Contenitos de l' aduya de Biquipedia

A Biquipedia ye una enciclopedia libre, de gufanya, que se ye creyando en internet por usuarios de tot o mundo. L'obchectivo ye que qualsiquier presona tienga acceso a lo conoiximiento humano de traza libre y gratuita. Se construye con a colaboracion desinteresada d'os suyos usuarios. Ye decir, que tu mesmo, en iste mesmo inte, puetz creyar un articlo u cambiar-lo ta correchir-lo u enamplar-lo. Contino, t'explicamos como.

Puetz escribir-ie os tuyos propios contenitos, u bien copiar-los u traducir-los dende o dominio publico, u dende qualsiquier atra fuent libre (p. eix., las edicions d'a Wikipedia en atras luengas). Pero para cuenta que muitas d'as pachinas d'o rete no son fuents libres. No copies en Biquipedia material con copyright! . Igual si los contenitos son tuyos como si los has copiato d'una fuent libre, en publicar-lo en Biquipedia, atros usuarios pueden correchir-los, cambiar-los u destribuyir-los librement.

Prou que totz os articlos que se faigan han d'estar enciclopedicos y relevants (Biquipedia no ye un diccionario ni un repositorio de textos, ta ixo ya en i hai atros prochectos). Tamien has de respetar as politicas de biquipedia sobre o Punto de Vista Neutral.

I hai quantas trazas de creyar un articlo nuevo:

• Si mirando-te belatro articlo trobas un vinclo en royo , puetz punchar-lo, y t'amaneixera una nueva pachina con un editor de texto an que puetz pretar a escribir. Quan remates d'escribir, punchas Alzar pachina , que ye debaixo d'a finestra d'o editor de texto, a man cucha, y ya has creyato una pachina d'a futura enciclopedia en aragones.

• Si quiers creyar un articlo de nuevas y no tiens garra vinclo royo , la traza mas simpla ye escribir o nombre de l'articlo (como quieras que amaneixca titulato, con os suyos accentos y mayusclas) en o buscador que amaneixe a la tuya cucha, y punchar en o boton Ir-ie . Si no bi ye ya en la Biquipedia, amaneixera un vinclo royo con o texto que has mirato. Si lo punchas, te saldra una nueva pachina an que podras prencipiar a escribir ixe articlo.

• Tamien puetz escribir dreitament en la barra d'adrezas d'o tuyo navegador o nombre d'a nueva pachina. Asinas, si quereses escribir un articlo sobre Pedron de casa Fustero d'A Fueva , caldria que i escribises

http://an.wikipedia.org/wiki/Pedron de casa Fustero d'A Fueva 

en a barra d'adrezas d'o tuyo navegador. Decamin s'ubrira una nueva pachina con una caixa d'edicion an que podras prencipiar a escribir.

Remera que dica que no punches en lo boton Alzar pachina , la pachina no quedara almadazenata en o sistema.

Ta cambiar, correchir u enamplar una pachina que ya existe, nomas te cal punchar lo boton Editar que ye en lo cobalto d'a pachina, y ya puetz modificar, correchir u enamplar o que quieras. Ta que a pachina quede almadazenata has de punchar en o boton "Alzar pachina" que sale debaixo d'a caixa de texto. Ye bien facil!. Si quiers estar seguro de que l'has feito bien, puetz punchar antes en "Previsualizar".

Tampoco no t'ha de fer miedo d'estorbar bella cosa. A tecnolochia wiki fa que se puedan desfer totz os cambeos que faigas, asinas que no te'n faigas, puetz prencipiar a colaborar quan t'agane. Manimenos, si quiers fer en primerias bellas prebatinas, puetz ir t'a nuestra pachina de prebatinas .

Contino trobaras aduya sobre como dar formato a un texto. Manimenos, en los primers articlos que fagas, no pasa cosa si lo formato no ye correcto de tot. Bellatro biquipedista li dara formato y asinas podras aprender millor a fer-lo.

