Европа Мушар карта вылын
Европаса кывъяс
Европа юкoнъяс
Европа,
1000
.
Европа
? квайт му юкoнъясысь oти. Куйлo войвыв шарджынйын. Oтув
Азиякoд
артмoдo
Евразия
мувеж.
Мувывтор 10.523.000 км².
[1]
Олысьяс ? 680 млн. морт.
Мукoд му юкoнъяс серти Европа абу ыджыд: мувывторйыс сылoн тoкoтьo oти дас витoд юкoн став косiнсьыс. Европа сэтшoм топыда oтлаасьo
Азияк
oд ? вежтасыс мунo неджуджыд
Урал
кыръясoд, Урал ю пoлoн да Кума-Маныч лажмалoм кузя, ? мый сiйoс позьo лыддьыны
Евразияса
кoджoн; космувывса вежтас Европа да Азия костын оз падмoд на костын волысьoмъяслы. Но век жo Европа ? торъя му юкoн; сылoн аслас дорoсъяс, аслыссяма климат, сылoн аслас история сoвмoм.
Европа сулалo материк шарджын шoрын, и oттшoтш куим боксянь сiйoс кытшовтoны саридзьяс, кытi мунoны лoсьыд туйяс мукoд му юкoнъясo.
Ла-Манш
вис дорын, англъяс сiйoс шуoны
Англияса канал
oн, oтлаасьoны тoдчана саридзвыв туйяс
Войвыв
да
Лунвыв Америкаысь
,
Африкаысь
, Азияысь да
Австралияысь
.
Дорoсыс Европалoн зэв кытшлoса. Некутшoм мoд му юкoн абу татшoма вундассьoма саридзьясoн. Кoджъяс да дiяс босьтoны Европаын коймoд юкoнсo став мувывторсьыс (ордчаoд: Азияын ? витoд юкoнсo, Африкаын ? ветымынoд юкoн). Татшoм вундассьoмысла саридз кытшовтo Европаoс пoшти быд боксянь да пыдoдз пырo пытшкoсса мутасъясас (вадорлoн кузяыс 117.000 км). Такoд oттшoтш сiйo артмoдo саридз гыясысь тупкoм да портъяс восьтoм вылo лoсялана уна бухта.
Атлантувса океанлoн
ваыс Европа дорын шоныд да некор оз кынмыв. Лунвывсянь Европаoс кытшовтo джуджыд (4 сюрс м дорысь джуджыдджык)
Мушoр саридз
? Атлантувса океанлoн юкoн. Тайo саридзыс
Мрамор
,
Сь?д
да
Азов саридзьяскoд
тшoтш зэв пыдo пырo косiнo. Сьoд да Азов саридзьяс костын, кодъяс йитчoмаoсь Керч вискoн, куйлo
Крым кoдж
.
Вогoгoр Мушoр саридзын ваыс шоныд абу сoмын вевдорас, но и ёна пыдынiнъясын (13° гoгoр), а сэк жo, орччoн, Атлантувса океанын 2 сюрс м пыднаын сoмын 3°. Тайo лоo со мый понда:
Гибралтар
вис ляпкыд (500 м-ысь ляпкыд). Сэн? эм вапытшса коськ, сы вомoн Мушoр саридзo оз вермы веськавны кoдзыд ваыс океан пыдiинъясысь. Тoлын тайo саридзыс шонтo вадоръяссo Европалысь.
Мушoр саридз юксьo Европа кoджъясoн да дiясoн Тиррен, Адриа, Ионика да
Эгей
саридзьясo. Рытыввылын Мушoр саридз oтлаасьo Атлантувса океанкoд, асыввылын Дардан да Босфор пыр Сь?д саридзк?д, а лунвылын
Суэц каналoн
сiйo oтлаасьo
Индiа океанкoд
. Тайo саридзыс ? тoдчана саридзвыв туй Европалoн.
Сiйo ворсiс ыджыд роль саридзветлoм сoвмигoн: сы вылын европаса йoз медвойдoр велoдчисны ветлыны паруса пыжъясoн. Не сoмын важъя кадъясo, но и шoр нэмъясын Мушoр саридз вылын вoлiны медся тoдчана вузасян туйяс Европалoн. Мушoр саридз юкo
Лунвыв Европа
oс куим ыджыд кoдж вылo: Иберия, Апеннина да
Балкана кoджъяс
. Лунвыв Европаo пырoны татшoм ыджыдджык дiяс:
Корсика
,
Сардиния
,
Сицилия
,
Мальта
,
Крит
да уна мукoд дi;
Эгей саридз
вылын посни дiяс артмoдoны Элладаса архипелаг. Рытыввылын Европа сiдзжo ёна вундасьoма саридзьясoн. Танi ми аддзам
Бискайя куръя
да
Войвыв саридз
, кодoс торйoдoны океанысь кык ыджыд дi:
Ыджыд Британия
да
Ирландия
. Войвылын
Войвыв саридз
oтлаасьo океанкoд ачыс, а лунвылын ?
Па-де-Кале
да
Ла-Манш
висъясoн. Войвыв саридз да сылoн висъясыс оз кынмывны сы вoсна, мый сэтчo воo шоныд визув Гольфстрим. Войвывлань
Ыджыд Бритмусянь
эм ыджыдкодь дi ?
Ислан дi
. Став вадоръясас Рытыввыв Европаын овлoны ыджыд тулoмъяс да ямлoмъяс; гаваньясoс да ю вомъясoс нюйтысь весалoмoн найo кокньoдoны судноясoн ветлoмсo. Мушoр саридзын тулoмъяс пoшти оз овлыны.
Войвыв саридз асыввывланьын вуджo
Балты саридз
o, но сы дiнo туй вылас куйлo
Ютлан кoдж
, кодoс кытшовтoны висъяс. На пытшкысь кык паськыд вис ? Скагеррак да Каттегат ? оз кынмывны сы вoсна, мый сэтчo воo Гольфстрим. Лунвывланьын насянь мунoны векньыдик висъяс танi куйлысь дiяс костoд; ыджыдджыкыс тайo висъяс пытшкысь ? Зунд (Эресун) ? тшoкыда тупкысьлo йиoн. Балты саридз абу джуджыд, ваыс дубкодь (сов 1% гoгoр), вадор гoгoртiыс кынмывлo. Тайo саридзыслoн куръяясыс ? Ботoн, Соми да Рига ? пыдo пырoны войвывлань да асыввывлань. Балты саридзысь Войвыв саридзo Ютлан гoгoр кузь туйсo дженьдoдo Кильса канал, кодoс кодйoма Ютлан кoдж лунвыв юкoн вомoн.
Скандi кoдж
? Европаын медся ыджыд. Рытыввывладорсянь сiйo зэв ёна вундассьoма кузь да джуджыд куръяясoн-фьордъясoн, кодъяс некор оз кынмывны
Гольфстрим
вoсна. Гольфстрим гoгoртo Ислан дi да сiдзжo пырo и Баренц саридзo. Тайo медся войвыв саридз Европаын, но Кола кoджса Мурман вадор пoлoн тoвбыд позьo ветлыны пыжъясoн. А Еджыд саридз вылын квайт тoлысь уялo йи. Войвыв йиа океанын куйлoны дiяс: Шпицберген, Франц-Иосиф Му, Выль Му, Колгуй да Вайгач.
Европалoн шoркодь отын, материк шарджынын куйлoмыс дай сэки жo oттшoтш саридзьяс кытшын олoмыс лоo сылы бура кивыв. Вадорыс сылoн сэтшoма вундассьoма, мый медся ылi местаoдз саридзсянь Шoрвыв Европаын 600 км, а Асыввыв Европа дорын, Азиякoд вештасoдзыс ? 1400 км.
Европа ? медся лажмыд му юкoн: сэнi абуoсь вывтас тшoтшкoсiнъяс, уна места босьтoны увтасъяс. Медыджыдъясыс на пoвстысь: Асыввыв-Европаса увтас (сiйo oтнас босьтo материк джынсo), сэсся Войвыв-Немеч да Войвыв-Франсса увтасъяс. Ичoдджык лоo Ломбард увтас (По ю кузя), Дунайшoр (либo Мадьяр увтас) на Дунайгорув.
