Drapeu dau Tresen Reich.
Lo
Tresen Reich
(var.
Tresau Reich, Tresesme Reich
) es un terme que designa l'Estat
alemand
nazi
dirigit per
Adolf Hitler
de
1933
a
1945
. L'expression designa mai que mai un periode
istoric
car, formalament, leis institucions de la
Republica de Weimar
fogueron jamai suprimidas. En causa dei crimes nombros comes per lei
nazis
, lo III
en
Reich es sovent considerat coma l'arquetipe de l'estat
dictatoriau
e policier violent e murtrier.
Lo regim duret dotze ans, de la nominacion d'Hitler coma cancelier lo 30 de genier de
1933
a la captura dau
darrier govern nazi
de
Karl Donitz
lo 23 de mai de
1945
. Es largament dominat per la figura e leis ideas d'
Adolf Hitler
.
Totalitari
,
militarista
e
expansionista
, lo III
en
Reich entrainet la partida europea de la
Segonda Guerra Mondiala
per crear una
Europa
dominada per la ≪ raca superiora alemanda ≫. Per sostenir son esforc de guerra, organizeron lo pilhatge sistematic dei territoris ocupats per l'armada alemanda e lo
genocidi
dei populacions consideradas coma una menaca per lo poble alemand ((
judieus
,
Tziganes
, diversei populacions eslavas, andicapats, malauts mentaus, etc.). Per reprimir tota temptativa de revouta e assegurar un enquadrament eficac de la populacion, plusors organizacions contrarotladas per lo partit nazi (
NSDAP
) fogueron fondats. La pus coneguda es la
SS
, una organizacion
paramilitara
destinada a formar l'eleit dau Reich.
En genier de
1943
, lo Tresen Reich ocupava la mager part d'
Europa
. Pasmens, foguet pauc a cha pauc vencut per leis Aliats (
URSS
,
Estats Units
,
Reiaume Unit
, etc.). En abriu-mai de
1945
,
Berlin
foguet ocupada per l'
Armada Roja
e
Hitler
se suicidiguet. Quauquei jorns pus tard,
Alemanha
capitulet e foguet ocupat per lei venceires. Plusors organizacions nazis fogueron declaradas criminalas e lei caps dau Reich encara vivents fogueron
condamnats a mort
per crimes de guerra, crimes contra la patz e crimes contra l'Umanitat a l'eissida dei
proces de Nuremberg
. Plusors oficiers e foncionaris subalternes fogueron tanben condamnats a de penas de preson per son rotle dins aquelei crimes.
A partir de
1929
, la Republica de Weimar victima, coma la mager part deis estats europeus, de la crisi economica internacionala qu'entrainet de dificultats majoras coma l'aparicion d'un chaumatge de massa persistent. Lei mesuras politicas per faciar aquelei problemas van prefondament devesir lei principaus partits politics alemands que seran d'ara endavant pas capable de formar una coalicion. Aquo va causar l'agravament de la crisi e la deriva vers un regim totjorn pus autoritari que va causar l'emergencia dau nazisme en
1933
.
Lo 28 de genier de 1930, mentre que lo chaumatge regardava 13% de la populacion alemanda, lei partits dau centre refuseron de sostenir l'adopcion dau plan Young per lo pagament dei Reparacions de guerra sensa l'adopcion de mesuras destinadas au redreicament dei financas de l'Estat. Pasmens, lei partits d'esquerra lei refuseron entrainant l'impossibilitat de formar un govern noveu e lo renforcament dau poder presidenciau.
L'absencia de govern tenent la majoritat dei votes au Parlament va permetre l'instauracion d'un regim presidenciau fort. D'efect, l'article 48 de la Constitucion de Weimar era una solucion alternativa au poder de l'assemblada. Ansin, a partir de marc de 1930, lei governs successius dirigueron lo pais sensa majoritat e gracias ais attribucions dau president alemand : lei deputats avian la possibilitat de rebutar una decision governementala per un vote mai lo president avia lo drech de dissouvre lo Parlament causant d'eleccions novelas. La crenhenca d'aqueleis eleccions per lei partits va alora permetre l'installacion de govern durant quauquei mes.
Lo cancelier Bruning.
La politica dau cancelier Bruning foguet caracterizada per lo retorn d'una diplomacia ofensiva contra lei clausas dau tractat de Versalhas e per un agravament de la crisi economica que sera la causa de sa remanda en mai de 1932. Au niveu diplomatic, refuset lei proposicions de Briand relativa a la seguritat collectiva e assaiet de preparar una union economica amb Austria qu'era defenduda per Versalhas. Lo projecte s'acabet per una revirada en causa de l'oposicion francesa. Dins aquo, obtenguet dos succes importants qu'eran la fin dau pagament dei Reparacions e l'acceptacion per leis autrei pais de l'idea d'un rearmament alemand.
Au niveu economic, la politica de Bruning de lucha contra l'inflacion aguet gaire de succes e venguet rapidament la font d'un agravament forca important de la crisi. Assaiant de redurre lei despensas e de baissar lei pretz e lei salaris, causet una aumentacion novela dau chaumatge e un reforcament dei partits comunista (KPD) e nazi ais eleccions legislativas de setembre de 1930. Puei, a partir de l'estiu de 1931, la crisi dau sistema bancari entrainet unei falhida e una baissa de la produccion industriala. Enfin, establiguet una politica de limitacion deis importacions e contuniet sa politica visant baissas dei pretz e dei salaris per de diminucions novelas en setembre e en decembre de 1931.
Aquelei mesuras, tocant principalament la capacitat de crompa deis Alemands, agueron de consequencias desastrosas. Per exemple, la produccion industriala foguet devesida per dos per l'industria de bens de produccion entre 1929 e 1932 e demeniguet de 20% per lei bens de consomacion. Enterin, lei pretz foguet demenits per mai de 30%. Aquo causet una multiplicacion dei falhidas e lo chaumatge evolucionet de 14% de la populacion activa en 1930 a 29,9% en 1932.
