Chile
is een Lound in dat suud-waastelke
Suud-Amerikoa
, dat sik ap n smalle, loange Striepe twiske do
Anden
un ju
Pazifik
-Kuste loangs lukt. Die hoochste Bierich fon Chile is die
Nevado Ojos del Salado
, ju Haudstaad is
Santiago de Chile
un ju Prasidentinne fon ju Republik is sant
2014
foar't twaide Moal
Michelle Bachelet
(Stound: Januoar 2018).
Uk dat polynesiske
Paaske-Ailound
(Rapa Nui), dat moor as 3500 Kilomeetere foar ju Kuste fon't chileniske Faastlound lait, heert tou dan Stoat.
Sowat trattienduusend Jiere foar Kristus roakeden do eerste Moanskene dat Rebat fon Chile.
Kuut eer do Spoaniere dat arooberden un tou aan Deel fon hier Kolonioal-Riek moakeden, heerde dat een kuute Wiele tou dat
Inka
-Riek. In't Jier
1520
foont die
portugiesiske
Seefoarder
Ferdinand Magellan
wilst sin Fersaik, uum ju Aide tou sailjen, ju atter him benaamde
Magellanstraite
ju oun't suudelke Spit fon Chile lait.
Dat touken Moal, dat
Europaere
atter Chile koomen, waas, as
Diego de Almagro
un sien Monskup in't Jier
1535
fon
Peru
uut ap
Gouldsaike
deer wai koomen, man jo wuuden fon do ienheemske
Indioanere
ferdrieuwen.
Ju eerste faaste Siedelenge fon Europaere ap dat Rebat fon Chile is ju Staad
Santiago de Chile
, dat in
1541
fon
Pedro de Valdivia
gruunded wuuden is. Uk do Ienwoonere fon Santiago hieden loange Tied Faindskup mad do ienheemske
Mapuche
-Indioanere; in do eerste Jiere fon ju Staad waas dat nit kloor, of ju heelden waide kon. Man uumekierd haabe uk do Siedlere do Indioanere deeltaaid, deelwiese sogoar tou Sklouen-Oarbaid twoangen, somad waas dat neen Wunner.
Sant
1542
waas Chile Bestounddeel fon't spoanske
Vize-Koonichriek Peru
.
Ju spoanske Kolonie hiede domoals laipe Probleme mad faindelke Indioanere,
Aidbieuwjen
un
angelske
Piroaten.
In ju Tied, as Spanien fon
Napoleon
sin Bruur
Joseph Bonaparte
regierd wuude, koom in Chile die Wonsk atter Salwenbestimmenge ap. Ap n
18. September
1810
wuude een Junta gruunded, ju wail ju Tjoue tou dan ousatte Spoanske Koonich
Ferdinand VII.
ferkloorde, man as autonome Provinz fon
Spanien
. Dut Doatum fiert me in Chile as Begin fon ju Uunouhongegaid. Wat leeter ferkloorde Chile sien Ouloosenge fon Spanien un ju spoanske Kroune.
In
1814
, as sik Spanien fon Napoleon looskamped hiede, wuulen jo in Chile wier ju Kontrolle roakje. Ap dan
1. Oktober
1814
begon ju
Slacht fon Rancagua
, ju eendede ap dan
2. Oktober
, do koonichs-tjoue Troppen haabe wunnen. Somad hiede Spanien wier een Wiele loang ju Moacht uur Chile, man do Uunouhongegaids-Striedere wuulen sik deer nit mad toufree reeke.
Ap dan
12. Februoar
1817
roate dat in
Colina
, noudelk fon Santiago, ju
Slacht bie Chacabuco
. Hier wonnen
argentienske
un chileenske Uunouhongegaids-Striedere unner ju Fierenge fon
Jose de San Martin
un
Bernardo O’Higgins
juun do koonichs-tjoue spoanske Troppen.
Chile ferkloorde ap dan salgen Dai sien Uunouhongegaid. Die Wai atter
Santiago
waas nu frai un do Uunouhongegaids-Striedere kuuden twain Deege leeter, ap dan
14. Februoar
1817
, in ju Staad ienluuke. Man eerste in't Foulgejier, in ju
Slacht fon Maipu
ap dan
5. April
1818
, wuuden do koonichs-tjoue Troppen eendgultich sloain.
