Icona del PC
On
personal computer
a l'e on quajsevoeur
computer
che per i so caratteristich, la soa semplicita e 'l so cost el po vess doperaa de 'n unich utent e donca l'e 'l so computer personal.
On primm prototip de computer piscininn a l'era el
Computer Simon
, descritt in d'ona revista in del 1950, ma l'era in realta on computer cont ona memoria de
2 bit
, progettaa e bon doma de vess doperaa per l'educazion.
Ona Programma 101
El primm personal computer commercial a l'e staa la
Programma 101
de la
Olivetti
, faa in del 1965, che, insemma ai so successor e ai computer ispiraa l'ha menaa el computer in d'on poo de offizi.
Intorna al 1970 la
Datapoint
la crea on
terminal
cont di capacita autonom de elaborazion, che l'ha mittuu i bas per el sistema de elaborazion doperaa poeu di processor de la
Intel
.
A porta el computer in tucc i ca pero a l'e staa l'
home computer
, nassuu in tra el 1975 e 'l 1977: I pussee famos e iconicj a hinn staa el
Commodore 64
, el
Sinclair ZX Spectrum
e 'l
Apple II
.
On PC IBM
In del 1981 el ven foeura el primm
PC IBM
, che in principi el sostituiss i computer in stil Programma 101 in di offizi, ma cont el temp i so cloni, grazia anca a la diffusion del
MS-DOS
e del
Windows
, el deventa in sostanza on standard del settor, adottaa anca de la Apple in del 2005, cont la transizion de l'architettura
PowerPC
a
Intel
.
