Noudirlound (irisk Tuaisceart Eireann , angelsk: Northern Ireland , Ulster Scots : Norlin Airlann ) is een Lound un Deel fon dat Fereende Koonichriek . Dat bestoant uut saks fon do njuugen Provinsen, do tou ju histooriske iriske Provins Ulster heerden, moaket deer also aan grooten Deel fon uut. In't Ferhooldnis mad ju Republik Irlound is Noudirlound tichter befoulked un is moor fon ju Industrie teekend.

In Noudirlound roate dat in ju Geskichte oafter Twiste twiske Befoulkengsgruppen, do unnerskeedelke Foulke, Politiske Ideologien un Konfessionen touheerden. Groaf fertald wieren dat ap een Siede do katoolske Iren , do jadden tou dan oaine iriske Stoat heere wuulen un ap ju uur Siede do protestantiske Ienwonnerere uut Grootbritannien , foaraaln uut Skotlound , do bie dat Fereende Koonichriek blieuwe moaten.