sainam-pirenena Fanjakana Mitambatra
Londona
(avy amin' ny fiteny anglisy
London
- [?l?nd?n]), any atsimo-atsinanan' ny
Fanjakana Mitambatra
, dia renivohitra ary tanana ngeza indrindra any amin' ny Fanjakana Mitambatra. Mandritry ny taonjato maro, io ny renivohitry ny
Empira Britanika
, empira ngeza indrindra nisy teto an-tany. Efa nisy roa arivo taona mahery izay io tanana io no noforonin' ny Romana. Amin' ny lafiny isam-pinina, efa betsaka ny isan' ny tanana lehibe ngeza noho izy. Amin' ny maha ivo ara-politika azy dia renivohitry ny
Commonwealth
ny tananan' i Londona, hery ara-piharian-karena lehibe, noho ny maha ivontoerana ara-bola voalohany azy.
Renirano Thames
Ny Londona Lehibe (
Greater London
) dia manana mponina miisa 7 512 400, ny olona mipetraka ao Londona dia atao oe Londonianina. Ilay tanan-dehibe manotolo dia misy 8 278 251 mponina. Araka ny fepetra isan-karazany, mety eo anelanbelan' ny 12 sy 14 tapitrisa any ho any isan' ny mponina iharan'ny fomba fiainana ao Londona. Any
Eoropa
, ny tananan' i
Moskva
,
Paris
sy
Istanbul
ihany no manana lanja ara-demografia mitovy aminy.
Ny tananan' i Londona dia mihetsiketsika ary maro anisa amin' ny lafiny
kolontsaina
. Manana anjara lehibe izy ao amin' ny taozavatra sy ny lamaody. Tanana be mpizaha tany koa izy. 27 tapitrisa ny isan' ny mpizaha tany mandalo ao isan-taona, ary misy toerana efatra voasokajy anatin' ny haren-tsaina maneran-tany ary misy zava-boaorina mijialajoala maromaro malaza eran-tany, toy ny lapan' i Westminster, ny Tower Bridge, ny Tower of London, ny Westminster Abbey, ny Lapan' i Buckingham, ny fikambanana toy ny British Museum na ny National Gallery.
