Northern Ireland ( Baarle ) Tuaisceart Eireann ( Yernish ) Norlin Airlann ( Ullanish ) Nerin Hwoaie
Preeu-valley (as y balley smoo)		Beeal Feirshtey 54°35.456′ Hwoaie 5°50.4′ Heear
Chengey oikoil		Baarle de facto , Yernish as Baarle Albinagh Ultagh
Reiltys		Reeriaght vunraghtoil Co-heshaghtaghys
-	Ree	Chalse III
-	Y Chied-vinishter	Michelle O'Neill
-	Y Lhiass Chied-vinishter	Emma Little-Pengelly
-	Screeudeyr Steat	Shailesh Vara
Bunneeaght
-	Aght er Reiltys Nerin	3 Boaldyn 1921
Eaghtyr
-	Yn clane	13,843  km²   5,345  mi ker
Earroo yn phobble
-	Ooley 2008	1,759,000
-	Coontey-pobble 2001	1,685,267
-	Glooaght	122/km²  315/mi ker
LTS  ( CCK )		Ooley 2002
-	Yn clane	￡33.2 billioon
-	Yn dooinney	￡19,603
Argid		punt Sostynagh ( GBP )
Traa ynnydagh		GMT ( UTC +0)
-	Souree ( TTLS )	BST ( UTC +1)
Coad eddyr-voggyl		.uk 2
Coad chellvane		+44 3
Ard noo		Noo Perick 4
1	Chengaghyn oikoil : Cha nel chengey oikoil ayns Nerin Hwoaie; ta Baarle ymmydit rere tosheeaght. Ta enney oikoil currit er Yernish as er Baarle Albinagh Ultagh myr chengaghyn mynlagh
2	.ie , myrane lesh Pobblaght Nerin , as .eu , er y fa dy vel yn RU 'syn Unnaneys Oarpagh . She GB yn ISO 3166-1 , agh cha nel .gb ymmydit.
3	Shegin 28 dy yeeley ny yei +44 as shiu cur fys er chellvaneyn thie. She 028 y coad cheu sthie jeh'n RU as 048 ass Pobblaght Nerin .
4	Myrane lesh Pobblaght Nerin .

Ta Nerin Hwoaie ( Baarle : Northern Ireland , Yernish : Tuaisceart Eireann , Baarle Albinagh Ultagh : Norlin Airlann ) ny cheer 'sy Reeriaght Unnaneysit ^[1] as t'ee ny lhie ayns shiar hwoaie Nerin . Ta joarey eck lesh Pobblaght Nerin 'sy neear as 'sy jiass. Rere staydraa coontey-pobble yn RU 'sy vlein 2001, va 1,685,000 cummaltee 'sy cheer, as ad jannoo seose eddyr kiarroo as treeoo jeh sleih-earroo yn ellan as 3% jeh sleih-earroo yn RU.

Ta Nerin Hwoaie jeant seose jeh shey ass ny nuy coondaeghyn tradishoonagh ayns Queiggey Ulley . V'ee crooit myr aarheynn er lheh jeh'n RU er 3 Boaldyn 1921 fo Slattys Reiltys Nerin 1920 , agh ta'n bunneydys bunraghtoil ny lhie ayns Slattys Unnaneys 1800 eddyr y Vretyn Vooar as Nerin. Va reiltys jeeveanit as parlamaid eck er feie 50 bleeaney. Va ny h-undinyssyn shen castit ayns 1972 as astyrit ayns 1973. Ny yei eiyrtyssyn as aa-eiyrtyssyn hene-reiltys y chur er bun reesht va Kiannoortys Nerin Hwoaie as Chionnal Nerin Hwoaie noa-emshyragh bunnit.

Cheer-oaylleeaght [ reagh | edit source ]

Coondaeghyn [ reagh | edit source ]

Ard-art: Coondaeghyn Nerin Hwoaie

Ta Nerin Hwoaie jeant seose jeh shey coondaeghyn shendeeagh: Coontae Aontrym , Coontae Ard Maghey , Coontae yn Doon , Coontae 'er Managh , Coontae Ghoirrey , as Coontae Heer Eoin .

Cha nel ny coondaeghyn shen ymmydit ry hoi gurneilys ynnydagh nish, ansherbee; ayns nyn ynnydyn, ta Nerin Hwoaie rheynnit magh ayns shey slystyn as feed, as rheaymyssaghtyn cheer-oaylleeagh anchasley oc, eer ec ny coondaeghyn as enmyn ny slystyn cheet magh assdaue. Ta Coonseil Slystagh 'er Managh goll eiyrt er joaraghyn y choontae tradishoonagh son y chooid. Er y laue elley, ta Coonseil Slystagh Chooil Rhennee cheet magh ass ennym y valley Cooill Rhennee ayns Coontae Ghoirrey.

Ga nagh vel ny coondaeghyn ymmydit ry hoi cooishyn reiltyssagh, t'ad tannaghtyn myr cur sheese ennoil soiaghey buill. T'ad ymmydit dy h-oikoil da sleih as ad shirrey kied troailt Yernagh , as y cheer ruggyree ry-laccal ayn. Ta ennym y choontae ry-akin ayns Yernish as Baarle er duillag fysseree yn chied troailt, ayns cosoylaght rish y valley ny ard-valley ruggyree ayns kied troailt y Reeriaght Unnaneysit. Ta Commyn Roortaghys Gaeil goaill ymmyd jeh ny coondaeghyn tradishoonagh myr preeu-aght reagheydys as ta fwirranyn reihdagh as dagh coontae yn CRG glackit.

Ta ny joaraghyn coontae foast ry-akin er caslyssyn cheerey yn Ordnance Survey of Northern Ireland as ayns ny h-atlassyn Phillips Street Atlases. Lesh tuittym ymmyd oikoil, dy mennick ta mestid ayn mychione baljyn as ard-valjyn ta nyn lhie faggys da joaraghyn coontae, lheid as Beeal Feirshtey as Lis ny Garvagh , quoi ta rheynnit eddyr coondaeghyn y Doon as Aontrym (ta'n chooid smoo jeh'n daa valley ny lhie ayns Coontae Aontrym, ansherbee).

Imraaghyn [ reagh | edit source ]

She bun ta'n art shoh. Cur rish , son foays y yannoo da Wikipedia .