Walt Disney nyaeta raja multimedia dina widang animasi ^[1] . Mangjuta-juta barudak di dunya pasti teu bireuk deui jeung tokoh animasi Donald Bebek jeung Mickey Mouse oge Gufi ^[1] . Mimitina tina film kartun, Kerajaan Disney kiwari jadi leuwih lega deui ambahanan ngaliwatan rupa-rupa produk ti mimiti film TV nepi ka Disneyland ^[1] . Ngaran Walt Disney kacatet make tinta emas di dunya hiburan husuna barudak ^[1] .Manehna nyieun tokoh kartun Mickey Mouse jeung Donald Bebek anu geus kawentar di saalam dunya, nyieun film animasi anu rada panjang, ngawangun stasiun TV anu dingaranan Disney Channel , nepi ka nyieun taman hiburan Disneyland anu ngaeksploitasi fantasi manusa ^[1] .

Pausahaan multimedia Disney kiwara jadi jawara di dunya hiburan moderen ku ayana produk-produk anu rupa-rupa jeung sukses. ku ngan saukur ningali aya merk Disney lolobana jalma percaya yen eta produk miboga kualitas anu hade jeung bisa ngahibur. Ku ayana brand anu sakitu kuat jeung midunya, disney barobah jadi pausahaan media anu panggedena di dunya. Penjualan Disney per taun bisa nepi ka 22 milyar dollar AS. Produkna rupa-rupa ti mimiti film kartun animasi, film layar lebar, souvenir, media televisi nepi ka pernak-pernik sejenna ^[1] .

Walt Disney lahir 1901 di Chicago Illionis AS tuluy wafat di Los Angeles California taun 1966 , ngaran aslina nyaeta Walter Elias Disney ^[1] . Nalika keur leutikna manehna teu sabungah tokoh animasi anu dijieunna ^[1] . Manehna sakola di Sekolah Seni Chicago jeung Kansas Missouri AS ^[1] . Mimiti bisnis nalika muka studio film kartun di Holywood taun 1923 ^[1] . Bapana Elias sering gonta-ganti pagawean tapi gagal wae ^[1] . Walt Disney indit ti imahna nalika umurna 16 taun anu ngagabung jeung Korp Ambulans Palang Merah salila Perang Dunia I ^[1] . Walt pernah ngalaman mangsa-mangsa anu hese anu ngajadikeun manehna jadi pebisnis anu hebat ^[1] .

Antara taun 1926 jeung 1928 Disney ngaproduksi serial kartun Oswald The Rabbit jang di produksi di Universal Picture ^[1] . Sabada eta taun 1928 manehna ngaproduksi Steamboat Willie di Studio film anu diwangun ku manehna sorangan ^[1] . Film ieu mangrupa film kartun munggaran anu make sora nu geus disinkronisasi ^[1] . Awal taun 1928 tokoh Disney anu pangpolulerna nyaeta Mickey Mouse mimiti diwanohkeun dina film kartun Plane Crazy ^[1] . Tokoh Mickey Mouse meunang apresiasi anu luhung salaku gambaran urang Amerika anu teu elehan ^[1] .

Taun 1930 -an Disney gawe bareng jeung Technicolor nyieun film berwarna anu judulna Flowers and Trees [[1932 anu sukses ^[1] . Tuluy Disney nyieun film panjang munggaranana Snow White and Seven Dwarfs anu oge bisa ditarima ku masarakat jeung bisa ngirut masarakat ^[1] .Disagedengeun eta film Pinocchio jeung Fantasia jadi leuwih mekar tina segi inovasi tehnik ^[1] . Antara taun 1950 - 1960 , Walt Disney Productions Ltd , jadi produsen anu pangpentingna jang teater jeung TV oge penerbitan ^[1] . Walt Disney oge ngawangun hiji taman hiburan nu panggedena di Amerika Serikat Disneyland taun 1955 anu nepi ka ayeuna tingkat popularitasna can bisa ka elehkeun ku nu sejen ^[1] .Disneyland mintonkeun rekonstruksi , pameran , jeung sajarahna anu jadi daya irut jang para turis ^[1] . Disneyland geus jadi rekayasa imajinasi di mana kaeksotisan, makhluk-makhluk anu berbahaya,tempat jeung fantasi bisa diproduksi ^[1] . Sukses Disneyland tuluy diiluan ku dibukanan Disney World di Orlando Florida taun 1971 ^[1] .Disney wafat ku sabab kakeunaan panyakit kangker taun 1965 ^[1] .

Rupa-Rupa Bisnis Walt Disney [ edit | edit sumber ]

Disney Parks & Resorts [ edit | edit sumber ]

Istana Cinderella anu tadina ngan saukur aya dina angen-angen, tapi taun 1955 bener-bener aya wangunna sacara nyata jeung bisa dicabak ku barudak lantaran Walt Disney Imagineering (WDI) anu dibentuk taun 1952 ^[2] . Karya munggaranna nyaeta istana di Disneyland Anaheim California , tuluy Walt Disney World Resort di Lake Buena Vista , Florida , anu dituluykeun ku Tokyo Disney Resort , jeung Uruyasu Chiba ^[2] .

Studio Entertainment [ edit | edit sumber ]

Bisnis Studio Entertaintment nyaeta fondasi The Walt Disney Company dibangun ^[2] . Ti dieu gelar film animasi jeung film ceritera anu sejenna anu dimimitian ku film klasik Mickey Mouse , Snow White and the Seven Dwarfs nepi ka kiwari kayaning digital animasi mutakhir The Incrediblea ^[2] .

Media Networks [ edit | edit sumber ]

Dua bagean tina bisnis raksasa Disney anu teu beda pentingna nyaeta konsumer produk jeung media network ^[2] . Bisnis konsumer produk Disney dimimitian ti 1929 nalika merchandise tokoh Mickey Mouse muimiti dipikaresep ^[2] . Merchandise anu mimitina ngan saukur dipake jang tilam meja tulis jang barudak ayeuna mekar jadi pakean, coco'oan barudak, dekorasi imah nepi ka buku, games, kadaharan jeung kainuman, barang-barang elektronik nepi ka barang-barang seni ^[2] .

Referensi [ edit | edit sumber ]

Artikel ieu mangrupa taratas , perlu disampurnakeun. Upami saderek uninga langkung paos perkawis ieu, dihaturan kanggo ngalengkepan .