Lei problemas economicas d'Alemanha e la politica economica desastrosa dau cancelier Bruning van permetre lo renforcament dei partits extremistas alemands e principalament lo partit nazi que va venir la premiera forca politica dau pais.
Creat en 1919 a partir dau DAP d'
Anton Drexler
, lo Partit Nazi (NSDAP) obtenguet rapidament una audiencia importanta ambe 50 000 militants en 1923. Hitler n'en venguet lo cap en 1921 e assaiet de prendre lo poder per un cop d'estat mancat en 1923. Apres sa revirada, lo partit capitet de subreviure e Hitler decidiguet de conquistar lo poder per la via legala. Sei resultats demoreron febles fins au comencament de la crisi que sera l'occasion de l'ascension dau partit entre lei formacions principalas de la vida politica alemanda.
Pasmens, leis annadas 1920 vegueron la creacion de la mager part d'estructuras importantas dau partit e de son programa politic. Ansin, Hitler aprofichet son periode d'empresonament per escriure e teorizar sa pensada politica dins
Mein Kempf
. A sa liberacion, lo NSDAP foguet donc refondat ambe de principis noveus coma l'engatjament absolut de militants envers lor cap e lo respect d'una disciplina estricta. En 1925, la milicia dau partit
Sturmabteilung
(SA) foguet reorganizada e en novembre d'unitats novelas (
Schutz Staffel
dichas SS) fogueron creadas per assegurar la proteccion de la direccion dau partit. Lo dispositiu foguet completat en 1926 per la formacion dei
Hitlerjugend
e d'estructuras de propaganda. En revenge, lo resta de l'organizacion era variada car Hitler donet una autonomia importanta ai caps locaus que devian solament li demorar fideus.
Lei progres dau Partit Nazi fogueron lents durant leis annadas 1920 mai sei basas organizacionalas li permeteron una creissanca rapida a partir de 1930 tant au niveu dei resultats ais eleccions qu'au niveu dau nombre de militants. Per exemple, sei resultats ais eleccions legislativas aumenteron de 2,6% en
1928
, a 18,3% en
1930
e a 37,2% en
1932
. De ministres nazis participeron au govern tre lo mes de genier de 1930 e lo partit obtenguet diversei succes ais eleccions localas entre 1929 e 1932. D'autra part, lo nombre d'aderents dau partit aumentet fortament durant aqueu periode : 42 000 en 1927 e 357 000 a l fin de
1930
. Leis organizacions militaras dau partit aproficheron tanben aqueleis evolucions per se desvolopar : en 1932, la SA tenia 471 000 omes e la SS 29 000. Ansin, entre 1930 e 1932, lo NSDAP venguet lo premier partit de la vida politica alemanda.
Retrach de Franz von Papen.
Apres la fin dau govern Bruning, lo poste de cancelier foguet fisat a
Franz von Papen
. Aristocrata reaccionari, nomet un govern principalament format d'autreis aristocratas e assaiet de domesticar lei nazis. Dins aquo, se turtet a lor oposicion apres leis eleccions legislativas de 1932 onte lo NSDAP venguet lo premier partit alemand. Von Papen aumentet donc lo caracter autoritari dau regim governant per decrets car lei Nazis e lei comunistas avian pron de deputats per empachar la formacion d'una coalicion governementala.
Lo programa economic de von Papen avia per objectiu de sostenir leis entrepresas per permetre un redreicament dau resta de l'economia. Decidiguet de baissas d'imposts, una aumentacion de possibilitats de credit e l'adopcion d'una politica de comandas d'Estat. De mai, lei patrons obtengueron lo drech de demenir encara lei salaris e leis ajudas per lei chaumaires fogueron egalament encara limitadas. Aquela politica permetet un redreicament feble de l'economia a partir de 1932 mai creet de dificultats suplementarias per lei victimas de la crisi.
Pasmens, lei Nazis desiravan pas veire la politica de von Papen obtenir de resultats. Lei partits d'esquerra eran tanben forca opausats au govern apres sei manobras per rebutar lo govern sociau-democrata de Prussia. Ansin, von Papen assaiet d'empachar lo Parlament de votar una mocion de censura contra son accion. Obtenguet donc la dissolucion dau
Reichstag
e assaiet de cambiar la constitucion per crear un estat noveu sus de basas autoritarias e corporatistas. Dins aquo, son plan foguet desjogat per von Schleicher, que pensava encara possible d'utilizar lo NSDAP au profiech dei conservadors, e per lei resultats febles de sei candidats (10% aperaqui). Von Papen demissionet donc en novembre de 1932 e foguet remplacat per
Kurt von Schleicher
.
Levat dos ministres, lo govern von Schleicher era lo meme que lo precedent. Assaiet de devesir lei nazis en prepausant de postes importants a certanei caps dau NSDAP. Enterin, lo Partit Nazi conoguet un periode de crisi ambe de resultats en baissa leugiera ais eleccions legislativas de novembre de 1932 (33%). D'autra part, a partir de decembre de 1932, von Schleicher preparet una politica per crear un regim autoritari, basat sus l'armada e lei sindicats, en renforcant lei capacitats de l'armada e en adoptant de mesuras destinadas a la creacion d'emplecs e la reaumentacion dei salaris.
Pasmens, von Schleicher devria demissionar avans d'obtenir lei resultats de sa politica. D'efect, pauc sostengut per lei partits d'esquerra qu'eran opausats a un regim repausant sus lei forcas armadas, lo cancelier deguet tanben faciar la crenhencia dau mitan deis afaires. Ansin, von Schleicher perdiguet lo sosten dau president Hindenburg e abandonet son poste lo 28 de genier de 1932.
