Dit is allens Entwurf un noch kene faste Regel vun Wikipedia. Jedereen droff geern seggen, wat he dorvun hollt. Besunners good weer dat man, wenn ji Bispelen finnen kunnen, bi de disse Regeln versagt. Dat also relevante Artikels na disse Regeln nich relevant sund oder annersrum, temlich unrelevante Artikels na de Regeln relevant wesen schullen. Annere Kritik is aver man ok willkamen?;-)

---

Wikipedia as Nakieksel, bi dat jedereen in Wiki -Wies mitdoon kann, bruukt Regeln, wat for Artikels wi in dit Nakieksel opnehmen wullt un wat for welk nich. Disse Siet schall Regeln opstellen, op wat for’n Oort un Wies dat faststellt warrt. Bi en Artikel moot de Kriterien vun disse Siet wohr wesen, dat de Wikipedia em opnehmen deit. De Kriterien sund aver Twiefel-Kriterien, dat heet, pruuft warrt eerst, wenn en Bruker an de Relevanz twiefelt. Dat Prufen vun den Artikel vor dat Instellen warrt nich vorutsett (is aver nich verkehrt, wenn een sik al vorher overleggt, wat de Artikel relevant is).

Dat gifft dree Typen vun Kriterien:

• jummer : Wenn dit Kriterium erfullt is, denn is de Artikel jummer relevant.
• na Punkten : Bi welk Kriterien kann de Artikel Punkten sammeln. Wenn he opminnst teihn Punkten tohoopkriggt, denn is he relevant. Punkten in verschedene Kategorien warrt tohooptellt.
• na Minschenverstand : for dissen Typ vun Artikels gifft dat kene fasten Regeln. De Luud, de de Relevanz beoordeelt, schoolt den gesunnen Minschenverstand bruken.

Grundregel is, dat en Artikel opminnst dree Fakten over de Saak nomen mutt (de Naam sulvst tellt noch nich as Fakt) un todem in den Text soveel Relevanzkriterien noomt , dat ut den Artikel rut kloor is, dat he na disse Siet relevant is. Grundfakten tellt na de Dree-Fakten-Regel nich as Fakten. Grundfakten sund dorbi Fakten, de de Grundlaag dorstellt, ahn de en Artikelgegenstand keen Bestand hebben kann. En Barg tekent sik ut, dat he ut de Umgegend rutsteiht. Wat grotter he is, wat bedudener is he. De Hoochd vun en Barg is also en Grundfakt, de Grundbasis for siene Relevanz. En Oort is en Steed an de Minschen leevt. Also sund de Steed/de Laag vun en Oort un de Inwahnertall Grundfakten for en Oort. Wenn en Grundfakt fehlt, denn tellt dat minus een for de Dree-Fakten-Regel.

Bispelen:

Ludwig II. weer Konig vun Bayern. <span style="color:red;">reckt nich! Konig reckt as Relevanz, man kene dree Fakten noomt.</span>

Ludwig II. (* 25. August 1845; † 13. Juni 1886) weer Konig vun Bayern. Nadem he an’n 10. Juni 1886 entmunnigt worrn is, overnehm sien Unkel Luitpold as Prinzregent de Regerensgeschaften. <span style="color:green;">reckt. Amt, Entmunnigung un Overgeven vun de Regerensgeschaften sund dree Fakten, Geboortsdag plus Doodsdag (also Levenstiet) is Grundfakt bi en Minsch, Konig is jummer -Relevanzkriterium.</span>

Wenn en Artikelgegenstand vun de Saak her in mehr as ene Kategorie passt, denn warrt de Kategorie nahmen, de for de Opnahm dat beste Resultat bringt.

Wenn in disse Regeln Geldbedraag noomt warrt, denn sund de so to verstahn, dat de Artikelgegenstand den Aquivalentweert vun dissen Bedrag to siene Tiet anrecken mutt. As Utgangspunkt for de Tallen in disse Kriterien is de Kurs vun’n Euro to’n 1. Januar 2008 utslaggevend (bi annere Geldsoorten schall nich de Wesselkurs, man de Koopkraft tellen).

Ringsluss sund generell utnahmen, wenn se nich vun buten stutt sund. De Filmartikel X ist relevant, vun wegen dat de relevante Schauspeler Y dor mitspeelt un de Schauspeler Y is relevant, vun wegen, dat he in den relevanten Film X mitspeelt gellt nich. Dat heet, wenn Artikels blot as Paket rinkamen koont, denn moot se all buten blieven.

Dor den Text mutt wiest warrn, dat de beschrevene Saak egenstannig gegen annere Saken is, de ’n Artikel hebbt. Wenn to’n Bispeel Artikel X vullstannig beschreven is dor X is en Y, blots ahn/mit Z , denn schall X beter bi Y mit beschreven warrn.

Vor allen sund de Relevanzkriterien antowennen bi Elementen vun grottere Gruppen vun potentielle Artikelgegenstann. Dat heet sowat as Bargen. Bargen gifft dat Millionen in all Grotten. Nich all Bargen sund relevant. De Relevanzkriterien seggt, wat for Bargen relevant sund. Op de anner Siet gifft dat Saken, de sund nich Element vun Gruppen, to’n Bispeel de Artikel Barg sulvst. De Begreep Barg is en Konzept. For disse Konzepten sund de Relevanzkriterien weniger.

