Dit artikel is gesjreve (of begos) in 't
Mofers
. Laes
hie
wie v'r mit de versjillende saorte Limburgs omgaon.
Nazi-Duutsjlandj
is inne gesjiechte van
Duutsjlandj
de periood die ouch waal 't
Derde Riek
, of inne propaganda vanne
nazi's
somtieds ouch 't
Doezjendjjaorig Riek
, wuuertj geneump. "Nazi" is 'n verkorte Duutsje term veur nasjenaalsocialisten en es zodanig 'ne sjeldjnaam. Inne nazi-periood waas Duutsjlandj 'n totalitair
dictatuur
onger 't nasjenaalsocialistisch regime vannen dictator
Adolf Hitler
en zien
Nasjenaalsocialistische Duutsje Arbeiderspartie
. Dees periood doerdje vannen enj van 't
Weimarrippebliek
op
30 jannewarie
1933
toete val vanne
Flensburgregering
op
23 mei
1945
. Officieel hoot Nazi-Duutsjlandj iees 't
Deutsches Reich
, meh vanaaf
1943
hoot 't 't
Großdeutsches Reich
. Kenmirkendj veur dees periood inne Duutsje gesjiechte ware totalitair politische ongerdrokking en racistische vervolg en oetenjelik
genocide
, esouch 't veure van aanvalskriegen enne bezetting van naoberlenjer en annexaties van aangrenzendje gebiede.
't Begrip "Derdje Riek" (
Drittes Reich
) waas in daen tied populair in onger anger de Duutsje media. Es ieeste riek golj 't aad
Heilig Roeams Riek vanne Duutsje Natie
(
843
-
1806
) en es twieedje riek 't
Duutsj Keizerriek
(
1871
-
1918
). De verwachting vanne aanhengers van 't Derdje-Riekkoncep waas det 't Derdje Riek (mindestes) doezjendj jaor zow bestaon. De nazi's hobbe formeel aevel noeatj gebroekgemaak van dit koncep. Zoea vaerdigdje Adolf Hitler twieemaol 'n edik oet worin d'r de media opreep oet te sjeie mit 't gebroek van 't begrip "Derdje Riek". Toch wuuertj zelfs allewiel de term nag ummer gebroek veur dees periood aan te gaeve.