De
kust
of in
kustline
is in gebiet der't it
lan
begrinzge wurdt troch de
see
of de
oseaan
, en der't mei
eb
en
floed
ynteraksje tusken lan en
wetter
bestiet. Soms wurdt ek by gruttere
marren
wol sprutsen fan in kust, mar by lytsere marren en oare
binnenwetters
(lykas
rivieren
,
beken
,
sleatten
,
fearten
en
kanalen
) brukt men ynstee de oantsjutting
igge
of
wal
. Oan 'e kust sjocht men gauris
dunen
,
strannen
,
rotsen
en/of
kliffen
. Yn leechlizzende gebieten wurdt de kust faak beskerme troch in
seedyk
of oare
wetterkearing
dy't troch
minskehannen
oanlein is. Kusten wurde ek foar oare doelen in protte brukt troch de minske, lykas
skipfeart
,
wettersport
, de oanlis fan
havens
en
havensteden
, en
sinnebaaien
op
sanstrannen
.
Der binne ferskate soarten kusten. In
pelagyske
kust is in kust dy't oan 'e iepen see leit, yn tsjinstelling ta de kust fan in
baai
,
ynham
of
see-earm
, dy't mear beskut is. In
waadkust
is in kust dy't beskerme wurdt troch in rige
dunige
barriere-eilannen
mei in smelle stripe see tusken de
eilannen
en it
festelan
yn. In
skearekust
is in kust der't in grut tal lytse, faak rotsige eilantsjes foar lizze. In
fjordekust
is in kust dy't op in grut tal plakken djip ynsnien is troch djippe smelle see-earmen dy't
fjorden
neamd wurde. In
mangrovekust
is in kust mei in
moerassich
mangrovewald
dat oant djip yn 'e
tijsone
groeit, sadat it der by floed fierhinne under strupt, mar by eb oan 'e
woartels
ta druchfalt.