San Martin fertichtede ap dat Prasidenten-Amt, dat
Bernardo O’Higgins
uurnoom. Ju eerste Tied fon dan naien Stoat waas chaotisk.
Ap dan
17. April
1830
won
Diego Portales Palazuelos
in ju
Slacht fon Lircay
juun ju Regierenge un satter hier ou. Deermad begon ju Tied fon ju
Autoritare Republik
, een System, dat bit tou dan Burgerkriech fon
1891
stabil blieuwe skuul. In dusse Tied wuude dat Skoul-System ienfierd un dat Kultuur-Lieuwend in ju Haudstaad
Santiago
hiede een Bloitetied.
In dan
Salpaiterkriech
fon
1879
bit
1884
tou besatte Chile ju
Atacama-Woiste
, ju bit tou dusse Tied tou do Noaberlounde
Peru
un
Bolivien
heerde, buppedat uk noch Deele fon ju peruoanske Pazifik-Kuste un ju peruoanske Haudstaad
Lima
. Deerbie ferloos Bolivien bit daalich sin Tougong tou'n Pazifik, un uk Peru moaste Lound oun Chile oureeke. In do arooberde Rebatte wuuden leeter groote
Kooper
-Foarkuumen fuunen. Uk
Chuquicamata
, die grootste Kooper-Deegebau fon ju Waareld, lait in dut Rebat.
In't Jier
1891
roate dat aan Twist twiske dat Parlemant un ju Marine ap een Siede un dat Prasident
Jose Manuel Balmeceda
ap ju uur Siede. Ap dan
16. Januoar
fon dat Jier begon
aan Burgerkriech
. Balmaceda ferloos two groote Slachten un noom sik ap dan
18. September
1891
dat Lieuwend, wiermad die Burgerkriech foarbie waas.
Uk in dat twintichste Jierhunnert roate neen ounhooldende Raue in dat Lound: Prasident
Arturo Alessandri Palma
die in Chile een Sosjoal-Ferseekerenge ienfierd hiede, wuude
1924
truch aan Militar-Putsch ousat, man atter ju Ienfierenge fon een naie Ferfoatenge koom hie ap dan
20. Meerte
1925
wier oun ju Moacht. Man sin Ienfloud wuude truch
Carlos Ibanez del Campo
besnieden, die Sympathien foar do Putschisten hiede. Hie broachte as Minister do uur Ministere tou't outreeden un hiede as eensigen Minister fuul Moacht. In'e Foulge broachte dan Prasident deertou, outoutreeden, atters waas dan noch kuut uurs aan Prasident, man die wuul uk nit Ibanez sien Marionette weese. Noch in't Jier
1927
waas Ibanez dan salwen Prasident, eerste bit
1931
, un atters noch insen fon
1952
bit
1958
. Hie bruukte deelwiese diktoatooriske Methoden.
Unner ju Prasidentskup fon
Salvador Allende
twiske
1970
un
1973
wuude fuul foar do aarmere Ljuude dain. Dat waas die Fersaik, mad demokroatiske Middele een sosjoalistiske Salskup in Chile ientoufieren.
Man ap dan
11. September
1973
moakede dat Militar unner
Augusto Pinochet
aan Putsch. Jo blokkierden do Straiten un Kommunikatsjoons-Weege fon Santiago atter
Vina del Mar
un
Valparaiso
. Mad Kamp-Fljoogere bumbardierden do in do addere Maiden-Uuren dan Prasidenten-Palast "La Moneda". Ju Klok two attermiddeeges begon ju Armee mad ju Stoarmenge fon dan Palast. Atter een kuute Skjooterai oardende die Prasident Allende ju Kapitulatsjoon oun, bloot hie salwen bleeuw in dan "Soal fon ju Uunouhongegaid" un noom sik junner dat Lieuwend.
Dat waas die Begin fon een soogentienjierige brutoale Diktoatuur in Chile. Ju duurde bit tou dan
11. Meerte
1990
, as
Patricio Aylwin
ju Prasidentskup fon Augusto Pinochet uurnoom un dat Lound wier demokroatisk wuude.
Daalich jalt Chile as een Swallen-Lound in't buppere Middelfaild, man daach as dat baast-antwikkelde Lound fon
Latien-Amerikoa
.
- Dussen Artikkel berauet foar groote Deele ap ju duutsksproakige Wikipedia.