De Mai , ok as Maimaand bekannt, is in den Gregoriaanschen Klenner de foffte Maand in dat Johr . He hett 31 Daag un tellt to de Frohjohrsmaanden . De Naam is vun de Goddin Maia afleidt. Aver dat gifft ok annere Borns, de seggt, dat de Naam vun Jupiter kummt, de dat Wassdom bringt as Iupiter Maius .

In’n 8. Johrhunnert hett Karl de Grote den Naam Wonnemonat (d. h. ?Waalmaand“) infohrt as Henwies op de opkamen Warms un dat Opwaken von de Natur. Annere Beteken for den Mai gaht ok op disse Saken truch. Blumenmonat (d. h. ?Blomenmaand“) t.?B. wiel dat for bannig veel Planten de Hooftbleihtiet is. Aver kannst ok Weidmaand to seggen, as denn dat Veh op de Weid dreven warrt. Seker is de Warms aver ? na en oole Overlevern ? na de Ieshilligen vun’n 11. bit 15. Mai.

Siet ungefaahr den 13. Johrhunnert warrt de Mai mit Fiern, Utritt oder Umgang begahn. In veele Rebeeten in Duutschland is dat Opstellen von Maiboom Bruukdom worrn.

Vormals, in’n roomschen Klenner , weer de Mai de drudde Maand in dat Johr. Bi de Katholiken is de Mai sunners Maria de Mudder vun Jesus tostahn (Maiandacht)en. Dorum warrt de Mai in dit Umfeld ok Marienmaand noomt.

De 1. Mai is de internatschoonal Fierdag von de Arbeiderbewegen , wat in Duutschland en gesettlich Fiersag is. De tweete Sunndag in’n Mai is in duutschsprakig Lanners de Mudderdag .

De Mai fangt mit den lieken Wekendag an, as de Januar vun’t nachst Johr, man keen annern Maand vun’t sulve Johr fangt mit den lieken Dag an as de Mai.