Медыджыд кыръяс Европаын ? Альпъяс. Найo нюжoдчoны мегырoн Мушoр саридз вадорсянь Мадьяр увтасoдз. Йывъясыс налoн: Монблан (Франс муын), Монтэ-Роза (Италияын), Юнгфрау (Швейцар муын) да уна мукoд вевттьысьoмoсь некор сывлытoм нэмся лымйoн: бокъяссьыс ковтысъясo кузя лэччoны кыссян йияс. Oти кыссян йи на пoвтысь ? Алеч, медыджыдыс Альпъясын, 24 км кузьта; тайo лоo Рона юлы ва сетысьяс пытшкысь oти глетчер.
Альпъяс вель кузя нюжвидзoны орчча чукыръясoн, кодъяс торъялoны мoда-мoдсьыс кузьмoс ковтысъясoн. Налoн сюрсаясыс пиняoсь, йывъясыс ёсьoсь, бокъясас пыдoдз кодйысьoмаoсь вомoна сёртасъяс. Татшoм быдсикас формаыс лоo быдпoлoс му кыш породаяс вoсна, кодъясысь тэчoмoсь чукыръясыс: сэнi эмoсь и рышкыд породаяс, шуам сёй да мергель, и чорыдджык породаяс, кыдзи лыа изъяс да извесьт изъяс, и медбoрти, медчорыдъяс ? гранит да гнейс. Рышкыд породаясoс кокниа нуo ваoн, а чорыдъясыс кольoны сюрсаясoн да йывъясoн.
Лунвылын Альпъяслoн нюжалoмoн лоoны Апеннинъяс, Сицилияса кыръяс да войвыв Африкалoн Атласс кыръяс. Гибралтар пыр керoс чукыръяс вуджoны Иберия кoдж лунвылo. Рытыввылын Альпъяс дорo топ воoны Пиренейяс да Кантабрия кыръяс. Асыв-лунвылын Альпъяс вуджoны Динара кыръясo. Динара кыръяс артмoмаoсь руд, виж либo гoрд извесьт изъясысь, кодъяс кокниа лэдзoны ас пырыс ва. Кыръяс пытшкас эм зэв уна мугорс, кытi визувтoны мупытшса шоръяс да юяс. Адриа саридз вывтi карабoн мунiгoн аддзан Динара керoс кыркoтшъясысь лыдтoм мугорс вомъяс.
Асыввылын Альп кыръяссянь нюжалoны Карпатъяс, Балканъяс, на бoрын Крым да Кавказ кыръяс. Тайo став кыръясыс ? кoрoм кыръяс, да и артмoмаoсь найo (Крым кыръясысь кындзи) oти кадo Альпъяскoд, ? ставыс найo том кыръяс Европалoн.
Сэки жo, кор кыпoдчoмаoсь чукыръяс, мукoд юкoнъясыс косiнлoн лэччoмаoсь увлань; на местаын артмoмны саридзьяс ? Эгей, Адриа, Тиррен ? либo артмoмаoсь увтасъяс ? Ломбард увтас, Дунайшoр, Дунайгорув. Тайo увтасъясыс коркo вoвлoмны саридз куръяясoн, кодъяс бoрынджык тырoмаoсь юoн вайoмторъясoн.
Важъя керoс массивъяс да мылькъяса шыльыдiнъяс
[
вежны
|
Вежны кодировкаын
]
Войвывланьын да рытыввывланьын Альп кыръяссянь сулалoны ёна важся керoс массивъяс: Шoрвыв-Немеч да Франсса. Найo артмылiсны Альпъясысь водзджык да коркo вoлiны джуджыд кoрoм кыръясoн жo, но бoрынджык найo жугласисны: зэръяс да визув ваяс кырoдiсны найoс подулoдзыс да шыльoдiсны.
На местаын вoлiны нин шыльыдiнъяс, кор пондiсны кыпoдчыны выль кoрoм кыръяс ? Альпъяс да мукoд. Альпъяс чукыръяссянь личкoмла кыръяслoн ёна важся подувъясыс торъялiсны локoбъясo; мукoд локoбъясыс петiсны мусьыс да кыпoдчисны вывлань, артмoдiсны паськыд мусюръяс, а мукoдыс ? лэччисны потасъясoдыс увлань, и сэнi лоины ковтысъяс да нёптовъяс.
Кoнсюрo немеч да франсса массивъяс вылын сулалoны кусoм вулканъяс, конусъясыс да кратеръясыс налoн и oнi на зэв бура тыдалoны. Найo артмалiсны коркo потасъясас да дыр ыпъялiсны, шыблалiсны пoим да лэдзисны лава шоръяс; oнi найo подулысь петoны шоныд, оз этшаысь, минерал ваа oшмoсъяс.
Уна массивъяслoн бокъясыс шыльыдoсь, йывъясыс гoгрoсoсь либo плавкoсoсь. Важ массивъяс лыдын жo ? Донецк кряж да Урал, а сiдзжo Пеннинса да Скотлан кыръяс Ыджыд Бритму дi вылын.
Войвыв-Немеч да Франс увтасъяс ? мылькъяса шыльыдiнъяс; найo ? ёна лэччoм важ локoбъяс.
Асыввыв-Европаса шыльыдiн да Фенно-Скандiвывса массив
[
вежны
|
Вежны кодировкаын
]
Дзик мoднога лоo Асыввыв Европа, кoнi паськыда куйлo шыльыд да oтсяма Асыввыв-Европаса шыльыдiн. Тайo ? асыввывсянь Урал мусюрoн вежтасалoм паськыд увтас, кодi сoмын кoнсюрo кайo 200 м-ысь вылoджык да артмoдo Шoрвыв-Роч, Волгадор, Волыня-Подолйo да мукoд вывтасъяс. Шoрвыв-Роч вывтас дiнo топ пуксьoм Донец кряж. Каспи саридз дорын Асыввыв-Европаса шыльыдiн лэччo океан тшупoдысь улoджык (Каспи лайков). Волга либo Ока вывтi, Волхов вывтi мунiгoн аддзан вадор кыркoтшъяссьыс веськыд, пoшти эжтас нога пoвстъяс быдсикас му кыш породаяслысь. Тайo пoвстъяссo пуктoмаoсь саридзьяс, кодъяс войдoр танi вoлiны. Тайo пуксьoм породаяс вылас куйлoны кыссян йиoн вайoмторъяс ? пыдoсса либo помся моренаяс, кодъяс тэчoмoсь oтгудыр сёй, лыа да из-валунъясысь.
Кыссян йиoн пуктoм породаясoн тупкысьлiсны эз сoмын став вадорвывъясыс Балты да Войвыв саридзьяслoн. Кыссян йи дзоньнас тыртiс тайo саридзьяслысь местаяссo да колис сэтчo моренаяс. Войвыв Европаын сулалo Фенно-Скандiвывса керoс массив. Тайo зэв важся массивыс артмoма гранитъясысь (руд да гoрд гранитъяс), гнейсъясысь да кристаллсяма сланечьясысь. Веркoсас сылoн рышкыд муыс этша, ? сiйoс пoшти дзоньнас вундoма йи да нуoма ылo асыв-лунвылo да лунвылo. Танi, быдлаын тыдалoны гранит мылькъяс, найoс шыльoдoма йиoн, мукoдсo весиг мольoдoма (меж плешъяс). Быдлаo разoдoма зэв гырысь изъяс-валунъяс. Рытыв-войладорыс тайo массивыслoн кыпoдчo вывлань; сэнi сулалoны Скандiвывса кыръяс, паськыд да шыльыд йывъясаoсь ? фьельдъясаoсь, 1½?2½ сюрс м-oдз судтананыс; медджуджыд фьельдъяс вылас куйлoны сывлытoм лымъяс да кыссян йияс. Тайo кыръясыс и вевттьысьлoмаoсь йизьылан кадo кыз йиoн (1 км-ысь кызджык), да тасянь йиыс мунлoма асыв-лунвылo ? Рочьяс мутасo ? да лунвылo ? Немечьяс мутасo.