Dat gellt de Spoorsamkeitsregel. Wenn twee Objekten formal beid relevant sund - aver all beid dor den exakt glieken Grund - un wenn dat nu dorto fohren dee, dat de Artikels swoor vunenanner aftogrenzen sund, denn warrt blots een vun de beiden as Artikel anleggt un de annere verwiest op den annern. Bispeel: En middelollerlichen Schriever is blots as Schriever vun ene enkelte Schrift bekannt. Nu maakt dat kenen Sinn, for Schriever un Schrift twee Artikel to schrieven. Beid Saken schoolt in een Artikel tosamen beschreven warrn. Oder wenn Tweeschen as Kunstlerduo optreden sund un nienich alleen wat maakt hebbt, denn bruukt de beiden nich all beid egene Artikels. Een Artikel reckt.

Artikels, de in een vun de Nakieksels en Indrag hebbt, de glieks noomt warrt, sund jummer relevant (Artikels, de as Woorbookindraag antosehn sund, sund dor vun utnahmen. Ok utnahmen sund Artikels to Saken, de dat na hudig Weten gor nich gifft, de also Nihilartikels sund oder Bloten vun korte Irrweeg vun de Wetenschoppen dorstellt. Wenn de Artikel aver in twee Nakieksels vorkaamt, de nich ut de sulve Fedder kaamt, denn warrt ok bi disse Nich-Artikels Relevanz annahmen.):

• Brockhaus , Encyclopedia Britannica , Encyclopedie ou Dictionnaire raisonne des sciences, des arts et des metiers , Enciclopedia Espasa , Paulys Realencyclopadie der classischen Altertumswissenschaft , Nordisk familjebok , Biographisch-Bibliographisches Kirchenlexikon , Allgemeines Kunstlerlexikon , Thieme-Becker

Notiz: Disse List schall nich vullstannig wesen. Ne’e Nakieksels koont opnahmen warrn, wenn kloor warrt, dat Objekten, bi de de Brukers overeenstimmt , dat se nootwennig for ene kumplette Enzyklopadie sund, over annere Kriterien kene Opnahm finnen koont. Dat Nakieksel mutt aver de Regeln vun anspruchsvulle, wetenschopliche Enzyklopadien oder Nakieksels folgen.

Punkten [ Bornkood annern ]

• En Artikel kriggt:
  • 3 Punkt je Book/Film, dat/de over dat Artikelthema schreven/maakt worrn is.

• Personen un Deerten sund jummer relevant, wenn se vor 700 n. Chr. leevt hebbt, un wenn wi den Naam kennt un tominnst twee opschrevene Saken over jem hebbt.

• Ene Person/En Deert kriggt:
  • 3 Punkt je Straat, de na de Person/dat Deert noomt is.
  • 5 Punkt je Oort , de na de Person/dat Deert noomt is.
  • 2 Punkt je wetenschoplich Objekt (ne’e Oort , Mineral , Himmelskorper etc.), de na de Person/dat Deert noomt is.
  • 2 Punkt je Denkmal/Born, dat/de for de Person/dat Deert opstellt worrn is.
  • 5 Punkt je Museum, dat sik alleen mit de Person/dat Deert befaten deit.
  • 1 Punkt je fiktiv Wark, in dat duudlich op dat de Person/dat Deert anspeelt warrt.
  • 1 Punkt, wenn de Person/dat Deert umbrocht worrn is oder sik sulvst umbrocht hett.
  • 1 Punkt je Ollerndeel oder Kind vun de Person/dat Deert, dat for ’n Artikel relevant is.
  • 3 Punkt je Pries, de for ’n Artikel relevant is, den de Person/dat Deert kregen hett un de an besunnere Leistungen vun qualitative Natur bunnen is.

Minschen [ Bornkood annern ]

• Luud sund jummer relevant, wenn se as Gerechten mank de Volker ansehn warrt.

• Ene Person kriggt:
  • 1 Punkt, wenn se ’n Doktergraad hett.
  • 2 Punkt je Institutschoon, de for ’n Artikel relevant is un de se anfohrt hebbt (politische un religiose Rebeetsentitaten utnahmen).
  • 1 Punkt, wenn se ut politsche Grunn in Haft weer, veroordeelt worrn is oder twungen weer in Exil to gahn.
  • 3 Punkt, wenn se ene Saak, de for ’n Artikel relevant is, begrunnt hebbt (Unnernehmen, Organisatschoon, Stilrichtung etc.).

Politikers [ Bornkood annern ]

Regel: De Bundslanner vun Duutschland , de Provinzen vun de Nedderlannen , de Bundsstaten vun de USA un internatschonale Statenbunn mit mehr as fief Staten as Liddmaten warrt in disse Relevanzkriterien just as Staten behannelt.

Regel: As Politikers gellt ok de Staatsboversten vun Staten, de kene Demokratie hebbt, to’n Bispeel Monarchen etc.

• Politikers sund jummer relevant, wenn se en Amt op Staatsevene harrn un dit Amt in de Verfaten vun den Staat fastleggt is.

• Prasidenten vun Staten sund jummer relevant.
• Ministers vun Staten sund jummer relevant.
• Liddmaten vun dat Parlament vun Staten sund jummer relevant.

