Sir Alex Ferguson atawa leuwih dipikawanoh Alex Ferguson CBE dibabarkeun 31 Desember 1941 di Govan ,tempat nyieun kapal Glasgow ^[1] . Alexander Chapman Ferguson nyaeta mantan pamaen bal warga Skotlandia . Sabada jadi pamaen, manehna ngalatih klub Stirling Timur , St Mirren , Aberdeen ^[1] . Ti mimiti 6 November 1986 nepi ka ayeuna Sir Alex ngagantikeun Ron Atkinson minangka pelatih ^[1] . Manehna jadi manajer leuwih ti 1000 pertandingan Manchaster United ^[1] . Sir Alex Ferguson dianggap minangka salah sahiji manajer anu panghadena sadunya ^[1] . Rekor Sir Alex malah mah teu kaganti ku pelatih nu sejenna dina sajarah maen bal di Inggris ^[1] .Karakterna minangka pekerja keras mere pangaruh anu gede pisan dina prestasina minangka pelatih, manajer, arsitek jeung tokoh anu mawa parobahan gede di Manchaster United ^[1] .

Nalika Bulan November 1986 Fergie nampik tawaran anu alus ti Barcelona , Arsenal , Rangers jeung Tottenham pikeun dijadikeun manajer di klub-klub raksasa nu disebutkeun samemehna ^[1] . Manehna justru milih Manchester United ,ninggalkeun kasuksesanana di Skotlandia ^[1] . Ferguson ngawangun deui Manchaster United anu masih keneh aya dina mangsa-mangsa anu sulit anu patalina jeung ngarekrut pamaen-pamaen ngora ^[1] .Manehna nekenkeun pisan kana kadisiplinan ka para apamaen MU, manehna oge ngaposisikeun dirina minangka mentor, motivator jeung nu ngawangun mental para pamaen MU ^[1] .Fergie oge ngaleungitkeun budaya mabok di Old Traford ku cara ngaluarkeun pamaen-pamaen anu geus jadi idola di MU ^[1] . Di Manchester United , Sir Alex jadi pelatih anu pangsuksesna dina sajarah maen bal di Inggris , ku cara mingpin tim anu bisa meunangkeun 11 gelar juara liga ^[1] . taun 1999 , manehna jadi pelatih munggaran anu bisa mawa tim inggris meunangkeun treble ti Liga Utama , Piala FA jeung Liga Champions UEFA ^[1] .Oge jadi hiji-hijina pelatih anu meunangkeun Piala FA 5 kali, Fergie oge jadi hiji-hijina pelatih anu bisa meunangkeun gelar Liga Inggris 3 kali (1998-1999, 1999-2000 jeung 2000-2001) ^[1] . Taun 2008 , manehna gabung jeung Brian Clough (Nottingham Forest), Bob Paisley (Liverpool) minangka pelatih Britania anu pernah meunangkeun kejuaraan Eropa leuwih ti sakali ^[1] . Dua puluh lima taun babarengan jeung Manchester United , manajer The Red Devils , Sir Alex Ferguson geus jadi jalma anu teu bisa digantikeun ku sasaha.Sababaraha kali manehna ngabatalkeun rencana pengsiunna ^[2] .Nepi ka ayeuna, Sir Alex masih aya di bench United ^[2] . Can aya kaputusan iraha Sir Alex pengsiun ti Manchester United , malah manehna sorangan teu nyahoeun iraha rek pengsiun ^[2] . CEO Manchester United , David Gill nyebutkeun yen MU pasti hese neangan pelatih anu sarupa jiga Fergie ^[2] .Ku ayana Fergie, Mu bisa meunangkeun gelar anu aya di dunya pikeun MU ^[2] . Dina asuhan Fergie oge, MU disulap jadi hiji kleub gede anu teu ngan saukur dipikawanoh di Inggris tapi nepi ka sakuliah dunya ^[2] .

Rekor Kesuksesan ^[1] [ edit | edit sumber ]

• Trofi Liga Premier Skotlandia (3 kali): taun 1985 , 1984 , 1980 ;
• Trofi Divisi Pertama Skotlandia (1 kali): taun 1977 ;
• Trofi Piala FA Skotlandia (3 kali) : 1986 , 1984 , 1983 , 1982 ;
• Trofi PialaLiga Skotlandia (1 kali): Taun 1986 ;
• Trofi Liga Primer Inggris (11 kali) Taun 2009 , 2008 , 2007 , 2003 , 2001 , 2000 , 1999 , 1997 , 1996 , 1994 , 1993 ;
• Trofi Piala FA (5 kali) Taun 2004 , 1999 , 1996 , 1994 , 1990 ;
• Trofi Piala Liga 4 kali: Taun 2010 , 2009 , 2006 , 1992
• Trofi FA Charity Shield (enam kali): taun 1997 , 1996 , 1994 , 1993 , 1990 , 2003 ;
• Trofi Liga Champions Eropa: 2008 , 1999 ;
• Trofi Piala UEFA Cup Winners (2 kali):Taun 1991 , 1983 ;
• Trofi Piala Super Eropa (2 kali):Taun 1991 , 1983 ;
• Trofi juara dunia antar klub (1 kali):Taun 1999

Referensi [ edit | edit sumber ]

Artikel ieu mangrupa taratas , perlu disampurnakeun. Upami saderek uninga langkung paos perkawis ieu, dihaturan kanggo ngalengkepan .