Рытыввылын кыссян йияс лэччалoмны Атлантувса океанo да тoдчисны Скандiвывса кыръясса рытыввыв склон рельеф вылын. Найo пыдoдзджык кодйисны кырвыв ковтысъяс да нуисны сэтысь став рышкыд породаяссo, ковтысъяссo пoртiсны джуджыд сёртасъясo. Кор кыссян йияс сылiсны, сэки саридзыс пырис сёртасъясас да пoртiс найoс бужoда джуджыд вадоръяса кузь саридз куръяясo ? фьордъясo. Фьордъяслoн кузьтаыс 150 километрoдз дай унджык (Согне-фьорд). Фьордъяс пырoны кыръясo сёртасъясoн, сёртас пыдoсас ва; ваыс сэтшoм джуджыд, мый фьордъясoд вермoны ветлыны океанвывса паракодъяс.
Том кoрoм кыръясысь торъя нин озырoсь мупытшкса шедтасъясoн. Карпатъяс, кодъяслoн асыввывса подувъясыс озырoсь мусирoн да солoн, и Кавказ кыръяс, кодъяс зэв озырoсь мусирoн да уна мукoд мупытшкса шедтасъясoн.
Мупытшкса шедтасъяс Рытыввыв да Лунвыв Европаын куйлoны медсясo важ массивъяс пытшкын. Шуам, Рейндорса Сланеча кыръяс войвывса подувъяс дорын, сэнi, кoнi визувтo Рур ю, Рейнлoн вожыс, эм мутас, кoнi гырысь пoвстъясoн куйлo изшом. Тайo мутасыс шусьo Рур бассейнoн. Ёна озыр изшомoн, а сiдзжo цинкoн Силезияса бассейн. Уна изшом сiдзжo Ыджыд Бритму дi вылын. Важъя кoрoм чуркoс кыръяс Испанияын да Франс муын (Лотарингияын) озырoсь кoртoн.
Донецк кряж да Урал ? важъя кoрoм кыръяс, кодъяс ёна жугласьoмаoсь да пoрoмаoсь массивъясo. Донецк кряж озыр из шомoн, а Урал ? кoрт рудаясoн.
Озыр куйласъяс кoрт рудаяслoн эм Кривoй Рогын и Курскса магнит бoбманiнын ? сэн и тан матын му веркoс дiнын куйлoны кoрт рудакoд сорoн кварцитъяс.
Фенно-Скандiвывса массив озыр кoрт рудаясoн, мукoдлаын тайo массив вылас дзонь кыръясoн куйлo магнита кoртаиз, ? сэтшoм лоo Кируна керoс Швецияын.
Европаo пырo Ислан дi; сiйo ? косiнлoн коляс, кодi oтлаавлiс войдoр Европаoс Гренлан дiкoд. Тэчасног сертиыс Ислан дi oтсяма кодь Скандi кoджкoд да Ыджыд Бритму войвыв юкoнкoд, но сiйo торъялo наысь сiйoн, мый сэнi уна ыпъялан вулкан, зэв уна пoсь ключ да гейзер, сэн жo джуджыдджык вулканъяс вылын, шуам, Гекла вылын, куйлoны пырся лымъяс да кыссян йияс.
Кыссян йияс Ислан дiын босьтoны унапoв унджык места Альпъясын серти. Лава шыбласигoн лымйыс да йиыс на вылын сылoны, сэки пoим сора пoсь ва паськыд юясoн лэччo ковтысъясoд, сьoрсьыс нуo изъяс да йиторъяс.
Ислан дiын кындзи, ыпъялан вулканъяс эмoсь Европаын Мушoр саридз вадоръясын ? Везувий Апеннина кoдж вылын, Этна Сицилия дi вылын, Санторин ? Балкана кoджсянь лунвывланьын. Сэнi тшoкыда овлoны зэв ыджыд мувoрoмъяс, да та дырйи му кышас артмoны джуджыд потасъяс.
Ставыс тайo лоo Эгей да Тиррен саридз пыдoслoн увлань лэччoмла.
Увлань лэччoмыс Европаын эм и мукoд местаясын, но дойдана сыркнитчoмъястoг да мувoрoмъястoг. Шуам, надзoник лэччoны став вадоръясыс Войвыв саридзлoн. Сы понда Нидерланъясын да войвыв Немеч муын увтас вадоръяссo саридзoн босьтoмысь вoчoма гырысь помoдъяс. Нидерланъясын вадорыс лэччo 3 м кымын быд сё воoн, да тoдчана юкoн тайo канмуыслoн куйлo саридз веркoс тшупoдысь улынджык. Мoдарo, войвыв Скандi кoджлoн да Соми мулoн вадоръясыс кайoны Ботoн куръя дорын 1 м гoгoр быд сё воoн.
Кызвын веркoсыс Европалoн мортлы овны шань. Джуджыд кыръяс (1500 м-ысь вылынджык) босьтoны танi этша места. Шыльыдiнъяс, платояс (вывтас тшoтшкoсiнъяс) да неджуджыд керoс бокъяс небыд муаoсь, видзму овмoслы зэв лoсялoны. Торъя бур муа лоo лёсса от, кодi куйлo важъя кыссян йи лунвыв дор пoлoн.
Лёсс ? югыдвиж посни синма извесьта сёя му, кор сiйo кырo, кольoны сувтса (вертикаль нога) бердъяс.
Тшoкыда лёсс овлo сьoдмулы мусинподoн либo сы кодь жo шогман мусинъяслы мусинподoн. Лёсса муяслoн бурлуныс лоo калиoн, извесьт изйoн да сiсьмoг озырлун вoсна.
Зэв шогманoсь вулкан гoгoръясын мусинъяс, кодъяс вылo пуксьoма пoим.
Туйяс вoчoмлы Европалoн кыръяс оз торкны; на вылo каянiнъясыс кызвынысьсo абу зoмoсь, вуджанiнъясыс абу зэв джуджыдoсь.
Сьoкыд вoлi вoчны туйсo сoмын джуджыд кыръяс вомoн, шуам Альпъяс вомoн. Но и сэнi oнi вoчoма кoрттуйяс, мусюръяссo найo вуджoны тоннельясoд. Тоннельяссo кодйoма керoс пырыс динамитoн. Сен-Готард тоннель, 15 км кузьта, кодйисны 20 сюрс уджалысь 10 во чoж. Сен-Готард вуджанiн коли дзонь километрoн вылынджык тоннельсьыс, но и сэтi ветлoны oнi шоссе вывтi автомобильясoн.
Альпъяс вылo ветлo уна турист, и налы сэнi вoчoма, кoрттуйясысь oтдор, нoшта пиня да канатвывса туйяс, кытi туристъяс вермoны кайны джуджыд кыръяс вылo Альпъясoн нимкодясьoм могысь. Татшoм туйсo вoчoма весигтo Швейцар Альпъяс йылo ? Юнгфрау вылo (4170 м).
Джуджыд кыръяс Европаын сулалoны сiдзи, мый найo оз падмoдны тoвъяслы океансянь пырны медся ылi юкoнъясас.
Европа ? му юкoнъяс пиысь oтнасoн пoшти дзоньнас сулалo шoркодь вoньын.
Европалoн климат торъялo быдсикаслунoн: тoдчана торъялoмъяс эм не сoмын войвыв да лунвыв костын, но и рытыввыв да асыввыв костын.
Европа климатлы ыджыд тoдчанлун кутo Гольфстрим, мушар вылын медся ён шоныд ва визув. Гольфстрим вайo Европа вадоръясo тропикса шондioн шонтoм ва.
Гольфстрим вoсна Войвыв саридз некор оз кынмывлы. Балты саридзлoн шoр юкoныс сiдзжo оз йизьывлы; Соми да Ботoн куръяяс кынмылoны кымынкo тoлысь кежлo, а сэки жo Хадсон куръяын, кодi куйлo сiйo жo пасьтoсын, весиг гожoмын уялo йи. Атлантувса океан Скандi кoдж рытыввыв вадоръясын оз кынмывлы некор, а налы паныда Гренлан дi вадоръясын сiйo пoшти вогoгoр йи улын. Гольфстрим мунo и Войвыв йиа океанo. Танi сiйo вештo Европа вадоръясысь полюсдор уялан йияссo.
Гольфстрим вoсна Европаын климат шоныдджык сiйo жo параллельясса Америкаын да Азияын серти. Гренлан дi ? материквывса йи улын, а Скандi кoдж вылын сiйo жo пасьтoсын бура быдмoны лыска вoръяс. Лабрадор вадоръяс вылын кoдзыд визув вoсна куйлoны тундраяс, и тайo став кoдж вылас оз позь нуoдны видзму овмoс; такoд тшoтш, Европаын сiйo жo пасьтoс вылын (50-сянь 60°-oд параллельoдз) быдлаын бура быдмoны няньяс да фрукта пуяс.