• En Borgermeester kriggt:
  • 1 Punkt for je vulle 10.000 Luud for de he Borgermeester weer.
  • 0,5 Punkt for je vulle fief Johr, de he Borgermeester weer.

• En Vorsitter vun ene relevante Partei kriggt:
  • 1 Punkt for je vulle 500 Luud, de in de Partei sund.
  • 1 Punkt for je vulle fief Johr, de se Vorsitter weern.

• En Politiker kriggt:
  • 3 Punkt for de Deelnahm an ene verfatengeven Versammlung.
  • 1 Punkt je vulle fief Johr in en Parlament in dat he seten hett, dat for mehr as 10.000 Luud politische Entscheidungen maakt.

• Vorsitters vun Partein sund jummer relevant, wenn de Partei to ehr Vorsittertiet in dat Parlament vun en Staat seet.

• En Gewerkschafter kriggt:
  • 1 Punkt je twee Johr, de he ene Gewerkschaft anfohrt hett, de for ’n Artikel relevant is.

Diplomaten [ Bornkood annern ]

• En Diplomaat kriggt:
  • 2 Punkt je fief Johren, de he Bottschopper in en annern Staat weer.

Juristen [ Bornkood annern ]

• Richters an dat hoochste Gericht vun ’n Staat sund jummer relevant.
• En Richter kriggt:
  • 2 Punkt for dat Richteramt.

Unnernehmers/Managers [ Bornkood annern ]

• En Unnernehmer/Manager kriggt:
  • 1 Punkt je 200 Millionen Euro Umsatz, de dat vun em anfohrte Afdeel vun dat Unnernehmen maakt hett.

Programmerers [ Bornkood annern ]

• En Programmerer kriggt:
  • 3 Punkt je Programm, dat for ’n Artikel relevant is un dat he alleen programmeert hett.

Sportlers [ Bornkood annern ]

kiek bi #Sport .

Schrievers/Journalisten [ Bornkood annern ]

• En Schriever kriggt:
  • 2 Punkt je Book, dat he alleen schreven hett.
  • 4 Punkt tosatzlich je Book, wenn dat op Plattduutsch schreven is.
  • 1 Punkt tosatzlich je Book, wenn dat mehr as 200 Sieden Text hett.
  • 1 Punkt je Book, dat he alleen oversett hett.

Kunstlers [ Bornkood annern ]

• En Kunstler kriggt:
  • 1 Punkt je Utstellung in for en Artikel relevante Galerien/Museen.
  • 1 Punkt je 100.000 Euro, de een vun sien Original-Warken inbrocht hett (Maximalpries vun dat Wark).

Notiz: Original-Warken sund Live-Kunzerte, Biller, Skulpturen un annere physische Warken. For Warken, de kopeerbor sund, so as Toon-Opnahmen, Drucke vun Biller etc., gellt Extra-Regeln.

Muskanten/Musikgruppen [ Bornkood annern ]

• En Muskant/Ene Musikgrupp kriggt:
  • 1 Punkt je 3000 verkoffte Toondreger.
  • 1 Punkt je Leed, dat he/se sulvst schreven hett/hebbt un dat vun annere relevante Muskanten overnahmen worrn is.

Schauspeelluud [ Bornkood annern ]

• En Schauspeler/Speelbaas/Dreihbookschriever/Produzent kriggt:
  • 2 Punkt je Film de for ’n Artikel relevant is.
  • 2 Punkt je Serie, de for ’n Artikel relevant is, wenn dat bi opminnst dree Folgen weer (twee Folgen bi Miniserien vun nich mehr as teihn Folgen).
  • 0,3 Punkt je Serie, de for ’n Artikel relevant is, wenn dat bi weniger as dree Folgen weer (blots bi ene Folg bi Miniserien vun nich mehr as teihn Folgen).
  • 0,5 Punkt je Theaterstuck bi en Theater, dat for ’n Artikel relevant is.

• En Synchronspreker kriggt:
  • 0,5 Punkt je Film de for ’n Artikel relevant is.

• En Intendant kriggt:
  • 0,5 Punkt je Theaterstuck, dat unner em inszeneert worrn is bi en Theater, dat for ’n Artikel relevant is.

• Bi Kameraluud, Bildmakers, Toonluud, Wandsnieders un Filmsnittjers (jummer de, de dat Leid over dat Afdeel hett) gellt dat sulve, blots dat de Punkttall in dissen Afsnitt dor 2 deelt warrt.

Regel: Gebruuksfilmen sund utnahmen. Dorto tellt Pornofilmen ahn kunstlerisch Anspruch un ok allens wat for eenmal sennen, denn vergeten produzeert warrt (Daily Soaps, Doku-Soaps, Gerichtsshows etc.).

Comic-Teekners/Karikaturisten [ Bornkood annern ]

• En Comic-Teekner/Karikaturist kriggt:
  • 5 Punkt je Comic-Reeg, de for ’n Artikel relevant is un de he alleen maakt hett.

Gottsluud [ Bornkood annern ]

• Bischop vun de Roomsch-kathoolsche Kark sund jummer relevant.
• Kalifen vun den Islam sund jummer relevant.
• Hillige vun de Roomsch-kathoolsche Kark sund jummer relevant.

