Hillary Diane Rodham Clinton (nascuda lo 26 d'octobre de 1947 a Chicago , Illinois ) es una avocata e una femna politica americana membre del Parti Democrata . Es la femna de l'ancian president dels Estats Units Bill Clinton . Es la candidata democrata per las eleccions a la presidencia dels Estats Units de 2016.

Los comencaments [ modificar | Modificar lo codi ]

Son paire era republican e sa maire democrata. A dos fraires: Hugh e Tony. En 1962 , a 15 ans, veget Martin Luther King Jr a Chicago. En 1964 , a 17 ans, trabalhet per la campanha presidenciala del senador republican d' Arizona , Barry Goldwater . En 1968 , participet a la campanha presidenciala del republican Nelson Rockefeller , mas los republicans decidigueron que lo candidat devia esser Richard Nixon , e aquo agradet pas a Hillary. Estudiet las sciencias politicas a l'Universitat Wellesley ont foguet la presidenta dels estudiants republicans. Escriguet son memori sobre Saul Alinsky . En 1969 , entret a l'Universitat de Yale per estudiar lo drech e i rencontret Bill Clinton que seria son marit. Lo seguiguet en Arkansas ont foguet professora de drech a l'Universitat e avocata en co de "Rose Law Firm" en 1976 . Se marideron en 1975 e agueron una filha, Chelsea , en 1980 . En 1978 , lo president Jimmy Carter la nomenet al Conselh de la Legal Services Corporation .

La presidencia de Bill Clinton ( 1993 - 2001 ) [ modificar | Modificar lo codi ]

Foguet la primiera dona dels Estats Units de 1993 a 2001 coma esposa del President Bill Clinton.

Dempuei 2001 [ modificar | Modificar lo codi ]

Es senadora de Nova York al Congres dels Estats Units dempuei 2000. Le 20 de genier de 2007 , declaret sa candidatura a l'investitura democrata per l'eleccion presidenciala americana de 2008 . Lo 3 de junh de 2008 declaret qu'era pas pus candidata. Lo candidat democrata es Barack Obama e lo candidat pel Partit Republican per l'eleccion presidenciala americana de 2008 es John Mc Cain .