Videz quo ligesas adhike (che utensili). - A pagino di yaro .

La 17ma di julio esas la 198ma dio di la yaro (199ma en bisextila yari ) segun Gregoriala kalendario . Restas 167 dii til la fino di la yaro.

Dio [ redaktar | redaktar fonto ]

• Dio di la Konstituco , en Sud-Korea .

Eventi [ redaktar | redaktar fonto ]

• 561 - Ioannes la 3ma divenas papo.
• (o la 9ma di septembro sam yaro) 622 - Pos deskovrar komploto por mortigar lu, profeto Muhamad abandonas Meka por facar lua fugo ad Yatrib, la nuna Medina . Ca yaro esas unesma yaro del Islamala kalendario .
• 813 - Rejulo Krum de Bulgaria atingas Konstantinoplo e kampas exter la muri del urbo.
• 855 - Papo Leo la 4ma mortas, e Anastasius Bibliothecarius divenas kontrepapo, indikita da Lothair la 1ma di Frankia .
• 924 - Rejulo Edward la Olda mortas en Anglia e sucedesas da lua filiulo Æthelstan .
• 1048 - Damasus la 2ma divenas papo . Tamen, ilu mortos pos 23 dii.
• 1453 - Cent-yara milito finas pos la batalio di Castillon , kande Franci vinkas Angli . Nur Calais en Francia restas okupata dal Angli.
• 1683 - Finas la batalio di Penghu (proxim l'insuli Pescadores), e Formosa ( Taiwan ) juntesas a Qing-Chinia .
• 1898 - Hispani kapitulacas en Santiago de Cuba. Kom rezulto, Hispania perdas Kuba por Usa. ^[1]
• 1918 - Tota carala familio di Rusian imperio mortigesas dal bolsheviki .
• 1928 - Alvaro Obregon vinkas elekto en Mexikia ma mortigesas da religiala fanatiko.
• 1936 - Hispana interna milito : komencas la milito kande parto dil armeo Hispana probas en Maroko facar stato-stroko kontre la duesma republiko .
• 1945 - Komencas Potsdam-konfero , ube federiti de la duesma mondomilito decidos futuro di Germania .
• 1955 - Disney-lando apertesas en Kalifornia , Anaheim . ^[2]
• 1973 - En Afganistan , Mohammed Daoud Khan revokas la rejulo, e la lando divenas republiko .
• 1975 - Usana spaconavo Apollo e Sovietiana Soyuz konektesas en kosmo.
• 1976 - Indonezia transformas okupita Estal Timor en lua 27ma provinco.
• 1976 - En Montreal komencas la Somerala Olimpiala Ludi .
• 1979 - En Nikaragua prezidanto Anastasio Somoza Debayle renuncas e fugas ad Usa .
• 1981 - Israel bombardas Beirut .
• 1993 - Slackware , la maxim anciena Linux -versiono qua duras existar, lansesas.
• 1994 - Brazilia vinkas Italia en maxima puniso e ganas Mondala Kupo di Futbalo .
• 1996 - Aviono Boeing 747 de TWA Airlines explozas pos departar de JFK aeroportuo , en New York . Omna 230 personi en la aviono mortas.
• 1998 - Ter-tremo en marala lito efektigas ondego, qua destruktas 10 vilaji en Papua-Nova-Guinea e produktas 1.500 morti.
• 1998 - En Sankt Petersburg sepultesas la restaji di la caro Nikolai la 2ma en bastiono di Petrus-Paulus 80 yari pos lua mortigo.
• 2007 - Aviono Airbus A320 de Brazilian aerala kompanio TAM trairas la forkuranto dil aeroportuo Congonhas en Sao Paulo sen haltar, e kolizionas kun edifico. To produktis la morto di 187 personi ennave, e plusa 12 morti en sulo.
• 2009 - En Jakarta , bombi explozas en du hoteli , JW Marriott e Ritz-Carlton, e produktas 9 morti.
• 2014 - Aviono Boeing 777 de Malaysian Airlines falas en Ukraina proxim la frontiero kun Rusia , e 295 personi mortas.
• 2015 - Adminime 120 personi mortigesas e 130 vundesas pro suocidant atako en la provinco Diyala, Irak .
• 2018 - Europana Uniono e Japonia signatas kontrato pri ekonomial asociuro, qua kreos la maxim larja areo di libera komerco del mondo. ^{[3] [4]}