• Religions-/Karken-/Deelkarken-/Religionsterritorien-/Sektenanfohrer sund jummer relevant, wenn disse religiose Grupp opminnst 100.000 Liddmaten hett.

• Ene Gottsperson kriggt:
  • 3 Punkt as Anfohrer vun en Klooster, dat for ’n Artikel relevant is.

Perfessers [ Bornkood annern ]

• Perfessers sund jummer relevant, wenn se ornliche Perfessers sund.
• En Perfesser kriggt:
  • 3 Punkt, wenn he keen ornlichen Perfesser is.

Wetenschoplers [ Bornkood annern ]

• En Wetenschopler kriggt:
  • 4 Punkt je Oort , de he opdeckt oder toeerst beschreven hett.
  • 4 Punkt je wetenschoplich oder Fack-Konzept, dat for ’n Artikel relevant is un dat he alleen utklamusert hett.

Ruumfohrers [ Bornkood annern ]

• Ruumfohrers sund jummer relevant.

Notiz: Kann in Tokumst annert warrn, dat blots noch Ruumfohrers, de vor dat Johr X in den Weltruum reist sund, jummer relevant sund plus Punkt-Regeln.

Suldaten [ Bornkood annern ]

• Suldaten sund jummer relevant, wenn se General oder Admiral (oder annere Rang, de de sulvige Rangstuuf as General/Admiral hebbt) bi ene offizielle Armee sund.
• En Suldaat kriggt:
  • 3 Punkt, wenn he Heerfohrer weer.
  • 3 Punkt, wenn he een Rangstuuf unnern General/Admiral steiht.
  • 2,5 Punkt, wenn he twee Rangstufen unnern General/Admiral steiht.
  • 2 Punkt for ’n Offziersrang, de mehr as twee Rangstufen unnern General/Admiral steiht.

Architekten/Stadtplaners [ Bornkood annern ]

• En Architekt kriggt:
  • 3 Punkt je Bowark, dat for ’n Artikel relevant is un for dat he de Architekt weer.

Kunsthandwarker [ Bornkood annern ]

• En Kunsthandwarker kriggt:
  • 2,5 Punkt je Kunsthandwarkstuck, dat vor 1800 trech worrn is un to den Kunsthandwarker fast tooornt warrn kann.

Adelige [ Bornkood annern ]

• En Adeligen kriggt:
  • 2 Punkt, wenn he ’n Adelstitel hett.

Regel: Dat gellt for Adelige, bi de jemehr Titels to jemehr Tieden allgemeen vun de Sellschop anerkannt weern (Kaiser Norton I. kriggt hier kene Punkten).

Adelsgeslechter [ Bornkood annern ]

• En Adelsgeslecht kriggt:
  • 2 Punkt je Person ut dat Geslecht, dat for ’n Artikel relevant is.
  • 3 Punkt for ’n Stammsitt, de for ’n Artikel relevant is.
  • Teihn Perzent vun de Relevanz-Punkten vun all de Personen ut dat Geslecht (Ok wenn de enkelten Personen an de nodige Tall for egene Relevanz nich ranreckt).

Verbrekers [ Bornkood annern ]

• En Moorder kriggt:
  • 1 Punkt je Person, de he umbrocht hett.
  • 5 Punkt je Person, de he umbrocht hett un de for ’n Artikel relevant is.
• En Rover kriggt:
  • 1 Punkt je ene Million Euro Geldweert, de he roovt hett.
• En Gesettsbreker kriggt:
  • 1 Punkt je straafrechtlichen Gesettsbrook, for den he veroordeelt worrn is, wenn he ok ans noch relevant is. (Maximaltall unner dissen Punkt: 5 Punkt)

Regel: Wenn de Person aver blots dor ene enkelte Daat bekaant worrn is, denn warrt disse Daat opnahmen, nich de Person.

Boulevard-Prominenz [ Bornkood annern ]

• En Boulevard-Prominenten kriggt:
  • 1 Punkt je 10 Millionen Minschen, de den Naam vun de Person ut de Medien kennt (Meten to ene Tiet, de opminnst dree Maand vun dat eerste Optreden in de Medien af is).

Organisatschonen [ Bornkood annern ]

• Ene Organisatschoon kriggt (ok Verenen, Partein):
  • 1 Punkt je 250 Liddmaten, de se hett (Maximaltall in de Geschicht).
  • 0,5 Punkt je 10 Johren, de se Bestand hett.
  • 1 Punkt je Book, bi dat se Rutgever weer.

• Beroopsfuurwehren sund jummer relevant.

Karkengemenen/Karkenterritorien [ Bornkood annern ]

• Ene Karkengemeen/En Karkenterritorium kriggt:
  • 1 Punkt je 100 Gemeenliddmaten, de se/dat hett (Maximaltall in de Geschicht).
  • 1 Punkt je 15 Johr, in de se/dat Bestand harr.