La demission de von Schleicher foguet l'ocasion per von Papen d'assaiar de prendre tornarmai lo poder. Per capitar, prepauset una alianca entre lei conservators e lei Nazis. Lei negociacions comenceron en genier de 1933. Leu, von Papen deguet acceptar de laissar lo poste de cancelier a Hitler. Pasmens, pensant d'esser capable de lo contrarotlar, s'ocupet de convencer Hindenburg de nomar Hitler cancelier d'un govern que von Papen, vicecancelier, avia nomat la mager part dei ministres.
La mesa en placa de la dictatura nazi foguet pas immediata. S'installet pauc a pauc entre genier de 1933 e aost de 1934 e deguet faciar diversei crisis. Puei, en 1934 e 1938, se consolidet aprofichant lo sosten de la mager part deis Alemands. Enfin, a partir de
1939
e lo comencament de la guerra, se radicalizet principalament en causa de la politica ≪ d'assaniment ≫ etnica dau regim e dei necessitats de la guerra.
La situacion dei Nazis dins lo govern d'Hitler format en genier de 1933 era relativament malaisada car, rapidament, se formet una alianca dei movements conservators sostenguda per lo president Hindenburg. Gropet l'ensems de l'aristocracia agricola, dei mitans d'afaires e dei forcas tradicionalas qu'eran units ambe leis elements nacionalistas dau NSDAP per luchar contra lo marxisme. Hitler deguet donc obtenir a son profiech lo sosten dei grands patrons alemands. Ansin, un rescontre secret foguet organizada per Goring onte lo cancelier asseguret lei caps d'industria alemands de son intencion de crear un avenidor tranquil gracias a l'edificacion d'un estat autoritari, la destruccion dei sindicats e lo rearmament.
Incendi dau Reichstag.
A partir de febrier de 1933, Frick, ministre nazi de l'Interior, e Goring utilizeron lei capacitats de l'Estat per crear una atmosfera de tensions e de trebols. Lo KPD e lo SPD fogueron lei butas principalas enterin que Goebbels dirigiguet una campanha de propaganda massiva contra lei movements d'esquerra e dau centre. Lo 27 de febrier de 1933, l'incendi dau Reichstag e l'arrestacion sus lei luocs d'un simple qu'era conegut coma comunista foguet descrich per lei Nazis coma lo comencament d'un cop d'estat comunista. Foguet donc l'occasion per lei Nazis d'atacar lei partits d'esquerra e de donar a Hitler lo poder absolut per luchar contra lei comunistas.
Dins aquo, maugrat aqueleis esforc, lei resultats deis eleccions legislativas de marc de 1933 fogueron relativament decebeires per lo NSDAP. Ambe 43,9% dei votes, obtenguet son resultat melhor mai pas la majoritat absoluda sensa lo sosten dei conservators de von Papen (8%). Au contrari, lei partits d'esquerra resistigueron maugrat la repression de febrier : 18,2% per lo SPD e 12,3% per lo KPD. Per assegurar son succes, lei nazis van donc utilizar una politica mesclant la negociacion ambe lei conservators e la violencia contra l'esquerra.
D'efect, d'un caire, tre lo 8 de marc, Frick organizet lei premiers
camps de concentracions
e lei SA, lei SS e leis autrei socis dau
NSDAP
acomenceron una tiera de purgas dins leis administracions dau pais. Maugrat l'oposicion d'una partida importanta deis Alemands, aperaqui 100 000 personas, sospichadas d'esser jusievas, socialistas o comunistas, fogueron arrestadas. D'un autre caire, lei Nazis renforceron lor alianca ambe lo resta dei conservators (adopcion dau drapeu imperiau ornat dau svastika, ceremonia d'omenatge a Hindenburg lo 21 de marc...). De concessions religiosas fogueron tanben promesas per obtenir lo sosten dei movements catolics. Ansin, gracias a aquela politica, Hitler capitet de rassegurar lo camp conservator. Lo 23 de marc, gracias ai persecucions contra lei deputats comunistas e lei menacas dei SA enceuclant lo luoc de reunion dau Parlament contra lo resta dei deputats, Hitler obtenguet lo vote dei poders plens per quatre ans.
L'installacion de la dictatura nazi necessita unei mes e se debanet aperaqui de genier de 1933 e aost de 1934. Quatre domenis principaus fogueron regardats : lo domeni politic, lo domeni sociau e economic, lo domeni cultura e, fin finala, lo NSDAP espereu.
La mesa au pas politica dau pais se debanet a dos niveus principaus que fogueron la presa de contrarotle de l'administracion alemanda e l'installacion d'una majoritat d'elements nazis dins leis estructuras dau poder d'Estat. Ansin, dins l'administracion, una lei adoptada lo 7 d'abriu de 1933 permetet d'eliminar lei jusieus dau cors dei foncionaris. La mesura foguet estenduda pauc a pauc a d'autrei mestiers coma lo cors dei metges o l'ordre deis avocats. Enfin, lo salut nazi foguet impausat a totei lei foncionaris.
Au niveu deis estructuras governementalas, lei Nazis decidigueron la fin de l'autonomia de cada Lander per eliminar l'oposicion dei governs locaus. Puei, capiteron tanben d'eliminar lo resta dei partits politics. D'efect, lo KPD era ja defendut
de facto
dempuei la repression acomencada apres l'incendi dau Reichstag e lo SPD foguet enebit lo 22 de junh. Puei, lei pressions dei Nazis contra lei partits centristas e leis autrei partits conservators entraineron la demission dau govern de ministres non nazis puei la dissolucion volontaria d'aquelei formacions. Enfin, lo 14 de julhet, Hitler promulguet un decret empachant la reconstitucion dei partits. Lo NSDAP venguet donc lo partit unic d'Alemanha e poguet monopolizar totei leis organs dau poder.
