Bosnie-Herzegovina
(
Bosnies
,
Kroaties
en
Servies
:
Bosna i Hercegovina
,
oetsproak
:/
bosna i x?rt?se?o?ina
/;
Sirillies skrift
:
Босна и Херцеговина
), vake in et kort ook
Bosnie
neumd, is een laand in zuudoost
Europa
, op de
Balkan
. De heuwdstad en grotste stad is
Sarajevo
[1]
. Et laand ligt op et noorden, westen en zuuden tusken
Kroasie
, op et oosten tegen
Servie
en op et zuudoosten tegen
Montenegro
. Op nen kuststreppel an den
Adriatiesen zee
roond de stad
Neum
noa is Bosnie-Herzegovina in eslotten duur laand. In et middelste en oostelike binnenlaand is et laand boargachtig. In et noordwesten is et meeld heuwelachtig en et noordoosten is vuural vlak. Et binnenlaand hef een moatig
laandklimaat
, met hete zommers en koolde weenters met volle
snee
. Den zudeliken tip van et laand hef een
Middellaandse Zeeklimaat
.
Der wont al seend de
jonge steentied
leu vuur vaste in et gebeed en et wor bewoond duur verskeidene
Illiriaanse
en
Keltiese
volker. Kultuurlik, besteurlik en sosjaal hef et laand ene van de riekste verledens in de umgewing. Tusken de
6e
en
9e eeuw
kommen der
Slaviese volker
noar de strekke. Dee stichtten oonder
Ban Kulin
(
1180?1204
) ook et eerste
Banaat
, et
Bosniese Banaat
.
[2]
vuurin de
12e eeuw
. Dit wor et
Konninkriek Bosnie
in de
14e eeuw
, woernoa et inliefd wor bie et
Ottomaanse Riek
tusken et midden van de
15e
en et eande van de
19e eeuw
. De Ottomanen voorden et
Islam
-geleuf in, woerduur as der kultureel en sosjaal volle veraanderden in et laand. Doarnoa wor Bosnie-Herzegovina deel van et
Oostenrieks-Hongaarse Riek
, tot an den
Eersten Wearldoorlog
. Tusken den Eersten en den
Tweeden Wearldoorlog
was Bosnie deel van et
Keuninkriek Joegoslavie
. Doarnoa kreeg et volle
reppubliekstoatus
as de nieje
Sosjalistiese Federale Reppubliek Joegoslavie
. Noa de
Brokke van Joegoslavie
wor et zelfstaandig in
1992
, woernoa as den
Bosniesen Oorlog
oetbreuk. Den doerden tot eand
1995
.
Et volk in et laand kan zowat allemoal
leazen en skriewen
, word duur mekoar in duursnee oold en ze kriegt good oonderwies. Der komt verhooldingswies ook volle toeristen noar de strekke.
[3]
Et laand har de doardegrotste tooname van toeristen van de wearld tusken 1995 en 2020.
[4]
Bosnie-Herzegovina is bekeand um de mooie natuur, et kulturele oarfgood van zes grote beskavingen, et etten, de
weentersport
, de unieke
muziek
, de
architektuur
en de
festivals
. Sommigen doarvan zeent de grotste in zuudoost Europa.
[5]
In et laand wont dree heuwdvolker, offisjeel samen esteelde volker. De grotste groep zeent de
Bosniaks
, Serviers tweede en Kroaten doarde. In Nederlaand wordt inwonners van Bosnie-Herzegovina meestal gewoon "Bosnier" neumd. De naams
Herzegoviniaan
en
Bosniaan
wordt gebroekt um een strekgebeunden oonderskeid te maken (neet op volksofkomst). De streke Herzegovina hef ginne dudelike greanzen. Et laand wor van vroger oet gewoon "Bosnie" neumd, tot an de Oostenrieks-Hongaarse bezetting.
[6]
Bosnie-Herzegovina hef ne regearing met twee kamers en ne presideantskop met dree leden, ene vuur elk volk. De macht van de centrale regearing is slim beteund, umdet et laand slim decentraliseerd is. Et Besteet oet twee op zikzelf stoande delen: de
Bosnie-Herzegoviniaanse Federasie
en de
Republika Srpska
. Ne doarde strekke, et
Br?ko-distrikt
, hef ne lokale regearing. De bosnie-Herzegoviniaanse Federasie is slim ingewikkeld en hef 10 kantons. Et laand is kandidaat um lid te worden van de
Europese Unie
en de
NAVO
. Et laand is lid van den
Europesen Road
seend
2002
en ene van de groondleggers vuur de
Unie van de Middellaanse Zee
in
2008
.
- ↑
Groondwet van Bosnie-Herzegovina. (PDF).
Bekekken: 6 meart 2015
- ↑
Paul Mojzes. Religion and the war in Bosnia. Oxford University Press, 2000, blz. 22.
- ↑
http://www.lonelyplanet.com/bosnia-and-hercegovina
Lonely Planet.com. Profiel oawer Bosnie-Herzegovina.
- ↑
Globalgoodnews.com. 'Bosnia's newfound tourism'. Maja zuvela. 14 juli 2007.
Bekekken: 29 meart 2015.
- ↑
Inside Film. Inside Film's Guide to Film Festivals in
- ↑
Toronto Slavic Quarterly. The Language Situation in Post-Dayton Bosnia and Herzegovina.
|
Dit artikel is eskreaven in et
twentsk
.
|