Danmark

	Kongeriget Danmark ; Rouantelezh Danmark
Banniel	Skoed-ardamez
	Ger-stur : Guds hjælp, Folkets kærlighed, Danmarks styrke (ger-stur ar familh roueel)
	Kan broadel: Kong Christian
	Lec'hiadur Danmark
Ker-benn ; (ha ker vrasan)	Kopenhagen ; 55°43′N 12°34′E
Yezh(ou) ofisiel	Daneg
Gouarnamant	Rouantelezh
- Rouanez	Frederik X
- Ministr Kentan	Mette Frederiksen
Gorread
- Hollad	43,094 km² ( 134 )
- Dour (%)	1.6²
Poblans
- istimadur 2008	5,475,791 ()
- Stankter	129.16/km² ( 78 )
PDK ( PGP )	2007 (istimadur)
- Hollad	$198.5 milliard ( 45 )
- Keidenn	$57,261 ( 6 )
FDD ()	0.943 ( uhel ) ( 14 )
Moneiz	Kurunenn dan ( DKK )
Gwerzhid-eur	( UTC +1)
	+2
Kod kenrouedad	.dk
Kod pellgomz	+45

Ur vro eus hanternoz Europa eo Danmark . War-dro 5,8 milion a dud zo o chom enni. Ur vro gompez a-walc’h eo, pa n’eus ket a veneziou ; kalzik inizi zo avat, e Mor an Hanternoz emaint kazi holl. Ur rouantelezh eo, Kopenhagen (a-wechou Kopenhag ) he c'her-benn .

Bro an Daned e talvez anv Danmark : ur bobl c’herman gozh e oa an Daned ha mark a dalvez marz . Ouzh Rouantelezh Danmark eo stag an Inizi Faero er Meurvor Atlantel , ha Greunland e Norzhamerika . En div vro-se ez eus poblou all, dezho yezhou dishenvel diouzh an daneg .

Istor [ kemman | kemman ar vammenn ]

Trevadennou he deus bet Danmark ivez evel broiou bras Europa, gwelout Impalaeriezh trevadennel Danmark .

Douaroniezh [ kemman | kemman ar vammenn ]

An hini vihanan eus broiou Skandinavia eo Danmark. Er su dezhi eman Alamagn , er reter eman Sveden , hag en norzh Norvegia . Kelc’hiet eo ar vro gant ar mor pe dost. Er gevred eman ar Mor Baltel , er c’hornog Mor an Hanternoz , en hanternoz strizh-mor ar Skagerrak , hag er biz strizh-mor ar c’h- Kattegat .

Ul ledenez eo douar-bras Danmark, er c’hornog , ha Jylland a reer anezhi. Al lodennou all eus ar vro zo inizi : 79 anezho zo tud o chom warno. Pelloc’h er reter eman enez Bornholm er Mor Baltel .

Kompez a-walc’h eo ar vro, gant torgennou izel, lennou, koadou, hag aodou troc’h-didroc’h ha kammigellek. Ne vezer gwech ebet gwall bell diouzh ar mor.

Melestradur [ kemman | kemman ar vammenn ]

Disrannet eo Danmark e pemp rannvro ( daneg regioner ) ha 98 keoded; Krouet e voe ar rannvroiou d'ar c'hentan a viz Genver 2007 e-kerzh adframmadur Adreizhadur ar C'heodedou evit erlerc'hian an 38 kontelezh hengounel. Er memes amzer e voe kendeuzet asambles ar c'heodedou bihan. Eus ar surentez sokial, ar sevenadur hag an deskadurezh eo karget ar rannvroiou ; ar c'hontelezhiou kozh n'o doa ket gwir da sevel tailhou.

Sevenadur [ kemman | kemman ar vammenn ]

E-touez an Daned a zo brudet dre ar bed a-bezh e c’heller menegin ar skiantour Ole Rømer , an den a oa bet kavet ha jedet gantan tizh ar goulou, ar prederour Søren Kierkegaard hag ar skrivagner Hans Christian Andersen .

Anviou un nebeud tud vrudet all, genidik eus Danmark :

Vitus Bering , moraer hag ergerzher
Karen Blixen , skrivagnerez
Tycho Brahe , steredoniour
Niels Bohr , fizikour, tapet gantan ar Priz Nobel
Ole Kirk Christiansen , ijiner ar c'hoari LEGO
Nikolai Grundtvig , barzh , prederour ha pedagogour
Ludvig Holberg , skrivagner hag istorour
Knut Veur , roue Danmark , Norvegia ha Bro-Saoz
Carl Nielsen , sonaozer
Lars von Trier , filmaozer

Yezh [ kemman | kemman ar vammenn ]

Daneg eo ar yezh a gaozeer e Danmark. Kalz tud er vro a oar saozneg ivez. An anaoudegezh eus an alamaneg zo ledet a-walc’h ivez, dreist-holl er c’hreisteiz.

En Inizi Faero e komzer faeroeg , hag e Greunland e kaozeer greunlandeg . E kreisteiz Jylland (Slesvig) ez eus tud a gomz alamaneg .

Kar-nes eo an daneg d’ar yezhou a gomzer e Norvegia hag e Sveden.