Aficha dei premierei campanhas antisemitas dau govern nazi ambe l'eslogan
≪ Alemands, defendetz-vos : crompetz pas ai jusieus ≫
.
La mesa au pas economica e sociala d'Alemanha necessitava la neutralizacion dau poder dei sindicats e dau mitan deis afaires alemands. Donet tanben au govern nazi l'occasion de renforcar sa politica d'exclusion de la minoritat jusieva. D'en premier, tre lo 31 de marc, la propaganda dau regim noveu s'ataquet ai jusieus per l'organizacion d'un boicot economic (
≪ Alemands, defendetz-vos : crompetz pas ai jusieus ≫
) e lei premiereis operacions d'unitats SA o SS contra la communautat. Puei, entre mai e l'estiu de 1933, lo govern obliguet lei sindicats de jonher lo Front dau Trabalh (DAF) dirigit per lo nazi Robert Ley. Lo DAF permetet d'enquadrar estrictament leis obriers e d'arrestar lei conflictas sociaus frequents durant lo periode de la Republica de Weimar. Enfin, a partir de la prima de 1933, lei Nazis prengueron pauc a pauc lo contrarotle deis organizacions artesanalas, agricolas, comercialas e industrialas. Aqueu movement foguet de cop realizada ambe l'ajuda d'aqueleis organizacions. L'industria foguet reorganizada sota l'influencia de Krupp per favorizar leis objectius comuns dei grands patrons alemands e d'Hitler : le creacion d'una economia poderosa e lo rearmament.
Lenhier organizat lo 10 de mai de 1933 a Berlin.
La mesa au pas cultura gropa diversei domenis que regardan leis afaires religios e la propaganda dau regim per crear e desvolopar una
ideologia
novela basada sus la superiotat de la ≪ raca ariana ≫. Lo premier domeni foguet reglat per la signatura d'un concordat que donet au catolicisme l'estatut de religion d'Estat e la libertat d'exercici. En cambi, lo clergat devia arrestar seis activitats politicas. Per lo resta, lo nazisme s'ocupet de purgar lei mitans intellectuaus (lenhiers de libres) e 5 000 personnas s'exileron. De Chambras de la cultura fogueron creada per cada domeni culturau e placada sota la direccion de partisans dau regim.
La purga interna dau NSDAP foguet lo darrier element de la presa de contrarotle dau pais per Hitler. D'efect, a la prima de 1934, leis esperas socialas d'una partida importanta de la basa dau Partit, especialament au sen deis unitats SA. Aquelei revendicacions inquieteron lei patrons alemands e menaceron l'alianca entre Hitler e lei grops conservators. Entre lei 30 de junh e lo 1
en
de julhet de 1934, lo cancelier ordonet donc ai SS, ajudats per la
Reichswehr
, d'eliminar lei caps principaus de la SA e d'autreis enemics dau regim o d'Hitler, coma l'ancian cancelier von Schleicher o certanei conselhiers de von Papen, sota l'accusacion de traison. Entre lo 2 e lo 3 de julhet, Hitler obtenguet lo sosten de seis aliats politics e dau resta dau Partit per legalizar lei chaples e renforcar son poder. Lei mitans d'afaires fogueron egalament rassegurats e en aost de 1934, apres la mort dau president Hindenburg, Hitler poguet donc suprimir lo poste de president e venir l'autoritat unica dau pais. Un referendum confirmet aquela decision lo 19 d'aost ambe 89,9% de resultats positius.
Aprofichant una partida dei mesuras presas en 1932 per lo govern von Schleicher, lo regim nazi capitet de redreicar l'economia alemanda maugrat una aumentacion deis inegalitats. Ansin, la produccion industriala d'
Alemanha
de 1937 era superiora d'un terc au niveu agantat en
1928
e lo pais ocupet lo segond reng mondiau. De mai, lo chaumatge avia quasi disparegut e lo niveu de consomacion de 1937 era similar a aqueu de 1928 renforcant donc l'idea dau regine d'un periode de ≪ redreicament nacionau ≫. Aquo permetet donc d'assegurar la posicion dau govern nazi e d'arrestar l'agitacion sociala apareguda durant la crisi.
La formacion d'un estat de repression e d'exclusion
[
modificar
|
Modificar lo codi
]
L'Estat nazi era caracterizat per un ensems doble gropant una administracion tradicionala e una tiera d'institucions nazis que formavan un estat repressiu forca eficac au profiech de la politica d'Hitler.
Lo sistema repressiu nazi veguet son eficacitat aumentar dins lo corrent de l'evolucion dau regim. Devesidas entre diversei servicis, lei forcas de policia fogueron placadas sota lo contrarotle unic d'Himmler en junh de 1936. Seis organizacions principalas eran :
- la SS, qu'avia obtengut son autonomia apres l'eliminacion dei caps de la SA, era encargada de diversei missions coma la susvelhanca dei camps de concentracion.
- la
Gestapo
qu'era la policia politica dau regim.
- lei forcas de policia tradicionala que demoreron en placa per la lucha contra la criminalitat tradicionala.
Pauc a pauc, la SS venguet l'organizacion principala d'aqueu sistema ambe l'aumentacion dau nombre de sei membres e lor desiranca de representar la societat alemanda novela. De mai, obtenguet de profiechs economics importants gracias a l'explecha dei presoniers gardats dins lei camps. Enfin, a partir de 1938, poguet formar seis unitats militaras proprias en fora de l'organizacion de la
Wehrmacht
.
Aquela organizacion dei forcas de policia foguet forca eficaca e lo regim aguet gaire d'opausants durant son existencia. Lo movement pus conegut es aqueu de la Rosa Blanca que seis operacions demoreron forca limitadas (difusion de tracts) e rapidament arrestadas per la Gestapo. Ansin, Hitler deguet pas faciar d'oposicion interiora importanta, levat dau complot militar de 1944.