Deerten [ Bornkood annern ]

• En Deert kriggt:
  • 1 Punkt je 200.000 Euro, de dat bi Wettstrieden in ene Sportoort inspeelt hett.
  • 5 Punkt je Organisatschoon, de for ’n Artikel relevant is un for de dat Maskottchen weer.
  • 1 Punkt je 50 Johr, de dat leevt hett.
  • 2 Punkt, wenn dat in en Museum mit Naam utstellt warrt oder Gedenkstucken vun dat Deert utstellt warrt.
  • 3 Punkt, wenn dat mal in’n Weltruum weer.
  • 3 Punkt je Titelrull, de dat in ’n Film speelt hett.
  • 1,5 Punkt je Hooftrull, de dat in ’n Film speelt hett.
  • 1 Punkt, wenn de Besitter oder dat Herrchen ene Person weer, de for ’n Artikel relevant is.

Unnernehmen [ Bornkood annern ]

• En Unnernehmen kriggt:
  • 1 Punkt je teihn Millionen Euro Umsatz in’t Johr (Maximaltall in de Geschicht).
  • 1 Punkt je 15 Johr, in de dat Bestand harr.
  • 1 Punkt je 250 Luud, de dor arbeiden doot (Maximaltall in de Geschicht).
  • 1 Punkt je 10 Filialen, de dat hett (Maximaltall in de Geschicht).

• Unnernehmen sund jummer relevant, wenn se an ene Boors noteert sund.

Stiften [ Bornkood annern ]

• En Stiften kriggt:
  • 1 Punkt je teihn Millionen Euro Stiftenskapital.

Produktmarken [ Bornkood annern ]

• Ene Produktmark kriggt:
  • 1 Punkt je 5 Millionen Luud, de se kennt.

Produktregen/Produktmodells [ Bornkood annern ]

• Ene Produktreeg/En Produktmodell kriggt:
  • 1 Punkt je 5 Millionen Luud, de se kennt.
  • 5 Punkt, wenn se ’n Produkttyp begrunnt hebbt (Bispeel: Tamagotchi for den Produkttyp virtuelle Huusdeerten).

Oorden [ Bornkood annern ]

• Oorden in de Biologie un annere Taxons sund jummer relevant, ok wenn se vun de aktuelle Wetenschop nich mehr as aktuell ansehn warrt.
• Rassen vun Oorden sund jummer relevant, wenn se vun de allgemeen anerkannte Instanz for Tucht bi disse Oort (to’n Bispeel FCI bi Hunnen ) as Rass ansehn warrt.

Kryptiden [ Bornkood annern ]

• Kryptiden sund jummer relevant, wenn dat to jem ’n Volksgloven gifft.

Boker/Schriften [ Bornkood annern ]

Regel: As Book na disse Siet gellt kene Schriften vun 50 Sieden oder weniger, wenn de nich for ’n Artikel relevant sund.

• Boker/Schriften sund jummer relevant, wenn dat ’n Film to’t Book gifft, de for ’n Artikel relevant is.
• Schriften sund jummer relevant, wenn se vor dat Johr 1000 n. Chr. schreven worrn sund un langer as 1000 Schriftteken sund.
• Schriften sund jummer relevant, wenn se vor dat Johr 1500 n. Chr. schreven worrn sund, keen Gebruukstext sund un langer as 1000 Schriftteken sund.
• Boker sund jummer relevant, wenn se vor dat Johr 1700 n. Chr. schreven worrn sund un keen Gebruukstext sund.

• En Book kriggt:
  • 1 Punkt je 10.000 verkoffte Stuck.
  • 5 Punkt, wenn dat op Plattduutsch schreven is.
  • 1,5 Punkt je Spraak, in de dat oversett worrn is.

Tietschriften/Blader [ Bornkood annern ]

• Tietschriften/Blader sund jummer relevant, wenn se op Plattduutsch schreven sund.

• Ene Tietschrift/En Blatt kriggt:
  • 1 Punkt je Oplaag vun 3000 (Maximaloplaag in de Geschicht), wenn de Tietschrift/dat Blatt opminnst twolf Utgaven sehn hett.
  • 1 Punkt je 10 Johr, in de dat Bestand harr.

Filmen [ Bornkood annern ]

Regel: As Film na disse Siet gellt kene Reportaschen oder Dokmentatschonen vun 70 Minuten oder weniger, wenn de nich for ’n Artikel relevant sund.

• Filmen sund jummer relevant, wenn dat en Book to’n Film gifft, dat for ’n Artikel relevant is.

• En Film kriggt:
  • 1 Punkt je 5000 verkoffte Kinokoorten.
  • 1 Punkt je 10.000 verkoffte Videokassetten.
  • 1 Punkt je 500.000 Tokiekers in’t Feernsehn (bi de Utstrahlung mit de hoochste Tall vun Tokiekers).

Musikalben/Leder [ Bornkood annern ]

• En Musikalbum/Leed kriegt:
  • 1 Punkt je 10.000 verkoffte Toondregers.
  • 1 Punkt je Overnahm vun een Leed vun dat Album/dat Leed dor annere Muskanten.

Regel: Single-Utkopplungen ut Alben hebbt kene egene Relevanz, tellt aver to de Tallen vun dat Album dorto.

Feernsehserien [ Bornkood annern ]

• Ene Feernsehserie kriggt:
  • 1 Punkt je 100.000 Tokiekers in’t Feernsehn (in’n Dorsnitt bi de Utstrahlung mit de hoochste Tall vun Tokiekers).
  • 5 Punkt, wenn se (ok) op Plattduutsch utstrahlt warrt.