Азияын 50-oд параллель мунo Сахалинoд; сэнi вогoгoрся шoр шонтoг 0° гoгoр, а Европаын тайo жo пасьтoсас быдлаын кoдзoны шобдi, а мукoдлаас вoдитoны весиг винатусь; вогoгoрся шoр шонтoг танi шоныд 10° гoгoр.
Тайo ставыс, дерт, абу куш Гольфстрим сайын. Европа сулалo шoркодь вoньын сiйo отас, кoнi кызвынысьсo овлoны рытывтoвъяс, кодъяс пoльтoны Атлантувса океансянь, и кoнi тшoкыда мунлoны рытывсянь асыввылo циклонъяс.
Рытывтoвъяс, кoть и оз век пoльтны Европаын, но унджыкысь дай ёнджыка мукoд тoвъяс серти. Найo шоналoны Гольфстримсянь, ульсалoны сiйo шоныд руoн да нуoны васo руoн да кымoръясoн материк пасьталаыс; тoлын найo небзьoдoны кoдзыдъяс, а гожoмын чинтoны жар.
Европаын циклонъяс вын сертиныс оз вермыны водзсасьны Азияса тайфунъяскoд да Америкаса торнадокoд; найo шоча петлoны ыджыд тoвныръясoн, но сы пыдди найo паськыда мунoны ? 1000 км пасьта гoгoр. Кыптoны-чужтысьoны найo Атлантувса океынын, кор шоныд сынoд визув паныдасьo кoдзыд сынoд визувкoд. Шоныд сынoд Европаo локтo Гольфстрим пoлoн лунвывсянь, а кoдзыд сынoд локтo войвывсянь ? Гренлан дiсянь. Циклонъяс локтoны Европаo, сьoрсьыныс найo вайoны уна уль ру, мыйла и артмoны кымoръяс да усьoны зэръяс, а тайo зэв колантор видзму овмoслы. Но кызвынысьсo циклонъяс мунoны войвывланьынджык 50-oд параллельысь; инъяс, кодъяс куйлoны лунвывланьынджык тайo параллельсьыс Асыввыв Европаын, гожoмнас сюрoны лёка косьтoмъяс улo.
Рытыввыв Европаын гожoм абу пoсь; сэтчo тoвъяс океансянь вайoны ыркыд сынoд да уна кымoр; васянь тшoкыда овлoны зэръяс.
Кор рытывтoвъяс мунoны Европа весьттi асыввывлань, найo вочасoн шоналoны да воштoны ассьыныс уль рунысo, торъя нин сэнi, кoнi найo мытшасьoны кыръясo.
Асыввыв Европаын гожoмыс овлo кос да пoсь, торъя нин 50-oд параллельсянь лунвывланьын, кoнi кызвынысьсo гожoмын пoльтoны кос асыв-войтoвъяс. Торъя нин лёка косьтo сэки, кор Асыввыв Европаын дыр сулалo антициклон. Антициклон дырйи поводдя гожoмын вывтi пoсь, лoнь; кымoртчытoм лoз енэжсянь пoдтo-сотo шондi, быдмoгъяс сотчoны.
Но косьтан жаръясыд Асыввыв Европаын унджыкысьсo оз дыр сулавны и вежсьoны зэра поводдяoн. Кор океансянь локтo циклон, сiйo нырнас босьтo сынoдсo лунвылысь, Мушoр да Сьoд саридзьясладорысь. Тайo сынoдас уна ва ру. Кoдзыд сынoдкoд паныдасигoн сiйo (сынoдыс) кайo вывлань, артмoдo гымалан кымoръяс, кодъясысь усьoны кoшысь моз кисьтан зэръяс; но мунас кымoр, и бара нин дзирдалo югыд шондi, oдйo косьтo мусo. Рытыввыв Европаын тoв овлo шоныд да зэра, лым сэнi эськo и усьлo, но дыр куйлo сoмын кыръяс вылын. Став вадоръяс да дiяс, шуам, Ыджыд Бритму, Эйре, тырoны сук руoн.
Кор рытывтoвъяс тoлын мунoны асыввылo, туй вылас налы паныдасьoны пыр кoдзыдджык да кoдзыдджык инъяс, сы понда асьныс тoвъясыс кoдзалoны, а ва руыс наысь усьo лымйoн; сiйoн асыввылын и торъя нин Европа асыв-войвылын куйлoны тoлын джуджыд лымъяс (1 м судтаoдз). Циклонъяс тoлын вайoны пургаяс да турoб поводдяяс. Овлывлo, мукoддырйи найo вайoны ульдылoмъяс. Но векджык Асыввыв Европаын тoвнас сэзь енэжа лoнь лунъяс дырйи сулалoны ён кoдзыдъяс. Лунын дзирдалo шондi, но омoля шонтo, войын дзирдалo помтoм кодзув, лым веркoсыс ёна кoдзалo да кoдзoдo тшoтш сынoдсo. Кoдзыдъяс овлoны ? 20°С, ? 30°С весиг ? 40°С-oдз. Кор Асыввыв Европаoс шымыртo антициклон, сэки кoдзыдъяс сулалoны зэв кузя.
Климат Рытыввыв Европаын, торъя нин Атлантувса океан вадоръяс пoлoн, кызвыннас оз вежлась, сiйo саридзвывса. Вогoгoр чoж сэтi мунoны рытывсянь циклонъяс, унджыкысьсo сулалo букыд поводдя, гожoмын оз овлы вывтi пoсь, а тoлын оз овлы вывтi кoдзыд. Енoжва усьo уна, торъя нин кыръясын.
Асыввыв Европаын климат континентвывса; сэнi тшoкыда овлoны антициклонъяс, кор енэжыс сэзь. Гожoмын антициклон дырйи ёна сотo шондi, сулалo жар поводдя, а тoлын овлoны ён кoдзыдъяс. Енoжва усьo шoркодя, а асыв-лунвылын ? этша.
Войвыв Европалoн да полюсдорса дiяслoн климат чорыд: тoв тан нюжалo 7?10 тoлысь, а гожoм овлo дженьыд да ыркыд.
Мушoр саридз вадор пoлoн климатыс тропикувса ? гожoмыс пoсь да зэв кос. Торъя нин ыджыд жар пуксьo, кор лунвывсянь пoльтo сирокко ? сотан пoсь тoв Сахарасянь. Зэръяс гожoмын пoшти оз овлыны, сы вoсна мый циклонъясыс мунoны Альпъясысь войвывланьын, 50-oд параллель пoлoн. Тoв Лунвыв Европаын небыд, кoдзыдъястoм да зэра, сы вoсна мый тoлын уна циклонъяс мунoны Мушoр саридз пoлoн.
Европалысь рытыввывсo асыввывкoд ордчаoдiгoн, ми аддзам, мый вогoгoрся шонтoгъяс асыввывланьo лэччoны Гольфстримсянь ылысмиг да Азиялань матысмиг.
Кoдзыд кад Европа асыввылын сулалo шoркодя вит тoлысь, а рытыввылын ? oти тoлысьысь этша. Но тайo кoдзыдъясыс вештысьoны гожся жарoн, кор шoр шонтoг 20°С-ысь вылынджык. Европа асыв-войвылын июль тoлысся шoр шонтoг сэтшoм жo, кутшoм сiйo овлo Парижын да Лондoнын; шондi тыдалo Лондoнын 1250 час вонас, а Асыввыв Европаын, 60-oд параллель вылын ? 1750 час; сы мында час дзирдалo сэнi шондi кымoръяс сайo дзебсьывтoг. Тайo дырджык дзирдалoмыс шондiлoн усьo гожoм вылo, кор быдмoны няньяс; сы понда найo регыдджык воoны.
Климат Европалoн кызвыннас шoркоддьoм да васoд. Европаын абу ватoм овтoминъяс, дай абу сэтшoм инъяс, кoнi эськo вoлi вывтi уна енoжва. Вогoгoрся шoр шонтoг став Европаас, войвыв да лунвыв дорoсъясысь oтдор, абу улынджык 10°С-ысь и абу вылынджык 15° шоныдысь.
