L'
atletismo
ye un
esporte
que consiste en a realizacion de diferents prebas d'obchectivos y actividaz diferents. Se pueden clasificar en 3 apartatos:
cursas
, concursos (
saltos
y
lanzamientos
) y prebas combinatas (
heptatlon
y
decatlon
) reglamentatas por
World Athletics
(dica 2019
Asociacion Internacional de Federacions d'Atletismo
, IAAF por as suyas siglas en
angles
).
Atletismo proviene d'a parola
griega
"athlos"
(αθλο?) que significa luita, competencia.
L'atletismo ye un d'os pocos esportes practicatos de forma tradicional mundialment, mesmo en l'ambito aficionato como en as numerosas competicions de toz os rans que se fan. A simplicidat y os pocos medios necesarios ta la suya practica explanican en parti iste exito. Os primers vestichios de concursos atleticos se remontan a civilizacions antigas.
Os
Chuegos Olimpicos
son a preba internacional mas conoixita. Se celebran cada cuatre anyos dende
1896
y l'atletismo ye a disciplina mas important en els. Dende
1982
, a
IAAF
ye l'organismo encargato d'a reglamentacion, y creyo normas ta finalizar con o periodo amateur d'a disciplina. O primer
Campionato d'o Mundo d'Atletismo
s'organizo en
1983
y actualment se fan cada dos anyadas dende
1991
.
- Os
Chuegos Olimpicos
, son una competicion internacional poliesportiva organizada dende
1896
cada cuatre anyos por o
Comite Olimpico Internacional
(COI). L'atletismo ye un d'os esportes prencipals d'istos chuegos present en todas as edicions en os Chuegos olimpicos d'a era moderna y tamien en os de l'
antiguidat
.
- Os
Campionatos d'o Mundo d'Atletismo
, organizaus actualment cada dos anyos por
World Athletics
(conoixita dinates de 2019 como IAAF por as suyas siglas en
angles
d'a suya antiga denominacion) dende 1983.
- A
Copa d'o Mundo d'Atletismo
, ye una competicion internacional de seleccions continentals organizada per
World Athletics
.
- Os campionatos continentals,
Campionato d'Europa d'Atletismo
,
Campionato d'Asia d'Atletismo
,
Campionato d'Africa d'Atletismo
,
Campionato Panamericanos d'Atletismo
, etc. Organizadas por as respectivas federacions de area.
- A
Golden League
, ye una serie de 6 competicions en as que os atletas que ganen as 6 competicions comparten un premio d'un millon de
dolars
estatounidenses.
- Os campionatos estatals d'atletismo,
Campionato d'Espanya d'Atletismo
, Campionato de Francia d'Atletismo, etc. Organizadas por as repectivas federacions nacionals.
- Campionatos rechionals u nacionals,
Campionato d'Aragon d'Atletismo
,
Campionato de Catalunya d'Atletismo
, etc. Organizadas por as respectivas federacion autonomicas u locals.
Actualizau a 6 d'agosto de 2023
[3]
Actualizau a 6 d'agosto de 2023
[3]
Categoria principal:
Atletas d'Aragon
.