Dit artikel is gesjreve (of begos) in 't
Remunjs
. Laes
hie
wie v'r mit de versjillende saorte Limburgs omgaon.
Johannes Kepler
of
Johannes Keppler
(
Weil der Stadt
,
27 december
1571
?
Regensburg
,
15 november
1630
) waas 'nen
Duutsen
astronoom
,
astroloog
,
wiskundige
en
netuurkundige
, dae veural bekend waerde door zien sjtudie van de hemelmechanica en in 't biezunjer vanwaege de beraekening van de planeetbewaeginge en de dao-euver geformuleerde wette, de
wette van Kepler
.
Isaac Newton
zow dees ontdekking door zien algemein wette van de wet van de
zwaordekrach
netuurkundig verklaore. Kepler waas 'ne pioneer van de
optica
en de
kristallografie
. Es wiskundige waas t'r 'ne veurluiper van de integraalraekening door zien volumebepaoling van omdrejjingslichame wie wienvate. Hae heel zich ouch bezig mit kosmologische speculaties en sjreef zelfs vreuge sciencefiction.
Kepler keerde zich taenge de gebroekelike astrologie, meh waas zelf 'nen actieven astroloog. Volges 'm kos astrologie weitesjappelik beoefend waere. Bie zien verklaoring van 't versjiene van de nuuj ster in
1604
,
SN 1604
, noom d'r zien toevloch tot astrologische ideeje en terminologieje.