Oucrania

Укра?на (Ukrayina)
Oucrania

Lhengua oufecial

Oucraniano

Capital
- Populacon:

Kieb

2.7000.000 (2007)

Aria

603.628 km²

Populacon
- Total:
- Densidade:

42.539.010 (2016)
70,5 ab./km²

La Oucrania (an Oucraniano Укра?на, transl. Ukrayina ) ye un paic de la Ouropa Ouriental . Fac frunteira la norte cula Bielorrussia , la norte i la lheste cula Russia , la sul cul Mar de Azob i l Mar Negro , i la oeste cula Romenia , la Moldoba , la Houngria , la Slobaquia i la Polonia . Sue capital ye Kieb , maior cidade de l paic an populacon .

L atual territorio de la Oucrania fui, pul menos zde l seclo IX , l centro de la ceblizacon slaba ouriental que bieno a formar l Prencipado de Kieb , antecessor de la Oucrania, de la Vielorrussia i de la Russia, . Al lhargo de ls seclos a seguir, la region fui cumpartida antre las potencias regionales. Passado un periodo de andependencia ( 1917 - 1921 ) an seguida a la Rebolucon Russa , la Oucrania tornou-se an 1922 ua de las Republicas Sobieticas fundadoras de la URSS . L territorio de la Republica Socialista Sobietica de la Oucrania fui ampliado na direcon oeste passado la Segunda Guerra Mundial i, outra bec, an 1954 , cula trasferencia de la Crimeia .

La Oucrania ganhou sue andependencia passado l colapso de la Ounion Sobietica an 1991 , tornando-se un Stado soberano .

Politica [ eiditar | eiditar codigo-fuonte ]

La Oucrania ye ua republica cun un sistema de goberno semi-persidencial i poderes legislatibo , eisecutibo i judiciario apartados. L persidente de la republica ye eileito pul boto direto i deten las funcones de xefe de Stado . L purmeiro-menistro ye zeignado i demetido pul parlamento , chamado Berkhobna Rada , cun 450 assentos. L parlamiento tamien chama l gabinete . L persidente andica ls xefes de l gobernos regionales i ctritales, cula anfluencia de l purmeiro-menistro.

Las lheis, decisones de l parlamento i de l gabinete, decretos persidenciales i decisones de l parlamento de la Republica Outonoma de la Crimeia puoden ser anuladas pul Tribunal Custitucional de la Oucrania an causo de biolacon de la custituicon de l paic. Outros atos normatibos stan sujeitos la apreciacon judicial . L Supremo Tribunal de la Oucrania ye l percipal uorgano judicial de la Justicia quemun.

L outo-goberno lhocal ye oufecialmente garantido; las camaras de bereadores i ls persidentes de la camara son eileitos pul boto direto i cuntrolan l ourcamento lhocal.

Hai un grande numaro de partidos politicos ourganizados na Oucrania, muitos de l quales possuen pequeinho numaro de nembros i son cconhecidos de l publico. Las agremiacones pequeinhas usualmente se unen an coalizones para participar de las eileicones parlamentares.

Geografie [ eiditar | eiditar codigo-fuonte ]

Cun ua aria de 603 700 kn², la Oucrania ye l 44° paic de l mundo an territorio, un pouco maior que l stado brasileiro de Minas Gerales o que la soma de las arias de la Spanha i de Pertual . Ye l segundo maior paic de la Ouropa , atras de la Russia ouropeia i delantre de la Francia metropolitana.

La paisaige Oucraniana ye formada percipalmente por prainadas ferteles o stepes , i prainos , atrabessados por rius cumo l Dniepre , Donets , Dniester i Bug meridional , que corren na direcon sul i scoan ne l Mar Negro i ne l pequeinho Mar de Azob . A sudoeste , l delta de l Danubio sirbe de frunteira cula Romenia . Solo hai muntanhas a oeste, la cordilheira de l Carpatos , an que l punto culminante ye l Hora Hoberla (2 061 m), i ne l sudeste de la peninsula de la Crimeia , la Cordilheira de la Crimeia .

