Iste articlo ye en proceso de cambio enta la ortografia oficial de Biquipedia (la Ortografia de l'aragones de l' Academia Aragonesa d'a Luenga ). Puez aduyar a completar este proceso revisando l'articlo, fendo-ie los cambios ortograficos necesarios y sacando dimpues ista plantilla.

Guerra d'os Cient Anyos
[[]]
A batalla de Crecy ( 1346 , ilustracion d'as Cronicas de Jean Froissart .
Informacion cheneral
Calendata : 1337 - 1453
Puesto : Principalment, Francia y os Paises Baixos borgonyons
Resultau : Victoria francesa ; o reino d'Anglaterra pierde os suyos dominios feudals en l'actual Francia
En conflicto
Reino de Francia , Reino de Castiella , Escocia , Chenova , Bohemia , Reino d'Aragon y Reino de Mallorca	Reino d'Anglaterra , Borgonya Bretanya , Portugal , Navarra , Flandres , Hainaut , Aquitania y Luxemburgo
Guerra d'os Cient Anyos
Guerra d'os Cient Anyos (1337-1360) ? Guerra de Succesion de Bretanya ? Primera Guerra Civil de Castiella ? Guerra d'os Dos Peros ? Guerra d'os Cient Anyos (1369-1389) ? Guerra d'os Cient Anyos (1415-1429)

Se conoixe en a Historiografia con o nombre de Guerra d'os Cient Anyos a o periodo 1337 - 1453 , cuan os reinos de Francia y Anglaterra luitoron entre els en muitas guerras , separadas por treguas de breve durada.

A guerra entre os dos paises escomenzo cuan Eduardo III d'Anglaterra pretendio o trono de Francia , en estar nieto d'o rei Felipe IV O Bello de Francia , en contra de Felipe de Valois , qui nomas en descendeba indirectament, per brancas femeninas.

L'exercito angles iba ganando a guerra a lo prencipio gracias a los arquers , que permitioron exitos en as batallas de Crecy ( 1346 ) y Azincourt ( 1415 ). Os angleses no podioron controlar por muito tiempo os territorios conquiestos en no tener refirme local (a diferencia d'os Plantachenet d'o sieglo XII yeran vistos como forans por a poblacion). A unica rechion de Francia on bi heba un refirme cutiano a los angleses yera en Guyena .

Os franceses yeran desorientaus y en estau de guerra civil ( armanyacs contra borgonyons ), pero a hostilidat contra os angleses iba augmentando y Chuana d'Arco se en aproveito.

Oficialment, a guerra d'os Cient Anyos remato con o tractau de paz sinyau en Picquigny ( Picardia ) o 29 d'agosto de 1475 , encara que a historiografia prefiere a calendata de 1453 , cuan as tropas anglesas fuoron forachitadas de Francia (encara que no pas d'a ciudat de Calais , que contino en mans d'os angleses dica o sieglo XVI ).

A guerra remato con a consciencia nacional separada d'os dos paises, Francia y Anglaterra, que dica ixas envueltas compartiban muitas d'as suyas particularidaz culturals y churidicas, en estar a Casa Reyal anglesa d'orichen frances, encara que luitaban por o control de l'ueste y o norte de l'actual Francia, ye decir, Normandia , Bretanya , Maine , Anchu , Poitou y Guyena . Ta tentar de controlar istos territorios, dende 1159 dica 1240 ya bi n'heba habiu luitas entre a Casa de Plantagenet anglesa y a Casa de Capeto francesa, evolucionando os dos reinos dende una estructura politica feudal muit dividida enta una estructura mas centralizada. Como en rematar ista primera luita no s'heba definiu a situacion d'o Ducau d'Aquitania (posesion d'os reis d'Anglaterra encara que infeudaus a o rei de Francia), y como entre os dos paises intrigaban ta apoderar-se'n d'o condau de Flandres y d'o Ducau de Bretanya , o luita no se podeba pas evitar, y a situacion desemboco en a guerra ubierta entre todas dos nacions.

A primera fase d'a guerra [ editar | modificar o codigo ]

Os capetos dreitos s'extinguioron en 1328 , y se planteyo un problema de succesion. Os grans de Francia adrezaban mes a suya atencion por Felipe de Valois en estar frances que por atros candidatos posibles como Eduardo III d' Anglaterra , nieto de Felipe o Fermoso .

Eduardo pareixio acceptar-lo pero dimpues reivindico a corona y ataco. O rei Eduardo III s'enfrentaba con o rei de Francia tamien por a cuestion succesoria d'o Ducau de Bretanya . O papa Climent IV ninvio como meyador aman d'a cort anglesa a Chuan Ferrandez de Heredia , pero l'aragones fracaso en as suyas chestions.

Os exitos militars d'os angleses estioron importants: destruccion de l' armada francesa en L'Ecluse , en Flandres en 1340 , a victoria de Crecy en 1346 , (en a que Chuan Ferrandez d'Heredia luitaba a favor de Felipe VI y fue feito presionero), y de Piteus en 1356 , a on o rei de Francia Chuan o Bueno fue feito presionero. En 1360 por o tractau de Bretigny una Guyena asaber-lo d'ixamplada (muito mes gran que a comarca de Burdeus , plegando dica Piteus y Cevenas ), fue atribuita a lo rei d'Anglaterra en pagas por renunciar a la corona francesa. Sindembargo, Carlos V teneba de condestable a lo breton Bertrand du Guesclin y pronto reconquirio os territorios perdius. Enta 1375 os angleses no dominaban que Calais , Ponthieu y as rechions de Bordeus y Bayona .

A segunda fase d'a guerra [ editar | modificar o codigo ]

S'establio un equilibrio frachil. A primers d'o sieglo XV bi heba dos clans franceses opuestos. Os armanyacs , que yeran fuertes en o centro y sud, y os borgonyons . Chuan o Bueno cedio a un fillo suyo dito Felipe l'Atreviu o ducau de Borgonya , que feba una politica prou independient y convencio a Carlos VI l'Ababol de que desheredase a lo delfin Carlos VII en proveito d' Henrique V d'Anglaterra . Henrique V, que en 1415 ya heba venciu a la caballeria francesa, teneba asinas una enchaquia pa reviscolar a guerra.

En 1429 Chuana d'Arco libero Orleans , que yera asetiada por os angleses, y facio coronar a Carlos VII en Rems , y dende ixe inte os angleses rebloron y retaculoron; en 1453 no conservaban que Calais y a guerra remato.

Os duques de Borgonya heban aproveitau pa asegurar-se a suya posicion en una ampla zona entre o Sacro Imperio Romano Chermanico y o reino de Francia , y poseyeban o Ducau de Borgonya , Flandres , Artois , Picardia . O Ducau de Nevers yera en mans d'una branca menor d'a familia y o Ducau de Bretanya gano a suya independencia. En o tot o sieglo XIV o Biarn se libero d'a sobirania anglesa y francesa.

Bibliografia [ editar | modificar o codigo ]

• ( es ) Jean Sellier : Atlas de los pueblos de Europa Occidental . Editorial Paidos.

Vinclos externos [ editar | modificar o codigo ]

• Se veigan as imachens de Commons sobre a Guerra d'os Cient Anyos .