Европа озыр
юясoн
; таын сiйo сетчo сoмын Лунвыв Америкалы. Торъя нин уна юыс Рытыввыв да Войвыв Европаын: Рытыввыв Европаын уна енoжваысла, а Войвыв Европаын сысянь, мый шонтoгыс улын да, ваыс, кодi усьo му вылo, омoля косьмo. Но юяс кузьта серти Европа кольo ёна бoрo мукoд му юкoнъясысь.
Рытыввыв Европаын юяс абу кузьoсь, сэнi эм сoмын oти кузь ю ?
Дунай
(2888 км).
Дунай петo Шварцвальд вылысь да визувтo асыввылo, писькoдчo Вена дзиръя пыр Альпъяс да Карпатъяс костын да Кoрт дзиръя пыр Карпатъяс да Балканъяс костын. Веськыдвыв вожъяссo Дунай босьтo Альпъяссянь, векся лымъяс улысь, а шуйгавыв вожъяссo ? Карпатъяссянь. Мукoд юясыс Рытыввыв Европалoн ёна дженьыдджыкoсь, но уна вааoсь, торъя нин Альпъясысь петысь юяс. Татшoмъясыс ?
Рейн
(1320 км),
Рона
да
По
. Пoшти став юясыс Рытыввыв Европаын нуoны уна ва кыдзи тoлын, сiдзи и гожoмын. Тулысын найo омoля ойдлoны, сы пыдди найo ыджыд вааoсь и гожoмнас, oтикo, уна зэръясла, мoдкo, васo найo босьтoны кыръяссянь ? кырвыв oшмoсъясысь, лымъясысь да кыссян йиясысь. Юяс визулoсь, торъя нин кыръясын, кoнi найo артмoдoны коськъяс. Кывтыдланьыс воигoн кoть визувтoны и oдйo, но лoня, Скандiвывса юясысь oтдор, кoнi эмoсь коськъяс, сы вoсна, мый туй выланыс налы тшoкыда паныдасьoны чорыд кристаллсяма породаяс.
Юяс, кодъяс усьoны восьса саридзьясo, шуам, Войвыв саридзo, паськыд да джуджыд вомаoсь, нюйтысь найo весассьoны тулoмъясoн да ямлoмъясoн. Татшoмoсь Эльба, Везер, Темза да Сена (кодi усьo Ла-Манш вискo).
Ю вомъясыс налoн джуджыдoсь нoшта и сы понда, мый вадоръясыс да пыдoсыс Войвыв саридзлoн надзoник лэччoны увлань, ю пoлoн ковтысъясыс сiдзжo лэччoны пыр увлань да ойдoны саридз ва улo.
Тупкoса саридзьясo усьысь юяслoн, шуам, Роналoн, Полoн, Дунайлoн, артмoны дельтаяс, найo ю вомъясo уна чукoрман нюйт вoсна.
Тoлын юяс Рытыввыв Европаын пoшти оз кынмывны, Одер да Вислаысь oтдор, а сiдзжo Скандiвывса юясысь oтдор.
Асыввыв Европаын юяс кузьджыкoсь Рытыввыв Европаын серти. Медся гырысьясыс на пытшкысь ? Камаа (1805 км) да
Окаа
(1500 км)
Волга
(3531 км),
Урал
(2428 км),
Днепр
(2285 км), Войвыв Донеца (1053 км)
Дон
(1870 км), Печора (1809 км),
Днестр
(1352 км),
Даугава
да
Вынва
. Тайo юясыс ыджыд вааoсь, сы вoсна мый васo босьтoны гырысь бассейнъясысь. Тулысын, лым сылiгoн, найo паськыда ойдлoны, гожoмын бара ёна ямoны, ва туйясас артмoны косiнъяс, ляпкыдiнъяс. Визувтoны найo лoня ю йывсяньыс ю вомoдзыс, ? некымын юысь oтдор. Тoлын юяс Асыввыв Европаын дыр кежлo тупкысьoны йиoн, шуам, Даугава, Волхова и Свира Нева да Волга ? шoркодя вит тoлысь кежлo.
Лунвывса куим кoдж вылын Европаын юяс дженьыдoсь да ыджыд вааoсь сoмын тoлын; гожoмын найo пoшти косьмoны; шуам, Италияын Тибр ю да Испанияын Тахо да Гвадалквивир.
Европаын зэв унаoсь да артмoмыс налoн быдпoлoс. Торъя нин уна ты Фенно-Скандiвывса массив вылын; сэнi найo артмoмаoсь мыйкo-мындаыс кырвыв сёртасъясын, а мыйкo-мындаыс важ кыссян йиoн кодйoминъясын. Уна ты эм сiдзжo Балты бердса отын: танi найo артмoмаoсь кыссян йи помса моренаяс костысь нёптовъясын. Медся гырысь тыяс куйлoны Фенно-Скандiвывса массив лунвыв юкoнын. Тайo ? Ладoг (18.390 км²), Oньoг (9616 км²), Венерн (5650 км²) а Сайма (4400 км²) тыяс.
Альпвывса тыяс куйлoны кыссян йиясoн кодйoм да паськoдoм ковтысъясын; тайo ковтысъясыс поромъясoн моз торъялoны мoда-мoдсьыныс кыссян йи помса моренаясoн. Медся гырысь Альпвывса тыясыс ? Женева ты, сы пыр визывтo Рона ю, да Бодoн ты, кодi ас пырыс лэдзo Рейн ю.
Сола ваа тупкoса тыяс эмoсь сoмын асыв-лунвылын Европаын, кoнi ваыс косьмo вывтi уна, а енoжваыс усьo этша. Сэнi куйлo му вылын медся ыджыд сола ваа ты ? Каспи, кодi унджыксo шусьo саридзoн. Войдoр сiйo oтлаасьo вoлi океанкoд, но бoрынджык торъялiс гoгoрыс косiн кыптoмла. Oнi Каспи саридзлoн веркoсыс 26 м-oн улынджык океан тшупoдысь.
Европа юяслoн да тыяслoн тoдчанлуныс зэв ыджыд. Тайo ? лoсьыд да донтoм туйяс, кодъяс быдлаын куйлoны Европаын. Уналаын Европалoн юясыс матысмoны мoда-мoд дiнас, сы понда найoс кокниа позьo oтлаавны каналъясoн. Каналъясoд позьo вуджны oти бассейнысь мoдo, шуам Балты саридз бассейн юясысь Сьoд саридз бассейн юясo. Каналъяс йитoны Рейнoс Дунайкoд, Даугаваoс Днепркoд, Неваoс Волгакoд. Коськъяса ю йывъяс Европаын сiдзжo лoсялoны токвoчанiнъяс вoчoм вылo, торъя нин Альпъяс да Скандiвывса кыръясын.
Европаын мусинъяс артмoмаoсь сюрс вояс чoжoн, медся ёнасo, климат да быдмoгъяс тoдчoм улын.
Кoнi пoльтoны ульруа рытывтoвъяс да кoнi быдмoны (либo быдмылiсны) вoръяс, сэнi артмисны пoим сора мусинъяс. Наын этша сiсьмуыс (
гумус
). Тайo со мый понда: вoрын мусиныс пыр васoд, и органика колясъяс (коръяс, вужъяс) oдйo сiсьмoны; сiсьмигoн налoн oти юкoнъяс пoрoны газo, мукoд юкoнъяс сылoны ваын да нусьoны сiйoн, и сoмын медся ичoт юкoн кольччo гумус видын, кодi лоo 2% пoим сора мусинын. Зэръяс бoрын ваыс сiсьмoгсo нуo мыйкo-мында мусин пыдi пoвстъясo, а мыйкo-мында шоръясo да юясo; кольo сiйo сoмын мусин медся вылын пoвстас, 10 сантиметр кыза гoгoр, а пыдынджык куйлo кызвынысьсo югыт пoвст, пoим кодь, гумустoм, сы понда вoрувса мусинъяс и шусьoны пoим сора мусинъясoн. Нoшта пыдынджык пoим сора мусинъясын тшoкыда куйлывлo пемыдруд кoртсяма пoвст, кытoнi эм ортштейнлoн чорыд чиръяс, изторъяс либo пластинкаяс.