Dins lo corrent dau desvolopament de l'aparelh repressiu de l'Estat, l'utilizacion de la violencia contra leis oposants o lei categorias de populacion jutjadas inferioras per lei nazis poguet aumentar. Per aquo, la policia desvolopet un sistema d'entresenhas (denonciacion) aprofichant lo conformisme e l'auto-susvelhanca de la populacion. D'autra part, lo regim utilizet massivament l'encarcerament dei suspects per de penas evolucionant de quauquei setmanas a perpetuitat. Pasmens, la repression foguet generalament selectiva avisant lei grops sociaus designats coma enemics per lo regim coma lei comunistas (60-100 000 presoniers en 1933), lei jusieus e leis autrei ≪ racas inferioras ≫, lei ≪ desviants ≫... etc. Ansin , aperaqui 225 000 fogueron presoniers d'un camp de concentracion entre 1933 e 1939. De mai, fins au comencament de la Guerra, un milion foguet estremats dins de presons normalas. Lo resultat d'aquela politica foguet de difusar la paur dins tota la societat alemanda. Ansin, lo regim poguet fisar sus l'ajuda mai o mens de cada abitant.
Lo racisme es lo centre de l'ideologia nazi que definissia l'Alemanha en foncion dei racas qu'i eran presentas. La ≪ raca alemanda ≫ era considerada coma la raca superiora que devia assegurar sa subrevida en facia dei racas inferioras e deis elements degenerats. Inicialament acomencada ambe lei jusieus, aquela politica foguet estenduda a d'autrei populacions coma lei gitans o leis omosexuals.
La politica d'exclusion dei jusieus de 1933 a 1937
[
modificar
|
Modificar lo codi
]
De 1933 a 1937, lo regim nazi apliquet una politica d'exclusion contra lei communautats jusievas que fogueron la buta de diversei leis defendent lei jusieus de practicar certaneis activitats. Aquelei mesuras fogueron egalament pontuadas d'accions pus violentas per espaurir lei jusieus e lo resta d'Alemanha.
Tres ensems de mesuras an una importancia majora. Premier, lei
pogroms
e lo boicot organizats a la prima de 1933 dins lei vilas principalas se turtet ai protestacions estrangieras e a l'indiferencia de la mager part dei ciutadans. S'acabet per una revirada importanta e Hitler decidiguet donc de centralizar la politica antisemita dau Partit. Leis operacions seguentas dispauseron donc d'una organizacion superiora. A partir d'abriu de 1933, diversei mestiers fogueron pauc a pauc defenduts ai jusieus maugrat lei protestacions de certanei responsables coma lo president Hindenburg. Enfin, a partir de 1935, lei mesuras contra lei jusieus s'acceleron ambe l'adopcion dei leis de Nuremberg que prengueron forca mesuras antisemitas :
- exclusion dau servici militar.
- interdiccion d'anar dins certanei luecs publics coma lei cinemas.
- interdiccion dei maridatges entre jusieus e ≪ Alemands ≫.
- supression dau drech de vote.
13 decrets completeron aquelei leis qu'entraineron la disparicion de 80% dei comercis tenguts per de jusieus. De mai, d'autrei
pogroms
agueron tornarmai luoc avans que la preparacion dei Jocs Olimpics obliguet lo regim de moderar provisoriament sa politica racista.
La politica d'exterminacion dei jusieus e deis autreis ≪ inferiors ≫
[
modificar
|
Modificar lo codi
]
Operacion d'un grop d'exterminacion SS (
Einsatzgruppen
) en
Polonha
en 1939.
Presoniers sovietics au camp de Mauthausen.
A partir de 1937-1938, la politica antisemita dau regim cambiet de forma evolucionant de l'exclusion a l'eliminacion. D'en premier, aquela darriera foguet territoriala : lei jusieus fogueron obligats de quitar lo pais per l'estrangier en causa de la supression de sei mejans de subsistencia e una aumentacion de la violencia. D'imposts supplementaris fogueron impausats e d'activitats economicas novelas coma leis agencias immobilieras fogueron defendudas. De mai, unei
sinagogas
fogueron incendiadas (Munic lo 9 de junh de 1938, Nuremberg lo 10 d'aost de 1938...) avans l'entrainament de la ≪ Nuech de Cristau ≫ entre lo 28 e lo 29 d'octobre de la mema annada. Per venjar la mort d'un conselhier de l'ambassada alemanda de Paris, lei Nazis organizeron un
pogrom
gigant dins tot lo Reich. Lo bilan foguet forca important ambe 91 morts, 267 sinagogas e 7 500 botigas destruchas e l'arrestacion de 30 000 jusieus que fogueron desportats dins lei camps de concentracion per la Gestapo. Puei, lo 12 de novembre, un impost noveu foguet creat, pagat solament per la communautat jusieva, per remborsar lei degalhs. Enfin, lo regim decidiguet ≪ l'arianizacion ≫ de totei leis entrepresas jusievas.
L'objectiu d'aquela politica d'exclusion economica e sociala era l'emigracion dei jusieus en fora d'Alemanha. 330 000 quiteron efectivament lo pais entre 1933 e 1945 e 220 000 entre 1933 e 1938. A partir d'aquela annada, lo govern desvolopet tanben una politica d'expulsion forcada que regardet principalament lei jusieus vivent en Austria e en Checoslovaquia. Pasmens, tre lo comencament deis annadas 1940, la politica d'eliminacion va evolucionar de l'eliminacion territoriala a l'eliminacion fisica.
