Turin
(italieensch: Torino) is en Grootstadt in’ Noorden vun Italien. In de Stadt leven 848.748 Inwahner (Stand 31.12.2022) up en Flach von 130 km². Se is de Hooftstadt vun de
Region Piemont
un de
Provinz Turin
. Vun Frankriek in’n Westen un de Swiez in’n Noorden as ok Mailand in’n Oosten liggt se jewiels 100 km af.
De Umgegend vun Turin
De Naam Turin stammt vun
Tau
af, en
keltisch
Woort, wat ?Bargen“ beduut. De italieensch Naam
Torino
kann as ?lutt Bulle“ oversett wurrn, de Bull is ok up dat Wapen vun de Stadt. Die Gegend wurr in vorroomsch Tiet vun de keltisch-ligurisch Stamm
Taurini
besiedelt.
In dat eerste vorchristlich Johrhunnert, wohrschienlich
28 v. Chr.
, hebbt de Romers dor en Militarlager (
Castra Taurinorum
) erricht, dat se later henn Kaiser
Augustus
widmet hebbt (
Augusta Taurinorum
). De typische roomsch Stadtstruktur mit rechtwinklig tonanner lopen Straten gifft dat hudtodag noch. To de roomsche Tiet wahnen dor 5.00 Luud binnen vun de Stadtmuern.
Nahdem dat roomsch Riek nich meehr existeren dee, is de Stadt eerst vun de
Langobarden
un den vun de Franken erobert wurrn. Enn vun dat 13. Johrhunnert weern de Hartoog vun Savoyen Baas vun de Stadt.
