Hi
Papa Francisco
, (Linatin:
Franciscus
; Initalyano:
Francesco
; Kinatsila:
Francisco
nga natawo ha ngaran nga
Jorge Mario Bergoglio
Disyembre 17, 1936) amo yana an
papa
han
Singbahan Katoliko
, nga napili han Marso 13, 2013. Ugsa han iya kapili ha pagkapapa, api hiya han
Katiringban ni Hesus
o mga Heswita. Nag-alagad hiya nga
Arsobispo han Buenos Aires
tikang han 1998. Nahimo hiya nga
kardinal
han 2001. Hiya an syahan nga papa nga pinmili hin "Francisco" komo iya ngaran. Hiya in syahan nga tuminongnong ha Amerikas nga napili nga papa. Hiya liwat in nagin syahan nga diri-Europeo nga papa tikang han ika-8 gatostuig.
Hi
Jorge Mario Bergoglio
in natawo ha Buenos Aires, usa ha lima nga anak han Italyano nga imigrante na hi Mario Jose Bergoglio, usa nga trabahador, ngan iya asawa Regina Maria Sivori, usa nga tagbalay. Han batan-on pa, gintanggal an usa nga baga ni Bergoglio tungod hin impeksyon. Hiya in nag-aram ngan kinmarawat hin master's degree hin kimika ha University of Buenos Aires san-o hiya nagdesisyon nga pumadayon ha eklesyastiko nga kinabuhi. Sumala liwat ha iba nga reperensya, hiya in nag-gradwar ha uska eskoylahan teknikal komo kimikal teknisyan ngan ha edad nga 21 in nagdesisyon nga magin padi.
Kaagi hin pag-ordinar ni
Papa Francisco
|
---|
|
Pagsunod hin pagka-obispo
|
---|
Mga obispo nga ginkonsagrar ni Papa Francisco komo prinsipal nga nagkonsagrar
|
---|
Horacio Ernesto Benites Astoul
[3]
|
1 Mayo 1999
|
---|
Jorge Ruben Lugones
|
30 Hulyo 1999
|
---|
Jorge Eduardo Lozano
|
25 Marso 2000
|
---|
Joaquin Mariano Sucunza
|
21 Oktubre 2000
|
---|
Jose Antonio Gentico
|
28 Abril 2001
|
---|
Fernando Carlos Maletti
|
18 Septyembre 2001
|
---|
Andres Stanovnik
|
16 Disyembre 2001
|
---|
Mario Aurelio Poli
|
20 Abril 2002
|
---|
Eduardo Horacio Garcia
|
16 Agosto 2003
|
---|
Adolfo Armando Uriona
|
8 Mayo 2004
|
---|
Eduardo Maria Taussig
|
25 Septyembre 2004
|
---|
Raul Martin
|
20 Mayo 2006
|
---|
Hugo Manuel Salaberry Goyeneche
|
21 Agosto 2006
|
---|
Oscar Vicente Ojea Quintana
|
2 Septyembre 2006
|
---|
Hugo Nicolas Barbaro
|
4 Hulyo 2008
|
---|
Enrique Eguia Segui
|
11 Oktubre 2008
|
---|
Ariel Edgardo Torrado Mosconi
|
13 Disyembre 2008
|
---|
Luis Alberto Fernandez
|
27 Marso 2009
|
---|
Vicente Bkalic Iglic
|
29 Mayo 2010
|
---|
Alfredo Horacio Zecca
|
17 Septyembre 2011
|
---|
|
Hi Bergoglio in inmapi ha Katiringban ni Hesus hadton 11 Marso 1958 ngan nag-aram para magin padi ha seminaryo Heswita ha Villa Devoto. Han 1960, hi Bergoglio in kinwarat hin pagkalisesya hin pilosopiya tikang ha Colegio Maximo San Jose ha San Miguel; han 1964 ngan 1965, hiya in tinmutdo hin literatura ngan psikolohiya ha Colegio de la Inmaculada, uska segundarya nga eskoylahan ha lalawigan han Santa Fe, Argentina, ngan hadton 1966 hiya in tinmutdo hin pareho nga kurso ha Colegio del Salvador ha Buenos Aires.
