Danubie
'U Danubie a Budapest
State	Germanie Austrie Slovacchie Ungherie Croazie Serbie Bulgarie   Romanie   Moldavie Ucraine
Longhezze	2 858 km
Purtate medie	30 km apprime de Passavia : 580 m³/s Vienne : 1 900 m³/s Budapest : 2 350 m³/s apprime d'u Delte : 6 500 m³/s
Bacine idrografeche	817 000 km²
Nasce	Donaueschingen
Sfoce	Mar Gnure
Cange le date sus Uicchidate  · Manuale

Bbene prutette da l' UNESCO
Delte d'u jume Danubie
Tipe	Naturale
Criterio	(vii) (x)
Perichele	Non in perichele
Ricanusciute da 'u	1991
Schede UNESCO
Manuale

'U Danubie (canosciute cu varie nome jndr'a otre lenghe ) je 'nu jume de l' Europe cendre-oriendale . Cu 2.902 km je 'u seconne corse d'acque cchiu longhe d'u continende (nnande 'u Volga ), e 'u cchiu longhe jume navigabbele de l' Aunione europee . Le suve fonde sonde jndr'a Foreste Gnure jndr'a Germanie , addo doje piccele jume, 'u Brigach e 'u Breg , se reauniscene a Donaueschingen . Je accumenzanne da quiste punde ca 'u jume pigghie 'u nome de Danubie, pure ce se tende a penza ca 'u Brigach sije a sove vote 'nu affluende d'u Breg , accussi quiste urtme ha dda esse gia 'u Danubie. Da le sorgende scorre verse est, e attraverse varie capitale de l' Europe cendrale e oriendale ( Vienne , Bratislave , Budapest e Belgrade ). Ad 'a fine d'u corse suve se scette jndr'a 'u Mar Gnure attraverse 'nu granne delte sus a 'u confine 'mbra Romanie e Ucraine . 'U delte d'u Danubie je 'ngluse jndr'a liste d'u patrimonie mondiale de l' UNESCO .

'U Danubie ha state pe' sechele 'na 'mbortande vije navegabbele. Canosciute jndr'a storie cumme une de le frondiere de le 'Mbere romane , 'u jume corre longhe le confine de dice pajesere: Germanie (7,5% d'u bacine idrografeche ), Austrie (10,3%), Slovacchie (5,8%), Ungherie (11,7%), Croazie (4,5%), Serbie , Bulgarie (5,2%), Romanie (28,9%), Moldavie (1,7%) e Ucraine (3,8%). 'U suve bacine idrografeche combrende pure 'na vannde de otre nove pajesere: Itaglie (0,15%), Pulonie (0,09%), Svizzere (0,32%), Repubbleche Ceche (2,6%), Slovenie (2,2%), Bosnie-Erzegovine (4,8%), Mondegnure , Repubbleche de Macidonie e Albanie (0,03%).

Etimologgije [ cange ? cange 'a sorgende ]

'U nome d'u Danubie jndr'a 'u rumene je Dunarea ; jndr'a 'u croate je Dunav ; jndr'a 'u bulgare e serbe je Дунав/Dunav ; jndr'a l' ungherese je Duna ; jndr'a 'u ceche , polacche , slovacche e sorabe superiore je Dunaj ; jndr'a 'u russe e ucraine je Дунай ; jndr'a 'u tedesche je Donau ; jndr'a 'u bavarese je Doana ; jndr'a 'u slesiane je D?naj; jndr'a 'u frangese e l' 'nglese je Danube ; jndr'a 'u spagnole e tagliane je Danubio ; jndr'a 'u turche je Tuna ; jndr'a 'u latine jeve Danubius o Danuvius ; jndr'a 'u greche je Δο?ναβη? ; jndr'a 'u romene e moldave Dun?rea ; jndr'a 'u romancie je Danubi .

Se penze ^{[1] [2]} ca quiste termine avenene da 'na andiche radice indoeuropee , ce je state requagghiate cumme d?nus (o d?- ) e segnefecave "jume"; otre 'mportande jumi europee sonde nnumenate accumenzanne d'a stesse radice, pe' esembie 'u Donec , 'u Dnepr , 'u Dnestr , 'u Don jndr'a Russie e assaje affluende chiamate Don jndr'a Inghilterre e jndr'a Frange .

