Da Wikipedia, la nciclupidia libbira.
Voi aiutari lu prujettu ma nun sai zoccu si po mettiri supra Wikipedia?
- Matiriali urigginali, ovviamenti.
- Si ntenni, cu chistu, ca nun po essiri "ncullatu" 'n Wiki matiriali "cupiatu" d'autri fonti. Eccizzioni: lu matiriali sia di
pubbricu duminiu
, nun sia cummigghiatu di
copyright
(
drittu d'auturi
), l'autura du matiriali urigginali spressamenti rilassanu auturizzazzioni a usari tali matiriali 'n Wiki. A sti fini, nun ci sunnu diffirenzi tra testu, mmaggini, grafica, file multimidiali, prugrammi, ecc.
- Matiriali pigghiatu d'autri fonti: p'asempiu, supra lu situ ngrisi nzireru
Foldoc
, un dizziunariu di
nfurmatica
di pubbricu duminiu. Siddu asistinu matiriali simili 'n sicilianu, sunnu bonu accetti, e vi prijamu di rinnirinni nota l'asistenza.
- Traduzzioni di paggini ngrisi? Si, cirtamenti, accussi comu di l'autri virsioni di Wikipedia 'n autri lingui. Chistu fa anchiamenti parti du pruggettu urigginali. Certu, siddu dispunissimu di matiriali puramenti sicilianu, 'n sicilianu, pinzatu di siciliani, chistu putissi essiri sicuramenti di maiuri ntiressi e di cchiu certu successu pa Wikipedia Siciliana, vistu ca lu nostru approcciu a canuscenza e diffirenti di chiddu du munnu di cultura ngrusassuni. Ma, 'n attisa di cuntinuti urigginali, putemu puru traduciri matiriali ca accamora nun fu ancora cunciputu nta nostra virsioni. Pi sapirinni chiossai supra li reguli di traduzzioni, talia sta paggina:
Comu traduciri n'articulu?
- Grannizza di vuci? N'articulu d'
enciclopedia
. Dunca, tuttu zoccu discrivi lu cuncettu esaminatu ca maiuri ricchizza pussibbili.
- Apprufunnimentu cunzintutu? No-limits! Wikipedia nun e fatta di carta, li bits costanu picca, e ci foru misi a dispusizzioni pi dimustrari ca la canuscenza fu 'n passatu limitata du costu di supporti. Stu supportu nun ni costa, e lu putemu usari
ad libitum
. P'asempiu, la vuci
Tipugrafia
po urigginari li sutta-vuci
Maiusculettu
,
Puntu tipugraficu
,
Crinatura
,
Virguletti
e tutti chiddi ca vi vennu 'n menti. Vannu a essiri tutti bonu accugghiuti e nun vannu a essiri fora locu pirchi troppu spicializzati.
