Organizasyon mondjal di komers
(OMK ; an angle : World Trade Organization, WTO, an espagnol : Organizacion Mundial del Comercio, OMC) sa roun organizasyon ki ka tchipe so ko de larel ki ka reji komers ant peyi-ya. Annan mimisouk-a di organizasyon-an ka trouve so ko Akor-ya di OMK-a, ki negosye ke signe an avril 1994 ate Marrakech pa majo parti de pwisans komersyal di monn e ratifye pa ye asanble parlmanter. OMK gen pou lobjektif prensipal di favorize ouvertir komersyal-a. Pou sala, li ka tache di redjwi obstak-ya o lib-echanj, di ede gouvelman-yan a regle ye diferan komersyal e d'asiste esportato-ya, enportato-ya ke prodikto-ya di marchandiz e di servis annan ye aktivite.