Сiсьмoгыс омoля кутчысьo вылыс пoвстас сы понда, мый пoим сора мусинъяс шомаoсь, а шомасын гумус кокниа сылo. Пoим сора муяслoн структураыс бус кодь, сы понда зэр бoрын на вылын артмo чорыд кыш. Та вoсна пoим сора мусинъяс омoля чужтoны, торъя нин сэтшoминъясын, кoнi найo артмoмаoсь кыссян йи моренаяс вылын.
Лыаа пoим сора мусинъяс ? медся лёк муяс: найoс вынсьoдoм вылo колo ставпoлoс мувердасыс: калий, фосфор, азот. Сёя пoим сора мусинъяс да вoрувса рудовгoрд мусинъяс ? бурджыкoсь: сэнi эм уна кали. Нoшта бурджыкoсь этша пoим сора мусинъяс, кодъяс артмoмаoсь лёсс вылын: сэнi уна кальчи, тэчасногыс тусякодь, чужтытoм еджгов пoвстыс налoн пoшти абу.
Пoим сора мусинъяскoд oттшoтш вoра мутасын васoдiнъясын паныдасьлoны нюрувса мусинъяс; найo пемыд-руд рoмаoсь либo весиг сьoд рoмаoсь, но рoмыс налoн абу гумуссянь, а трундасянь, мoдногoн кo, ваын тшыкoм, но абу дзикoдз сiсьмoм быдмoгъяссянь; мукoддырйи налoн кольoма на весиг формаыс; нюръясын быдмoгъяслoн сiсьмoмыс мунo надзoн уна ва понда да сынoд тырмытoмла. Нюрсялoм мусинъяс абу бурoсь, но кор морт косьтo да вынсьoдo найoс, найo лоoны бур (шогман) муясoн.
Европа асыв-лунвылын, кoнi гожoмыс жарджык да кoнi уна нэм куйлiсны вoрзьoдлытoм степьяс, артмисны сьoдмусинъяс. На пытшкын ? уна гумус (10% гoгoр). Гумусыс танi оз мыськысь ванас мусинсьыс, кыдзи вoра отын. Зэрыс сьoдмусинъяс отын этшаджык усьo, а мусиныс абу шома, пытшкас уна извесьт, сы понда танi и чукoрмас гумусыс сэтшoм уна. Сьoдмусин пoвстыс танi 3/4 м гoгoр кызтанас, а мукoдлаын и унджык. Гумусысь oтдор, сьoдмусин озыр сiдзжo калиoн да фосфорoн, дай тэчасногыс сылoн туся ? тайo медбур, медшогман му. Сьoдмусин вынсьoдлытoг уна во дорвыв сетo бур урожайяс, но, дерт, и сiйo омoльтчo, абу кo сэнi колана вежлалoм. Шуам, дорвыв кo сьoдмусинъяс вылo кoдзны няньяс, сэтысь бырo фосфор, мусинъясыс и лоoны бус кодьoсь; нянь сэки воo ёна этшаджык. Шогманлунсo видзoм могысь сьoдмусинлы колoны быдмoгъясoс вежлалoмъяс, шуам, няньяс бoрын кoдзны унавося турунъяс (люцерна) да вужплодъяс (сакара свеклo). Турунъяс вoчoны мусинын туся тэчасног, а шоча кoдзана быдмoгъяс (свеклo) весалoны мусo ёгтурунъясысь.
Лунвыв да медшoр Европалoн тoдчана юкoныс рудовгoрд, извесьтoн озыр коръя вoрувса мусинъяс улын.
Лунвыв кoджъяс вылын да Кавказын мукoдлаын найo вежсьoны гoрдмусинoн. Гoрдмусинын гумусыс этша: сiйoс мыськoны тoвся гырысь зэръяс; но сы пыдди гoрдмусиныс озыр минералъясoн и вынсьoдoмoн сетo бур урожайяс. Гoрд рoмыс лунвыв-европаса мусинысoн лоo кoртсяма торъяссянь, кодъяс эмoсь известнякъясын да мусинын, кодi наысь артмoма.
Шoркоддьoм да васoд климат Европалoн зэв лoсялo вoръяс быдмoмлы. Вoра мутас босьтo Европа джынсьыс унджык: асыввывсянь рытыввылo сiйo мунo Урал кыръяссянь Пиреней кыръясoдз, войвылын сiйo воo тундраяс дорoдз, асыв-лунвылын ? степьясoдз, лунвылын ? пыр веж пуяс да кустаинъяс мутасoдз.
Важoн став тайo мутасын вoлiны джуджыд, пемыд вoръяс, но бoрынджык вoръяссo ёна кералiсны; на местаын паськыда кутiсны вольсасьны муяс, торъя нин Рытыввыв Европаын, кoнi видзму вoдитoм заводитчис водзджык Асыввыв Европаын дорысь. Но быдлаын вoра мутасын мыйкo понда эновтoм муясыс 15?20 во мысти бoр тырoны вoръясoн.
Вoра мутас войвылын, Урал кыръяссянь Скандiвывса кыръясoдз, мунo лыска пуа гырысь вoръяслoн от. Медшoр пуяс сэнi ? коз да пожoм. Козъя вoръяс сукoсь, пемыдoсь, быдмoны ёнджыкасo васoд, сёйoд муяс вылын, а пожoм вoръяс, шочджыкoсь да югыдджыкoсь, быдмoны косджык, лыаа инъясын. Но кызвынысьсo лыска вoръясын быдмoны коз и пожoм, и накoд тшoтш быдмoны кыдз пу, ловпу. Тайo став пуясыслы быдмыны колo этша шоныд, найo оз повны кoдзыдысь.
Важысянь нин кералoм да сотчoм вoръяс пыдди тайo отас кoдзсьoны няньяс, на пытшкысь медся войвыв нянь ? ид, кодi войвылын воo кык тoлысьoн; воoмыслы отсалoны кузь гожся шондiа лунъяс, кодъяс нюжалoны 18?20 час дай унджык.
Лыска вoръяс отысь лунвывланьын, кoнi гожoмыс кузьджык да тoлыс небыдджык, быдмoны сора вoръяс, кoнi лыска пуяскoд орччoн быдмoны не толькo кыдзьяс да ловпуяс, но и мукoд паськыд коръя пуяс: тыпу, клён, ясень да с. в.; и кымын водзo лунвылo да рытыввылo, сымын унджык коръя пуяс да сымын этшаджык лыска пуяс. Рытыввылын медвойдoр вошo коз, сэсся пожoм; Франс увтасын лыска пуяс абуoсь, пожoмысь oтдор, кодoс йoзыс вoдитoны Бискайя куръя дюнаяс вылын.
Ас пуяс Рытыввыв Европа вoръясын ? тыпу да бук. Тыпу радейтo шоныд да югыд; сылы колo бур му, сiйo оз быдмы ни лыа вылын, ни известнякъяс вылын. Бук полo кoдзыдысь тыпуысь на ёна, но oттшoтш радейтo и ва.
Сора вoръяс отын oнi быдлаын куйлoны муяс да видзьяс; вoръяс кольoмаoсь сoмын мылькъяс да керoс бокъясын да нoшта лыаа мусинъясын. Муяс вылын тайo отас медшoр нянь ? oзима рудзoг да шобдi, а сiдзжo сакара свеклo ? торъя нин лёсс куйлан отын. Сора вoръяс отын ыджыд ылдoсъяс вердан турунъяс улын, торъя нин бобoнянь да сёркниулов улын ? тайo турунъяс да сёркниуловыс oдйo быдмoны шoрвыйo шоныд да васoд климатын. Яблoк, груша, слива, вишня пуяс паськыда вoдитсьoны садъясын; тайo от рытыв юкoнас бура артмo винатусь.
Джуджыд кыръясын Рытыввыв Европаын улiас быдмoны сора вoръяс, вылынджык ? лыска вoръяс, нoшта вылынджык вольсасьoны джуджыд кырвыв видзьяс да кустаинъяс, кoнi пoртмасьoны Альпвывса розаяслoн (
рододендрон
) мича дзоридзьяс; пырся лымъяс дорын кыртъяс эжсьoмаoсь сoмын нитшъясoн да ройясoн ? сiдз жo, кыдзи ылi войвылын. Войвылын, Йиа океан вадор му вылын, куйлoны тундраяс, но найo босьтoны Европаын неыджыд места.
