Sainan' i Letonia
I
Letonia
na
Latvia
na
Repoblikan' i Letonia
na
Repoblikan' i Latvia
dia firenena ao
Eoropa Avaratra-Atsinanana
, manana morontsiraka ao amin’ ny
Ranomasina Baltika
. Ny renivohiny dia i
Riga
. Ny tanana lehibe indrindra dia ny renivohiny.
Sarintanin' i Letonia
Mirefy 64 589 km
2
ny velaran-taniny ary 2 013 400 ny isan' ny mponiny araka ny fanisana natao tamin' ny taona 2013. Ny faritr'ora dia +2. Isan' ireo atao hoe
Firenena Balta
na Fanjakana Baltika ao
Eoropa Avaratra
i Letonia (manampy an’ i
Estonia
sy i
Litoania
). Mamaritra azy avy ao avaratra ny Helodranon' i Riga, izay sampan' ny Ranomasina Baltika, sy i
Estonia
, ao atsinanana i
Rosia
, ao atsimo i
Bielorosia
sy i
Litoania
, ary ao andrefana ny Ranomasina Baltika.
Sarin-tanin' i Letonia
I Letonia dia firenena be tany lemaka. Rakotra ala ny 25 %n’ ny velaran-taniny.
Mahatratra iray ampahatelon’ ny mponina ao Letonia ny Rosiana. Ny
fiteny letona
sy ny
fiteny rosiana
no fiteny be mpampiasa ao Letonia, ka ny fiteny letona no
fiteny ofisialy
ao.
Ny
Liva
na
Livoniana
no razamben’ ny
Letona
: tao amin’ ny faritra misy an’ i Letonia ankehitriny no nisehoan’ izy ireo voalohany tamin’ ny taonjato faha-9. Nanomboka tamin’ ny taonjato faha-13 dia niaritra ny fanjakazakana mifadimby nataon’ ny tafika sy ny fitondram-pivavahana jermanika sy ny
Poloney
ary ny
Soedoa
izy ireo. Tamin’ ny taona 1795 i Letonia dia teo ambany fifehezan’ i
Rosia
. Nanambara ny fahaleovan-tenany izy tamin’ ny taona 1918, nefa tsy nifarana ny fahefan’ ny Sovietika taminy raha tsy tamin’ ny taona 1991, satria anisan' ireo repoblika sosialista sovietika taloha izy, izay tsy nahazo ny fahaleovan-tenany avy tamin' ny
Firaisana Sovietika
tamin' io taona io. Niditra tao amin’ ny
Vondrona Eoropeana
izy tamin’ ny taona 2004.
Firenena ao Eoropa
Kontinenta eto an-tany