Ansin, en 1941, durant l'invasion de l'URSS, de grops especiaus de la SS fogueron cargats de l'execucion deis enemics dau Reich, magerament lei jusieus e lei comunistas. A l'interior d'Alemanha, l'emigracion jusieva foguet enebida lo 23 d'octobre de 1941 e lei premierei deportacions en massa acomenceron lo 25 de novembre seguent. Lo 20 de genier de 1942, la conferencia de Wannsee adoptet la ≪ solucion finala au problema jusieu ≫. D'ara endavant, lei jusieus fogueron tracats en Alemanha, dins lei territoris ocupats e dins certanei pais aliats e deportats en direccion dei camps de concentracion e d'exterminacion. Ansin, lo regim nazi tuet aperaqui 5,75 milions de jusieus principalament dins lei camps d'exterminacion.
Pauc a pauc, d'autrei populacions conogueron un sort identic ai populacions jusievas. Lei principalas fogueron lei presoniers sovietics (3,3 milions de morts), lei gitans (aperaqui un milion de morts), de populacions eslavas coma lei Polones, diversei resistents o oposants politics e lei personas consideradas coma desviantas per lo nazisme (omosexuals, andicapats...). Aqueleis exterminacions, especialament per lei presoniers sovietics, aganteron de proporcions quasi similaras au chaple dei populacions jusievas. De mai, lo regim nazi avia previst de campanha d'exterminacion massiva dei populacions eslavas dei territoris de l'Est qu'eran destinats a la colonizacion germanica (Polonha, Ucraina...).
La politica d'expansion dau regim nazi e sa revirada
[
modificar
|
Modificar lo codi
]
La politica internacionala d'Hitler foguet egalament tocada per lei concepcions racistas dau nazisme e l'objectiu principau d'Hitler era la conquista d'un ≪ espaci vitau ≫ per la ≪ raca superiora ≫. Aquela politica acomencet en
1938
apres lo periode de consolidacion dau regim e la fin dau rearmament alemand. Sa premiera etapa foguet la destruccion de l'ordre de Versalhas. Pasmens, aqueu projecte finiguet per suscitar l'oposicion armada de Franca e dau Reiaume Unit e entrainet lo comencament de la partida europea de la Segonda Guerra Mondiala.
Aquela darriera aguet un comencament forca favorable ais Alemands ambe la conquista de la mager part dau continent europeu e la desfacha totala de Franca. Pasmens, a partir de 1942, la guerra contra lei Sovietics e leis Aliats venguet desfavorabla ais Alemands. Puei, entre 1943 e 1945, leis armadas dau Reich degueron recular e lo regim s'afondret. Hitler se suicidiguet en abriu de 1945 e Alemanha foguet devesida e ocupada per lei venceires de la Segonda Guerra Mondiala.
La premiera etapa de la diplomacia d'Hitler foguet de luchar contra lei limits impausats per lo tractar de Versalhas signat en
1919
. Ja comencada per leis autoritats de Weimar a la fin deis annadas 1920, aquela politica foguet un ponch centrau deis annadas 1930 per permetre l'emergencia deis otis necessaris per una politica estrangiera ofensiva.
La contuniacion de la politica revisionista de la Republica de Weimar
[
modificar
|
Modificar lo codi
]
La politica revisionista dau tractat de Versalhas era ja una realitat durant lo periode de la Republica de Weimar. Premier, Hitler contuniet aquela politica d'un biais prudenta durant la consolidacion de son regim. Acceptet lei frontieras occidentalas d'Alemanha e declaret son intencion de pas realizar l'unificacion entre Alemanha e Austria (
Anschluss
). De mai, maugrat la lucha interiora contra lo comunisme, lo tractat de cooperacion ambe lei Sovietics foguet reconduch. Enfin, en 1934, signet un acord de non-agression ambe Polonha. Aquo permetet de desorganizar una partida dau sistema d'aliancas defensivas frances e va permetre una radicalizacion de la diplomacia alemanda apres 1934.
A partir de 1934, lo govern nazi acomencet una politica activa de rearmament militar e de recerca d'aliats dins lo cas d'un conflicte. En 1934, decididiguet d'aumentar leis efectius de l'armada a 230 000 omes e la creacion d'una aviacion de guerra. En
1935
, aquelei manobras fogueron destapadas per lei Britanics sensa suscitar de protestacions importantas dei poissancas vesinas d'Alemanha. Lei Nazis pogueron donc rearmar dubertament lo pais. En 1936, la remilitarizacion de Renania finiguet de destrurre lei clausas dau tractat de Versalhas quand Franca preferiguet pas reagir. L'armada foguet portada a 1,2 milion de soudats e la formacion de divisions blindadas acomencet.
A partir de 1394, Hitler acomencet tanben una politica de raprochament ambe Italia, sosten principau dau govern austrian e adversari dau projecte d'
Anschluss
. De mai, lo progres dau fascisme dins leis estats d'Europa Centrala coma Romania mineron leis aliancas francesas. Enfin, Hitler sostenguet la guerra de Mussolini en Etiopia. Aquo permetet la formacion de l'axe Rome-Berlin que foguet renforcat per lo pacte anti-komintern signat entre Japon, Alemanha e Italia puei per la guerra civila en Espanha.
L'annexion d'Austria e la destruccion de Chescoslovaquia
[
modificar
|
Modificar lo codi
]
Region popladas per de minoritats alemandas en Chescoslovaquia.
Cambiaments territoriaus e revisions dau Tractat de Versalhas en Europa Centrala de 1935 a 1939.
A partir de
1938
, Hitler s'estimet pron poderos per acomencar sa politica d'expansion territoriala per la forca. Fiset sus la neutralitat dau Reiaume Unit, la feblessa dau govern frances que se pensava pas capable d'agir sensa lo sosten britanic e lo raprochament ambe Mussolini. D'efect, en 1938, obtenguet dos succes majors ambe l'unificacion entre Alemanha e Austria puei l'ocupacion e la destruccion de Chescoslovaquia.