Европа асыв-лунвылын, кoнi усьo войвылын дорысь енэжваыс этшаджык, а пакталoмыс тoдчымoн ёнджык, паськыда вольсассьoны туруна шыльыдiнъяс ? степьяс. Степьясын гожoм овлo пoсь, дженьыдик зэръясoн да тoлысьoн да дырджык нюжалысь кос жаръясoн. Овлoны вояс, кор степьясын гожoмбыдoн оз усьлы зэр войт, и сэки косьмoны кoдзаяс. Тoв степьясын кoдзыд, но этша лымъя; мытшoд паныдавтoг пoльтысь тoвъяс нoбoдoны лымсo вывтасджык инъяссьыс да пуктoны увтас местаясo, торъя нин нюкoсъясo да сёнъясo, кoнi асчужoмoн быдмoны яблoк пуяс сорoн тыпу вoръяс.
Тулысын лымйыс oдйo сылo; нюкoсъясoд ызгoны-мунoны гудыр виж шоръяс. Степь oдйo вежoдo, турунъяс заводитoны oдйo быдмыны.
Эжа степьяс вылын, сэтшoм степьяс вылын, кодъясoс некор на эз гoрлыны, либo гoрлiсны важoн ? во 15?20 сайын, ? тулысын петo уна дзоридз: тюльпанъяс, кoкбoрдъяс, степвыв ирисъяс ? гoрдъяс, вижъяс, кельыдлoзъяс. Но медшoр асбыдмысь турун сьoдмусина степьясын ковыль ? шепта сикас, векньыдик тшoть кодь коръя (этшаджык пакталoм могысь), да кодi сетo кузь борда кoйдыс. Кор ковыльыс воас, эзысь кодь гoнъясыс сылoн вевттьoны мортoн вoрзьoдлытoм став степсo, тoла дырйи вoрoны гыясoн. Ковыльлoн да мукoд степвыв шептаяслoн вужъясыс кутчысьoны дзик му веркoс дорас, кытысь найo горша босьтoны васo дженьыдик зэр бoрын. Бобисяма быдмoгъяс жo, шуам, люцерна, вужнаныс пырoны пыдoджык, и сэнi вужъясас налoн быдмoны азот кыскан бактерияяса ёкмыльяс; тайo бактерияясыс босьтoны сынoдысь азот да озырмoдoны сiйoн мусo. Степвыв турун вужъяс да идзьяс сiсьмoмла и артмис уна нэм чoжoн вывтi бура шогман сьoдмусин.
Лунвывлань да торъя нин асыв-лунвывлань, Каспи саридзлань матысмигoн, степьяс лоoны косoсьджык да мусиныс наын медводзсo каштанрoмаoсь, а сэсся джынвыйo овтoминъясын лоo рудовгoрдoн да солакодьoн. Татшoм степьясын юрситурун да ковыль сорoн быдмo руд батoг; а сола мусин вылын ? сьoд батoг. Коръясыс сылoн паськавлoны сoмын зэр бoрын, а сэтчoдз найo сэтшoма топoдчoны, пoшти оз тыдавны; медся кос тoлысьясын сьoд багoг дзикoдз шыбитлo корсo.
Гожoм шoр кежлo степь вижoдo да рудмo бусысла. Доналoм сынoд кайo енэжлань, артмoдo джуджыд гумыльгаяс; тoвъяс нoбoдoны куш степьяс вывтi шар кодь ≪ыбвуджан≫ быдмoгъяс, кодъяс чегoны вуж бердтiыс да гoгыльтчoны тoв ньылыд, разoдoны кoйдыс.
Медшoр нянь лунвылын да асыв-лунвылын ? шобдi, а лунвылын нoшта и кукуруза. Не этша места босьтo сэнi сiдзжo шондiюр, сакара свеклo, фрукта пуяса садъяс да бахчаяс, кoнi вoдитoны арбуз да дыня.
Лунвыв Европаын тропикувса быдмoга вевттьoс ? сэнi быдмoны пыр веж пуяс, шуам, выйпу, лавр, рожки пу, да пыр веж кустаинъяс: миртаяс, олеандръяс да мукoд. Тулысын найo дзоридзалoны, чoскыд дукаoсь, а гожoмын нярзьoны да тырoны бусoн. Асланыс кузь вужъяснаныс найo босьтoны васo мусин пыдi пoвстъясысь. Коръяс налoн чорыдoсь, топыд кышаoсь. Гожoмын найo видзoны быдмoгъясoс ёна косьмoмысь, а тулысын вермoны видзчысьны кокньыдик кoдзыдъясысь.
Медшoр нянь Лунвыв Европаын ? oзима шобдi; сiйoс кoдзoны сэнi йирым-вoльгым тoлысьясын, тoвся зэръяс кежлo, а вундoны май-юнь тoлысьясын. Садъясын вoдитoны сэнi лунвывса фруктаяс: апельсинъяс, лимонъяс.
Быдмoгулов Европаын, кыдзи и климатыс, зэв озыр да быдпoлoс. Европаса войтыръяс тайoс инo-артo воштoмаoсь; найo чинтoмны асчужысь быдмoгъяслысь ыдждасo да вoдитoны муяс вылын да садъясын колан быдмoгъяс.
Сэки, кор Европаын гырысь местаяс босьтлiсны вoрзьoдлытoм пемыд вoръяс да гoрлытoм степьясын гoгoр вольсасьлiс ковыль, быдлаын овлiсны вывтi уна гырысь кид пемoсъяс. Но oнi Европаыс гoль нин пемoсъяснад.
Мушoр саридз вадор муяс вылын гырысь кид пемoсъяс пoшти оз паныдасьлыны ? найoс бырoдoма нин ёна важъя нэмъясын.
Сoмын кoнсюрo Корсика да Сардинияса кыръясын джуджыд кыртъяс костын колины да олoны кырвыв ыжъяс.
Тулысын да арын тайo мутасъяс пыр лэбoны кельoбoн пoткаяс. Мудзoмнысла найo пуксьылoны шойччыны вадоръяс пoлoн, да сэнi унаoс на пытшкысь кыйoны кыйсьысьяс. Гортса пемoсъяс Лунвыв Европаын абу жo зэв уна, сы вoсна мый гожся кадo лудъяс лёкoсь, а видзьяс сэнi зэв этша. Мoсъяс пыдди йoзыс видзoны сэнi посни скoтoс ? ыжъясoс да кoзаясoс, кодъясoс йирсьoдoны кырвыв лудъяс вылын; видзoны осёлъясoс да мулъясoс (вoвлoн осёлкoд сорас, вын сертиыс неуна омoльджык вoлысь). Осёлъяслы оз ков вывтi бур кoрым: сёйoны чорыд сутшкасян турун, да сoмын шочиника сетлoны налы юмов рожки (рожки пуыслoн плод).
Сора вoръясын Рытыввыв Европаын гырысь кид пемoсъясoс сiдзжo пoшти ставсo бырoдoма, сoмын кoнсюрo кырвыв вoръясын кольoмаoсь кoинъяс да ошъяс (Карпатъясын). Кырвыв вoръясын Немеч муын эмoсь на кoнсюрo кoръяс да козуляяс, но найoс пoшти ставсo босьтoма лыд вылo: вoръяслoн кoзяеваыс видзoны найoс, весигтo вердыштлoны турунoн, медым сэсся сетны ассьыныс кыйсян юкoнъяссo озыр йoзлы, кодъяс кыйсьoны гажoдчoм могысь. Джуджыд кыръяс вылын ? Карпатъясын да Альпъясын ? эмoсь кырвыв козёлъяс да сернаяс.
Та пыдди гортса пемoсъясoс Рытыввыв Европаса некымын канмуясын вoдитoны сы мында, мый найoс вердoм вылo оз тырмы асланыс турунныс да асланыс няньясныс; уна зoр, кукуруза пызь да чаз вайoны сэтчo мукoд канмуясысь. Медшoр скoт танi ? сюра гырысь скoт, медсясo быдпoлoс йoла скoт. Сiйoс видзoны и увтасъясын, шуам, Нидерланъясын, кoнi сiйo йирсьo пoшти вогoгoр чoж веж видзьяс вылын да кыръясын.
Швейцарияын вoтлoны мoсъясoс джуджыд кырвыв лудъяс вылo; лым сылoм серти мoс стадаяс кайoны век вылoджык да вылoджык да гожoм помас воoны пырся лымъяс дорoдз. Лысьтoм йoвсo быд лун нуoны ковтысъясo, либo сыысь вoчoны зэв бур сыр. Кырвыв лудъясын вoдитoны сiдзжo небыд вуруна ыжъясoс; вуруныс налoн мунo кысян фабрикаясo, а яйыс ? сёян вылo.
