S' Organizatzione Mundiale de sa Salude o fintzas Organizatzione Mundiale de sa Sanindade ^[1] ( OMS ) ( WHO in s'acronimu in inglesu ) est un'agentzia de s'Organizatzione de sas Natziones Unidas (ONU) (Natziones Unidas) cun sede in Ginevra ( Isvitzera ) chi faghet de autoridade coordinadora in temas de salude publica internatzionale; est ispetzializada in sa gestione de sas politicas de preventzione, promotzione e interventu sanitariu a livellu mundiale. Sos 193 Istados membros de s'OMS guvernant s'Organizatzione pro mediu de s' Assemblea Mundiale de sa Salude . S'Assemblea est cumposta dae rapresentantes de totu sos Istados membros de s'OMS.

S'OMS est istada fundada pro proposta de su Cussigiu Economicu e Sotziale de s'ONU chi at dadu impulsu a sa redatzione de sos primos istatutos de s'OMS. Sa costitutzione e prima reunione de s'OMS at tentu logu in Ginevra , su 7 de abrile de su 1948 , ratificada dae 26 istados membros. Eredaiat bona parte de sos mandados e risursas de s' Organizatzione de Salude chi fiat istada s'agentzia de sa Sotziedade de Natziones pro sos temas de salude.

S'obietivu de s'OMS, aici comente pretzisadu in sa relativa costitutzione, est sa resessida a banda de totus sas populatziones, de su livellu prus artu possibile de salude, definida in sa costitutzione totu che cunditzione de cumpletu benistare fisicu, mentale e sotziale, e non feti che ausentzia de maladia o de infirmidade. Est membru de su Grupu pro s'isvilupu de sas Natziones Unidas .

Ateros progetos [ modifica | modifica su codighe de origine ]

Wikimedia Commons tenet files chi ligant a: Organizatzione Mundiale de sa Salude

1. ↑ REGIONE AUTONOMA DE SARDIGNA, ORDINANTZIA N. 46 DE SU 6 DE SANTUGAINE DE SU 2020 ( PDF ), in bussola.s3-eu-west-1.amazonaws.com , p. 2/5.