La premiera etapa foguet relativament aisada. Menacant Austria d'una invasion, Hitler obtenguet la nominacion d'un cancelier nazi. Puei, un telegrama trucat foguet mandat au govern alemand per cridar a l'ajuda militar dau pais. Lo 12 de marc, lei tropas alemandas intreron donc en Austria e fogueron aculhidas per l'estrambord de la fola. L'endemans, Hitler poguet donc proclamar l'annexion dei territoris austrians sensa que leis autrei pais prengueron de mesuras vertadieras per l'empachar.
A la fin de l'annada, foguet lo torn de Checoslovaquia de faciar leis ambicions territorialas d'Hitler que demandet la reunion dei regions popladas per de minoritats alemandas. Aliat de Franca, Checoslovaquia assaiet de resistir mai lei Frances e lei Britanics decidigueron d'abandonar lo pais a la conferencia de Munic. Hitler obtenguet lei territoris demandats mai, fin finala, decidiguet d'ocupar tot lo pais. Enganats, Franca e Reiaume Unit decidigueron d'abandonar lor politica d'amaisament e de resistir d'ara endavant ais exigencias nazis.
Defilat de tropas alemandas a Paris en 1940.
Lei decisions
francesa
e
britanica
de resistir ais ambicions
alemandas
entraineron lo comencament de la partida
europea
de la
Segonda Guerra Mondiala
apres l'invasion de
Polonha
lo 1
er
de setembre de 1939. Utilizant una tactica novela dicha
Blitzkrieg
, la
Wehrmacht
averet rapidament la victoria contra
Polonha
,
Danemarc
e
Norvegia
. Puei, lo 10 de mai de 1940, mandet una ofensiva victoriosa contra l'armada francesa que foguet esquichada en quauquei setmanas entre mai e junh de 1940.
Belgica
e
Pais Bas
fogueron tanben ocupats dins lo corrent d'aquelei combats.
Maugrat la desfacha de Franca, lo Reiaume Unit contuniet la guerra e capitet de resistir ais atacas alemandas gracias a son aviacion e a sa flota. Pasmens, seis assais per trobar d'aliats noveus sus lo continent s'acaberon per de reviradas en causa de la superioritat terrestra deis Alemands. Ansin, en 1941, Grecia e Iogoslavia fogueron aisadament vencudas e conquistadas per la
Wehrmacht
. Ansin, lei succes militars d'Alemanha li permeteron pas d'obtenir la victoria finala dins la guerra e lei Britanics pogueron portar lo conflicte sus lo teatre coloniau en Africa onte leis Italians, maugrat l'ajuda alemanda, demoreron en dificultat.
Canon d'assaut alemand StuG III durant l'ofensiva alemanda vers Stalingrad en 1942.
En 1941, mentre que la guerra contuniava ambe lo Reiaume Unit, Hitler decidiguet l'invasion de l'Union Sovietica per assegurar la conquista de ≪ l'espaci vitau ≫ alemand. Reunissent una armada forca importanta, leis Alemands ataqueron lo pais. Lei forcas sovieticas, mau preparadas, fogueron rapidament desbordadas e subigueron de perdas importantas en causa de diverseis errors de comandament. Pasmens, lo resta capitet de se retirar mai o mens aisadament fins au comencament de l'ivern onte l'Armada Roja poguet mandar de contra-ofensivas per defendre e protegir Moscou. A l'estiu de 1942, leis Alemands manderon una ofensiva novela per capturar lei potz de petroli dau sud de l'URSS. Pasmens, l'ofensiva se devesiguet entre diverseis objectius que lo principau foguet la vila de Stalingrad onte de combats acarnats e saunos agueron luoc a partir de julhet de 1942. Aquo marquet l'apogeu de l'extension territoriala alemanda que va leu conoisser de dificultats grevas.
Apres sei succes militars de 1939-1942, Alemanha reorganizet lei territoris ocupats segon sei besonhs. Italia foguet inicialament un aliat egau a Alemanha. Pasmens, en causa de sei desfachas e de l'afondrament de son regim fascista en 1943, venguet pauc a pauc un estat satellit dau Reich. Leis autreis aliats (Ongria, Romania, Croacia e Bulgaria) eran generalament considerats coma d'estats satellits mai obtengueron de territoris suplementaris coma pagament de lor participacion a la guerra contra lei Sovietics e seis aliats.
Certanei pais coma Franca o Norvegia fogueron ocupats per lei forcas alemandas mai conserveron de governs propris que desvoloperon una politica de collaboracion amb Alemanha. Foguet especialament lo cas de Franca que fornissia fins a 20% dei ressorsas necessarias a l'esforc de guerra alemand. Enfin, lo resta dei territoris ocupats per la
Wehrmacht
foguet placat sota contrarotle militar.
L'objectiu d'aquela organizacion era de favorizar lo pilhatge dei ressorsas europeas e de preparar la politica de purificacion etnica nazi. Ansin, lei populacions eslavas coma lei Polones fogueron somesas a un regim d'ocupacion estricte e forca violent car lor region devia aculhir una colonizacion germanica apres la guerra.
En fora de l'organizacion e de l'extension de lor sistema de camps de concentracion e d'exterminacion dei populacions ≪ inferioras ≫, lei Nazis multiqueron leis atrocitats dins lei territoris ocupats. Foguet principalament lo cas dei territoris sovietics onte lei destruccions vengueron generalizadas durant la retirada alemanda. De mai, per assaiar de limitar lo desvolopament dei movements de resistencia, leis autoritats alemandas adopteron de mesuras de repression contra lei populacions civilas coma l'execucion punitiva d'ostatges o lei chaples d'abitants.