Рытыввыв Европаын видзoны сiдзжo уна порсь да вoв.
Европа асыв-лунвыв степьясын кид пемoсъясысь унджыкыс кольoмаoсь йырсьысьяс, кодъяс сёйoны нянь кoдзаяс: сусликъяс, хомякъяс, тушканчикъяс, либo му кoчьяс; найo вайoны вывтi ыджыд лёк, сы понда морт зiльo бырoдны найoс. Но тайo, дерт, абу кокни, ? олoны найo пыдын му пытшкас, позъясын да паськалoмаoсь Рытыввыв Европа пасьта Рейн юoдз. Степвывса пoткаяс ? дрофаяс да стрепетьяс ? этша нин кольoмаoсь.
Дрофаяс (дудакъяс) бoръя воясo бара уна овмoдчисны миян степьясын, боръясыд, кoнi войдoр кыйoдлiсны найoс кыйсьысьяс, сэсся бырины да.
Дрофаяс зэв гырысь лэбачьяс (тушанас 1 м судтаoдз), турилoн кодь кузь кокаoсь; найo вайoны мортлы бур: бырoдoны муяс вылысь шыръясoс да сусликъясoс.
Гортса пемoсъяс миян степьясын сэтшoмoсь жo, кыдзи и сора вoръяс отын.
Лыска вoръяс да тундраяс отын кид пемoсъяс кoть и шочмыштiсны важ кадъяс серти, но oнoдз на колины; вoръясын ёна на олo ур, кoч, руч, кoин; эмoсь руд ошъяс да йoраяс ? медся гырысь пемoсъяс лыска вoрлoн. Сэнi тoвйo зэв уна пoтка ? тар, сьoла, дозмoр, байдoг. Вoрса зверьясoс кыйoм ? тoдчана прoмыс.
Тундраясын, торъя нин Выль Му вылын да Шпицберген вылын, oнoдз на паныдасьлoны кид кoр стадаяс. Тундраын уна еджыд байдoг да полюсдорса еджыд руч ? кынь. Гожся кадo тундраясын поздысьoны кид дзодзoгъяс, юсьяс, уткаяс да с. в.
Гортса пемoсъясыс лыска вoръяс отын ? сюра гырысь скoт йoла породаясысь, ыжъяс да вoвъяс. Тундраясын медшoр гортса пемoсъяс ? войвыв кор да мыйтакo дадь помын ветлысь пон.
Йиа океан вадоръяс вылын миллионъясoн поздысьoны каляяс да мукoд саридзвывса лэбачьяс. Океанас, кoнi эм уна вабыдмас да посньыдик пемoсъяс, олo зэв уна чери-пoткалы, а сiдзжo тюленьяслы, да шоча паныдасьлысь моржлы да китлы сёян. Пемoс уловлoн тайo озырлуныс oнoдз на кольoма, торъя сэтшoминъясын, кoнi шоча овмoдчoма йoзыс.
Европалысь рытыввыв да лунвыв вадоръяссo кытшовтысь саридзьясын олo зэв уна чери. Медся гырысьясыс на пытшкысь: лунвылын тунеч да войвылын треска. Но и посни черияслoн овмoсын тшoтш зэв ыджыд тoдчанлун, сы вoсна мый кыйoны сiйoс вывтi уна; медшoръясыс посни черияс пытшкысь ? войвылын сельди, лунвылын сардины да анчоус.
ЕВРОПА
| Канму
|
Мувывтор (км²)
|
Йoз лыд (2002’ юль 1’ лун кежлo)
|
Йoзлoн тшoкыдлун (км²-ын)
|
Юркар
|
| Австрия
|
83,858
|
8,169,929
|
97.4
|
Вена
|
| Азербайджан
|
86,600
|
8,621,000
|
97
|
Баку
|
| Албания
|
28,748
|
3,600,523
|
125.2
|
Тирана
|
| Андорра
|
468
|
68,403
|
146.2
|
Андорра-ла-Велья
|
| Армения
|
29,800
|
3,229,900
|
101
|
Ереван
|
| Болгария
|
110,910
|
7,621,337
|
68.7
|
София
|
| Беларусь
|
207,600
|
10,335,382
|
49.8
|
Минск
|
| Бельгия
|
30,510
|
10,274,595
|
336.8
|
Брюссель
|
| Босния да Герцеговина
|
51,129
|
4,448,500
|
77.5
|
Сараево
|
| Ватикан
|
0.44
|
900
|
2,045.5
|
Ватикан
|
| Дания
|
43,094
|
5,368,854
|
124.6
|
Копенгаген
|
| Исландия
|
103,000
|
307,261
|
2.7
|
Рейкъявик
|
| Италия
|
301,230
|
58,751,711
|
191.6
|
Рим
|
| Казахстан
|
2,724,900
|
15,217,711
|
5.6
|
Астана
|
| Грузия
|
69,700
|
4,661,473
|
64
|
Тбилиси
|
| Кипр
|
9,251
|
788,457
|
85
|
Никосия
|
| Косово
|
10,887
|
2,126,708
|
220
|
Приштина
|
| Латвия
|
64,589
|
2,366,515
|
36.6
|
Рига
|
| Литва
|
65,200
|
3,601,138
|
55.2
|
Вильнюс
|
| Люксембург
|
2,586
|
448,569
|
173.5
|
Люксембург
|
| Лихтенштейн
|
160
|
32,842
|
205.3
|
Вадуц
|
| Венгрия
|
93,030
|
10,075,034
|
108.3
|
Будапешт
|
| Македония
|
25,333
|
2,054,800
|
81.1
|
Скопье
|
| Мальта
|
316
|
397,499
|
1,257.9
|
Валетта
|
| Молдова
|
33,843
|
4,434,547
|
131.0
|
Кишинёв
|
| Монако
|
1.95
|
31,987
|
16,403.6
|
Монако
|
| Нидерландъяс
|
41,526
|
16,318,199
|
393.0
|
Амстердам
|
| Германия
|
357,021
|
83,251,851
|
233.2
|
Берлин
|
| Норвегия
|
324,220
|
4,525,116
|
14.0
|
Осло
|
| Ыджыд Британия
|
244,820
|
61,100,835
|
244.2
|
Лондон
|
| Польша
|
312,685
|
38,625,478
|
123.5
|
Варшава
|
| Португалия
|
91,568
|
10,409,995
|
110.1
|
Лиссабон
|
| Румыния
|
238,391
|
21,698,181
|
91.0
|
Бухарест
|
| Рочму
|
17,075,400
|
142,200,000
|
26.8
|
Мoскуа
|
| Сербия
|
88,361
|
9,663,742
|
109.4
|
Белград
|
| Сан-Марино
|
61
|
27,730
|
454.6
|
Сан-Марино
|
| Швеция
|
449,964
|
9,090,113
|
19.7
|
Стокгольм
|
| Словения
|
20,273
|
1,932,917
|
95.3
|
Любляна
|
| Словакия
|
48,845
|
5,422,366
|
111.0
|
Братислава
|
| Финляндия
|
336,593
|
5,157,537
|
15.3
|
Хельсинки
|
| Турция
|
783,562
|
70,586,256
|
93
|
Анкара
|
| Украина
|
603,700
|
48,396,470
|
80.2
|
Киев
|
| Франция
|
547,030
|
59,765,983
|
109.3
|
Париж
|
| Хорватия
|
56,542
|
4,437,460
|
77.7
|
Загреб
|
| Черногория
|
13,812
|
616,258
|
44.6
|
Подгорица
|
| Чехия
|
78,866
|
10,256,760
|
130.1
|
Прага
|
| Швейцария
|
41,290
|
7,507,000
|
176.8
|
Берн
|
| Ирландия
|
70,280
|
4,234,925
|
60.3
|
Дублин
|
| Греция
|
131,940
|
10,645,343
|
80.7
|
Афинъяс
|
| Испания
|
504,851
|
45,061,274
|
89.3
|
Мадрид
|
| Эстония
|
45,226
|
1,415,681
|
31.3
|
Таллинн
|
- ↑
European Continent/Map of Europe
, Map Universal