Websteden [ Bornkood annern ]

• Ene Websteed kriggt:
  • 1 Punkt je 50.000 Brukers (Maximaltall in de Geschicht).
  • 1 Punkt je ene Million Besokers in de Week (Maximaltall in de Geschicht).

Datenbanken [ Bornkood annern ]

• Datenbanken sund jummer relevant, wenn se opminnst 5.000 Indraag hebbt un toglieks de grottste Datenbank vun den speziellen Typ overhaupt sund.

• En Wiki kriggt:
  • 1 Punkt je 5.000 bruukbore Indraag.

Priesen [ Bornkood annern ]

• En Pries kriggt:
  • 1 Punkt je 200 Euro Priesgeld.
  • 1 Punkt je 10 Johr, in de he vergeven worrn is (unafhangig dorvun, wo faken he in de Tiet vergeven worrn is, solang dat opminnst eenmal weer).

Senners [ Bornkood annern ]

• Feernsehsenners sund jummer relevant, wenn se over ’n Tietruum vun opminnst een Maand opminnst fief Stunnen jeden Dag sennt hebbt (Werbung un Verkoopssennungen ut de Tiet rutrekent).

• En Feernsehsenner/Radiosenner kriggt:
  • 1 Punkt je 100.000 Tohorers in de Week (Maximaltall in de Geschicht).

Reekner-Programmen [ Bornkood annern ]

Unner Reekner-Programmen fallt kene lutten Helpsprogrammen, blot grote Programmen, de en enigermaten veelsiedigen Insatz hebbt.

• Reekner-Programmen sund jummer relevant, wenn se de eenzigen Programmen weern, de for jemehr Opgavenrebeet vorhannen weern.

• En Reekner-Programm kriggt:
  • 1 Punkt je 4.000 verkoffte/runnerladene Kopien bi en Programm, dat vor 1990 rutkamen is.
  • 1 Punkt je 20.000 verkoffte/runnerladene Kopien bi en Programm, dat na 1990 rutkamen is.

Gesetten [ Bornkood annern ]

• Gesetten sund jummer relevant, wenn se vun en offiziell anerkannt Staat sund.

Verlaag [ Bornkood annern ]

• En Verlag kriggt:
  • 0,25 Punkt je Book, dat he rutgeven hett.
  • 2 Punkt je Book, dat he rutgeven hett un dat for ’n Artikel relevant is.

Verdraag [ Bornkood annern ]

• Fredensverdraag twischen Staten oder twischen Staten un nichstaatliche Paramilitargruppen, de for ’n Artikel relevant sund, sund jummer relevant, wenn se unnerschreven worrn sund un ok in Kraft treden sund.
• Kooperatschoonsverdraag twischen Staten oder twischen Staten un nichstaatliche Zivilorganisatschonen, de for ’n Artikel relevant sund, sund jummer relevant, wenn se unnerschreven worrn sund un ok in Kraft treden sund.

Messen [ Bornkood annern ]

• Ene Mess kriggt:
  • 1 Punkt je 50.000 Luud, de se besocht hebbt (Gesamtbesokertall in de Geschicht).
  • 1 Punkt je Johr, in dat opminnst 5.000 Luud de Mess besocht hebbt.

Katastrofen [ Bornkood annern ]

• Ene Katastroof kriggt (dat gellt blot, wenn de Katastroof as Doodsoorsaak enkelt nawiesbor is, allgemene Katastrofentostann so as en besunners hitten Sommer, in den mehr Luud doodblievt as ans, gellt dorbi nich):
  • 1 Punkt je 10 Luud, de dorbi doodbleven sund.
  • 2 Punkt je doodblevene Person, de for ’n Artikel relevant is.
  • 1 Punkt je fief Million Euro Schaden.

Regel: Katastrofen schoolt blots denn Artikels kriegen, wenn dat malloorte Objekt nich sulvst ’n Artikel hett (to’n Bispeel bi Scheep, Flegers usw.).

Mineralien [ Bornkood annern ]

• Mineralien sund jummer relevant, wenn de Mineralogie en egen Naam hett.

Breefmarken [ Bornkood annern ]

• Ene Breefmark kriggt:
  • 1 Punkt je 10.000 Euro, de en enkelt Exemplar weert is.

Alldagsgegenstann/Warktuuch [ Bornkood annern ]

• Alldagsgegenstann/Warktuuch sund jummer relevant.

Regel: Artikels over Alldagsgegenstann/Warktuuch moot opminnst twee Fakten nomen, de nich trivial sund, dat heet, de en dorsnittlichen Minsch (en Minsch, de mit dat Objekt vertroot is) nich sounso weten deit.

Vornaams/Familiennaams [ Bornkood annern ]

• En Vornaam/Familiennaam kriggt:
  • 5 Punkt je Person, de dissen Naam driggt un for ’n Artikel relevant is.
  • 1 Punkt je Person, de dissen Naam driggt un for kenen Artikel relevant is.

Regel: Bi Artikels to Naams warrt vorutsett, dat Quellen for de Informatschonen angeven sund.

Schriftteken [ Bornkood annern ]

• Schriftteken sund jummer relevant, wenn se in Unicode opnahmen sund.

