La jurnata ntirnazziunali du travagghiu e na jurnata cilibbrata lu Primu di Maiu di ogni annu cu lu scopu di arricurdari l'impegnu di li muvimenta sindacali e l'obbiettivi ca fuorru raggiunti 'n campu icunomicu e suciali di travagghiatura. La festa do travagghiu eni arricanusciuta nta nu munzieddu di nazzioni do munnu ma no nta tuttu.

Uriggini 'ntirnazziunali [ cancia | cancia la surgenti ]

A essiri cchiu pricisi, cu sta festa s'intenni arricurdari li lutti upirai pi cunquistari lu dirittu di l'urariu di travagghiu fissatu nta ottu uri. La Prima ntirnazziunali addumannau appoi chi li liggislazzioni fussiru appruvati puru 'n Europa .

L'uriggini di sta festa arrisali a na manifestazzioni urganizzata nta li Stati Uniti di li Cavaleri do travagghiu ( Knights of Labor , associazzioni funnata nta lu 1869) a Nova Yorki lu 5 di sittemmiru 1882 .
Duoppu dui anni, nta lu 1884 , nta na manifistazzioni simili li Cavalieri do travagghiu appruvaru na risoluzzioni picchi l' iventu putia ssiri fattu ogni annu. Autri organizzazioni sinnacali simili comu l'Internazionale di travagghiatura - ca stapieunu o cantu di muvimenta sucialisti e anarchici - suggireru comu data da festa lu primu maju.

Ma a fari cadiri difinitivamenti la scigghiuta supra a sta data fuorru li 'ncidenti piriculusi ca succirierru nta li primi jorna di maju di lu 1886 a Chicagu ( USA ) e canusciuti comu "rivolta di Haymarket". Sti fatti appiru lu culmini lu 4 di maiu quannu la polizzia sparau supra li manifestanti pruvucannu nu munzieddu di vittimi.

Chiddu ca tannu era lu prisidenti, Grover Cleveland , ci parsi ca la festa do primu maggiu avissi pututu siri n'uppurtunitati pp'arricurdarisi di st'episodiu. Succissivamenti, scantannusi ca la cummimorazzioni putia arrisultari truoppu a favuri do sucialismu ca stapia nasciennu, canciau l'uggettu da festa supra a l'antica urganizzazzioni di li Cavalieri do travagghiu.