La guerra totala e la superioritat economica deis Aliats
[
modificar
|
Modificar lo codi
]
En febrier de 1943, lei forcas alemandas combatent dins Stalingrad, enceucladas dempuei novembre de 1942, degueron capitular marcant lo tornant de la guerra sus la teatre de l'Est. Aquo obliguet lo Reich de s'engatjar dins una guerra totala que va permetre una reorganizacion de l'economia au profiech de la guerra e un renforcament deis efectius de l'armada.
Ansin, l'organizacion e la produccion industriala fogueron racionalizadas e modernizadas, principalement gracias a l'obra d'Albert Speer, permetent ais Alemands de mantenir capables de remplacar una partida importanta de lor perda. Aquo foguet permes per l'utilizacion de presoniers dei camps e o d'obriers estrangiers requisicionats. Una partida importanta deis armaments perduts au combat pogueron donc esser remplacats. De mai, fins a la fin de la guerra, leis Alemands pogueron fisar ambe d'armaments (carris de combat Panther, avions Me-262...) pus perfeccionats que leis Aliats o lei Sovietics.
Aquelei reorganizacions permeteron de mobilizar de soudats suplementaris per remplacar lei perdas dei premiereis annadas de la guerra. De mai, la Waffen-SS acomencet de recrutar de volontaris estrangiers per completar seis efectius. Per exemple, una partida dei defensors dau bunker d'Hitler a Berlin eran de SS frances. Enfin, l'armada poset pauc a pauc dins lei reservas umanas formadas per leis enfants e lei vielhs.
Aquela politica permetet au Reich de resistir e d'alentir son afondrament. Pasmens, la produccion d'armament de seis enemics era forca superiora. Per exemple, en 1944, apogeu de la produccion alemanda, lo pais construguet quasi 40 000 avions contra 164 000 per leis Estats Units, lo Reiaume Unit e l'URSS. De chifras que van pauc a pauc decidir de l'eissida dei combats.
Conquista dau Tresen Reich per leis armadas aliadas de 1942 a 1945.
Apres la desfacha de Stalingrad, leis Alemands abandoneron l'idea d'una victoria totala contra l'URSS. Dins aquo, eran totjorn capables d'obtenir un succes decisiu per forcar lei Sovietics d'acceptar de negociar la fin de la guerra. Ansin, a l'estiu de 1943, Hitler ordonet l'ataca de la region de
Kursk
per destrurre lo potenciau de combat de l'Armada Roja. La batalha s'acabet per una victoria tactica deis Alemands que sei perdas fogueron pus feblas e un succes estrategic per lei Sovietics que podian remplacar pus rapidament lei perdas que la Wehrmacht. Alemanha perdeguet donc l'iniciativa dei combats sus lo teatre de l'Est e deguet pauc a pauc se retirar.
En 1943 e 1944, lei desbarcaments aliats en Italia e Franca entraineron la dubertura de fronts noveus que mobilizeron una partida importanta dei reservas alemandas. En junh de 1944, lei Sovietics pogueron donc portar un cop decisiu ais Alemands ambe l'operacion Bagracion que foguet la desfacha alemanda pus granda de la guerra e permetet a l'Armada Roja d'avancar de 600 quilometres en dos mes. En genier de 1945, lei Sovietics d'ofensivas novelas dirigidas contra Alemanha enterin que leis Aliats aganteron lo Rin sus lo front oest.
Lo 12 de genier de 1945, lei Sovietics ataqueron directament lo territori alemand. Lo 20, capiteron de passar la frontiera. Au sud, Ongria, darrier aliat d'Alemanha, capitulet lo 11 de fevrier. De contra-ofensivas alemandas contra lei flancs sovietics fogueron replegats e en abriu lei tropas sovieticas e polonesas ataqueron Berlin que foguet enceuclada lo 22. Sus lo front oest, leis Aliats capiteron de passar lo Rin lo 7 de marc de 1945 e la defensa alemanda s'afondret rapidament sus aqueu teatre.
Lo mes d'abriu foguet caracterizat per l'afondrament totau dau Reich au niveu economic e militar. D'en premier, lei bombardaments desorganizeron totalament l'esforc de guerra e la carestia de
carburant
venguet un problema major per l'armada. De mai, l'avitalhament dei vilas venguet tanben forca malaisat en causa de la destruccion deis axes de comunicacion principaus dau pais. Au niveu militar, leis unitats alemandas eran d'ara endavant largament inferioras en nombre, especialament sus lo front sovietic maugrat lo desplegament de la mager part deis unitats disponiblas. Durant lei darrierei setmanas dau conflicte, aquelei formacions assaieron principalament de resistir par anar capitular dins la zona d'ocupacion deis Aliats.
A l'entorn de Berlin, la defensa alemanda acarnada poguet pas resistir longtemps a la superiotat numerica sovietica. Lo 22, lo
Fuhrer
acceptet per lo premier cop la possibilitat que la guerra poguesse s'acabar per una desfacha. Lo 30, lei soudats sovietics fogueron arrestats a quauquei centenaus de metres dau bunker d'Hitler que decidiguet de se suicidar. Puei, la garnison de la vila capitulet lo 2 de mai de 1945.
Lo govern dau Reich foguet donat a l'amirau Donitz que signet la capitulacion lo 8 de mai de 1945. Aqueu govern foguet arrestat per leis Aliats lo 23 de mai de 1945 e la mager part de sei membres fogueron jutjats durant lei Proces de Nuremberg encargat d'establir lei responsabilitats per lei crimes dau regim nazi. Aquelei proces se debaneron dau 20 de novembre de 1945 au 1
en
d'octobre de 1946 e reconogueron la mager part dei responsables alemands dau regim e de l'armada copables de crimes contra l'umanitat o de crimes de guerra. De mai, una campanha activa de lucha contra lo nazisme foguet mesa en placa per mostrar leis atrocitats de la dictatura d'Hitler e eliminar sei partisans deis organs dau poder.