L'
8 nuvembri
he u 312esimu ghjornu (u 313esimu ghjornu s'e l'annata he bisesta) di u calendariu gregorianu.
Tutti i Santi di Corsica. Santu
Gottifredu
.
Nanzu, in Corsica, si celebrava a memoria di unipochi di Beati, Venerabili, Servi di Diu, nati in l'isula, o chi ci anu praticatu e so virtu. Per un citanne che qualchidunu, chi a lista he troppu longa: Amanza, Bonifaziu, Laurina, Parteu e cumpagni di Mariana, Ghjilormu di Lanu, Vitale di Bonicardu, Fiurenzu e Fiora.
Issi santi so stati scartati da a Chjesa corsa per via chi Roma un l'ha micca messi nantu a u Martirologu. Allora, ha decisu di riserva un ghjornu di u calindariu dioccesanu, l'8 nuvembre, per festighjalli tutti attempu.
Gottifredu
avia una trentina d'anni quandu i frati di u vicu Novicenti (l'attuale Nogent-sur-Marne) u volsenu cum'e abbate. Un' eranu piu che sei in issa abbazia chi ghjera stata celebre, e i spinaghji si manghjavanu i muri. In pocu tempu, Gottifredu li fece ritruva l'anziana prusperita. In u 1097, maravigliatu da u risultatu, l'arcivescu di Reims li dumando di esse u superiore di l'abbazia San Remigiu, a piu ricca di a dioccesi. Gottifredu ricuso, dicendu chi un onestu omu un si lasciava micca a moglia per piglianne una piu bella.
A' 38 anni, l'anu fattu vescu di Ambiani (l'attuale cita di Amiens, dipartimentu di a Somme). Ci stete ondeci anni, ondeci anni di umiliazioni e di suffrenze. I so preti, currotti, vendianu i sacramenti. Piglio pretesa pe a cumuna chi si era rivultata contru a a tirania e l'ingurditutine di i signori, e i signori u persecutonu e li resenu a vita impussibile. Ancu l'abbate chi l'avia sustituitu a Nogent si ridia d'ellu. Una notte di dicembre 1114, scappo per piattassi a a Grande Certosa, prega, e vive in pace. L'anu ritrovu e ubligatu a rivene. Un' avia che 49 anni, ma era frustu e, l'8 nuvembre 1115 si ne morse in l'abbazia di San Crispinu di Soissons duv'ellu era di passeghju. I so preti di Amiens un si mossenu per assiste a l'interru.
Etimolugia: da u germ. "gott" (diu) e "fried" (prutezzione).
Nomi: Friedel, Friedes, Geoffroy, Godefroi, Godefroy, Godel, Godfred, Godfrey, Godfroi, Godofredo, Goffert, Goffredo, Goffredu, Goraidh, Gotfrids, Gotfridus, Gothfraidh, Gotschi, Gottfredo, Gottfrid, Gottfried, Gottfriede, Gotti, Gottifredu,Gotz, Gotzi,
Paesi e cita: Amiens, Soissons.
[1]