|
Questa pagina e scritta en puter.
|
un purtret da Søren Kierkegaard
Søren Kierkegaard
(* 5 da meg 1813 a
Copenhagen
; † 11 da november 1855 a listess lo) d'eira un
danais
teolog protestant e scriptur religius e filosofic. El vain considero scu un antecessur u perfin scu il fundatur da la filosofia d'existenza.
Per la granda part cumpilaiva'l sieus isegs suot pseudonims. S'ingaschand per un retuorn als origens dal
cristianissem
, giaiva sia polemica viepu cunter la cristianited da sieu temp ed impustut cunter ils rapreschantants da la baselgia da stedi in Danemarc scu p.ex. l'ovas-ch
Jacob Peter Mynster
.
Sieu adversari principel d'eira il filosof
berlinais
e penseder dal
idealissem tudas-ch
Georg Wilhelm Friedrich Hegel
. L'imbuttamaint da Kierkegard tunaiva cha'l penser objectivistic ed in sistems totels arteficiels falla la vaira situaziun dal umaun causa ch'ella saja concreta.
El svess ho inclet sia operiusited scu scriptur usche cha'l fo listess scu un meidi davaunt il let d'un amalo. Sias scritturas voglian esser medicina.
Sieu mod da bader e da descriver ils stedis da l'orma antecipescha suvenz ponderaziuns da la
psicologia
moderna.
- Uber den Begriff der Ironie. Mit standiger Rucksicht auf Sokrates (Magisterdissertation) = Davart la noziun da l'ironia. Cun resguard permanent sun Socrates (dissertaziun da magister 1841)
- Entweder ? Oder I/II = l'un u l'oter I/II (1843) (
text digitaliso
)
- Furcht und Zittern = temma e trembler (1843)
- Philosophische Brocken = buchedas filosoficas (1844)
- Der Begriff Angst = la noziun temma (1844)
- Die Taten der Liebe. Etliche christliche Erwagungen in Form von Reden = las acziuns da l'amur. Multifarias ponderaziuns cristiaunas in fuorma da discuors (1847)
- Christliche Reden = discuors cristiauns (1848)
- Die Krankheit zum Tode = la malatia vers la mort (1849)
- Einubung im Christentum = exercitaziuns aint il cristianissem, (pruma ediziun 1850, seguonda ed. 1855)
- Uber meine Wirksamkeit als Schriftsteller = Davart mia efficacited scu scriptur (1851)
- Zwei Reden beim Altargang am Freitag = duos discuors in occasiun dal ir tal uter in venderdi (1851)
- Der Augenblick = il batterdogl (1855)
- Gottes Unveranderlichkeit. Eine Rede = L'invariabilted da Dieu. Un discuors (1855)