Como dar formato a lo texto d'un articlo [ modificar o codigo ]

Los textos en negreta, los titols de cabecera, las cursivas... s'han de fer con o codigo previsto ta cadagun d'ixos estilos. O mas facil ye emplegar o menu que amaneix en o cobalto d'a caixa d'edicion. Ixe menu tamien permite ficar imachens, vinclos ta webs externos u a articlos d'a Biquipedia, u trestallar o texto con linias horizontals.

Pero lo millor y mas rapido ye que prencipies a escribir dreitament o codigo. Asinas la negreta se fa abracando lo texto a destacar entre tres apostrofes. La cursiva se fa con dos apostrofes y las cabeceras con grupos de dos u tres signos = .

'''Iste testo saldra en negreta'''
''Iste en cursiva''
==Iste ye un titol muit gran==
===Iste ye un titol subordinato a l'anterior===
====Y iste ye subordinato a l'anterior==== 

Ta trestallar paragrafos, no ye prou con pretar a tecla "enter" una vegada. Has de fer-lo dos vegadas. Y si quiers que o paragrafo tienga sangria has de prencipiar a frase con dos puntos (:), (::) u (:::).

:Ista linia tien sangria.
::Ista ye mas desplazada.
:::Mas...
::::Dica a on se puet plegar??:-)>

Como meter os vinclos [ modificar o codigo ]

O codigo ta fer vinclos ye lo que mas feras servir, y a escape te i faras. Un vinclo ta un articlo que ya existe en a Biquipedia se fa abracando con dos gafetz o texto con o titol exacto de l'articlo. Si quiers fer o vinclo pero o titol no quadra en o texto, tamien puetz fer-lo. Por eixemplo, si quiers decir que belun ye frances, y quiers enlazar o chentilicio con l'articlo sobre Francia, lo puetz fer asinas:

[[Francia|frances]]. D'ista traza, en o texto amaneixe nomas o chentilicio, pero si se puncha en el con lo ratet,
se'n va ta l'articlo sobre o pais.

O procedimiento ta un vinclo externo ye similar, pero abracando con gafetz simples l'adreza URL y o texto explicativo.

Asinas: [//an.wikipedia.org Biquipedia en aragones]

Y ya lo tiens!. Quan lo tiengas tot feito, nomas has de punchar o boton de Alzar pachina . Si no i yes guaire seguro, d'haber-lo feito bien, puetz fer-le un golladeta punchando en Previsualizar .

• Categorias.

En Biquipedia ye muit important a categorizacion d'os articlos. Malas que remates d'escribir o tuyo articlo, has de mirar quala u qualas son as categorias mas adequatas. Si no existen, puetz creyar-la(s). Ye de buen fer, nomas has d'escribir, a la fin d'o tuyo texto, o siguient codigo:

[[Categoria:la que siga]]

Si no ye creyada, amaneixera o nombre d'a categoria en royo. Puncha-lo, y en a caixa de texto que amaneix escribe o codigo d'una categoria superior que ya exista. Por eixemplo:

[[Categoria:Colombofilia]]

Si no existise ixa categoria, podria seguir o vinclo y te levaria ta una caixa d'edicion an que podria asociar-lo ta una u quantas categorias superiors:

[[Categoria:Aficions]]
[[Categoria:Paloma]]

• Interwikis.

Tamien son a saber que importants as interwikis . Son os vinclos ta o mesmo articlo en as Wikipedias en atras luengas. O codigo ta fer interwikis ye como o que se fa servir ta fer vinclos internos, pero con o codigo d'a luenga en question. Istos interwikis se gosan meter siempre a la fin d'o texto de l'articlo, y se faria asinas:

[[ca:Asociacion Colombofila Pixueta]]   (Ta o catalan)
[[es:Asociacion Colombofila Pixueta]]   (Ta o castellan)
[[scn:Asociacion Colombofila Pixueta]]  (Ta o secilian)

Por un regular, o mas facil ye copiar a lista completa d'interwikis editando l'articlo correspondient en as Wikipedias mas grans (en angles, aleman, espanyol) y apegando-la en lo tuyo articlo.

• Titols y endreceras.

Un problema que se troba a soben ye qual ha d'estar o nombre de l'articlo. Os dandalos arredol d'iste tema se pueden discutir en a Tabierna u en as seccions d' Uso d'a luenga . De todas trazas, por un regular trobaras quantos posibles titols validos ta un articlo. Asinas, Diana Spencer bien pudiera estar Lady Di . Tamien podremos dubdar entre as diferents variants lexicas y/u foneticas d'o nombre: por eixemplo can u cocho , etc. A solucion ye reendrezar una d'ellas enta lo que se considere que ha d'estar o titol prencipal. Asinas, si un escribe o nombre de Lady Di en o buscador, ira dreitament ta l'articlo de Diana Spencer. As endreceras son tamien de buen fer. Nomas has de creyar l'articlo ta o nuevo titol y escribir en la caixa d'edicion o siguient codigo:

#REDIRECT:[[o que siga]]
Siguindo o eixemplo, en o nuevo articlo titulato Lady Di escribiremos:
#REDIRECT:[[Diana Spencer]]

Dimpues punchas en Alzar pachina y prou.

• Imachens

Puetz ficar en un articlo qualsiquier imachen que siga en o dominio publico, que no tienga dreitos d'autor, u tamien una imachen d'a que tu sigas l'autor y quieras meter en lo dominio publico. Puetz cargar-las en Biquipedia, fendo servir a opcion cargar fichero . Manimenos, o millor y mas facil ye treballar con o reposte d'imachens libres Commons . Asti puetz trobar asabelas imachens y debuixos ta ilustrar o tuyo articlo. Tu tamien puetz cargar-ie imachens y/u debuixos que haigas feito tu mesmo. L'avantalla ye que asinas podran emplegar-las en todas as wikis. A traza d'usar as imachens de Commons ye a mesma que si as imachens son cargatas en a Biquipedia. S'ha d'emplegar o siguient formato:

[[Imachen:exemplo.jpg]] 

• Pachinas de descusion

I hai prous puestos an que puetz expresar as tuyas opinions sobre os contenitos, o formato, a luenga u l'estilo d'un articlo, asinas como comunicar-te con atros usuarios.

Totz os articlos tienen una pachina de descusion, an que puetz fer comentarios sobre ixe articlo. A traza mas facil de ir ta una descusion d'articlo ye indo ta l'articlo y punchando en a pestanya que diz "descusion". Tamien puetz meter dreitament en o tuyo navegador o nombre d'a pachina de descusion. Asinas, a pachina: http://an.wikipedia.org/wiki/Idioma aleman tien a suya descusion en http://an.wikipedia.org/wiki/Descusion:Idioma aleman .

Si quiers decir-le bella cosa a un usuario, puetz fer-lo en a suya pachina de descusion.

A Tabierna ye un puesto ta discutir sobre temas chenerals de Biquipedia.

Acorda-te que no cal sinyar en las edicions d'articlos, pero si quan escribas bella cosa en una pachina de descusion. Lo puetz fer de traza rapeda escribindo tres tildes ~~~ (saldra nomas o tuyo nombre d'usuario) u quatre tildes (recomendable) ~~~~ (saldra o tuyo nombre d'usuario y a calendata d'edicion).

A tabierna ye pensata ta que os usuarios puedan charrar sobre o prochecto y preguntar y resolver dandalos, os unos a os atros.

En a recopilacion de Preguntas Frequents (FAQ) de Biquipedia puetz trobar una lista de respuestas a preguntas frequents ta nuevos usuarios.

Si nunca no has participato en una Wikipedia, puetz vesitar l' ayuda en la Wikipedia en espanyol u en angles , a on que puetz aprender tot o que amenistes ta saber como construir una Wikipedia en a tuya luenga. Si no trobas a informacion que miras, puetz preguntar en a Tabierna , a on que de seguras, bell usuario se mirara d'aduyar-te.