L'origgenarije radice indoeuropee ha dda esse avenute a 'u latine tramite le lenghe celtiche , jndr'a 'u forme (requagghiate) *danu(w)-yo- ^[3] , oppure, seconne quaccheddune, attraverse le lenghe de le Scite e de le Sarmate , appartenende a 'u ceppe iraneche (p'u quale je documendate l' avestiche d?nu proprije jndr'a 'u segnefecate de "jume").

jndr'a 'u greche andiche 'u Danubie teneve 'u nome de ?στρο? Istros , ca se pote acchija pure jndr'a 'u latine jndr'a forme Ister .

'O stesse Danubie, innecate c'u nome suve tedesche Donau , e quatte suve affluende Gunz , Mindel , Riss e Wurm sonde ausate jndr'a paleoclimatologgije pe' inneca le cinghe ere glaciale .

Idrografije [ cange ? cange 'a sorgende ]

'U Danubie je l'uneche granne jume europee ca scorre da ovest verse est. Raggiunge 'a reggione d'u Mar Gnure nnande a 'nu viagge de cchiu de 2.850 km, ^[4] sveluppannose jndre 'nu delte de cirche 4.300 km² 'mbra Romanie e Ucraine . A differenze de otre jume, 'a lunghezze d'u Danubie je reggestrate accumenzanne d'a foce 'nvece ca d'a sorgende . 'U punde zere ufficiale je acchijate jndr'a cetata de Sulina ca se affacce sus a 'u Mar Gnure (addo sfocie une de le vrazze prengepale d'u delte). 'U bacine idrografeche d'u jume se spanne sus a 'na grannezze de cchiu o mene 805.000 km². ^[4]

D'a sorgede ad 'a foce, le prengepale affluende sonde:

• Iller cu 70 m³/s
• Lech cu 200 m³/s
• Naab cu 49 m³/s
• Brigach
• Altmuhl cu 22 m³/s
• Regen (se immette a Ratisbone )
• Isar cu 174 m³/s
• Inn cu 735 m³/s (se immette a Passavie )
• Traun cu 150 m³/s
• Enns cu 195 m³/s
• Morava cu 110 m³/s
• Raba cu 63 m³/s
• Vah cu 161 m³/s
• Hron cu 55 m³/s
• Ipe? cu 22 m³/s
• Sio , emissarije d'u Laghe Balaton , cu 39 m³/s
• Drava cu 577 m³/s (nasce jnr'o Irte Adige , Itaglie )
• Tibisco cu 794 m³/s
• Sava cu 1.564 m³/s (se immette a Belgrade )
• Timi? cu 47 m³/s
• Morava ( Serbie ) cu 232 m³/s
• Timok cu 31 m³/s
• Jiu cu 86 m³/s
• Iskar cu 54 m³/s
• Olt cu 174 m³/s
• Jantra cu 47 m³/s
• Arge? cu 71 m³/s
• Ialomi?a cu 45 m³/s
• Siret cu 240 m³/s
• Prut cu 110 m³/s

Note [ cange ? cange 'a sorgende ]

1. ↑ DNGHU Soqitis - Proto-Indo-European Etymologycal Dictionary, 2009 [1] [2]
2. ↑ J.Pokorny - Indogermanisches Etymologisches Worterbuch - a cure de G.Sarostin - online sus a IEED [3]
3. ↑ Douglas Harper - Online Etymology Dictionary
4. ↑ ^{4,0 4,1} ( FR ) Le Danube, Encyclopaedia Universalis 10 , artichele de Andre Blanc e Pierre Carriere.

'Ndruche pure [ cange ? cange 'a sorgende ]

• Jume de l'Europe
• Jume d'a Germanie
• Jume d'a Serbie

Otre pruggette [ cange ? cange 'a sorgende ]

• Uicchimedie Commons tene files multimediale sus Danubie

Collegaminde fore a Uicchipedie [ cange ? cange 'a sorgende ]

• Mappe satte-satte d'u Danubie
• ( EN ) Schede UNESCO d'u delte d'u Danubie