunder Namme	akteur
1965	For a Few Dollars More	de Man sunder Namme	akteur
1966	The Good, the Bad and the Ugly	de Man sunder Namme	akteur
1967	Le Streghe	Carlone / Charlie	akteur
1968	Hang 'Em High	Jed Cooper	akteur
1968	Coogan's Bluff	Walt Coogan	akteur
1968	Where Eagles Dare	luitenant Schaffer	akteur
1969	Paint Your Wagon	Pardner	akteur
1970	Two Mules for Sister Sara	Hogan	akteur
1970	Kelly's Heroes	soldaat Kelly	akteur
1971	The Beguiled	John McBurney	akteur
1971	Dirty Harry	Harry Callahan	akteur
1971	Play Misty for Me	David Garver	akteur en regisseur
1972	Joe Kidd	Joe Kidd	akteur
1973	High Plains Drifter	de Frjemdling	akteur en regisseur
1973	Breezy	man yn kloft folk op pier	akteur ( kameo ) en regisseur
1973	Magnum Force	Harry Callahan	akteur
1974	Thunderbolt and Lightfoot	John 'Thunderbolt' Doherty	akteur
1975	The Eiger Sanction	Jonathan Hemlock	akteur en regisseur
1976	The Outlaw Josey Wales	Josey Wales	akteur en regisseur
1976	The Enforcer	Harry Callahan	akteur
1977	The Gauntlet	Ben Shockley	akteur en regisseur
1978	Every Which Way but Loose	Philo Beddoe	akteur
1979	Escape from Alcatraz	Frank Morris	akteur
1980	Bronco Billy	Bronco Billy McCoy	akteur en regisseur
1980	Any Which Way You Can	Philo Beddoe	akteur
1982	Firefox	Mitchell Grant	akteur en regisseur
1982	Honkytonk Man	Red Stovall	akteur en regisseur
1983	Sudden Impact	Harry Callahan	akteur en regisseur
1984	Tightrope	Wes Block	akteur
1984	City Heat	resjersjeur Speer	akteur
1985	Pale Rider	de Preker	akteur en regisseur
1986	Heartbreak Ridge	sersjant Thomas Highway	akteur en regisseur
1988	The Dead Pool	Harry Callahan	akteur
1988	Bird	n.f.t.	regisseur
1989	Pink Cadillac	Tommy Nowak	akteur
1990	White Hunter, Black Heart	John Wilson	akteur en regisseur
1990	The Rookie	Nick Pulovski	akteur en regisseur
1992	Unforgiven	William Munny	akteur en regisseur
1993	In the Line of Fire	Frank Horrigan	akteur
1993	A Perfect World	Red Garnett	akteur en regisseur
1995	The Bridges of Madison County	Robert Kincaid	akteur en regisseur
1995	Casper	himsels	akteur ( kameo ); net neamd op 'e oftiteling
1997	Absolute Power	Luther Whitney	akteur en regisseur
1997	Midnight in the Garden of Good and Evil	n.f.t.	regisseur
1999	True Crime	Steve Everett	akteur en regisseur
2000	Space Cowboys	Frank Corvin	akteur en regisseur
2002	Blood Work	Terry McCaleb	akteur en regisseur
2003	Mystic River	n.f.t.	regisseur
2004	Million Dollar Baby	Frankie Dunn	akteur en regisseur
2006	Flags of Our Fathers	n.f.t.	regisseur
2006	Letters from Iwo Jima	n.f.t.	regisseur
2008	Changeling	n.f.t.	regisseur
2008	Gran Torino	Walt Kowalski	akteur en regisseur
2009	Invictus	n.f.t.	regisseur
2010	Hereafter	n.f.t.	regisseur
2011	J. Edgar	n.f.t.	regisseur
2011	Kurosawa, la Voie	himsels	dokumintere
2012	Trouble with the Curve	Gus Lobel	akteur
2014	Jersey Boys	n.f.t.	regisseur
2014	American Sniper	tsjerkegonger	akteur ( cameo ), net neamd op 'e oftiteling, en regisseur
2016	Sully	n.f.t.	regisseur
2018	The 15:17 to Paris	n.f.t.	regisseur
2018	The Mule	Earl Stone	akteur en regisseur
2019	Desenterrando Sad Hill	himsels	dokumintere
2019	Richard Jewell	n.f.t.	regisseur en produsint
2021	Cry Macho	Mike Milo	akteur, regisseur en produsint

Keppelings om utens [ bewurkje seksje | boarne bewurkje ]

• (in) In webside oer Clint Eastwood
• (in) Folsleine filmografy fan Clint Eastwood yn 'e Internet Movie Database (IMDb)

Boarnen, noaten en/as referinsjes:

Foar boarnen en oare literatuer, sjoch under: References en Further reading , op dizze side . Commons  Ofbylden dy't by dit underwerp hearre, binne te finen yn de kategory Clint Eastwood fan Wikimedia Commons .