[4]
Han 1967, hi Bergoglio in nakatima han iya pag-aram teyolohiko ngan naordinar ha pagkapadi hadton 13 Disyembre 1969, ni Arsobispo Ramon Jose Castellano. Hiya in inmatender ha Facultades de Filosofia y Teologia de San Miguel (Pilosopikal ngan Teyolohikal nga Facultad han San Miguel)
[5]
, uska seminaryo ha San Miguel, lalawigan han Buenos Aires. Hi Bergoglio in kinmarawat hin novice master dida ngan nagin propesor hin teyolohiya.
Pinasaka hi Bergoglio han Katiringban ni Hesus ngan hiya in nagserbe komo probinsyal para han Arhentina tikang 1973 ngada 1979. Hiya in nabalhin ha 1980 ngan nagin rektor han seminaryo ha San Miguel, ngan nagserbi ha ngada nga kapasidad tutob 1986. Hiya in nagbuhat han iya nagbuhat han doctoral dissertation ha Sankt Georgen ha Alemanya ngan binmalik ha Arhentina para magserbi komo manngongompisal ngan espirituwal direktor ha Cordoba.
[6]
Ginhimo hi Bergoglio nga Auxiliary nga Obispo han Buenos Aires han 1992 ngan gin-ordenar hiya dida han 27 Hunyo 1992 komo Titulado nga Obispo han Auca,
[7]
nga diin hi Kardinal
Antonio Quarracino
, Arsobispo han Buenos Aires, amo an nangunguna nga nagkonsagrar.
[2]
Han 3 Hunyo 1997, ginhimo hi Bergoglio nga
Coadjutor nga Arsobispo
han Buenos Aires nga mayda katungod hin automatiko nga pagsunod hin pagin-arsobispo.
[8]
Han kamatay ni Quarracino dida han 28 Pebrero 1998, hi Bergoglio nagin Arsobispo ngan dungan nga nahimo nga
ordinaryo
para hin
mga Sinirangan nga Katoliko
ha Argentina, nga waray kalugaringon nga
prelado
.
[2]
Komo Arsobispo han Buenos Aires, naghimo hi Bergoglio hin mga bag-o nga parokya ngan ginliwat an istruktura han mga lingkoranan hin pagdumara han arkidiosesis, nanguna hin ugop-hin-kinabuhi nga mga pan-gi-os, ngan naghimo hin komisyon para han mga butang ha divorsyo.
[9]
Han konsistoryo hadton 21 Pebrero 2001, hi Arsobispo Bergoglio in hinimo nga kardinal ni Papa Juan Pablo II nga may titulo nga kardinal-padi han San Roberto Bellarmino. Han pagbiyahi niya ha Roma para han seremonya, hiya ngan an iya bugto nga babaye Maria Elena in nagbisita ha baryo ha amihanan Italya kun diin natawo an ira amay.
Komo kardinal, hi Bergoglio in ginkapakot hin lima nga mga posisyon administratibo ha Curia Romano:
- Api han Kongregasyon para han Baraan nga Pag-ampo ngan an mga Disiplina han mga Sakramento
- Api han Kongregasyon para han Kapadian
- Api han Kongregasyon para han mga Instituto han Konsegrado nga Pankinabuhi ngan mga Sosyudad han Kinabuhi Apostoliko
- Api han Konseho Pontifico para han Pamilya
- Api han Komisyon para han Amerika Latina
Han uruurhi hiton nga tuig, han hi Kardinal Edward Egan binmalik ha New York kahuman han mga pag-atake hadin Septyembre 11, hi Bergoglio in nagsaliwan ha iya komo relator (nagrerekord nga maghirilom) han Konislyo han mga Obispo ngan, sumala han The Catholic Herald, in naghimo hin "uska naayunan nga impresyon komo uska tawo nga buklad han komunyon ngan dialogo.
Hi Kardinal Bergoglio in nakilala han iya personal nga pagpaubos, konserbatismo ha doktrina ngan panalimbasug ha hustisya pankatiringban. Uska yano nga pankinabuhi in naghatag hin iya reputasyon han pagkamaubos. Naukoy hiya ha uska gutiay nga apartment, imbes ha magarbo nga urukyan han obispo ha may Olivos. Hiya in nasakay hin panakayan publiko ngan naluto hin iya kalugaringon pagkaon. Iya ginlilimitahan an iya oras ha Roma para hin "bagakidlat nga mga pagbisita".
