It
Boedisme
is in
godstsjinst
mei oanhingers oer de hiele wrald. De religy is yn de
6e iuw f.Kr.
stifte troch
Siddharta Gautama
, better bekend as
de
Boeda
. Wichtige skaaimerken fan it boedisme binne it leauwen yn
reynkarnaasje
(werberte), it respekt foar alle libjene wezens, de
meditaasje
, de wei nei
ferljochting
en de ofwezigens fan in persoanlike god.
Neffens it boedisme sit in minsk finzen yn in sirkel fan dea en werberte (samsara). Oan dit kommen en gean fan libbens kin allinich in ein komme troch in libben fan
meditaasje
, it opdwaan fan selskennis en it loslitten fan al it ierdske. Hjirtroch berikt in boedist in allegeduerigen steat fan Ferljochting (nirvana). It berikken hjirfan is it libbensdoel fan in boedist. Mar omdat it paad nei de Ferljochting in lange wei weze kin, hawwe de measte minsken meardere libbens nedich. Soks kin as minske, mar ek as dier. Derom sil in boedist ek gjin libjende wezens deadzje. Immen dy't sunder help yn syn libben de steat fan ferljochting berikket hyt in
boeda
. De Boeda wurdt beskoge as de resintste fan in lange rige fan boedas, dy't yn it fiere ferline begun is en oant yn de fiere takomst fierder gean sil.
Yn it paad dat in boedist folget is gjin plak foar in persoanlike
god
, lykas yn it
kristendom
. Wol binne der boedisten dy't yn it bestean fan geastlike wezens leauwe dy't oer boppeminsklike kreften beskikke. Ruchwei wurde dizze underferdield yn 'goede' en 'kweade' geasten. Guon boedisten ferearje de geasten troch it geregeld bringen fan lytse offers, soms yn de foarm fan iten, soms troch it festhalden oan taboes.
Yn it boedisme binne ferskate streamings. Hjirunder steane de wichtichste: