Rouantelezh Maroko
, pe
Maroko
ent-berr (??????,
al-Ma?rib
en
arabeg
; ???????
Lma?rib
e
tamazight
), a zo ur vro e gwalarn kevandir
Afrika
. Bevennet eo gant ar
Mor Kreizdouar
en hanternoz, gant
Aljeria
er reter, gant ar
Meurvor Atlantel
er c’hornog, ha gant
Sahara ar C'hornog
er c’hreisteiz (douarou aloubet gant Maroko e
1975
).
Rabat
eo ar ger-benn velestradurel ha politikel, ha
Casablanca
ar ger vrasan hag ar ger-benn armerzhel. Div ger stag ouzh
Spagn
a zo
enklozet
e Maroko, war aod ar Mor Kreizdouar:
Ceuta
(
Sabta
) ha
Melilla
(
Maliliya
).
Ar
Meneziou Atlas
a dreuz ar vro penn-da-benn, eus ar mervent d’ar biz. Er reter hag er su d’ar meneziou-se en em led dezerzh ar
Sahara
, m’eo gwall zistank an dud. Eman an darn vrasan eus annezidi Maroko o chom er gwalarn da aradennad an Atlas. Aodou he deus ar vro war ar
Mor Kreizdouar
en Norzh hag ar
Meurvor Atlantel
er C'hornog. 34 milion a annezidi he deus hervez niveradeg 2014, ha 446 550 km² zo dezhi (47,51 ann./km²) pe 710 850 km² gant
Sahara ar C'hornog
.
An
arabeg
hag an
tamazigh
eo ar yezhou ofisiel. Div yezh a vez kaozeet er vro:
arabeg Maroko
, zo dishenvel-mat diouzh an
arabeg unvan
, hag ar
berbereg
(anvet
tamazight
alies). Ledet a-walc’h eo an anaoudegezh eus ar galleg, yezh an drevadennourien gozh, hag ar spagnoleg e lodennou ’zo eus ar vro. Implijet e vez ar galleg en ensavaduriou gouarnel, er mediaou, er bed ekonomikel hag en diplomatiezh. Kelennet e vez dre ret en holl skoliou Maroko.
Ezel eo Maroko eus an
ABU
, ar
Gevre Arab
,
Unaniezh Afrika
,
Unaniezh Maghrib Arab
,
Aozadur ar c'henober islamek
,
Aozadur etrebroadel ar frankofoniezh
,
Strollad ar 77
, Unaniezh evit ar C'hreizdouar, ha war ar renk eman evit emezelan da
Gumuniezh Armerzhel Stadou Kornog Afrika
.
An
Islam
, an "arabiezh" hag an "amazighiezh" a zo despizet gant bonreizh ar rouantelezh evel ≪ lodennou diazez ≫ identelezh ar bobl varokan. Relijion ar Stad eo an Islam, met diogelaet eo gantan ar frankiz azeulin evit an holl relijionou.
Roudou
Hominidae
zo bet kavet hag a zo 700 000 bloaz kozh. Er
Ragistor
e oa o chom
Berbered
eno. Diazezet e voe ar pezh a vez gwelet evel ar stad varokan kentan gant an emir
Idris Ian
e
789
.
Un nebeud mareou pouezus en istor ar vro :
Pempvet armerzh Afrika eo hini Maroko, hag an trede er
Maghreb
goude
Ejipt
hag
Aljeria
. Tremenet eo ar
PDG
eus 56 da 107 miliard a zolarou etre 2004 ha 2014, ha mestroniet eo ar
monc'hwez
gant ur c'heitad bloaz 1.8 %. Hervez ministrerezh an armerzh e oa 1.6% ar monc'hwez e 2015, ha 4.8 % ar
c'hresk
, sachet gant ur bloavezh labour-douar mat, ur sifr uheloc'h eget ar 4.4% a oa bet rakwelet gant al lezenn arc'hant 2015.
Bras e chom an digevatalderiou sokial avat, hervez un danevell savet gant an
AMG
Oxfam
[1]
.
Brudet eo ar
fantasia
varokan, un abadenn varc'hegezh hengounel a denn d'ar
meuriad
, d'al labour-douar ha d'ar relijion. Graet e veze bep bloaz e koulz ar
mousem
, gouel an eostou ha gouel sant ar meuriad. E-pad an arvest-se e vez drevezet argadou gant ar varc'hegerien war o c'hezeg harnezet brav, o tennan gant o fuzuilh
poultr-tarzh
.
Spisou
a vez implijet kalz er c'heginerezh marokan hag a zo ur meskad eus ar re vorian, europat ha kreizdouarat. Produet e vez
safron
e
Tetouan
,
bent
hag
olivez
e
Meknes
, hag oranjez ha sitrons e
Fes
.
Kig-yar
eo ar c'hig ar muian debret er vro, a-raok
kig-bevin
ha
kig-danvad
.
Kouskous
ha
tajin
eo ar meuziou brudetan.