Op de Eer [ Bornkood annern ]

Nich vun Minschen maakt [ Bornkood annern ]

• Eilannen sund jummer relevant, wenn se en Naam hebbt oder wenn se fast sund. As nich-faste Eilannen warrt dorbi de Eilannen ansehn, de ut modderigen Grund bestaht un dor de Arbeit vun’t Water keen Bestand hebbt oder for weniger as 100 Johr Bestand hebbt.
• Bargen sund jummer relevant, wenn se en Naam hebbt un opminnst 15 Meter hoger liggen doot as de Umgegend oder wenn se keen Naam hebbt un opminnst 150 Meter hoger liggen doot as de Umgegend.
• Barggruppen sund jummer relevant, wenn se en Naam hebbt un ut opminnst dree Bargen bestaht, de for ’n Artikel relevant sund.
• Seen un Meren sund jummer relevant, wenn se en Naam hebbt un opminnst een Hektar groot sund oder teihn Meter deep. Dorbi moot se aver duurhaftig oder perioodsch wesen over ene Tiet vun opminnst 100 Johr (dat letzte gellt nich for Seen, de eerst in letzte Tiet vun’n Minsch maakt sund un Beduden for Minschen in de Umgegend vun disse Seen hebbt).
• Stroom un Beken sund jummer relevant, wenn se opminnst soss Kilometer lang sund oder over ’n Tietruum vun opminnst dree Maand in’t Johr opminnst een Kubikmeter Water in de Sekunn fohrt. Dorbi moot se aver duurhaftig oder perioodsch wesen over ene Tiet vun opminnst 100 Johr (dat letzte gellt nich for Stroom, de eerst in letzte Tiet vun’n Minsch maakt sund).
• Meteoriten sund jummer relevant, wenn vun jem na’n Inslag wat nableven is.
• Geysirfeller sund jummer relevant, wenn dor opminnst twee Geysiren, de for ’n Artikel relevant sund, oder fief luttjere Geysiren liggt.
• En Geysir kriggt:
  • 1 Punkt je 30 Zentimeter Hoochd, de he sprutt.
• Gletschers sund jummer relevant, wenn se mehr as 100 Johr Bestand harrn.
• Naturruumliche Landschoppen sund jummer relevant, wenn se ’n Naam hebbt un nich mit annere Naturruum tohoopfallt.

Vun Minschen maakt [ Bornkood annern ]

• Oord sund jummer relevant, wenn se en Naam hebbt un to ene Tiet Inwahners harrn un wenn se vun de beboote Flach her to ene Tiet vun annere Oord trennt wesen sund un dorbi na Opfaten vun de Minschen in de Umgegend, for de de Oort en Beduden harr, keen Deel vun en annern Oort dorstellen.
• Rebeden, de offiziell vun den Staat inricht worrn sund, dat Land to verwalten, sund jummer relevant.
• Natschonalparkss sund jummer relevant, wenn se vun ene anerkannte Institutschoon inricht worrn sund.
• Wildnisrebeden sund jummer relevant, wenn se vun de IUCN anerkannt sund.
• Kulturelle Landschoppen sund jummer relevant, wenn se ’n Naam un na buten hen defineerte Grenzen hebbt.
• En Bargwark kriggt:
  • 1 Punkt je 30 Meter, de dat deep is.
  • 1 Punkt je 100.000 Tonnen Gesteen, de bi’n Afbo bewegt worrn sund.
  • 1 Punkt je 20 Johr, de dat arbeiden dee.

Bowarken [ Bornkood annern ]

• En Hoochhuus (for Minschen as Wahnung oder Buros boot) kriggt:
  • 1 Punkt je fief Meter, de dat grotter is as 50 Meter.
• En anner hooch Bowark kriggt (Mast, Schosteen, Funktoorn, Utsichtstoorn etc.):
  • 1 Punkt je teihn Meter, de dat grotter is as 50 Meter.
• En Bowark kriggt:
  • 2 Punkt je Hektar bruukbore Flach.
  • 5 Punkt, wenn dat as Bodenkmal anerkannt is.
  • 2 Punkt, wenn dat keen Funkschonalbo is (Denkmal, Tierborn, Triumphbagen etc.).

• Ene Attrakschoon kriggt (Zoo, Botaansch Goorn, Stadtpark, Vergnogenspark, Museum, Theater, Oper etc.):
  • 1 Punkt je 100.000 Besokers overhaupt in de Geschicht.
  • 1 Punkt je Hektar Flach.