Han pagkamatay ni Papa Juan Pablo II, hi Bergoglio in kinonsidera nga usa ha mga papabile nga kardinal. Hiya in tinmambong komo usa namimili nga kardinal han 2005 konklave Papa nga nagpili kan Papa Benedicto XVI. Ha National Catholic Reporter, hi John L. Allen, Jr. in nagsumat nga hi Bergoglio in usa ha nangunguna han 2005 nga Konklave. Han Septyembre 2005, an Italyano nga magasin in nagsumat nga hi Bergoglio in nasunod la kan Kardinal Ratzinger ha Konklave ngan hiya in kinmarawat hin 40 nga botos ha ikatulo nga balota, pero inmubos ha 26 ha ikaupat nga balota. Ini daw in nakabasi ha uska diary nga gintatag-iyahan hin uska waray nagpakilala nga kardinal nga ada ha konklave. An La Stampa in nagsumat nga hi Bergoglio ngan hi Ratzinger in magkadukot hadton nga piniliay, tubtob naghangyo hiya ha mga kardinal nga diri hiya botoson. Han turutimprano, dida hiya han paglubong kan Papa Juan Pablo II.
Hadton 2005 Konsilyo han mga Obispo, hiya in napili komo uska api han kahuhuman-nga-konsilyo.
Komo uska kardinal, hi Bergoglio in nahisusumpay ha Komunyon ngan Liberasyon, uska konserbatibo nga katig-uban han mga Katoliko han mga nanonoo. Hiya in danay nayakan han ira tinuig nga katitirok panmasa ha Rimini, Italya.
- ↑
Ini nga darahonon tikang hin homily ni
Bede
: "Vidit ergo Iesus publicanum, et quia miserando atque eligendo vidit, ait illi, Sequere me." "Hi Jesus kinmita han publikano, ngan tungod kinmita hiya upod hin pagkamauloy ngan pagpili, sinmiring ha iya, 'Sunod ha akon.'"
preso da: Miserando atque eligendo: il motto di Papa Francesco
.
- ↑
2.0
2.1
2.2
(Kinatsila)
"Bergoglio, Jorge Mario"
.
Breve biografia de obispos
. La Agencia Informativa Catolica Argentina. Ginhipos tikang han
orihinal
han 2013-09-30
. Ginkuha
15 Marso
2013
.
- ↑
"Pope Francis, Jorge Mario Bergoglio, S.J."
Catholic Hierarchy
. Ginkuha
18 Marso
2013
.
- ↑
"Pope Francis : Cardinal Jorge Mario Bergoglio named new Pope"
.
Baltimore News Journal
. 13 Marso 2013. Ginhipos tikang han
orihinal
han 2013-03-16
. Ginkuha
13 Marso
2013
.
- ↑
Juan Manuel Jaime ? Jose Luis Rolon.
"Official Website, Facultades de Filosofia y Teologia de San Miguel"
. Facultades-smiguel.org.ar. Ginhipos tikang han
orihinal
han 2013-03-16
. Ginkuha
2013-03-14
.
- ↑
(Kinatsila)
"Biografia de Jorge Bergoglio"
.
El Litoral
. 14 Marso 2013. Ginhipos tikang han
orihinal
han 2013-03-15
. Ginkuha
14 Marso
2013
.
- ↑
An
titulado nga sede
han Auca, gintukod han 1969, nahamutang han
Villafranca Montes de Oca
, Espanya:
Titulado nga Sede han Auca, Espanya
.
- ↑
http://www.catholic-hierarchy.org/bishop/bbergj.html
- ↑
"Jesuit Argentine Cardinal Bergoglio elected pope, takes name Francis"
. jesuit.org
. Ginkuha
16 Marso
2013
.
Batakan:Pope-stub
|
---|
|
Mga Panhinabo
| | |
---|
Mga Ensiklika
| |
---|
Mga Pag-aghat
| |
---|
Mga nahahanungod nga mga libro
| |
---|
Mga nahahanungod nga mga tawo
| |
---|
Mga nahahanungod nga mga barasahon
| |
---|
|
|
---|
|
Hadin syahan ngada han
ika-4 nga mga gatostuig
| | |
---|
Hadin ika-5 ngada han
ika-8 nga mga gatostuig
| |
---|
Hadin ika-9 ngada han
ika-12 nga mga gatostuig
| |
---|
Hadin ika-13 ngada han
ika-16 nga mga gatostuig
| |
---|
Hadin ika-17 ngada han
ika-20 nga mga gatostuig
| |
---|
Hadin ika-21 nga
gatostuig ngada yana
| |
---|
|