Naski [ redaktar | redaktar fonto ]

• 1832 - Charilaos Trikoupis , chefministro di Grekia (m. 1896)
• 1843 - Julio Argentino Roca , prezidanto di Arjentinia (m. 1914)
• 1866 - Antonio Jose de Almeida , chefministro e prezidanto di Portugal (m. 1929)
• 1871 - Lyonel Feininger , German-Usana piktisto (m. 1956)
• 1888 - Shmuel Yosef Agnon , Israelana skriptisto, Nobel-laureato (m. 1970)
• 1889 - James Cagney , Usan aktoro (m. 1986)
• 1898 - Berenice Abbott , Usana fotografisto (m. 1991)
• 1917 - Phyllis Diller , Usan aktorino (m. 2012)
• 1917 - Kenan Evren , prezidanto di Turkia (m. 2015)
• 1918 - Carlos Manuel Arana Osorio , prezidanto di Guatemala (m. 2003)
• 1920 - Juan Antonio Samaranch , Hispana entraprezisto, prezidanto di Internaciona Olimpiala Komitato (m. 2010)
• 1933 - Karmenu Mifsud Bonnici , chefministro di Malta (m. 2022)
• 1935 - Donald Sutherland , Kanadan aktoro
• 1939 - Ali Khamenei , religiala chefo di Iran
• 1944 - Carlos Alberto Torres , Braziliana futbalisto (m. 2016) ^[5]
• 1946 - Laurent Fabius , chefministro di Francia
• 1949 - Geezer Butler , Usana muzikisto e kompozisto ( Black Sabbath , GZR, Geezer Butler Band)
• 1954 - Angela Merkel , kancelero di Germania
• 1954 - Edward Natapei , chefministro di Vanuatu (m. 2015)
• 1960 - Johnny Briceno , chefministro di Belize
• 1961 - Antonio Luis Santos da Costa , chefministro di Portugal
• 1963 - Rejulo Letsie la 3ma di Lesotho
• 1970 - Gavin McInnes , Kanadana skriptisto e politikala komentisto
• 1993 - Darren Dietz , Kanadana e Kazakstana hokeisto
• 2000 - Erjan Tokotayev , Kirgiziana futbalistulo
• 2002 - Denisa Hindova , Chekiana tenisistino

Morti [ redaktar | redaktar fonto ]

• 924 - Rejulo Edward la Olda di Anglia (n. c. 874)
• 1540 - Rejulo Janos la 1ma di Hungaria (n. 1487)
• 1762 - Caro Petrus la 3ma di Rusia (n. 1728)
• 1790 - Adam Smith , Skota ekonomikisto e filozofo (n. 1723)
• 1821 - Fulgencio Yegros , Paraguayana militisto e politikisto (n. 1780)
• 1845 - Charles Grey, 2ma Komto Grey , chefministro di Unionita Rejio (n. 1764)
• 1879 - Maurycy Gottlieb , Polona piktisto (n. 1856)
• 1883 - Tu Duc , imperiestro di Vietnam (n. 1829)
• 1903 - James Abbott McNeill Whistler , Usana piktisto (n. 1834)
• 1906 - Carlos Pellegrini , prezidanto di Arjentinia (n. 1846)
• 1912 - Henri Poincare , Franca matematikisto (n. 1854)
• 1918 - Caro Nikolaus la 2ma di Rusia , mortigita kun sua familio dal Bolsheviki (n. 1868)
• 1925 - Lovis Corinth , Germana piktisto (n. 1858)
• 1928 - Alvaro Obregon , prezidanto di Mexikia (n. 1880)
• 1928 - Giovanni Giolitti , chefministro di Italia (n. 1842)
• 1959 - Billie Holiday , Usana jazo-kantisto (n. 1915)
• 1967 - John Coltrane , Usana jazo-muzikisto (n. 1926)
• 1995 - Juan Manuel Fangio , Arjentinian automobilisto (n. 1911)
• 2005 - Edward Heath , chefministro di Unionita Rejio (n. 1916)
• 2011 - Juan Maria Bordaberry , prezidanto di Uruguay (n. 1928)

Referi [ redaktar | redaktar fonto ]