• Museen sund jummer relevant, wenn se vulltiet apen hebbt (dat heet, se maakt nich blots apen, wenn en Minsch vorbikummt un dat sehn will).
• Universitaten sund jummer relevant.
• En Zoo / Botaansch Goorn kriggt:
  • 1 Punkt je 20 Oorden, de dor to sehn sund.
  • 1 Punkt je 15 Johr, in de he Bestand harr.
• Ene School kriggt:
  • 1 Punkt je 50 Scholers, de se hett.
  • 1 Punkt je 10 Johr, in de se Bestand harr.
• En Krankenhuus kriggt:
  • 1 Punkt je 50 Bedden, de dat hett.
  • 1 Punkt je 10 Johr, in de dat Bestand harr.
• En fast boot Opernhuus , Musicalhuus oder Theater kriggt:
  • 1 Punkt je 30 Sittplatz, de dat hett.
  • 1 Punkt je 10 Johr, de dat Bestand harr.
• En religios Bowark kriggt:
  • 5 Punkt, wenn dat dor ’n Angreep mit religios Achtergrund toschannen gahn is.
• En Gottshuus kriggt (Kark, Moschee, Synagoog etc.):
  • 1 Punkt je 10 Johr, in de dat Bestand harr.
• En Klooster kriggt:
  • 1 Punkt je 10 Johr, in de dat Bestand harr.
  • 1 Punkt je 25 Monken/Nunnen, de dor leevt (Maximaltall in de Geschicht).
• En Karkhoff kriggt:
  • 1 Punkt je Hektar Grott.
  • 1 Punkt je Person, de dor liggt un de for ’n Artikel relevant is.
  • 1 Punkt je Vulltiet-Anstellten.
• Observatorien sund jummer relevant, wenn se opminnst een optisch Teleskop mit en Spegeldormeter vun twee Meter hebbt.
• Planetarien sund jummer relevant, wenn jemehr Kuppel opminnst ’n Dormeter vun 4,5 Meter hett.
• En Bahnhoff kriggt:
  • 1 Punkt je Bahnstieg, den he hett.
  • 1 Punkt je 10 Johr, in de he Bestand harr.
• Straten sund jummer relevant, wenn se
  • Autobahnen oder Bundsstraten in Duutschland , Rieksstraten in de Nedderlannen oder Highways in de USA sund.
  • de for en Verkehrslast vun mehr as 8000 Fohrtuuch an’n Dag utleggt sund.
• Ene Brugg/En Tunnel kriggt:
  • 1 Punkt je 20 Meter, de he/se lang is.
  • 1 Punkt je 20 Johr, de he/se Bestand harr.
• Iesenbahn-, Monorail- oder Magnetbahnstreken sund jummer relevant, wenn se man opminnst so wiet kamen sund, dat se dat Boen anfungen hebbt.
• Flooghavens sund jummer relevant, wenn se ’n IATA - oder ICAO -Kood harrn.

Fohrtuuch [ Bornkood annern ]

• En Schipp kriggt:
  • 1 Punkt je 20 Meter, de dat lang is.
  • 1 Punkt je 15 Johr, de dat Bestand harr.
  • 2 Punkt, wenn dat to de Marine vun ’n Staat hoort hett.

• Satelliten un Ruumsonden sund jummer relevant.

In’n Weltruum [ Bornkood annern ]

• Planeten sund jummer relevant.
• Steerns sund jummer relevant.
• Galaxien sund jummer relevant.
• Maanden sund jummer relevant, wenn se en stabilen Orbit hebbt, de for mehr as 100 Johr Bestand hett.
• Luttjere naturliche Korper in’n Weltruum sund jummer relevant, wenn se en Naam hebbt.

Regel: Bi allens Fiktive gellt de Regel, dat dat Navertellen vun Inholt un dat Beschrieven vun fiktive Charakteristika vun de Saak blots as een Fakt tellt bi de Dree-Fakten-Regel.

Fiktive Universen sund jummer relevant, wenn tominnst twee Warken relevant sund, in de de fiktiven Universen beschreven sund. Dorbi mutt aver dor op acht warrn, dat keen Artikel over dat Universum schreven warrn schall, wenn disse Artikel licht mit en annern Artikel tohoopbracht warrn kann. To’n Bispeel wenn dat fiktive Universum blots dat Universum vun en enkelte Serie in’t Feernsehn is, denn reckt de Artikel to de Serie un deckt dat Universum mit af.

• Ene fiktive Figur/en fiktiv Oort/en fiktiv Gegenstand kriggt:
  • 1 Punkt je Wark, dat nich to dat sulvige fiktive Universum hoort, dat for ’n Artikel relevant is, un in dat op dat Objekt anspeelt warrt.

Regel: Profi-Sport heet hier op disse Siet, dat de Sportlers vun Beroop Sportler sund.

• Sportlers sund jummer relevant, wenn se bi Olympsche Spelen mitmaakt hebbt.
• Sportlers sund jummer relevant, wenn se in ene Sportoort, de al mal bi Olympschen Spelen dorbi weer, ’n Weltrekord opstellt hebbt.

• Personen sund jummer relevant, wenn se sik ene Sportoort utdacht hebbt, de for ’n Artikel relevant is.

Sportoorden [ Bornkood annern ]

• Sportoorden sund jummer relevant, wenn opminnst 50.000 Luud dissen Sport utoovt oder de Sport opminnst over ’n Tietruum vun 50 Johren utoovt worrn is.

Football [ Bornkood annern ]

• Footballspelers sund jummer relevant, wenn se opminnst een Lannerspeel maakt hebbt.
• Footballspelers sund jummer relevant, wenn se opminnst een Speel in de Bundesliga vun Duutschland maakt hebbt.

Footballverenen sund jummer relevant, wenn se opminnst ene Saison in ene Liga weern, in de na de Ligaprinzipien Profi-Football speelt warrt.

Schach [ Bornkood annern ]

• Schachspelers sund jummer relevant, wenn se Weltmeester wesen sund.

Sportveranstaltungen [ Bornkood annern ]