L tiempo de la Oucrania ye, an sue maior parte, temperado cuntinental , inda que se puoda achar un clima mediterraneo na cuosta meridional de la Crimeia. Chuobe mais ne l oeste i ne l norte , mas menos ne l lheste i ne l sudeste . Ls ambiernos son an special frius ne l anterior; ne ls beranos son an special calientes ne l sul .

Las percipales cidades de l paic (por populacon ) son Kieb , Carcobia , Dnipropetrobsk , Oudessa , Donetsk , Zaporijia i Lbib .

Demografie [ eiditar | eiditar codigo-fuonte ]

Cunsante l censo Oucraniano de 2001, ls Oucranianos etnicos soman 77,8% de la populacon . Las minories ancluen grupos etnicos segneficatibos de russos (17,3%), romenos (0,8%), bielorrussos (0,6%), tartaros de la Crimeia (0,5%), bulgaros (0,4%), hungaros (0,3%), poloneses (0,3%), judius (0,2%), armenios (0,2%), griegos (0,2%) i tartaros (0,2%).

Las regiones andustriales a lheste i sudeste son las mais densamente demoradas. Cerca de 67,2% de la populacon bibe an aria ourbana.

La lengua Oucraniana ye l solo lengua oufecial de la Oucrania. L russo ye mui falado, an special ne l lheste i ne l sul de l paic. Segundo l censo, 67,5% de la populacon declarorun falar l Oucraniano cumo lhengua materna, contra 29,6% que falan l russo cumo purmeira lhengua. Alguas pessonas usan ua mistura de las dues lhenguas, anquanto que outras, inda que declaren tener l Oucraniano cumo lhengua materna, usan l russo ne l die a die. L Oucraniano lhiterario ye mais ousado na Oucrania oucidental i central, anquanto que l russo predomina nas cidades de la Oucrania ouriental i meridional. L goberno promobe ua politica de "oucranizacon", cul amprego de l Oucraniano an scuolas, reparticones publicas i parte de la media, normalmente a las spensas de l russo; ne l die a die, mas, las pessonas son lhibres para falar qualquiera lhengua. Na pratica, la maiorie de la populacon ye bilingue.

La segneficatiba minorie romena i moldabia queda percipalmente ne l Oblast de Chernibtsi .

Por bies de ls baixos salarios i al zamprego, houbo cunsiderable grau de eimigracon a partir de la fin de l anhos 1990 . Inda que las stimatibas barien, cerca de dous la tres milhones de Oucranianos moran i trabalhan fuora, an sue maior parte eilegalmente.

Segundo stimatibas ^[1] de la Ambaixada de la Oucrania an Brasilia , hai cerca de 500 000 Oucranianos i sous ccendentes ne l Brasil , cuncentrados percipalmente ne l stado de l Parana (90%), probenientes de dues lhiebas de eimigracon, la purmeira ne l final de l seclo XIX , para trabalhar na agricultura , i la segunda ne l ampeco de l seclo XX, cumo mano-de-obra na custrucon de caminos de fierro.

An Pertual , l Serbicio de Strangeiros i Frunteiras dibulgou an 2001 que hai 40 000 Oucranianos ne l paic. Mas este numaro puode ser mais alto, ya que eisisten eimigrantes eilegales. La eimigracon Oucraniana ten sido amportante para oumentar la populacon atiba de Pertual i prencher puostos de trabalho que la maiorie de l pertueses prefire nun acupar. La maiorie de l Oucranianos - muitos cun eiducacon superior - trabalha an obras publicas i an serbicios de lhimpeza. Pertual ya reconhece diplomas Oucranianos.

Refrencias [ eiditar | eiditar codigo-fuonte ]

↑ Archive copy , arquivado do original em 2007-02-16 , https://web.archive.org/web/20070216015334/http://www.ucrania.org.br/html/body_ucrania.html , visitado em 2009-05-01

[1] Archive copy , arquivado do original em 2007-02-16 , https://web.archive.org/web/20070216015334/http://www.ucrania.org.br/html/body_ucrania.html , visitado em 2009-05-01

[1]