Brezel Poloniat-ha-Soviedat
Ar
brezel etre Polonia ha Republik Sokialour Kevreadel Soviedel Rusia
berraet en
Brezel Poloniat-ha-Soviedat
(fin diskar-amzer 1918 / 14 a viz C'hwevrer 1919 ? 18 a viz Meurzh 1921) a oa bet stourmet etre an
Eil Republik Poloniat
ha
Republik Sokialour Kevreadel Soviedel Rusia
a-raok ma teuje da vezan ur
Republik eus an Unvaniezh Soviedel
goude fin ar
C'hentan Brezel-bed
hag ar
Reveulzi e Rusia
. Ar stourmadennou a oa bet war tiriadou hag a oa e dalc'h
Impalaeriezh Rusia
hag
Monarkiezh Habsburg
a-raok, goude ma oa bet
rannet Polonia
.
D'an 13 a viz Du 1918, goude freuzadenn an
Nerzhiou Kreiz europat
hag
Arsav-brezel
an
11 a viz Du
1918
,
Vladimir Lenin
e penn ar Republik Rusian Kevredadel Soviedat en doa roet lamm da
Skrid-emglev Brest-Litovsk
(hag a oa bet sinet gant ar Galloudou kreiz e Meurzh 1918) ha kroget da finval nerzhiou lu war-zu ar C'hornog evit adperc'hennan ha gwarezin rannvroiou an
Ober Ost
dilezet gant nerzhiou lu Alamagn hag a oa bet kollet gant Rusia goude ar skrid-emglev. Lenin a wele ar Stad Polonat nevez ha dishual (savet e miz Here-Du 1918) evel ur marz en dije roet lans d'al
Lu Ruz
evit sikour
luskadou komunour
all er c'hevandir ha degas ar reveulzi en Europa. D'ar memes mare, pennou politikel tuiou dishenvel Polonia a vounte evit adsevel ar vro war harzou 1772. Entanet gant ar mennozh-se, Penn ar vro,
Jozef Piłsudski
, (e karg abaoe ar 14 a viz Du 1918) a oa krog da finval nerzhiou lu war-zu ar reter.
E 1919, e-pad ma oa tapet c'hoazh al Lu Ruz soviedat gant
Brezel diabarzh Rusia
(1917?1922), al
Lu polonat
a oa aet war-raok e tiriadou gwelet gant kalz Poloniz evel "
Kresy
" (marzou ar reter) ha da adkemer gant ar vro. Er bloavezh-se e oant deuet a-benn da aloubin darn eus
Lituania
ha
Belarus
a-vreman. E miz Gouhere 1919, an nerzhiou lu polonat a oa deuet a-benn da dapout darn eus
Reter Galitsia
hag a oa bet trec'h er
brezel etre Polonia hag Ukraina
eus Du 1918 betek Gouhere 1919. E lodenn reter harzou
Ukraina
stok ouzh
Rusia
,
Symon Petliura
en devoa klasket gwarezin
Republik Poblel Ukrania
, met dre ma oa ar
volcheviked
o c'hounit ar brezel diabarzh rusian, al Lu Ruz a oa bet o finval war-zu ar c'hornog betek tizhout an tiriadou ukrainat tabutet ha rediet e voe nerzhiou Petliura da gilan. An tiriadou mestroniet gant Petliura a oa reou bihan er c'hornog ha klasket en devoa un emglev gant Piłsudski, ar pezh a oa bet graet en un doare ofisiel e miz Ebrel 1920.
Piłsudski a sonje dezhan e oa ar gwellan doare evit Polonia da vezan gwarezet ha brasaet memes, dre obererezhiou milourel. Ar sonj a oa savet ennan e vije aes trec'hin an nerzhiou lu ruz. En
Argadenn war Kyiv
a oa kroget da vat e fin miz Ebrel 1920 hag a oa bet un trec'h da gentan, gant Poloniz oc'h aloubin ker harpet gant nerzhiou Ukrainiz d'ar 7 a viz Mae. An nerzhiou lu soviedat en tiriad, hag a oa kalz gwanoc'h, a oa deuet a-benn da chom hep bezan rinset, dre ma oant bet o kilan evit chom hep kaout stourmadennou bras gant o enebourien kalz galloudusoc'h. An argadenn ne oa ket bet harpet kalz gant an dud war al lec'h ha muioc'h a Ukrainiz a oa bet o vont betek emezelin el Lu Ruz eget en nerzhiou Petliura.
