Un article de Wikipedia, l'enciclopedia liura.
Lo
Grand Ducat de Lituania
foguet un
estat
europeu
que se formet a la fin dau segle XII e dispareguet en
1795
. Fondat per de tribus lituanianas
paganas
, lo ducat aprofichet lo declin de l'
Emperi Mongol
per s'estendre rapidament en fora de sei
frontieras
inicialas. A son apogeu territoriau au segle XV, son territori ocupava tota la
Lituania
actuala e de partidas importantas de
Bielorussia
, d'
Ucraina
, de
Moldavia
, de
Polonha
e de
Russia
. En
1386
, apres la signatura de l'
Union de Krewo
, lo Grand Ducat de Lituania s'associet ambe lo Reiaume de
Polonha
. En
1569
, aquela associacion foguet renforcada ambe la creacion de la
Republica dei Doas Nacions
que formet una federacion
aristocratica
entre lei dos
estats
. Maugrat la predominancia polonesa, lo Grand Ducat i gardet una autonomia larga ambe lo sieu govern, lei sieunas
leis
, la sieuna armada e lei sieunas financas. A partir dau segle XVII, conoguet lei dificultats polonesas de resistir a l'ascension deis
estats
vesins. Lo Grand Ducat de Lituania perdiguet la mager part de son territori au profiech de
Russia
e dispareguet definitivament a l'eissida dau
Tresen partiment de Polonha
entre
Russia
,
Prussia
e
Austria
en
1795
.