Bienvenidos a Wikipedia! Puedeque tu no conoce como usa Wikipedia. No es muy dificil para aprende usa lo.

Na costao derecho arriba, hay un boton que ta deci: 'Buscar en Wikipedia'. Aki tu puede busca un articulo. Si tu no encontra un articulo, puede crea un articulo nuevo.

Na maga todo articulo, na un costao, hay un boton que ta deci 'Revisa' o 'Editar codigo'. Simplemente, pichi este boton para edita. O, na tuyo teclado, pichi [alt+shift+v] o [alt+shift+e].

Acorda que cuando tu edita un articulo, este es para mejora tal articulo o corecta el articulo. Hay maga articulo que ta es un 'stub', tu puede mejora maga este articulos.

Tamen acorda que tu no debe copia de maga otro referencia exactamente como tal referencia ta deci.

Antes de crea un nuevo articulo aki na Wikipedia, primero tu debe busca si tal articulo existe ya. Na costao derecho na Primero Pagina, busca si un articulo que tu quere crea para mira si existe ya. Si no existe tal articulo, tu puede crea lo. Tu ay mira algo como este: Crear la pagina ≪(Nombre de pagina en colorao)≫ en este wiki. Pichi na tal nombre de pagina, que ay es en colorao, para crea lo.

Acorda, tu debe saca buena informacion y maga referencia para crea un articulo bien. Anadi maga referencia y enlace externo na fin del articulo.

Na tuyo articulo, considera maga este cosas:

• Tu no debe copia referencia exactamente como deci
• Mira si tal referencia que tu ay usa permiti que tu usa tal referencia na un articulo (tu debe mira el maga derecho del autor).
• No debe ataca un persona o organizacion na un articulo.
• Tu debe usa referencia que es verdadero.
• Tu no debe escribi un articulo de tu, tu familia, tu maga amigo, etc.
• Tu debe siempre tene un punto de vista neutro.